影片
港铁黄竹坑站B出口, 步行约2分钟
继续阅读
电话号码
28656333
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
食家推介
相关文章
決定去下新商場行下見到商場地面有一間都幾吸引眼球嘅餐廳餐廳環境光猛闊落 有木系既裝修俾人一個好舒服既感覺睇左餐牌啱食就入去☺️朋友叫左紐西蘭西冷 黑椒汁 鐵板上鐵板大大份 店員會於上菜時即時淋上醬汁鐵板既熱力 令鐵板咋咋作響 香氣四溢西冷牛扒大大件 仲有粟米 炸薯條 同蔬菜西冷牛扒牛味香濃 好夾個黑椒汁熱辣辣 特別好味附上的餐廳係羅宋湯配料很多 仲有牛腩架好濃味 超正🤩我自己叫左個 港式料理定食唔知係咪靈感來自日本定食呢超級多野食好豐富定食包括左六樣嘢，養生燉湯 + 茶碗蒸+前菜+主食+米飯+養生茶當日既養生燉湯 係蟲草花猴頭菇燉雞個湯好清甜 蟲草花猴頭菇味道好香好有家的感覺呀茶碗蒸 材料豐富 蛋味香濃前菜 韓式炸雞 辣度適中 好惹味估唔到前菜都咁大份主食：蒜香腰果翡翠牛柳粒好有鑊氣 牛柳粒大大舊 好淋荷蘭豆炒得爽脆加左錢揀咗個蘭王醬油飯大大隻蘭王蛋打入白米飯 橙黃色既蛋汁包住每一粒飯 加埋醬油更出色養生茶 係洛神花話梅茶 甜度適中 好滋潤之後我哋用半價加左兩個飲品話梅梳打特飲 - 好特別嘅配搭 但又好味喎 咸甜交雜既感覺紅豆冰 - 紅豆份量好多 奶味濃 仲唔會太甜添呀下次都會再帶朋友黎食下食物水準高 環境又好☺️
继续阅读
來到黃竹坑地鐵站一個新嘅商場Southside，發現有一間裝修得非常雅緻，又有cafe感覺嘅西餐廳<Table>，餐廳供應嘅食物非常創新，佢混合咗西式日式同港式餐嘅元素，感覺好有新意。先來一個中日混合感覺嘅晚餐，有咖哩牛腩配麻醬烏冬，日式茶碗蒸、薯仔沙律、中式餐湯、養生雪梨茶，另外仲加配咗一杯西式特飲，百香果烏龍茶。咖哩薯仔牛腩做得非常出色，佢嘅咖哩汁非常之香濃惹味，而牛腩嘅肉質非常之軟身，入口非常軟腍，牛筋腩嘅牛筋炆得非常軟綿，絕對值得推薦。茶碗蒸入面有好多材料，有雞肉、香菇、日式魚蛋等。而中湯材料亦都非常豐富，最驚喜就係佢個養生雪梨茶，入口青甜潤喉。另外叫咗一份牛柳扒餐，配有羅宋湯，亦都加配咗特飲，話梅柚子梳打。呢度嘅牛柳扒餐雖然都係百幾蚊，不過佢哋提供應嘅牛柳質素都非常之唔錯，絕對比一般港式扒餐嘅餐廳做得優勝理想，佢哋嘅牛扒食材質量幾好，牛肉味夠濃，可以order五成熟或七成熟，做得非常驚喜。整體來講，百幾蚊人均消費就可以食到比一般cafe餐廳更為理想同特別嘅套餐，實在值得推薦。
继续阅读
The Southside 係香港仔南區一個新嘅商場，亦都係寵物友善商場。今日嚟到table同班朋友食個下午茶，餐牌上嘅價錢唔算貴，係冰室嘅價錢，但就係坐cafe嘅享受。拔度腩水門雞飯 配冬瓜湯朋友話，出咗糧，要食豪啲，加錢轉埋雞髀😂仲要飲特飲添🤣雞髀鮮嫩，起骨後吃落啖啖肉。冬瓜湯加入胡椒，與雞飯味道十分匹配！芝士安格斯牛肉漢堡配美式薯角精心烘烤的香軟麵包，芝士加上爽口生菜等層次滋味， 如果牛肉可以再厚身啲就更加juicy! 安格斯牛肉漢堡扒北海道咖喱蛋飯滑溜香濃嘅雞蛋配上惹味嘅咖喱汁同白飯，簡直就係最和諧嘅配搭。招牌香煎肉餅飯熱辣辣，肉汁滿滿的，肉餅煎到啱啱好，口感都尚算豐富。花生醬西多士味道雖然簡單，但充滿蛋香。脆炸雞中翼配田園沙律沒有厚厚嘅炸粉，外脆內軟，炸雞翼真係百吃不厭！特飲熱情果烏龍茶味道較淡，適合唔鍾意飲甜嘅人士！話梅柚子梳打話梅配上柚子，都幾清新，係夏日清爽之選！紅豆冰 凍檸茶超爽快！ 下午茶必飲之選！
继续阅读
朋友介紹喺黃竹坑商場有間抵食嘅Fusion餐廳，有個港式調理晚餐，只需百零蚊就有齊晒湯、小食、主菜同埋飲品💰 一個餐有成六樣食物，真係夠晒豐富。養生燉湯用個小瓦煲裝住，真係夠晒熱辣辣。今日嘅燉湯係蘋果桂圓排骨湯🍎 入面仲有紅棗、桃膠同埋瑤柱，係一個滋補嘅靚湯。茶碗蒸港式風味嘅套餐，竟然會有茶碗蒸呢種有日式風味嘅小食。茶碗蒸味道清清地，有冬菇同埋日式魚糕🍥前菜意式番茄蝴蝶粉沙律係一份西式又飽肚嘅前茶。紅油抄手一份有四粒，入面係菜肉餡料，面頭仲有大量蒜蓉，重口味之選。🧄主食主食都有幾多選擇，我哋就揀咗兩款港式風味。超濃粟米脆魚塊，粟米汁較杰身，送飯一流🐟 大澳蝦醬豆卜蒸腩肉，腩肉肥瘦分明，蝦醬味道好香🦐米飯套餐本來配白飯，但係我哋加咗錢將佢升級。蘭王蛋醬油飯蛋黃上碟嘅時候已經篤穿咗，加上有少量嘅醬油喺底，更加可以令到蛋香更昇華🍳 胡麻醬烏冬麻醬嘅份量適中，烏冬彈牙，撈埋紫菜同埋麻醬，好有日式風味🍜飲品養生茶係帶少少甜味嘅菊花茶，入面仲有杞子同埋菊花，係清熱嘅好選擇🌼 紅豆冰用上咗花奶配軟綿綿嘅紅豆蓉🫘 粉紅西柚烏龍茶味道酸酸甜甜，幾開胃。本來以為套餐用半價加配嘅飲品係將套餐有嘅養生茶升級變成其他特飲，但係原來加配飲品係Extra多兩杯特飲🍹所以今餐我哋有四杯飲品🤣 呢度嘅鐵板晚餐都好受歡迎，身邊好多人都係嗌呢一個鐵板餐，個賣相都唔錯，下次可以一戰😮
继续阅读
TABLE @THE SOUTHSIDE．黃竹坑新食力！最近，黃竹坑的 THE SOUTHSIDE 開了好多新餐廳今次我就特意去咗位於 LG 樓的 TABLE 餐廳想試下呢間分店有咩特別，結果真係唔失望，平靚正，值得一試！一入到去，餐廳的環境裝潢簡約而時尚，仲要有棵樹係中間光線柔和，讓人感覺輕鬆自在服務員都好親切，招呼得好周到首先，我試咗佢哋的凍奶茶。呢杯奶茶真係好正，奶味濃郁，冰涼的口感非常解渴朋友要了杯熱情果烏龍茶，果香四溢，酸酸甜甜，搭配烏龍茶的清香，味道非常清新另一杯是粉紅西柚烏龍茶都唔可以錯過西柚的微酸與烏龍茶的甘醇相得益彰口感層次分明，微酸少甜，真係好好味！試咗佢哋的吉朱蛋蓋飯，飯底柔軟，滑蛋流心，香滑可口，搭配上香濃的咖哩醬，每一口都令人感受到幸福感，實在太好味了！吉朱非常香脆可口，厚切多汁，炸的出色！朋友是養生專家，選了養生燉湯套餐，套餐包茶碗蒸、蒜泥白肉、杏片西檸雞球同胡麻烏冬。茶碗蒸滑嫩可口，味道清淡卻不失鮮美；蒜泥白肉則係一個不錯的開胃菜，蒜香四溢，帶出肉質的鮮甜；杏片西檸雞球是主角，很有水準口感相當特別，外脆內嫩，酸酸甜甜的滋味令人驚喜胡麻烏冬則係一碗極具風味的麵條，胡麻醬的香氣融合得恰到好處，吃完之後讓人心滿意足最正係個燉湯足料香濃的養生菇菇湯用予豬展、雞腳去燉色清味濃，上品之作我點咗鐵板牛柳配磨菇汁，五成熟的牛柳嫩滑多汁，磨菇汁香濃，搭配上面嘅蔬菜，味道更加豐富。粉嫩的牛扒，五成熟，每一口都令人陶醉另外，佢哋的羅宋湯都值得一讚，湯底香濃，配料多樣，有番茄、洋蔥、胡蘿蔔等，整體味道非常鮮美，暖心又暖胃。TABLE 餐廳的食物質素非常高，價格方面亦相對合理，特別係以這個地段來講，真係平靚正餐廳：TABLE地址：黃竹坑香葉道11號THE SOUTHSIDE LG樓LG03號舖
继续阅读