Tamora

营业中

休息中

Ice Matcha Cream Latte $56Ice Strswberry Latte $62兩杯飲品做到層次分明，都好適合打卡。Matcha Latte奶味偏重🍵，啱哂怕苦嘅人，飲落好順滑，冇一粒粒未溶嘅粉。Strawberry Latte甜度適中🍓，唔係用糖醬嗰種死甜，面頭仲有啲士多啤梨乾可以咬下。依個價錢比起其他市區嘅cafe都算好良心。Triamisu $75價值同份量相比，略貴咗少少～食Triamisu最驚就係太濕，好彩佢哋都冇依個問題。屬於入口即溶type，酒味唔會太濃，同可可比例啱啱好，互相中和到大家嘅苦澀味🥄。依間cafe裝修偏韓國工業風，度度都係打卡位📸，可惜去嘅當日樓上樓層裝修緊，唔開放。二樓好似有落地大玻璃同露台Area，景觀更開揚🌇。

因安排同事farewell ，特別選去這間有特色嘅cafe. 幾個月前試過都ok, 諗住再去。都有睇過近期啲評價，心諗都係去啦！點知一去到，2個staff 嘅面口仲黑過煤炭，問下上面嗰幾層係咪唔上得去，只覆一句“唔知道”。強烈極度不推薦到此店！！！

📍Tamora📍#alldayeateateat_大埔 大埔人氣打卡Cafe🙌🏼如果假日入到嚟大美督又或者踩單車嘅朋友仔，不妨可以試一試呢間Cafe，個景的確唔錯，不過咁啱今次你撞正裝修同埋假日，所以好多食物都已經賣哂，而且開放唔到2樓上去坐，有啲可惜🥹不過個人覺得性價比唔算高，不過偶然食一次都唔錯嘅☺️➖➖Corn Cheese Cake $75評價:8/10由於cheese cake完未賣晒，所以就試吓佢嗰個粟米嘅芝士蛋糕食落去真係好好味！份量唔多，不過好香濃嘅粟米味！同芝士好夾🍰值得一試！➖➖➖Tiramisu $75評價:7/10味道正常，唔算話好特別，有咖啡同埋酒嘅香味，食落去幾滑😀，值得一試，不過份糧都唔多。➖➖➖Latte (cold) $52評價:7/10咖啡味香濃好飲，不過以凍飲嚟講個份量真係太細杯🥺望住個海一路嘆咖啡係一件好舒服嘅事☺️不過留意返佢嗰度有最低消費，所以如果要打卡就一定要起碼買一杯嘢飲先☕️➖➖➖服務: 7/10衛生：7.5/10回頭指數：6/10地點：大埔大美督村46B號地舖至2樓中意嘅朋友仔記得Like&follow @all_day_eateateat

全石屎清水樓般的裝修狀況，環境絕對不妥當。飲／食品跟網上餐牌很大差異，現場大部分飲／食品都無得提供。完全沒有適合孩子或青少年的選項可以提供。職員態度差：不單未能向客人解釋為何現場飲／食品選項與網上餐牌差異大的原因，只懂說是每人必須買一份飲／食品。基於沒有可供青少年客人的選擇，我們只能買三份適合成人的飲品，其餘四個青年人只能失望地等待成人盡快完成已經買了的飲品，但職員立即到我們餐桌表示不是每人買一份就不能留下來，這種選項欠奉但卻勉強客人要每人買一樣飲／食品的做法，實屬強人所難。一定不會再來這間咖啡店，以色浪費時間及交通，我們兩個家庭專程由清水灣駕駛兩架家庭車到大埔希望嘗試一下此咖啡店，結果來倒著胃口及絕對失望並十分不愉快地離去。離開後，心情很快回復平靜，但不想將來有其他客人遇到這種爛店，決定將經驗與網上人士分享。

外觀ok嘅（雖然2/3樓好似裝修緊），冷氣夠晒涼。 座位一般舒服但都有足夠空間感同光線。飲品質素真係好麻麻，iced latte 唔係一般，而係唔好飲嘅程度，苦味唔香嘅咖啡加無奶味嘅奶。50蚊細細杯（熱飲杯大小但凍飲係貴過熱飲幾蚊）。 一間cafe連咖啡都做得唔好，難啲會想再幫襯。75蚊嘅tiramisu反而幾好食，有咖啡酒香同埋幾滑。 份量啱啱好。self-service 形式無乜問題。但得個黑色垃圾袋放地下倒垃圾有啲唔美觀。而且無好似韓國咁有個corner 放抹布/清潔劑比客人自助清潔枱面有少少唔方便。

岩岩個週六下午碰上了橫風橫雨都堅持去左大埔韓風ᴄᴀꜰᴇ好彩咁大風雨佢都有開🍀☕️· - - · - - · - - · - - ·💛 ᴊᴇᴊᴜ ʏᴜᴢᴜ ᴀᴅᴇ 🍋‍🟩🍹夏天好鐘意飲啲清爽野飲叫左濟州柚子梳打➰超清新ғʀᴇsʜ🏅但無左靚靚打卡杯🧡 ᴄʀᴏꜰꜰʟᴇ ꜱᴀɴᴅᴡɪᴄʜ 🥪 牛角包窩夫入邊包住咗巴馬火腿，芝士同埋滑蛋，仲有蛋黃醬，鹹甜混合❤️ ᴄʜɪᴄᴋᴇɴᴄʀᴀᴠᴇ ʙᴀɢᴜᴇᴛᴛᴇꜱ 🥖 好豐富，有法包包住雞胸肉、番茄、馬蘇里拉芝士、生菜、紅洋蔥、芥末 👅 暴雨之下輕食一輪⛈️· - - · - - · - - · - - ·

真心覺得好伏 都唔明點解網上啲人會推薦😅 本身入嚟諗住靜靜地休息下 同朋友傾下計 點知二 三樓裝修緊 cashier 有貼到張紙話暫停開放 但就冇講會有噪音 點知一坐低就噪到爆炸 樓上無限鑽牆 同朋友傾計傾到好似喺演唱會講嘢咁… 完全唔chill… 仲要嗌咗杯Matcha Cream Latte 味道普通 份量少得可憐 冰嘅體積仲多過水🙂‍↕️🙂‍↕️🙂‍↕️收我$56蚊… 我寧願去連鎖店買都好過山長水遠嚟飲🙂‍↕️ 最後留咗10分鐘頂唔順走左 唔會再嚟 都唔建議嚟🙂‍↕️🙂‍↕️❌❌❌

Tamora位於大埔大美督，建築物是由村屋改建而成，咖啡店的整個氛圍有點像來到了韓國咖啡店的感覺呢～🇰🇷🫶🏻 不過到訪當天樓上兩層正在裝修，所以只開放地下樓層，有點失望🥹 而店內的裝潢是水泥工業風路線，簡約耐看，很適合打卡✔️📸🤍Croffle Sandwich (HKD88)🤍Matcha Croffle (HKD70)🤍Iced Vanilla Cream Latte (HKD56)個人認為這裡的食物質素比飲品更高，Croffle挺鬆脆，咸甜Croffle的味道各也很不錯👍🏻 而Iced Vanilla Cream Latte則太甜，而且咖啡味也不夠濃🙅🏻‍♀️📍Tamora - 大埔大美督村46B號地舖至2樓

Tamora Cafe @大埔大尾篤Tamora係濟州既意思係「小島團聚」，三層連天台既建築風格簡約，用水泥風以及紅磚設計，落地玻璃令到室內夠哂光度影相，加埋地理位置近湖邊，好似去左韓國濟州島度假咁，呢度開業唔夠一星期已經成為網民熱棒既打卡新地點，仲要係寵物友善Cafe，好多人都有埋小動物過黎放鬆下～

平日2點泥，諗住可以安靜坐下，比完錢買左野，我諗住上樓上坐，佢先話依家裝修緊，淨係開地下，甘諗住都無所謂，上面吾開姐，咪坐樓下。點知等緊野食，野食都未到，就開始不停鑽牆，師傅大大聲講野，所以其實吾係淨係樓上裝修緊，其實連地下都會受好大影響，地下果層根本就吾適合坐係到，同係地盆0分別。0告示，買野時又吾會主動講有工程會有噪音問定介吾介意，好差既體驗。兩個員工都係到，一個吾記得吾緊要，兩個都無講，係有心吾講定點。唉，失望。

本人並不是一個會寫評語既人，但係因為今次既深刻經歷，決定要寫返一個評語，因為服務真係好差。公眾假期黎呢到，二樓三樓唔開。職員賣完野就由d顧客自己搵位，無限制用餐時間，個個食完野都坐係度，企左好耐，職員可以完全毫無安排，你等你事，無人處理秩序。叫左一個chocolate waffle同一杯 iced cappuccino ，算普通。幾好食都假，何況真係無特別，剩係門口打下咭就夠，放假入黎大埔等半粒鐘真心唔值

我最近造訪了位於大美督的濟州風咖啡店。儘管這個地方位置有些偏遠，但被網路上看到的照片吸引，讓我決定前來朝聖。到達後才發現，儘管偏遠，但人流卻非常多，我花了大概一個小時的時間排隊才能點餐。找到座位也是一番艱辛，不過幸好這家咖啡店有三層樓，提供了相當多的座位。雖然食物選擇不多，味道也不算出眾，但裝修實在太美了。這裡的風格讓人彷彿置身於韓國，讓整個用餐體驗更加特別。總括來說，這家濟州風咖啡店值得一試，尤其是對於喜歡韓國風格的人來說，這裡絕對是一個值得造訪的地方。

今天到了大尾篤一間由村屋改建的Cafe，這間Cafe三層樓高。Cafe的空間10分大，很多客人帶了小狗過來，也可以打卡。餐廳採用落地玻璃的設計光度十足，Cafe是工業風設計，高層可以看到對面湖的景色。點了一個窩夫包、雞肉法國包及咖啡，法國包十分之硬，價錢偏貴！食物質素普通

清靜、寬敞，超大空間！如果開埋上面兩層就肯定唔駛同人迫，係香港好難得cafe有足夠空間。雖然對住個垃圾站係有啲煞風景，但寧靜闊落嘅店內環境非常適合慢慢嘆杯咖啡。可惜一杯普通嘅latte，無額外要求，都沖到好似廿四味咁苦，仲要盛惠$48。飲品質素唔夠，價錢太高，只得舖面有特色。希望Tamora檢討下，日後可以沖出一杯對得住$48嘅咖啡，做到對得住咁有格調嘅裝潢。否則啲客只會嚟影張相、打個咭、然後走人。

有朋友介紹呢間cafe，一去到已經覺得好靚，打卡一流，裏面環境闊落，坐得好舒適而且可能因為位置問題，唔會好多人叫咗四杯嘢飲，全部都好好飲！Vanilla Cream Latte，上面層vanilla cream好幼滑，好厚身，mix埋咖啡，奶味好濃郁！Matcha Cream Latte，抹茶味香濃，有creamy 的奶味，但又唔會蓋過茶味Chocolate Latte，朱古力奶嘅味道，朱古力味啱啱好，唔會好甜Yuzu Ade，柚子梳打，杯飲品賣相好靚，而且好多柚子醬，配埋梳打好refreshing！