Taylor Shellfish Farms (高街)

营业中

休息中

坐咗喺户外區，雖然今日30幾度，但有部大風扇吹住，感覺都ok，貪佢户外有幅植物牆，又人少少，都幾chill幾好feel我地3個人叫咗1個龍蝦海鮮湯，6隻生蠔，墨魚汁意粉同魷魚蝦春卷，海鮮湯好好飲，海鮮夠新鮮，份量都夠3個人食；生蠔新鮮，好肥美同好鮮甜，正！魷魚蝦春卷口感豐富，值得一試！意粉都好彈牙，個墨魚腸好juicy！唔錯唔錯！侍應好熱心好caring，不時出嚟睇吓我地有咩需要，又好熱心介紹，知道我地有人生日仲請我地小酌咗一杯添，絕對會再幫襯同推介朋友嚟呀！

今日朋友生日，第一次book位試呢間海鮮餐廳，一嚟到發現侍應好貼心咁留咗門口露天同餐廳最入較靜位置畀我哋揀。侍應mark同joe服務態度好好同好細心，不時有走入嚟睇下我哋有咩需要。叫咗龍蝦海鮮湯，墨汁意粉，魷魚捲同生蠔，全部海鮮都好新鮮，生蠔有好多款唔同國家選擇， 價錢合理，龍蝦湯好飲好濃郁，意粉應該係手工意粉，好彈牙。留咗蛋糕最後食，二位侍應好有心思咁幫我哋個蛋糕擺盤，會推薦大家同值得再嚟，我都一定會再嚟食

見到呢間餐廳已經一段時間，有次睇到介紹原來呢度嘅蠔都好出名～仲有自家製嘅蠔場，所以訂咗位嚟試吓！龍蝦海鮮湯 - 有好多款海鮮，龍蝦湯好好味👍龍蝦啖啖肉！生蠔 - 待應介紹咗幾款，超新鮮！仲比我地見到like&share 社交平台post就會送多隻蠔👍👍墨汁魷魚豬肉腸意粉 - 份量唔係好多啱啱好，幾好味～但食完牙都黑埋，食完影合照要注意吓😂呢度嘅侍應超級友善同埋helpful！特別係serve我地嘅Mark & Joe! 有傾有講好nice😄好耐無遇過咁nice嘅侍應！最後仲請我地飲咗d嘢👍勁nice

嚟呢度食慶生飯，完全係睇網上介紹惹來嘅，位置到有少少難去，不過好彩都搵到。因為大家都鍾意食海鮮，聽聞呢度唔錯，所以就嚟咗啦。我哋叫咗生蠔，海鮮拼盤，龍蝦湯海鮮拼盤……係，你冇睇錯，我哋真係叫咗兩個海鮮拼盤，因為都係老闆介紹話好好食嘅叫我地試，不過可能老闆真係太高估我哋啦，最後相嘅龍蝦湯海鮮拼盤我哋食咗三份一唔夠就已經承諾，唯有打包返屋企。生蠔係唔錯嘅係新鮮嘅，老闆推介嘅幾款都符合我哋要海水味重嘅要求。至於個海鮮拼盤，我哋就覺得美國蜆同埋蝦偏向淡味，感覺一般。至於個龍蝦湯海鮮拼盤呢，味道係好嘅，但係唔夠熱，呢一點我覺得要扣好多分。

服务好，东西好吃，mark&joe服务很不错我和朋友过来度过了愉快的时光，环境也很漂亮。柠檬水也好好喝，总之值回票价。安静舒适的西营盘店现在很少了啊，会再来的.

簡單幾句形容，環境舒服，氣氛好，生蠔新鮮肥美，種類夠多，適合唔同口味，Mark Lee 既service 非常好、非常專業，good vibe，大🈵️足之晚餐 今晚order 咗生蠔拼盤set C 配Chateau Carbonnieux 2014炸蠔春卷黑松露炸薯條Seafood stew 黑松露蒜蓉包墨魚汁意大利粉，配墨汁香腸 盛惠$3300，人均消費約$1000，

First experience at this restaurant.  The French oysters (Marennes Oleron and Gillardeau), both my favorites are surprisingly good.  Fresh and well prepared/served, particularly it's not the best oyster season.  Also, thanks to the staff who served and explained in a professional manner.  Forgot to take photos of the Alaska crab, salad, pasta and drinks, my mistake but all were good.  Will come again.

先生帶我第一次來餐廳，慶祝情人節，餐廳環境簡單舒服，入座後職員介紹情人節套餐，但我們決定散叫，職員即時細心介紹多款生蠔比我們試食，餐廳有20多款生蠔可以選擇，生蠔送來檯時，職員更講解從那款開始食，我們試食了4款，質素不錯。而熱食選擇了海鮮鍋，裡面有龍蝦，帶子，蝦，青口，蜆，翡翠螺等等，湯底是龍蝦濃湯，附上熱辣辣蒜蓉包點湯用，味道實在非常的好，當我們食完海鮮後，職員細心安排將湯底再加熱，變為2碗濃湯，真心覺得正！實在值得再encour

西營盤民居比較多，但只要細心睇一睇，其實街道上都隱藏左好多小店，而且色香味俱全。揸車經過咁啱見到有得可以泊位，就決定試一試呢間生蠔餐廳。佢有室外同室內，餐廳設計外國味濃，所以決定坐係室外當作下午茶試試😋。愛爾蘭 Ireland Majestic ($49/pc) 下肉質幾肥美，而且有淡淡地既海水鹹味，食到中間有甜甜地既感覺，幾creamy 。法國 Tsarskaya ($59/pc) 右上俄羅斯出口去法國的，超級濃海水味，識落又鹹變甜，口感好特別。法國 Grillardean ($59/pc) ⭐️ 左上聽職員介紹話呢隻生蠔要養幾年，再擺返入去田池培養先會俾人食，所以佢超級肥美，識落啖啖肉，好有層次感，鮮味十足，蠔香留係個口至少有幾分鐘。白毛豬火腿沙律 ($68 ~ lunch special)Surprisingly 白毛豬火腿份量多過菜，鹹鹹地再加埋少量黑醋係沙律，十分清新。 Asahi 300ml ($58/2 ~ lunch special offer 50% off)。火龍果汁 ($58)鮮榨的，但水既份量都多，所以比較稀回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️

同朋友慶祝生日🎂不錯選擇比原定時間早到左幾個字，無話唔比我早入坐。我地order 左一個生蠔🦪同白酒set, 由淡至濃味，總共5款，超級新鮮😋一次過滿足晒慾望另外，叫左一個seafood stew 超級濃郁既龍蝦🦞湯加什錦海鮮，無得輸。再加蒜蓉包一齊食，超頂好味😋侍應已預先同我夾好左，當我示意就上蛋糕🎂甜品款式只有一款，芝士蛋糕，味道唔錯，唔甜，仲有個Linabell 裝飾🥰🥰🥰好可愛🤩🤩餐廳侍應服務態度好好，仲幫我地影左好多相生日兩位朋友表示滿意

The manager whose name is Mark Lee, he is super friendly and nice, he is very kind and considerate, he prepared a birthday dessert for my friend and helped us took lots of photo from different angle.The oysters are fresh and juicy, the sesame chicken wing is super super delicious which was recommended by Mark 👍👍👍I would come again just for the saseme chicken wings😋😋Service is excellant. Small decent shop, Would highly recommend this place to anyone who loves oysters and looking for friendly serv

半山西式海鮮小店，食物質素很好，生蠔新鮮，焗蝸牛超水準之作。生蠔和青口有很多選擇，店員亦樂於介紹。主菜是海鮮鍋，有七種海鮮，配合龍蝦湯底，很好食，兼過足口癮。兩位店員（一人為Mark Lee 先生，另一位我不知道名字）服務態度殷勤，雖然menu上沒有甜品選項（我去到才發現），但他們依然為我訂位時的要求為太太準備生日蛋糕及搞氣氛，配合OpenRice 訂位送紅白酒一杯，埋單才千三元，超值之選，期待下次再幫襯。

簡單黎講成個用餐過程非常愉快！！！一上生蠔拼盤 Mark哥好主動幫我地合照上菜時間完美配合用膳速度菜式同平時食開既想像唔同，好味有驚喜最深刻係原本點左法式1664試下，點知Mark哥只係斟左少少比我，原來係比我試味！ 等我試岩先再比一大杯我（最後試埋同點左Asahi）可能少係餐廳飲酒 但好似都未見過咁好可以比客人慢慢試到岩先order 有少少受寵若驚XD有機會一定要試下墨汁意粉 好玩又好食🤣第一次出食評😂冇咩文筆 總之就係正喇

下午4點去到，附近有好多錶位可以泊車，四週嘅環境都好有特色，有係外國嘅感覺今日我哋兩個人主要係傾下計，所以呢度環境都好啱唔會嘈。職員推薦咗一個生蠔Set，有唔同地方嘅生蠔生蠔新鮮😋Set嘅價錢亦都好合理，跟4杯飲品可以慢慢飲。最驚喜係個Seafood Stew非常非常好味係青口有一隻麻麻哋，龍蝦湯底香濃鮮甜又creamy😋😋配埋個蒜蓉包真係非常好味道職員都好有禮貌好熱情🙂環境都唔錯！會再去👍🏻

今次已經係第二次嚟，上一次來係剛剛開張嘅時候。高質服務咁多年來一直都冇變到。Menu有10幾種生蠔選擇，價錢非常公道，OpenRice訂座更加有88折， 十分抵！而且侍應非常熟悉每一種嘅特點，推介嘅都好合我嘅口味，上枱嘅時候總會介紹由邊一隻食起。兩個人食咗八隻生蠔，都係揀爽口同清甜嘅居多。生蠔極度鮮甜同肥美，大滿足。熱食揀咗炸魷魚圈同埋蜆肉雜菌意大利飯。作為一間主打海鮮嘅餐廳，佢哋嘅side menu真係意外地高質。魷魚圈份量非常足，炸粉好薄，魷魚炸到啱啱好，香口得來仲好Juicy。意大利飯仲有一粒粒嘅咬感，絕對唔會煮到好爛。絕對係誠意之作，有驚喜。兩個人嗌三樣嘢已經夠晒飽。連埋嘢飲同甜品，埋單都係$7xx，冇得頂。