TC2 (Tea Coffee Two) (已結業)

門面裝修幾靚，所以入左去，覺得完全中伏了。2個人叫了西冷，三色薯皮同pizza。Pizza係用烤餅做底加啲料係面，好重奶味同超油。三色薯皮烤得過火了。西冷即有4分1是脂肪

喺太子舊區開左好幾間cafe 揀左呢間試下 還好星期日晚唔洗等位 呢間cafe裝修帶點懷舊 昏昏暗暗 其實唔係我喜歡嘅格局 點了兩個set dinner 一個係忌廉汁煙三文魚什菌天使麵 一個係安格斯牛扒 先上兩個沙律 我地揀左一個鮮果沙律 一個煙鴨胸凱撒沙律 Caesar salad正常 味道洽當 驚喜的是鮮果沙律 內裡有蘋果 梨 青蘋果 哈蜜瓜 鮮甜好味再來上餐湯 得個酸字 飲左半碗已經停手 到上主菜 忌廉汁煙三文魚天使麵 個汁冇乜味 普通貨色安格斯牛扒 落單時order左五成熟 上到枱一切 大鑊 起碼變左七成熟 失準 牛扒太熟 就算原本好食都變唔好食啦其實附近cafe越開越多 如果要䇄立不倒 喺食物水準上真係要用心點

太子地鐵d出口過馬路右邊就係~叫左4個tea set，每一個餐食物連埋野飲都都唔錯！呢度d下午茶ge分量好多，幾抵食！Pizza﹣酥皮餅底，幾脆同埋好夠熱，上面有d 粟米芝士，非常creamy！同平時食嘅脆底薄餅唔同，感覺新鮮！香蕉花生醬飛碟﹣裡面d花生醬好多一粒粒花生，同香蕉好夾，個包烘得好脆！公司三文治﹣裡面有煙熏三文魚，鴨胸，生菜個toast 幾脆同埋熱， cream 幾滑~服務態度良好，每一樣野都新鮮整，上菜速度唔算快但係都可以接受！無限時唔會催你走，會再來

出完job 搵下太子附近有咩好食 忙裡偷閒見到呢間都幾多好評 結果係無錯 特別如果你想同fd 休閒食個lunch 傾下計係一個好嘅選擇紅磚牆 喇叭播住音樂 入到嚟就有一種relax 嘅感覺 見到餐廳都幾有格調 佈置上都花咗啲心機餐廳都好細心 每張枱旁邊靠牆都有張細凳俾你擺袋 一坐低就會遞上水叫咗個蜜汁豬頸肉 lunch set 先嚟餐湯 同 包 湯好足料 好味包有少少Dry 慢慢食 食完無耐就到新主菜喇~豬頸肉一啲都唔Un 有咬口 好入味 好食 有少少茄子 蔬菜 粟米伴底 茄子有少少辣 惹味 最後就係餐飲 叫咗榛子朱古力( +$2)寫了happy Friday 俾我 隔離兩枱我見都係畫咗比卡超 女士們收到都好開心Anyway 收到我都好開心咁樣過咗個優閑下晝 店鋪細節上顯心思 推介！

今晚去左太子邊行邊搵食。隨便入左呢間 我個fd叫左雞扒意粉 我叫左寶雲穌羊架 個頭盤雜果沙拉 份量太大 味道一般正常 個紅湯係難飲既 個主菜同杯凍檸茶 真心難食難飲 最尾餓住咁走

同家人去咗太子嘅TC2食晚餐，我哋叫咗幾份套餐再加小食，不過因為意粉類感覺麻麻，就唔特別講喇。煙三文魚沙律，啲菜都幾新鮮。鮮果沙律，呢份就跟套餐嘅，不過都唔細份，同埋冇話出晒水咁，唔似係整定放入雪櫃嗰種。小食拼盤，有墨西哥辣汁粟米片、餃子雞翼、台灣腸同炸薯角，成碟都係香口炸嘢，都幾邪惡。三色焗薯皮，即係分別釀咗洋蔥火腿、蛋沙律同吞拿魚嘅焗薯皮，同之前啲小食比明顯唔係太出眾，不過入面啲餡都幾多，睇得出唔hea。木糠布甸，其實仲叫咗其他甜品，不過呢款係最眼前一亮，木糠餅碎同煉奶忌廉嘅比例適中，又唔會甜到漏。

近期喜歡去咖啡店食晚飯，一來飲杯咖啡，二來通常唔趕人！上網搵到呢間咖啡店，地點唔就腳，行到去覺得門口特別， 紅木框玻璃門，內在似間書店加咖啡店，紅燈光加不成套嘅木桌椅，有種隨意嘅格調！ 坐在中央嘅二人枱，店員先比杯水加餐牌我，我選擇困難症發作，食物有晚餐，可以散叫小食，本來想食意粉，但晚餐個意粉又唔喜歡，散叫又無意粉，最後叫了晚餐嘅扒餐！ 跟餐野菜沙律：份量都幾大，羅馬菜為主，夾雜啲粟米粒同紅蘿蔔絲，令爽脆口感有層次！沙律醬唔會太多，酸酸地開胃！ 跟餐餐湯：洋蔥薯仔粟米湯，湯杰身，好似食緊薯蓉，中間夾雜好多粟米粒同洋蔥，增咬口，口感豐富，蒜茸包外脆內軟，好香蒜蓉味，雖然油但唔膩！好味 芝士蘑菇焗牛柳（$148）賣相好特別，脆酥皮墊底，上面嘅牛柳好淋身，加啲炒過嘅芝士蘑菇，醬汁辣辣地好味，薯角外脆內軟，外面味粉香口，蔬菜只有好少，幾棵西蘭花加粟米！好在爽脆唔淋！ 即磨咖啡：拉花有啲散散地，咖啡香濃微澀！加完啡糖剛剛好！甘味可解膩！食物水準唔錯，成份餐嘅食物都好味，食物會等我食完一樣先上另一樣，唔會有趕嘅感覺，店員一路我我食完一款，收走隻碟，好細心，我睇餐牌睇咗好耐，見住店員在廚房

同朋友本身想去另一間cafe既，點知超黑仔佢執左笠囉😖經過見到D間門口都ok就入去試下喇！下午茶時間都唔係好多人可能平日掛.. 我地都諗住食小小野hea一陣...shopping完好攰😅結果都係叫左2個 Tea Set☕️ 薯角熱辣辣外層又脆口...正 D個係細siza既...點餐時可選大/細，當然唔同價錢啦🤗 個拉花好有心思呀！今日又正好陰天有小小雨🌧 嘩...連凍飲都有拉花😍好得意既🐷🐷 下次會再黎...除左無限時....又好有禮貌喎😉同一班朋友傾下食下都好好👍🏻

這次被開飯邀請前往做個意見諮詢，所以被邀請前來TC2，並安排了些小吃。TC2除了地下坐位，還有2樓，環境也坐的舒適，都合適開Party或和朋友前來閒談坐坐的。雖然是開飯的意見諮詢，但TC2的食物和飲品的味道確實又不錯的。*************************相約了下午前來TC2，TC2離地鐵站也很近，5分鐘內便到達了。雖然在門外一看，內裏地方很少，但原來還有2樓，所以都能坐的人多。來到，便安排好了小吃。在一邊諮詢之下，一邊享受美食。煙鴨胸沙律，鴨胸味道不會很咸的，肉質也有彈口，配上沙律菜也很新鮮爽口，一起吃都不錯。 煙鴨胸味不錯好吃，煙火腿的肉也不會很梅口，味道也是咸香味。煙三文魚的煙魚味也香，入口三文魚的肉也是不梅口，不錯的小吃。 蒜香台式腸、炭燒豬頸肉、脆炸薯角。蒜香台式腸都幾香蒜味，入口又甜甜地，真的像在台灣所吃的腸仔一樣的口感。 炭燒豬頸肉都幾惹味，肉質又幾彈牙。脆炸薯角很惹味香口，入口薯仔味香濃，還要連帶皮吃，更加吸引。 忌廉芝士焗鮮菇。忌廉芝士內加入了火腿粒，放在鮮冬菇上焗，入口除了芝士忌廉的香味，還能吃出冬菇的味道，細細一口一個又好吃。

耐唔耐都會過來TC2，念佢氣氛優閒，又時不時有d文化活動，可以乘機扮下文青🤓。呢晚约咗個舊同事食飯吹水。我哋安排上2樓，是夜2樓有半個場包咗，不過因為有「趟」門，所以都唔糟，而我哋坐個角落仲幾自成一閣添。食咗個set dinner:鮮果沙律：蛇果mix青蘋果，大大粒，有甜有酸，蘋果幾新鮮，水份好充足，有d驚喜。海鮮忌簾湯:蜆肉ok多，忌簾味唔算太濃，跟湯蒜蓉幾得。西冷牛扒：扒都幾大份，但叫咗well done所以出事，老咗⋯無得怨😆跟扒個醋汁甜甜酸酸，中和返西冷d肥膩。熱檸水：正常。是日因有人包場，溫柔嘅服務生同我哋講上菜會慢少少，服務不嬲唔錯。

最近有開cafe嘅念頭，但慢慢籌劃先發現原來一啲都唔容易。店主係新聞人，一睇就知係好醒好有個性嘅人。飲食都係一種創作、一種表達，非常欣賞店主喺店內勇於表現自己嘅立場，真正關心香港嘅良心小店。呢個薯皮係必點嘅，薯皮脆而不乾，有三款唔同餡料，分別係蛋沙律、吞拿魚同火腿，款款都好濃郁，好香洋蔥甜味，超級好食第一次點呢個辣肉腸粟米片，估唔到係分開上，變相好似有兩道小食咁。記得上次點咗個辣汁粟米片，就淨係得個dipping sauce(個汁都好好味), 呢個只係貴幾蚊，啲腸份量又足，抵食好多。個辣汁好好味，微辣濃茄香草味，好味到想叫個「靚仔」嚟撈汁羊架，呢個應該算係佢嘅招牌菜，好多人點安格斯牛扒，份量真係十足十店員服務態度真係超好，好有禮貌好有熱誠好細心店主係咖啡書法家應該睇過舊圖都知，感激他總是靜靜地為我們的「人間」美好回憶錦上添花記於2015區選連根拔起後

玩左成日好疲倦所以番到屋企附近先食野，見到唔洗等就入左去食野啦！餐湯味道唔錯，唔太濃!兩款沙律份量都好足夠味道清新，安格斯肉眼扒味道一般，唔知係咪太肚餓薯菜配雪魚柳兩啖食晒，成碟餐薯條大個魚柳，定真係魚柳太細!!!!

去年今日起香港發生的事，相信很多人仍未忘記。一年過去，情況未見有什麼突破，位於太子-差不多是整個香港的正中位置-的 TC2 Cafe & Workshop，緊貼著時代的脈搏，裡面的陳設在在提醒大家，勿忘初衷，繼續關注我們的家。（圖為店內《前線‧焦點》新聞攝影比賽的2014年度圖片 Photo Of The Year 之展覽。）這家見證著大時代咖啡館，關於他們一路走來的歷史，網上已有不少論述，在此不贅。對我來說，卻又不只區區一家文青/「沸青」cafe 這樣簡單。不是很久以前還要為考試奮鬥的時候，就抱著書本和 iPad 躲到這裡邊喝著咖啡邊讀書（貪其有 wifi），然後好友出國為其餞行，閨蜜出閣為其籌謀，統統都在這裡發生，載滿了跟朋友共同度過的美好時光。就最近這一次吧，跟友有大事共商，今次自己不用啃書，便隨手拿書架上的書來看（部分更在店裡寄售）。我懷疑這裡的店員和咖啡師不是天賦異稟便是觀察力特強，cappuccino 上的圖案完全反映了我的心事！（這杯攝於去年秋天）食物方面，下午茶的食物未算什麼驚世美味，大夥兒點幾款分享倒是有小時（！）去樓上 cafe 邊吃 party food 開會的感

今日朋友話要吹水。而太子酒吧就多，咖啡店真係少之又少。竟然係太子D出口附近找到間cafe。最後大約10點左右去左一間tc2試試。榛子朱古力$34：味道超淡，冇咩朱古力同榛子味。其實幾失望。似淡朱古力奶水。唯一好係飲品面寫上enjoy Friday... 熱榛子咖啡$38：這杯好味過朱古力。起碼味道還有。凍左味道都夠濃。榛子味重過咖啡 。而寫上人月兩圓。飲品不叫十分好飲，但以cafe黎講都叫正常。但坐的位置舒服而吾嘈。2個人想傾計都係吾錯選擇。如果星期五黎收01：30。可以慢慢坐而吾會比人趕走。

Sometimes Hong Kong just needs few more cultural oasis like TC2 cafe where you can experience the diversity of local cultures!Saturday with a very interesting latte art "無鉛咖啡" ( coffee without leads) that match the recent local news so much! (Excessive lead found in local fresh water supply) Such a comfortable discussion space where no pushy staff disturb us/forcing us to leave ASAP (so heartwarming when the staff offered us wifi after knowing that we were abt to start a meeting)There are many p