Tea台屋

营业中

休息中

難得來到紅磡食晚飯，卻不得不說的一間垃圾食堂，冇人排隊可以直入原來係有原因的！1. 服務員態度差：其實係鋪頭都唔多人，但都可以同佢地講左幾次要杯水既簡單要求都做唔到，最後攪到d飯來曬，d員工都係到玩電話... 自己出去拎算2. 食物質素：所有野都好hea, 收禁既價錢真係垃圾到冇朋友到最後，比錢見到要收加一（即係服務費），但成程都冇服務，真係死都唔會再去！ 我比錢來食野唔係買難受商場入面既餐廳已經唔算多，真係希望呢間台式餐廳既老闆好好跟進！

搬屋已經一段時間，但係從來都未飲過屋企附近呢間珍珠奶茶雖然我係好鐘意飲珍珠奶茶，但係因為怕太甜好似飲糖水，所以多數都叫少甜而今次都唔例外，叫左少甜呢杯珍奶份量好夠，斟到滿滿的我覺得呢度既珍珠奶茶同埋珍珠都唔算太甜（我仲要少甜左），如果唔算飲得甜既人可以trytry唔少甜都得但係呢我覺得呢度既珍珠奶茶既味好standard，我覺得似係沖粉個 d 多過自家煲茶好似同葵涌廣場幾蚊杯個d 味至於珍珠都唔錯，幾有咬口，因為唔算甜所以我全部都食曬

啦啦啦返學lunch時間食咩好？基本上，polyu方圓3公里內，我食過既餐廳，我都已經食到唔想再食。今日試下開咗幾個月（？）既台屋。因為我太愛都can既吉野家，所以呢間台屋一直都未試到～【野飲】今時今日，走塑已經係大勢所趨啦，堂食點會仲比外賣杯的呢？扣分～ 【滷蛋豬大腸肉燥飯】bad bad bad，一上枱已經好臭好臭。我都幾喜歡食豬大腸，都好習慣豬腸既味，但係呢條真係真係好臭，係臭到一上枱我自然反應係遮住個鼻。同埋入面都好多肥下，我懷疑洗得唔乾淨。我食晒既，係滷得好入味既，我唔想再回憶果條臭腸，講完。肉燥個賣相都好差。肉燥個樣，加豬腸既臭，正呀喂！！！！【炸花枝丸白魚蛋新竹米粉】我朋友的，佢話無咩味，個湯好淡，但個花枝丸炸得幾好，幾香又唔會太油。同埋好細碗。完。總結，今日我explore咗一間我之前未食過既餐廳，然後我知道，我以後唔會再黎～ 

試左招牌珍珠鮮奶紅茶，24 蚊，同天仁差唔多價錢。但係好失望，味道超級淡，冇茶味，冇鮮奶味。最接受唔到係d珍珠好軟，好似放左幾日咁。唔明點解可以賣到咁貴。好伏。唔會再試。

睇子華神之前，係都會搵野食先！😳 都會變左好多同我當年住附近d 餐廳都變曬了😳 選擇左一輪朋友決定左食台灣野😆.朋友叫左外婆滷肉飯拼青瓜 肉量都多bro🧐 有滷豆腐同滷蛋朋友話都幾好食😌佢清曬全碗🤣🤣🤣我就叫左鹽酥雞配米雞好脆👀 炸得唔厚粉！份量都幾多！好juicy 既肉👏🏻😎價錢黎講係平均80-90 一個人🤔都算中上價錢既消費👀珍珠奶奶係外賣包裝，唔洗急急飲曬佢可以拎住去行街街，重可以叫少甜少冰😊😊

第一次係外賣返屋企食...老公同我都覺得食 味道一般不值隔左兩個月，自己再俾次機會佢....細碟都算我唔明肉燥飯點解可以變左做油浸飯！忍唔住同店員反映，佢都無咩反應。希望快快有有心做的食店補上，俾我多一個好選擇。

這間台式餐廳新開幾個月，今次第一次來到，試試它的午餐，點餐是採用自己寫紙的形式的。我選擇了58元的紅燒牛筋腩麵，它可以免費轉新竹米粉或米線，我就轉了米粉。飲品也有很多種類揀，大路的台式飲品都有，而且不用加錢。很好的一點是它在點餐紙上已有幾種不同甜度選擇，不過就沒有冰度選擇。我就點了冇糖的凍仙草奶茶。很快的，杯奶茶就先上。整體來說，奶茶的茶味和奶味都很淡，可以話係冇味，好在仙草份量都足，稍微有仙草的味度搭夠，才叫有味一點。碗米粉說實話賣相普通，湯底一看便知只是普通的湯，絕不是用骨頭熬出來那種，然而這就是一碗麵的靈魂🤦🏻‍♀️有一點失望......但是可幸的是，其他食材居然都不錯，蘿蔔清甜無渣、新竹米粉一貫的好食，最驚喜的是，牛腩和牛筋有很多塊，兩者相比之下，牛筋要更好吃，入味有膠質的感覺，牛腩就都好吃，只是一兩塊有點韌，所以這碗米粉整體是合格的。總括而言，可以不用特地來食，這個價錢我想可以在其他地方食到更好的台灣牛肉麵😛

經過呢間台式餐廳門口，覺得裝修得都四四正正，又唔多人，於是就入去試下。唔試由自何，試左就把幾火先黎一個爆脆豬扒飯，聽個名以為好吸引，上到黎見到真係O曬嘴，D豬扒好似俾人碎屍萬段左甘，仲炸到又燶又深色，食粉醬多過食豬扒。再黎個早古味炒米粉，成碟米粉又油又咸，難以下嚥，唯有叫左杯水去洗走佢D油同咸味。臨走諗住俾多個機會佢，叫左個黑糖草莓芋圓仙草外賣，外賣盒已幾要加多兩蚊，但我又唔係堂食，但佢竟然無分開計，又收多我10% service charge，真係亂甘黎。 返去打開個糖水，佢用左一個裝麵既大碗去裝住佢地，D糖水都未到個碗一半深度，賣相好奇怪，不過呢一刻我都已經見怪不怪，反正呢一間餐廳完全俾唔到任何「用心」既感覺俾我，所有野都係是是但但，求求其其，佢地既「無heart」完全地反映左係食物質素同服務個度，重點係佢地收得一D都唔平！想有回頭客？我諗都幾難咯！

下晝同fd經過置富都會發現呢到新開咗一間食台灣嘢的餐廳，覺得肚餓於是決定開餐。嗌咗一個紅燒牛筋腩煲同埋一個一品煲牛筋悶得夠腍，入口即化，牛腩夠大舊，滿足晒我哋呢d鐘意食肉嘅人。同行嘅女仔亦都話好味。一品煲入面除咗肥牛之外，蘿蔔都值得一提，d湯汁全部吸收到，勁甜。聽事頭婆講，d湯煲咗幾個鐘，完全冇味精。唔怪之得飲完湯之後都唔會覺得頸渴。如果大家有機會過到嚟，一定要試下佢嘅珍珠奶茶，茶香味濃，珍珠夠Q同埋佢哋服務態度可以算係五星級

同朋友行下街 咁岩經過就睇到佢地個餐牌 一個下午茶餐配珍珠奶茶、蜂蜜綠茶等，先至30幾蚊 出面至少要十幾蚊一杯諗住試下都無妨，就叫左多士配3.6牛乳雪糕同蜂蜜綠茶，一共$35，仲要免加一，勁正！佢d多士烘到岩岩好，唔算太燶，脆脆地，再配埋冰凍既雪糕，至佳的解暑方法下次會再幫襯！佢個環境都乾淨，用黃色為主題，感覺幾新鮮，好彩去既時候係下就，只係少少人，平時聽佢地講中午就好多人如果想同朋友仔high t，簡下就去就唔錯啦

平時喺紅磡返學，成日都會發掘附近有啲咩新餐廳，本身諗住去都會canteen食嘢，點知經過見到呢間新開既台灣野，就決定試下！中午套餐就包埋嘢飲，但係個價錢就唔算太平我就叫左個《外婆滷肉飯》$45 餐飲就叫咗珍珠奶茶不過其實都幾失望，就咁睇相都知佢嘅滷肉偏乾身，肥瘦分布都算平均，但係就冇咩滷水汁，亦都冇油，成個飯偏乾亦偏淡珍珠奶茶都唔係好好飲，茶偏苦而奶都唔係好夠，珍珠都算夠煙銀嘅不過應該唔會再嚟食喇下次...

黎到都會見到一間新開嘅餐廳，見唔少行過嘅人都攞住杯珍珠奶茶，而餐廳入面人流都唔算少就諗住試下，但故事教訓我唔好亂咁試新野。佢午餐嘅選擇唔算好多。去親台式餐廳成日都係叫牛肉麵就算，今次見呢度有個比較新鮮嘅野食，豬手沾麵，心入面覺得好神奇，沾麵唔係日本野黎嫁咩於是就抱住個勇於嘗試嘅心去冒下險。野食上到枱之後我都呆左一呆，雖然我未聽過台式沾麵，但腦海入面想像嘅樣都唔係咁，佢嘅賣相比我想像之中...頹。可能因為比佢嘅賣相嚇一嚇，食落口覺得味道冇想像之中咁差，都算係正正常常嘅。味道都冇佢個樣睇落去咁冇味，但都係偏清淡嘅口味。出事嘅地方係豬手，韌得濟，好難咬得開。白蘿蔔都好多渣但我覺得更加出事嘅係杯珍珠奶茶。本身特登叫左用外賣杯裝，諗住可以食完一路行一路飲，最後都係冇攞走度。叫左微糖，甜度都可以接受，但佢茶味真係幾淡，飲落口雖然唔係話係一陣奶味咁嚴重，但成杯野就係一個淡字。

甫走進「Tea茶屋」便被清新的裝潢所吸引，店內以白色及木材為設計風格，配以柔和的燈光及不同的綠色植物作點綴，予人舒適自在的感覺。適逢下午茶時段，店內有多款價格相宜的茶餐連飲品供選擇，我與好友點選了當中三款一同分享。「台式醬牛肉牛肚湯麵」的湯底清甜不油膩，適合愛好清淡的人，麵條彈牙，牛肉大塊連著筋嚼勁十足，而牛肚亦入味口感適中。「外婆滷肉飯」滷汁香濃，份量十足，滷肉接近飯量一半，每一口飯都能混著滷肉一起吃，感覺滿足。「芝士煙肉薯條配脆爆雞翼」雞翼果真如名字所抽述，外脆內嫩無雪味。

這個地點非常一流呀，係喺紅磡站則邊果個廣場，嗰度本身都有頗多選擇，而我今日就試下佢既下午茶， 睇下可唔可以喺我個食晏list度加一個場地先!几抵嘅一個下午茶，40零蚊有一碗滷肉蛋飯同飲品，滷肉幼嫩、滑口、入味； 糖心蛋我就比較鍾意熟小小既蛋黃，但又唔想佢好乾身，這裏整得啱啱好喎，成碗好有台式風味。可惜嘅係珍珠奶茶係唔夠味，茶味稍淡，所以奶同糖突顯咗出黎。如果呢到有改進的話都不失為睇演唱會前的好選擇啊。