Terrace in seaside (MOKO新世紀廣場)

营业中

休息中

之前去過其他分店，呢度新開左，設計比較開放式，好多座位，中間仲有植物打卡位! 我地今次既晚餐就食左:.🍗酥脆雞胸軟骨同坊間出面食既一粒粒雞軟骨唔同，佢係一條條咁，以原條雞軟骨咁炸香，口感好爽脆!.🐙炸大魷魚伴炸醬麵魷魚真係超大😳原個炸，肉質好有咬口，炸醬麵醬汁好濃郁，撈麵好入味.🥘韓國螄蚶拌飯超大份量的伴飯，有好多螄蚶，仲有數件大蝦，醬汁辛辣.🍊柑橘窩夫窩夫好鬆軟，充滿蛋香味，係完全唔點醬汁或忌廉就咁食原味都好好味! 加左柑橘同柑橘醬酸酸甜甜咁好開胃!.🍍熱情金菠蘿沙冰呢杯菠蘿沙冰好好飲，質感好rich好綿，菠蘿味好出! 大愛!.🍊濟州柑橘乳酪味道好香甜

韓式小清新CAFE🍊Terrace in seasideʕ๑’ㅅ‘๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡呢間人氣cafe越開越多分店🧡今次新店進駐係旺moko商場！餐廳以韓國濟洲柑橘做主題 好多打卡美食添啊～🤎炸大魷魚伴炸醬麵💲1️⃣9️⃣5️⃣呢個炸醬麵真係好入味 麵質又好煙韌✨醬汁味道鹹鹹甜甜咁 幾好食( ´͈ ᵕ `͈ )♡仲有大大隻炸大魷魚係面頭🦑好香脆的！🧡柑橘窩夫伴雪糕💲1️⃣3️⃣5️⃣賣相靚靚嘅柑橘窩夫🍊女仔打卡就一流✨佢有大大嚿窩夫x4 份量好多！一定要share先食得哂~窩夫外脆內軟🧇中層夾雜住小小creamჱ̒⸝⸝•̀֊•́⸝⸝)‪仲有個柑橘汁淋上窩夫 更加酸酸甜甜咁🧡💛濟州柑橘乳酪💲6️⃣8️⃣💛熱情金菠蘿沙冰💲6️⃣8️⃣兩杯飲品打卡都好靚呀 賣相夠哂吸引人！濟州柑橘乳酪呢杯 有柑橘香味加上乳酪 就偏向酸酸地咁🍊而熱情金菠蘿沙冰就相對會再甜啲🍍兩杯都好重果味～💙酥脆雞胸軟骨💲6️⃣2️⃣岩岩炸好的雞胸軟骨🐥口感好香脆有咬口！🤍韓國螄蚶拌飯 💲1️⃣9️⃣2️⃣呢個拌飯好足料 大量螄蚶 配上彈牙大蝦🍤拌飯就咁食就會有啲微辣( •̀ᴗ•́ ) ̖́-另外仲可以包住紫菜/紫蘇葉連拌飯一齊食添🍃咁就更加有風味～

星期日三大兩小去食brunch，一去到個個staff都黑口黑面，叫人落單都要叫幾次先揾到個識做既，似乎好多都係part time，完全咩都唔識做行行企企既就多，偶爾見到有後生既staff喺度吹水傾偈郁手郁腳打情罵俏咁…….啲野食出得幾快，但真係只係可以作打咭用。嗰個炸魷魚炸醬麵，哪有大魷魚，只係佢個麵份量唔大，照片比例上好大，炸粉仲厚過佢隻魷魚，似係要用厚厚既炸粉令隻魷魚睇落大隻啲。另外仲叫左件流心芝士豬扒，首先芝士係流心既，但並唔係豬扒，係將好多肥豬肉捲埋一齊既豬肉卷，肥肉同瘦肉既比例係8比2…..比較正常既係waffle，但呢個質素有好多地方都做到，大家真係要避雷….樓上間the pantry雖然嘈啲，但都比呢間好好多。

體驗差到第一次要寫食評想搵人落單冇人理有個侍應yap左手就冇返過嚟等嘅途中留意到好多台都落唔到單😂有台客係個媽媽抱住個仔，個侍應攞住杯野飲fing下fing下咁上菜，個呀媽都忍唔住叫佢冷靜啲。。到真係落到單幾樣想食嘅野都冇直接放棄，諗住食個飯同窩夫就過隔離食譚仔食完飯想搵人上甜品又係搵唔到人有個侍應係隔離要嗌4-5次唔該，仲要係出盡奶力咁大聲咁嗌先應😂個飯同窩夫都係好好食嘅，用料都新鮮不過服務真係差到破壞曬所有野成餐飯都不斷見到其他枱上錯菜、冇人理嘅狀況真係唔建議俾錢買難受

韓國小清新橘子主題Cafe🍊環境小清新🌿連店員頂帽都有造型好可愛😆✅酥脆雞胸軟骨小食好香脆，唔會太難咬開，雞胸軟骨係一條條，口感好正✅韓國螄蚶拌飯螄蚶唔係間間餐廳都有得食，平時食越南餐見得多，配韓式拌飯別有一番風味，最中意夾住紫菜同飯一齊食，如果俾多啲紫菜就好✅炸大魷魚伴炸醬麵炸醬麵口感煙靭，味道甜甜地好開胃，好中意嘅醬😋魷魚大份又香脆✅柑橘窩夫伴雪糕甜品擺盤好靚😍柑橘香甜唔會好酸，窩夫焗得好鬆軟✅濟州柑橘乳酪原個柑橘放係度，賣相夠吸引，打卡好睇又好飲，乳酪味濃郁，柑橘味清新😌✅熱情金菠蘿沙冰原粒迷你菠蘿勁可愛😍味道清新好飲

第一次忍唔住要打食評，佢地會係你食緊野果陣，問你駛唔駛收碟，駛唔駛執枱，但明明仲食緊碟上既野食，之後會問你兩次叫唔叫甜品，唔叫轉個頭又再執野，前前後後大約俾人問左7-8次，望下個時間，原來都只係食左一小時左右，終於明白點解愈黎愈少人出黎食野…食物就正正常常，未去到好驚艷，炸雞正常，意粉普通，其餘食物都係普普通通，再加上可能晚市無哂兩、三樣特色飲品環境黎講都算唔錯，但對住果堆趕你走既服務，有幾靚都無心情欣賞了

木系舒適設計，處處都會見到柑橘橙色，亦有綠色植物作裝飾佈置！👉🏻前菜分別有醃蘿蔔同魚片，非常開胃！👉🏻柑橘窩夫伴雪糕 $135賣相好靚，窩夫鬆軟香甜，配柑橘嘅酸甜風味，好清新，不會太甜膩！👉🏻炸大魷魚拌炸醬麵 $195勁大個炸魷魚，外型好似個大蘑菇，魷魚酥脆，入口就好彈牙，炸醬麵醬汁濃郁，口感煙韌，讚！👉🏻濟州柑橘乳酪 $68大大個柑橘果殼做裝飾，新鮮果肉同乳酪打融，清新又酸甜，絕對係呢度嘅signature！👉🏻韓國螄蚶拌飯 $192新鮮嘅螄蚶，夠鮮嫩，仲有大蝦，好有海鮮風味，後勁個辣非常惹味，仲可以加埋紫菜一齊食！👉🏻熱情金菠藣沙冰 $62大大個菠蘿好吸睛，用新鮮菠蘿果肉同冰塊打融，軟綿綿嘅沙冰，好解渴！👉🏻酥脆雞胸軟骨 $62脆脆嘅外層，配有蛋黃沙律醬，炸得香脆！

全新MOKO新分店!! 無論環境和食物打咭都一流，燈光好光猛，坐得舒服特飲和甜品一定不可以錯過，見到已經心心眼! 😍😍🍴韓國螄蚶拌飯米飯炒熟之後，再加入新鮮嘅螄蚶同其他調味料拌勻。每一口都可以感受到米飯的鬆軟口感同螄蚶的鮮甜🍴炸大魷魚拌炸醬麵大魷魚經過炸至金黃酥脆，口感酥脆多汁。配上拌炸醬麵，麵條口感彈牙，醬汁濃郁，味道偏甜，帶有粒粒肉燥，口感層次豐富🍴酥脆雞胸軟骨雞胸肉經過炸至外酥內嫩，口感酥脆多汁。軟骨部分則帶有嚼勁和鮮美的雞肉香，配上特別的青瓜沙律醬，既能提鮮又能增添風味🍊濟州柑橘乳酪濟州柑橘較本地橙較香濃，乳酪口感滑順，帶有柑橘的清新香氣，飲落爽口清涼🍍熱情金菠蘿沙冰用上整個菠蘿，打咭拍照一流!!!!清甜多汁，沒有酸澀味，金菠蘿和乳酪的味道好融和，甜度合適和冰沙細膩，果香滿溢又解渴🍴柑橘窩夫伴雪糕窩夫外酥內軟，帶有香氣和柔軟的口感。搭配冰涼的雪糕和柑橘的風味，帶來一種甜蜜又清新的口感。每一口都可以感受到窩夫的酥脆和雪糕的滑順

琴日去咗旺角moko商場食terrace in seaside 見個餐廳最近出care bears🧸主題 於是就同friend食呢間點知服務態度超差!!!😠😡🤬入座之前有個侍應話「今日有特別優惠活動 滿$400可以有care bears 🧸禮品換購」 之後我同friend就食埋甜品🍮湊夠$400 點知埋單嘅時候 我問侍應係咪滿$400可以有care bear禮品 個侍應答「冇晒」 😠問佢點解派晒唔同客講 個侍應冇答我!!! 🤬🤬不可理喻🤷🏻‍♀️然後100%飽100%怒氣走!!!

全港第八間分店新開張🥳人氣打卡韓式Cafe📸❤️大熱度假風主題🏖️#sdm旺角 #sdm九龍塘 #sdm九龍灣 #sdm屯門 #sdm啟德 #sdm元朗 #sdm沙田 #sdm尖沙咀 #sdm韓國菜 💎 韓國螄蚶拌飯 $192值得一試‼️（😋：8.2/10）👍🏻：其實每次食完都唔係好知螄蚶係乜嘢🤣🤣不過佢調味調得好好食🤤少少鹹鹹哋辣辣哋咁，好開胃😗反而幾隻大蝦就冇乜點調味嘅🦐食落會淡啲，但係食到蝦嘅鮮味🌊👎🏿：。💎 炸大魷魚拌炸醬麵 $195必食💯💯 （😋：9/10）👍🏻：可能係我喺香港食過最高質嘅炸醬麵🤭😍真係同韓國食過嘅好似🇰🇷好正宗，好好食🤤鹹度，杰度都啱啱好🍝炸大魷魚🦑就真係好大嚿😂我鐘意啲user friendly啲切細細舊嘅會好啲🙈👎🏿：。💎 酥脆雞胸軟骨 $62可以一試✅（😋：7.9/10）👍🏻：呢個口感好特別，就係似雞柳同埋雞軟骨嘅合體版🍗有肉食又可以有軟骨咬下咁🍖🦴👎🏿：。💎 柑橘窩夫伴雪糕 $135值得一試‼️ （😋：8.9/10）👍🏻：好靚📸ig打卡able💯仲要係好食的😍個柑橘醬係重點🍊超出色😂😂其實已經勁飽🤭但我依然堅持食晒成碟🤤講個笑話俾大家聽：😂我哋自拍🤳拍到成個

因為朋友好鍾意𝓒𝓪𝓻𝓮 𝓫𝓮𝓪𝓻𝓼 🐻，所以係特登為咗佢哋先嚟，餐廳環境以木系舒適為主，啤啤打卡位唔多，但係本Menu真係超級靚，整得好有心思，今次當然要點一下好靚嘅啤啤飲品同窩夫打卡！「每一隻Care Bear都有不同的顏色，肚子上並有獨特的圖案來表達它的個性。如有兩朵花在肚子上的Friend Bear，他相信，沒有基麼比一個能陪你度過順境和逆境的好夥伴更重要的了。」彩雲窩夫🧇 $118窩夫入面有啲似雞蛋仔質地，cream 好甜要夾窩夫一齊食先得，但係味道都OK。彩虹樂園蛋糕 🍰$68「Care Bears 的家是由軟綿綿的白雲、彩虹、星星和心形的角色組成」外面嗰層cream都幾厚，忌廉就係牛油蛋糕味，我自己麻麻哋鍾意，入面嘅餡料就酸酸甜甜。💜紫薯南瓜冰 $52完全無紫薯味，反而似藍莓益力多沙冰，但係嗰隻藍莓味有少少藥水。🍊半半炸雞🍗全晚最好食，炸雞🍗味道唔錯，算香脆，柑橘醬酸酸甜甜好開胃，牛肋骨醬味一般。X'mas Gift 🎁 Box $288CareBears in Terraceland水杯 Xl曲奇餅 X3 優惠券X5呢個box真係好靚，有一張半價優惠卷，所以都抵，Fans

門口一直冇人，都唔知係咪要自己入去搵枱，等到有人過黎又一直係個櫃執野又唔招呼人，喊佢又表現得好唔耐煩。上菜啲人明顯枱號都冇記住，睇佢攞住啲野食成間舖轉左個大圈。想搵人加水又見唔到人，分工好混亂。上菜同埋單時又咩都唔識講，眼睛仲一直望住其他地方，上菜時手一伸丟低食物係枱邊就走，同客人完全冇眼神接觸，埋單時放低張信用卡，仲要遞到佢面前舉到手都攰先慢慢伸手收卡，一直又唔知望緊乜就係唔望人，食物都唔算平但服務態度非常不合格

再一次試Terrace in seaside，上次試完啟德店，將佢放咗落 “no next time” 系列。有一日同事試咗moko分店，食物好食好多，又有care bears 主題，服務又好好多。今日決定俾多次機會佢 😝餐廳喺3樓，前排商場裝修，唔再做food court ，將food court間開做唔同嘅餐廳。幾間餐廳連住，大家嘅裝修都係半開放式，餐廳同餐廳中間無間隔牆，都可以互相望到。可以令餐廳睇落大啲，開揚啲。雖然無間隔牆，但係又唔會好嘈，坐得幾舒服。之前食過同層另一間餐廳，同樣唔錯，之後會補返食評 🤪韓式豬手 (半份) ($122)Jokbal족발個餐牌同airside分店有啲唔同，可能airside分店唔係好大，廚房整唔到太多款式，moko分店食物選擇多好多。起初怕豬份份量太多，後來見到可以叫半份，兩個人食份量夠哂。豬手已經切好，另外會俾埋紫蘇葉、生菜、辣椒碎、生蒜片、麵豉醬一齊食。豬手厚薄切得岩岩好，包埋生菜一齊食，都唔會好狼狽，可以保持儀態😌而且肉質好軟，好容易就咬得開，食嘅時候好方便，好容易食。香濃肉醬千層麵 ($95)Lasagna라자냐本來係想叫蜆肉燉飯，準備落

#旺角地膽 今次去柑橘主題嘅韓式Café – Terrace in Seaside . 啱啱喺旺角MOKO開業！韓食忠粉梗係要立即去試！餐牌主打韓式輕食、小食、飯，意粉等、而甜品同特式飲品更加入柑橘原素添！木系小清新裝潢，坐位濶落舒適！🍊韓國螄蚶拌飯有爽口彈牙嘅大蝦同味道鮮甜嘅螄蚶，配搭辛香爽辣嘅泡菜炒飯飯粒香口帶點麻油香，跟韓國人放在紫蘇葉及紫菜上食，口感豐富具層次感！🍊炸大魷魚伴炸醬麵頂層有一隻巨型嘅炸大魷魚！炸至金黃色！一口咬下香酥鬆脆，炸完嘅魷魚不失彈牙口感！相當出色！傳統炸醬麵超入味又掛汁！十分美味！🍊酥脆雞胸軟骨雞胸軟骨炸得外層酥脆，帶著軟嫩嘅雞肉，配埋蛋黃醬食更滋味！ 🍊柑橘窩夫伴雪糕超igable 嘅柑橘窩夫～一上枱已香散發柑橘香氣，柑橘味道清甜果汁滿滿，窩夫外酥內軟，配搭鮮忌廉同雪糕一齊食大滿足！🍊濟州柑橘乳酪全個柑橘裝飾好吸睛，香甜嘅濟州柑橘加上新鮮的乳酪，味道酸酸甜甜，清新又開胃！🍊熱情金菠蘿沙冰同樣係原個菠蘿超可愛！菠蘿味嘅沙冰，味道清甜帶有小小果肉！清爽又解膩！ Terrace in Seaside📍旺角太子道西193號MOKO新世紀廣場3樓346&347號舖

旺角新世紀又開左幾間新餐廳，今日食左呢間超吸引👍🏼 。🥢酥脆雞胸軟骨 ($62):呢個酥脆雞胸軟骨真係好好味！雞胸肉炸得酥脆，外層酥皮金黃色，肉質鮮嫩多汁。軟骨部份脆口有嚼勁。。🥢韓國螄蚶拌飯 ($192):呢份韓國螄蚶拌飯真係帶有韓國傳統嘅風味同鮮美！拌飯裡面有豐富嘅螄蚶同埋蔬菜，配搭埋特製嘅醬汁，味道鮮美又開胃，飯粒軟糯。。🥢炸大魷魚伴炸醬麵 ($195):大魷魚炸得香脆，外層金黃色，內裡魷魚肉鮮嫩。配搭埋特製嘅炸醬麵，麵條香口，醬汁濃郁。。🥢柑橘窩夫 ($135):呢個柑橘窩夫烘烤得香脆，外層酥皮，內裡鬆軟。伴上香滑嘅柑橘果醬，帶有一啲酸甜嘅味道。。🥢濟州柑橘乳酪 ($68):呢個濟州柑橘乳酪真係清新又滋味獨特！乳酪濃郁滑溜，加入濟州柑橘嘅果肉同皮層，帶有柑橘嘅香氣同酸甜味。。🥢熱情金菠蘿沙冰 ($68):呢個熱情金菠蘿沙冰真係清涼又開胃！沙冰上面擺滿金菠蘿粒同埋金菠蘿醬，帶有濃郁金菠蘿嘅香甜味道。