Terrace in seaside (THE SOUTHSIDE)

营业中

休息中

《神話豬腳紫蘇拌飯》豬腳炆得超級腍 整齊排列好 清楚見到肥瘦層次食落豬皮軟彈 肉質入口即化夾埋橙紅色紫蘇拌飯 特別惹味.《醬燒牛肉飯卷》飯卷包住既飯粒口感QQ的內餡有嫩滑多汁既醬燒牛肉 夠哂入味 配埋蛋🍳、青瓜🥒、酸瓜、紅蘿蔔🥕爽口清新 層次交織.《士多啤梨窩夫🍓🧇》之前喺其他分店試過柑橘窩夫 今次試吓士多啤梨同樣賣相充滿少女心窩夫外脆內軟 士多啤梨非常香甜夾埋士多啤梨醬 更加甜美.《提拉米蘇》好少見呢個外型嘅Tiramisu 手指餅上邊有輕盈綿密既奶油 同可可粉味道先苦後甜 好過癮.《濟洲柑橘乳酪》呢到既signature 飲品 枱枱都有叫杯上既濟洲柑橘🍊 有人會搣埋嚟食入邊真係有新鮮果肉杯入面既柑橘乳酪 酸酸味味 好清新.《朝露玫瑰花茶》底下紫色 漸變到上層既黃色 連簡單一杯花茶都整得好靚味道清香唔會太甜

等左咁耐 南區大型商場Southside 終於正式開幕 🎉早幾日約埋幾個朋友行下準備食個lunch，我地大約12:30 到Terrace in Seaside，等左大約15 分鐘，餐廳唔大，多數都係2-4 人嘅細枱其實之前都去過Terrace in Seaside 其他分店，所以我地發現黃竹坑店嘅menu 同其他有少少出入，例如黃竹坑店係冇咖喱烏冬嘅我地叫左肉醬千層麵，炸雞同飯卷冇幾耐之後，店員同我地講兩款飯卷（三文魚/ 海膽）都冇晒，得返牛肉同明太子，以閒日(星期四) 12:45 嚟講實在早左少少sold out飲品方面，我地叫左三杯，後來上左飲埋先發現有兩杯其實係錯嘅，不過我地已經飲左所以都冇出聲等左20 分鐘左右終於上菜，千層麵比較重口味，味道都唔錯，可惜上到枱係凍嘅，而我地本身叫左甜辣炸雞拼柑桔味，上枱後發現係柑桔味配一個menu 上冇嘅味道 （因為另一隻係冇任何醬汁而餐牌上冇原味選項），所以我地都幾一頭霧水 😅 炸雞份量偏細，性價比唔高整體嚟講，可能係因為開業第一個星期，所以整間餐廳感覺比較混亂而出錯都幾多 😅 希望之後運作方面會有進步 -🍽: 超級肉醬芝士千層麵🍽: 半半炸

話說大家行過黃竹坑嗰個新商場未呢？我最近就去咗嗰邊行吓，好多舖頭，所以都比較好行🧐然後我就去咗食呢一間非常出名亦都好多分店嘅terrace in seaside～因為係新分店，所以裝修都乾淨企理，一樣都係行濟州嘅清新風格💜神話豬腳紫蘇拌飯 佢哋嘅拌飯之前喺其他分店食過，真係超級好食😋今次就叫咗豬腳，本身都會擔心會唔會好硬，但係食落去非常軟淋淋🥰骨膠原嗰啲位都超級好食！醬燒牛肉飯卷 飯卷佢哋都有好多種類同口味，我就叫咗牛肉，食落去清新之餘，牛肉味都好出😮食落去非常之夾，分量都唔少大大嚿💕同朋友一齊share就啱晒！士多啤梨窩夫 Cafe又點少得甜品呀🥰❤️🙌🏻我今次就冇揀到濟州橙嘅口味，反而係食士多啤梨🍓一樣都好食😋窩夫外脆內軟，配合士多啤梨同埋cream酸酸甜甜非常唔錯💖💖提拉米蘇 鍾意酒味比較重嘅甜品嘅朋友仔就一定唔可以錯過🤯🤯🤯平時比較甜嘅款式唔同，酒味好重 眼前一亮！濟洲柑橘乳酪 朝露玫瑰花茶 佢哋嘅嘢飲真係眼花撩亂😋💕好多選擇款式亦都特別，一樣都要叫佢哋嘅招牌乳酪，酸酸甜甜好好飲🥰😋花茶都唔錯，幾清新望落去都好靚😙同其他分店一樣食物一樣保持高質🫶🏻不過可能新分店，店員手腳少少亂，

--身為南區人～黃竹坑the southside開左，當然去睇下有咩食啦！見到Terrace in seaside竟然都係度開分店😍2個港女即刻走入黎試下韓式CAFE Chill下❤️享受濟洲島既一餐-🔸神話豬腳紫蘇拌飯好有驚喜🤩豬腳好軟淋淋同入味、豬皮亦Q彈似食緊成舊骨膠原～米飯撈左韓式辣醬一齊炒，帶帶微辣味道🔸醬燒牛肉飯卷飯卷麻油清香，啲餡料勁豐豐，軟硬適中，越吃越開胃🔸士多啤梨窩夫口感鬆軟穌脆，採用新鮮士多啤梨，不會太甜，飯後甜品一流👍必點推介🔸提拉米蘇好濃既咖啡味同酒香味，配搭酒味好出，加上芝士醬味道更出色更軟滑🔸濟洲柑橘乳酪必點飲品，好清新的柑橘味，配上乳酪解膩，配搭一流，加上一大粒柑橘，飲完杯野仲可以食柑橘👍🔸朝露玫瑰花茶玫瑰花香好濃好突出，用大量玫瑰泡製而成，飲完透心涼同解膩Terrace in seaside (THE SOUTHSIDE) (黃竹坑)📍黃竹坑香葉道11號THE SOUTHSIDE 2樓203號舖

今日去左黃竹坑新Mall，好多餐廳都好多人，反而商戶就好少客。本黎想食台灣麵，不過怕有排等，就轉身行過去呢間韓國Cafe😄呢個品牌近年都keep住擴充，好多大型Mall都見到佢個足跡。從個裝修可以睇得出佢地大推韓國橘子🍊🍊，我去濟州島旅行知道係佢地特產，不過今日好餓😛所以無向甜野埋，反而就order左"韓國Sushi"，即係飯卷，今次試係明太子味，好大碟好多件都好唔錯😀！跟手order多個芝士焗肉醬千層麵，呢個就有少少西餐feel，無咩特色。不過總體都OK好食，今日實左太趕了，下次要食返個窩夫先得！😜本餐美味指數：🌟🌟🌟🌟🌟🌟/10

黃竹坑開咗個新商場Southside，當然要去湊吓熱鬧，睇完戲行吓商場，見呢間餐廳食物賣相靚，就試試佢🥰.❥ 神話豬腳紫蘇拌飯豬腳肉質軟熟，咬落充滿膠原感，香氣撲鼻的紫蘇葉與帶點微辣的飯非常融合，推介👍🏻.❥ 醬燒牛肉飯卷好足料，嫩滑的牛肉搭配清爽的青瓜、黃瓜，肉汁與醬汁層次豐富.❥ 士多啤梨窩夫窩夫表面金黃酥脆，內裡鬆軟，打卡一流，必選甜品之一😎.❥ 提拉米蘇手指餅吸收了濃郁的咖啡味與綿滑的奶油，令人回味無窮。.❥ 濟州金橘乳酪這道乳酪融合了濟州島特產的金橘，清新酸甜的口感配埋粒粒果肉，可以試吓啊.❥ 朝露玫瑰花茶玫瑰香好清新，味道好出

住喺南區，見到有新商場開，就梗係要去湊熱鬧啦😆 見到竟然有我鍾意食嘅Terrace in seaside ，今晚就食佢啦🥰神話豬腳紫蘇拌飯🐖 （$112）豬手個飯加咗紫蘇葉😍 食落仲辣辣地好惹味，豬手好軟熟，可以補充骨膠原啱晒我🫶🏻醬燒牛肉飯卷 🍙 （$88）牛肉紫菜飯卷好足料，有牛肉、雞蛋、紅蘿蔔、黃瓜、青瓜，仲有魚糕添❤️士多啤梨忌廉窩夫🍓 （$98）士多啤梨窩夫賣相好靚，面頭仲用咗好多新鮮嘅士多啤梨做點綴😍 同平時一樣d cream甜甜地好好食，窩夫好軟熟🫶🏻提拉米蘇☕️（$58）手指餅浸到好腍身，食落濃濃嘅咖啡味，面頭再配上香滑嘅忌廉☺️濟州金橘乳酪🍊 （$68）因為佢嘅造型實在太可愛😍 同埋酸酸甜甜嘅味道🥰 所以呢個每次都必點🫶🏻朝露玫瑰花茶(凍）🌹($42)玫瑰花味好香濃，入邊仲有好靚嘅玫瑰花瓣🥰 再帶甜甜嘅蜂蜜味😍

聽講黃竹坑有個新商場開左🤤當然會去睇下有咩好餐廳去食下🥰經過見到e間韓式cafe就入去試下💕睇下餐牌入面有好多靚靚擺盤嘅餐點🤩打卡有流🥳🌸神話豬腳紫蘇拌飯，豬腳用醬油煮得好香，入味😋唔會太膩❤️飯係泡菜飯，食落辣辣地，夏天食岩岩好🤤🌸醬燒牛肉飯卷，飯卷好多材料🥰食落味道同口感又幾match 😍份量岩岩好🤩🍓士多啤梨窩夫，窩夫🧇夠脆上面有好多士多啤梨🍓仲好多cream😋帶香香蛋味👍🏻🍰提拉米蘇，香濃咖啡味😍cream 好細滑🤤🍊濟洲柑橘乳酪，乳酪同柑橘好夾😋夏天飲岩哂🤩好新鮮👍🏻🌹朝露玫瑰花茶，通常我地飲熱嘅玫瑰茶，但原來冰凍嘅都好好飲🥳好消暑🥰

南區新發現，黃竹坑地鐵站隔離就新開了一個新商場，趁開了第二天就黎行下食下午餐啦🤭商場餐廳種類繁多，但被一間橙色以柑橘為主裝飾的韓式料理餐廳吸引了🤩，餐廳主打係濟州柑橘乳酪飲品，主食、輕食、甜品樣樣齊👍🏻而且食物質素高👍🏻不得不提，餐廳服務員十分有禮👍🏻讚👍🏻👍🏻👍🏻美食推介：👍🏻💛燒慢煮雞腿紫蘇拌飯：慢煮雞髀味道似滷水相似，肉質鮮嫩，配上紫蘇拌飯，味道豐富👍🏻飯質軟糯👍🏻好食😋💛醬燒牛肉飯卷：正宗韓國口味的飯卷，材料豐富，必點食物👍🏻💛士多啤梨忌廉窩夫：外脆內軟的窩夫🧇配上香甜的士多啤梨🍓及忌廉，整體不會很甜，而且好好食，配搭好夾👍🏻💛提拉米蘇：濃濃的咖啡香，配上香濃的芝士及咖啡粉，食時候淋上忌廉汁，整體不會很甜👍🏻又不會很膩😋💛 濟州柑橘乳酪：超滿的柑橘肉配上乳酪，清新又解膩，甜甜的，很清爽🫶🏻💛朝露玫瑰花茶：玫瑰花味香濃，不太甜非常好飲

黃竹坑新開商場South Side嘅Terrace in seaside, 裝修到店員所戴的帽子都係滿滿柑橘同橙色餐廳近窗口位置陽光充足, 有渡假風仲打卡影相都夠哂Sharp. 跟朋友點左幾款必吃主食, 全部份量都幾大, 夠哂飽！神話豬腳紫蘇拌飯：由相可見都幾大份, 紫蘇拌飯有少少辛香，豬腳超級淋滑, 食落唔膩, 唔會滷到散哂, 出色！醬燒牛肉飯卷：醬燒牛肉有牛香, 配合埋飯卷的配料及芝麻香, 滿滿韓風💓士多啤梨窩夫：窩夫上碟仲係暖嘅, 做到外脆內軟, 配埋香甜嘅韓國士多啤梨, 忌廉同果醬, 非常滿足提拉米蘇：餅乾浸透濃濃咖啡, 配上忌廉及咖啡粉,咖啡迷大愛, 如果多少少芝士味會更好濟洲柑橘乳酪😀夏天飲柑橘乳酪十分開胃清新, 最有趣係喺飲品上有原個柑橘🍊可惜太飽, 如果唔係, 真係可以食埋佢朝露玫瑰花茶：又一係杯清新嘅選擇, 花茶有埋原朵嘅乾玫瑰花同乾橙片整體呢講Terrace in seaside真係一間集食物質素同打卡於一身嘅韓國餐廳，黃竹坑終於唔再係美食荒漠喇, 大推👍

新商場開張緊係要黎襯下熱鬧商場面積唔算好大, 有D似縮細版既圍方今晚晚餐就去人氣韓國濟州橘做主題既餐廳侍應們一人頂住一頂橘子帽, 場面十分可愛餐廳由打卡able既甜品,飲品到主食都唔馬虎每碟既擺盤都盡顯心思除左鍾意打卡既少女, 同場都不乏老人家同小朋友食物出得廳堂入得廚戶算這種了濟州柑橘乳酪原個柑橘係個杯到味道似橙味益力多, 酸酸甜甜朝露玫瑰花茶大量玫瑰花沖泡而成, 再加埋輕微既蜜糖味夏天飲覺得特別透心涼同零負擔燒醬油黑毛豬白切肉紫蘇飯份量超多!! 白切肉每片都有肥同埋肉飯帶少少辣, 紫蘇味唔會太搶炭燒雞肉飯卷食韓國菜點可以唔食飯卷一啖食晒唔同材料, 口感豐富士多啤梨忌廉窩夫美美的!! 忌廉食落好輕盈,唔會漏窩夫外脆內軟提拉米蘇濃濃既咖啡香味, 用佢黎做甜品就好似外國人食完飯飲杯Espresso咁Perfecto

THE SOUTHSIDE 開幕，商場好多新餐廳，原來Terrace in seaside都開咗分店喺黃竹坑！ 神話豬腳紫蘇拌飯粉量非常多， 豬腳啖啖肉好惹味， 韓國飯粒粒分明，加埋韓式微辣醬汁好開胃！ 醬燒牛肉飯卷韓式飯卷好正宗， 材料豐富，有蛋、牛肉、紅蘿蔔等， 好美味！ 士多啤梨窩夫 🍓賣相吸引， 窩夫脆卜卜，士多啤梨香甜又juicy！ 🧇 提拉米蘇咖啡頗濃郁，提拉米蘇好濕潤🤤 濟洲柑橘乳酪招牌濟洲柑橘乳酪好適合打卡， 酸酸甜甜，好清新👍🏻 朝露玫瑰花茶玫瑰花美好清香，凍飲好啱咁熱嘅天氣！

特種兵見Southside開張即刻衝去行街～間間店郁好多人排隊 想食真係要比啲耐性之前幫襯過Moko呢間店 唔想諗就一於排呢間有分indoor同outdoor 位見outdoor位等得快啲 照剎✔️神話豬腳紫蘇拌飯 豬腳夠惹味 份量都好足 唔係超級淋果種 但反而咁樣個口感比較彈牙我又幾鍾意 紫蘇拌飯有淡淡嘅紫蘇味 拌飯入口比較淡口 唔會話超濃郁會感覺好咸✔️傳統飯卷 係輕怡嘅感覺 食落好清新 有淡淡嘅麻油香 配埋啲醃蘿蔔、紅蘿蔔同玉子 呢啲咁熱嘅天氣食零捨開胃✔️士多啤梨窩夫🧇 呢間店嘅waffle從來冇令人失望 Waffle 外層好脆口 裡面重蛋香夠軟熟 士多啤梨份量好多 夠香甜又新鮮 啲cream唔會話好甜 配搭好match ✔️提拉米蘇 有別於傳統tiramisu 呢度係用浸咗咖啡酒嘅lady finger墊底 上面就係一座山嘅cream 咖啡味夠晒濃郁 用啲cream中和返就啱晒✔️濟洲柑橘乳酪 有成個濟州金橘響杯飲品個頂度 絕對係打卡able 飲落酸酸微微 唔會話好甜 絕對係解渴之選 ✔️朝露玫瑰花茶 玫瑰花茶一向係我最愛 呢杯足料得來帶有少少甜

黃竹坑新商場South Side終於開喇，今日去左食Terrace in seaside由裝修到店員的帽子都係滿滿柑橘及橙色，很陽光嘅感覺店有戶外位置, 而近窗口位置陽光充足, 好啱打卡影相今日叫左幾樣野食, 全部份量都幾大, 飽到食唔哂神話豬腳紫蘇拌飯由相可見都幾大份, 紫蘇拌飯有少少辛香豬腳淋滑, 食落唔膩, 唔會滷到散哂, 出色醬燒牛肉飯卷醬燒牛肉有牛香, 配合埋飯卷的配料及芝麻香, 滿滿韓風士多啤梨窩夫窩夫上碟仲係暖嘅, 做到外脆內軟, 配埋香甜嘅韓國士多啤梨, 忌廉同果醬, 非常滿足提拉米蘇餅乾浸透濃濃咖啡, 配上忌廉及咖啡粉咖啡迷大愛, 如果多少少芝士味會更好濟洲柑橘乳酪夏天飲柑橘乳酪十分開胃清新, 最有趣係喺飲品上有原個柑橘可惜太飽, 如果唔係, 真係可以食埋佢朝露玫瑰花茶又一係杯清新嘅選擇, 花茶有埋原朵嘅乾玫瑰花同乾橙片整體呢講Terrace in seaside真係一間集食物質素同打卡於一身嘅韓國餐廳感動黃竹坑終於唔再係美食荒漠喇, 大推

叫咗個黑豬飯，同個bunch，出菜太慢太慢，出咗個飯，食完之後，再等20分鐘個bunch都仲未有，加上服務人員又敷衍，最後等唔到走人，不會再去，不值得浪費時間。