影片
相关文章
好耐无食过咁高质嘅日本菜啦！本来朋友俾咗两间我㨂，但睇相已经觉得呢度好吸引。今次系第一次嚟，但相信我一定会再嚟！先嚟一个野菜沙律做前菜，摒弃咗传统芝麻酱，换上特制酱汁，酸甜清新口感兼具有诚意，好有惊喜！再嚟一个茶碗蒸，里面用料一啲都唔行货，蒸蛋颜色带少少啡色，相信系因为已作调味。连前菜都咁用心，好难得呀！我叫咗个刺身餐，由于个人比较麻烦，唔钟意白身鱼，特别先问咗员工今日刺身系乜。原先设定系拖罗。。带子。。池鱼。。左口鱼，但两款鱼都唔系我飞佛，所以就胆粗粗问吓师傅可唔可以换。。就算系三文鱼我都ok..师傅好爽快就答应帮我谂吓，然后嚟到时就变成咗海胆、带子、拖罗、鲷鱼同左边另一款唔知系乜嘅鱼。起初我都惊惊哋，之前食过呢类鱼都好腥亦好重鱼味，但嚟都就试下啦。。点知烧过嘅鲷鱼好香，鱼肉带爽甜，右边嘅就用咗柠檬汁调味，鲜甜又毫无鱼腥。海胆同带子更加唔洗讲，拖罗嘅鱼油香亦非常出色。朋友叫嘅笼仔鳗鱼饭一打开已经超香，份量十足，鳗鱼够滑亦软腍，连饭都充满香气。今餐完全系令心情走入晴朗嘅一餐呀。。而且只系百零蚊，有咁嘅水准真系好抵赞！
继续阅读
某日星期六中午，要嚟铜锣湾整野，完成后肚饿了，但又有D感冒😷，唔知食咩好，突然间醒起呢间蒸鳗鱼饭想试㖞，望一望时间仲赶得切佢lunch hour。搭䢂上到嚟，一个客都冇（因为我真系2:20先嚟到），唔理啦，照坐底，即叫呢set蒸鳗鱼饭定食吧（我都唔想阻人地落场呢～）虽然唔洗等好耐，但成set鳗鱼饭上枱，系热辣辣架，打开蒸笼后，好精致呀D鳗鱼摆得，流晒口水喇。鳗鱼件数多，同饭中间有蛋丝，几清，但又好味㖞，另一个蒸笼系菜与几片豚肉，夹埋一齐可以点三款酱汁（因为系清蒸，点酱食先有唔同滋味）不过得觉得就咁食都食到菜本身既甜味。成set食完觉得好满足啊。
继续阅读
上次朋友带我去一间食日本菜嘅餐厅，冇谂过又几高质，2个人食都系食左800蚊倒，呢个价钱呢个质数真系几抵食！首先环境几好，唔算多人，坐得舒服，适合情侣，几个好朋友一路食一路倾计，服务都唔错，我地系叫员工推荐食物，佢地都好友善耐心地介绍最后食物当然不错啦！呢晚同朋友食得好开心下次会再黎
继续阅读
食物尚可，但价格偏贵。在竞争如此激烈的铜锣湾应该好难做。餐厅已经转型一次，厨师一样。用笼仔蒸饭应该系gimmick. 食落唔算太特别，就系一个蒸饭。我比较喜欢未转型前的食物。There were just a few tables of customers in the restaurant. It’s probably because of too much competition with causeway bay. The menu is of higher price range with this area.
继续阅读
见到啲蒸笼，唔系饮紧茶呀，系食紧日本菜😆师傅用咗广东手艺嘅蒸笼，配上日本寿司醋饭，再夹上海鲜嘅日本蒸饭。听朋友介绍铜锣湾Aura大厦里面有一间日本菜几好食，所以过嚟一试。当天正是女人每个月的重要日子，要吃日本菜，担心系鱼生之类生冷东西，点知见到餐牌上有steamed sushi rice, 问咗侍应系全熟的，就叫左呢个试吓。朋友仔就叫咗鱼生饭。通常喺铜锣湾食得日本菜，都系比较的骰，食唔饱，或者非常贵。但系呢个一定食得你饱。唔单止有主菜，仲有沙律，蒸蛋，汤就一定唔少得。蒸海鲜饭嚟到喇，入面有三文鱼、白饭鱼仔、带子、鳗鱼、蟹肉同埋冬菇。漏咗一个，仲有新鲜嘅海胆。样样都少少，啱晒有啲人样样都想试吓，而且味道可以啊，都新鲜㗎，净系粒带子略嫌overcook 少少。至于鱼生饭，朋友都话好新鲜好好味。原来跟餐仲有一碗稻庭乌冬，都唔系马虎㗎，烟韧的。我觉得咁嘅价钱系铜锣湾可以食到咁嘅质素，物超所值，有机会要试吓佢哋嘅晚餐。
继续阅读