The 5B Private Corner

营业中

休息中

今日同朋友去荃灣南豐紗廠行街，就去附近嘅The 5B private corner 食晏，由南豐紗廠行過去都只係幾分鐘路程，都算近～我本身係一個素食者，而同我同行嘅朋友就係肉食者！我哋分別叫咗一份自家製手打牛肉芝士漢堡餐同埋一份烤珍寶蘑菇漢堡餐🍔😋！我個大啡菇漢堡份量啱啱好仲疊得好靚😁唔會食到周圍都係😆，真係要讚嘅係成個餐由個麵包到配菜都好用心製作，個包係烘過而且仲好鬆軟😍，啲薯條食到尾都仲係脆(可能太好食我食得比較快😂)，啲菜係撈咗少少source，好味道！最後整碟食晒無浪費～會繼續支持！👍🏼

經朋友介紹， 終於有機會放假嚟到呢間樓上cafe, 當然離之前要做吓功課，網上最多人推介係西班牙黑毛豬、手打牛肉芝士漢堡及香草烤雞。樣樣都想試吓，但係今次得我一個人😂，最後揀咗烤雞，雖然要等30分鐘，但係依度都幾好座，冷氣足夠又有好chilli 嘅音樂，又有好多board game 之類借比食客玩，我一個人就只要free wi-fi 可以kill time ，30分鐘好快過，話咁快就有隻熱辣辣烤雞送到我面前，皮脆肉滑多汁，配搭佢哋話自己打嘅蘋果醬又幾Ok喎，唔錯唔錯，唔怪之得咁多網民推介，大家一定要試吓！個套餐仲有餐湯送，另外仲有free coffee or tea .食飽飽都係唔使＄200，性價比極高！下次會拖埋朋友一齊試多幾樣野。

雖然地點有點格攝，第一次來未必容易搵到，要Google 一下，就是這原因令到這咖啡店☕️🍔環境清靜，經過窄窄嘅走廊入到店內，有一種豁然開朗嘅感覺，陽光曬入店內非常溫暖，勝過一般喺商場內嘅感覺，所以此店食評喺區內受到大家介紹，除咗食物選擇多之外，店內仲有board game🎡🎰 可以比大家玩，休閒地Hea🌈足一天，性價比高👍如果第一次嚟嘅朋友可以試吓佢哋嘅慢煮西班牙黑毛豬，自家手打牛肉漢堡，都非常好食，甜品就見好多人叫佢哋嘅比利時窩夫，由於即點即焗，所以店內充滿窩夫香味。今次忘記為食物影相，希望下次放假再嚟此店打卡影相😂

選了一間特色樓上cafe，都係多人點選的小店，朋友不懂自己來，好在有圖示指導佢在那方位左轉及右走。三人行必有我師，我們點選的食物也多樣化：經典咸牛脷卡邦尼蛋：牛脷易咬開，加上卡邦尼蛋的流心軟滑感覺，令我們也給予了Number one；香草烤雞伴柚子醬：烤雞外脆內軟，襯上柚子清香的柚子醬，令我真可以吃多一客。手打牛肉芝士漢堡：薯條香脆厚身，有厚實粗薯質感，令人驚喜，仲有多汁牛肉配漢堡，好味道。飲品：有朋友不點選，我就選了美式咖啡：香濃好味，另一位就選了latte ，拉花美麗，牛奶香滑。

態度差😢冇寫明用餐時間😢唔會再幫襯第二次幫襯，原本睇過open rice comment話任坐唔嬲，點知係假嘅😩坐咗兩個半鐘就有人催我哋埋單交枱，一共催咗4次，重點係全場有一半係吉嘅，其實趕住收枱咪寫明有幾耐用餐時間囉🙂去得呢間餐廳都係想有個位可以坐下、玩下 games、睇下書，大家都係想chill下姐😔明明都冇客但又趕人走，枱上面仲有野飲都照收，唔明點解要咁做生意😢仲要我哋係特登入嚟支持黃店☹️入到嚟都身水身汗，我覺得可以有多啲人情味囉🙏🏻一係就寫明（睇過哂menu 冇寫到用餐時間）🫠唔會再幫襯啦🥲好失望😢

一個普通嘅夜晚，同女朋友想搵間cafe輕鬆鬆食過晚飯見到有間嘢好多like喎，雖然遠啲，好啦都去啦先唔好講個位置幾遠，因為係我哋揀入到去，裝修唔錯，係舒服既風格因為我本身冇睇其他人嘅食評，我地叫左個晚餐set我叫左牛柳意粉我女朋友要咗魚首先係落單嗰度咖啡或茶已經有少少誤會，我女朋友問咖啡或茶係唔係成個drink menu，我本身都認為唔係，點知個waiter話係，我都覺得唔應該到最後唔係free係收咗半價，我都冇所謂因為呢個誤會我一早估到去到食物，食落係覺得-OK啦，分量有啲細，不過都算啦，都可以接受甜品我地轉地白酒煮梨真心得個甜字，算係我食過唔好食既甜品，不過我見佢寫住廚師推介，唔通同間店問點解個甜品咁差咩，可能係我自己口味食唔到咁甜姐最後5百幾落樓，我同自己講，下次唔黎不過本身我唔打算post，唔打算比差評點解係到會見到我打咁多字？因為女友比我睇左其他人食評真心係完全2件事，愈睇愈嬲我個牛小人地食評相既一半個白酒煮梨同人哋張相完全唔一樣真心嬲到一個點

個環境唔錯幾靚坐得都舒服不過啲食物真係一般般我哋嗌左煎魚，牛柳溝通錯誤之下嗌左海鹽焦糖咖啡同水蜜桃茶仲有白酒煮梨個牛到左 5成熟但都幾難咬而且份量有啲細感覺200幾蚊應該再好食啲既肉或者差唔多質素然後大份啲？本人食魚個魚肉係鮮甜既但可惜個皮淋咗 得個邊有少脆有啲失望薯蓉唔係嗰啲落好多cream好多牛油嗰種反而係真係薯仔味 睇人鍾唔鍾意 本人覺得ok個咖啡黎到見到個花笑左不願置評最最失望係甜品本身跟餐有兩份雪糕/蛋糕但之後店員話追加左白酒煮梨要少一份都唔緊要不過明明寫追加唔係on top加既咩🤔點知個白酒煮梨先係最唔好食個梨切左兩半浸左喺啲糖水入面甜到得得糖味無酒味梨味然後個梨既質感好似日本嗰糖漬咁變左一patpat 咁好失望完全浪費quota🤦🏻‍♀️

琴日見依間好多人食諗住去試下，不過我哋1點去full booking😪好啦琴日特登係Openrice訂座，我同朋友12點58分落單，點知等咗成半個鐘仲未有，咁問侍應係咪漏咗單，佢話我哋俾咗單你，唔會漏我幫你催下廚房🙄🙄🙄跟住我朋友嗰意粉已經到，但我個漢堡仲未有😠本身我朋友諗住等埋我先一齊食，但係等多陣我同朋友講你食先啦咪凍哂。再問侍應，佢同我講佢哋依次序上菜，叫我哋等多陣🤬🤬🤬🤬但係我哋隔離兩張枱同後面張枱遲過我哋落單，人哋d嘢食同我哋一樣，但係上咗俾人哋先🤬🤬🤬🤬人哋到齊哂嘢食，我仲未有😡😡😡😡到我朋友食完，都未有🙄🙄跟住同侍應講我朋友都食完，我個餐仲未有，你同我取消咗佢，我夠鐘返工啦🤬🤬🤬🤬🤬一句唔好意思都冇🤬🤬🤬真係嬲建議大家如果得1個鐘食飯唔好去依間🤬🤬🤬搞到自己冇飯食😭真係失望,冇下次😡😡😡😡寧願去同棟13樓 Daily 13，d意粉真心好食，我最後去Daily 13買外賣，人哋8分鐘就出到嘢食，點同依間😡😡😡😡

Afternoon Tea Set 上層1 紅豆芝士蛋糕2 石板街朱古力蛋糕3芒果慕絲，內有果肉，有果味，好新鮮4荔枝雜莓慕絲 5 石板街朱古力蛋糕6 紅豆芝士蛋糕下層1 蛋沙津餅 ，好滑嘅蛋沙律，鬆軟的餅2 水蜜桃海蝦撻 ，水蜜桃甘美多汁3三文魚鬆餅，好新鮮4 脆米流心芝士波炸蝦。好出奇，外脆內軟5 冰梅浸串茄 甜酸適中6 脆米流心芝士波炸蝦7 三文魚鬆餅8 水蜜桃海蝦撻9 蛋沙津餅仲有兩壺茶，好靚好好味同餐廳講今日有個朋友生日，餐廳送左全部homemade, 心型，好有heart 白色既奶油仲寫埋朋友個名 happy birthday 🎂 Special $428 Offer$368/ for 2*$168| for 有加一服務費 之後係$398

they have delivery service for office around which is very good for us in this tw west food desert🥲the portion is ok,maybe not enough for a man tho. we ordered all day breakfast,braised beef rice with red wine sauce, salmon salad, fried chicken w/ honey and smoked salmon scrambled egg crossiant w/ salad. price: 58-78recommend beef rice, the beef was not hard to chew and the sauce was quite appetizing. Specially mention they provide real honey instead of some honey sauce. A little disappointed in

前排落咗堂之後同朋友去咗荃灣是呢間有海景嘅Cafe~ 環境舒適得來嘢食都非常之唔錯！！💜-柑橘鴨胸肉配自家製無花果醋（配西蘭花薯餅）鴨胸肉非常嫩滑，而且好Juicy，一咬落去肉汁爆曬出嚟，一啲都唔乾～帶有柑橘香味，係非常有創意而且成功嘅配搭！🫶🏻點佢哋自家製無花果醋食更加refreshing，配上薯菜感覺非常健康🦦-意大利黑松露雜菌意粉有好香嘅黑松露味，creamy得來又唔會油膩，意粉軟硬適中得來掛汁，值得一試～～-吉列炸蠔香脆可口，大小適中，唔會有腥味，有budget嘅話可以試吓🦦

以為cafe得普通意粉西餐？咁你就錯啦，the 5B Private Kitchen依度有相當貼地嘅5 course dinner set ，帶女仔嚟拍拖食飯絕對唔失禮！.牛油法包、雜菜湯（跟餐）西班牙風乾火腿拼蜜瓜 +$48法包同雜菜湯就唔多講啦，正常發揮，唔錯嘅。另外我哋就加咗個風乾火腿配蜜瓜，蜜瓜鮮甜多汁，配上唔太肥嘅風乾火腿好開胃🤤。火腿上面仲有啲黑醋調下味，好味。.慢煮西班牙黑毛豬配自家製蘋果醬 伴意粉 $178餐牌有註明廚師推薦黑毛豬八成熟，我哋就跟佢嘅建議試下，一切開，黑毛豬果然係粉嫩嘅粉紅色，肉味濃，好Juicy，亦唔會太難咬開，配埋佢哋嘅自家製蘋果醬酸酸甜甜咁，好好味😋。不過意粉就略嫌油膩咗少少🤏🏻啦！.蜜糖芥末素牛肉漢堡 （配薯條及田園沙律） $148今次應該係👨🏽第一次試素牛肉，比👨🏽想像中似真牛肉，咁口感同肉味當然係差啲㗎啦，但味道都幾好嘅，而且入面都好足料，唔話你知係素牛肉嘅話都未必真係試得岀。麵包🥯鬆軟有烘過👍🏻，薯條都係正常發揮。.白酒煮梨 （配呍呢嗱雪糕) +$48甜品我哋就加錢upgrade咗做白酒煮梨🍐，依個甜品絕對令人驚艷😍。其實酒味已經喺煮嘅時候

終於有時間寫下食評，第一間諗到既餐廳就係呢間cafe，已經第三次食。個日係平日晚上去，比較少人，之前都係假日去，人比較多。~Dinner set main course 慢煮西班牙黑毛豬配自家製蘋果醬黑毛豬外脆內軟，非常鬆軟多汁，配上自家制既蘋果醬，令平平無奇既黑毛豬添上清爽既口感。香草烤雞配自家製柚子醬相比起黑毛豬就慢慢地，雞肉比軟乾，自家製既柚子醬，單食無好食，但配烤雞就有種格格不入。~飲品熱朱古力鮮奶熱水蜜桃紅菜~甜品朱古力心太軟呢道甜品對於爐溫同時間要求非常之高，個日食既時候係有少少失敗，冇想像中既流心瀑布，熟左少少，對上一次去既時候係有，所以有少失望。Daily cake我地揀左朱古力味芝士蛋糕，冇咩特別。~環境同桌遊標題提及到，有得食有得玩，仲有靚景。坐窗邊可以望到荃灣海濱，係工廠大廈cafe入面，係難得既靚景。餐廳裝潢係暖色調，同埋有唔同既打卡位。另外，餐廳有提供唔同既桌遊，可以自己拎黎玩。

終於有時間寫下食評，第一間諗到既餐廳就係呢間cafe，已經第三次食。個日係平日晚上去，比較少人，之前都係假日去，人比較多。～Dinner set main course 慢煮西班牙黑毛豬配自家製蘋果醬黑毛豬外脆內軟，非常鬆軟多汁，配上自家制既蘋果醬，令平平無奇既黑毛豬添上清爽既口感。香草烤雞配自家製柚子醬相比起黑毛豬就慢慢地，雞肉比軟乾，自家製既柚子醬，單食無好食，但配烤雞就有種格格不入。～飲品熱朱古力鮮奶熱水蜜桃紅菜～甜品朱古力心太軟呢道甜品對於爐溫同時間要求非常之高，個日食既時候係有少少失敗，冇想像中既流心瀑布，熟左少少，對上一次去既時候係有，所以有少失望。Daily cake我地揀左朱古力味芝士蛋糕，冇咩特別。～環境同桌遊標題提及到，有得食有得玩，仲有靚景。坐窗邊可以望到荃灣海濱，係工廠大廈cafe入面，係難得既靚景。餐廳裝潢係暖色調，同埋有唔同既打卡位。另外，餐廳有提供唔同既桌遊，可以自己拎黎玩。

完全唔明白點解依家啲所謂嘅餐廳 會有好評 八個人上嚟呢度食飯 其中有四個都叫咗午餐 香蒜大蝦意粉 第一個意粉上黎嘅時候 已經同侍應溝通 個意粉完全冇味 同滾水淥出嚟冇分別 個侍應就話要同個經理溝通一下 如是者第二個意粉上仍舊是完全沒有味道 再同個侍應溝通 個侍應回覆話廚房唔夠人 最後我叫佢俾咗個燒汁我撈左個意粉嚟食 個侍應就九唔搭八 你廚房唔夠人就要俾啲咁嘅質素嘅食物客人 話就話同個經理溝通 溝通完仍舊俾返啲咁樣嘅嘢客人 咁溝通嚟做乜 廚房唔夠人不如唔好開啦 而唔係退而求其次囉 即係叫我哋硬食嗎 對呢間餐廳嘅體驗真係勁差 完全唔明白啲好評係點樣嚟嘅 食物質素 服務態度 都係差到不堪 環境方面尚算可以接受 希望大家去之前諗一諗 或者問一問佢今日廚房夠唔夠人 留意番呢間餐廳價錢唔係特別平㗎 午餐為到人頭一$80一位