The 5B Private Corner

营业中

休息中

5B private corner之前幫襯過兩次，非常好食，尤其是佢嘅慢煮黑毛豬配蘋果醬，朋友都讚不絕口。今日嚟開南豐紗廠附近做嘢，特登上嚟食個午餐，平日lunch hour呢度真係爆曬棚，今日被安排坐window seat，雖然坐高櫈唔係幾舒服，但對住個海景都幾chill。今日同同事一人叫咗一個餐，我係all day breakfast，如圖所見係好豐富，個牛角包都好脆夠熱，但同事嘅豬扒意粉就唔係好得，塊豬扒好韌，咬到牙都軟，唔知咁午市時間太忙，啲肉煮到過曬龍，不過呢間工廠餐廳整體水準都係唔錯，下次睇下再畀唔畀機會佢。

下個月生日👧🏻朋友已安排生日飯🎂今次揀左間好隱世既樓上café 仲可以望到小海景🌊好闊落又任坐唔嬲 ~又可以boardgame任玩🩷訂位備注「生日」🎂有生日歌 + 甜品碟 會幫手影相📸食物質素唔錯!!! 一定會再encore~📍慢煮西班牙黑毛豬配自家製蘋果醬賣相好吸引!!!!廚師推介8成熟🧑‍🍳外面少脆唔會好韌以香煎+慢煮方式去整黑毛豬🐷肉質好腍好粉嫰💕食落去都油脂甘香🥩肉味唔錯自家製嘅蘋果醬🍎真係可以解膩 好fresh主食仲可以揀意粉或者薯條🍟意粉用香草🌿橄欖油炒過 好香～📍香草烤雞烤雞上枱見到金黃色💛個外皮好香脆，切開都係啖啖肉👅肉質好Juicy唔會好乾身~整體好濃香草味🌿 薯條份量都ok🍟如果可以炸得再脆D 就好了👉🏻👈🏻📍炸魷魚圈可以喺晚市set用優惠價加配～大約有10件 炸得好香脆😆魷魚🦑好煙韌 當小食share很可以！📍焗朱古力心太軟可以喺晚市set用優惠價加配～生日可以寫Happy Birthday🎂🎉仲有個靚靚生日backdrop打卡 💯好用心機佈置心太軟配雲呢拿雪糕🍦真係好夾切開係朱古力🍫流心！！！好邪惡

中秋夜食不限時晚餐，慢煮西班牙黑毛豬配自家製蘋果醬：肉香軟嫩，加上有少許肥邊，油香加埋蘋果醬，好夾。柑橘慢煮鴨胸肉配焗西蘭花薯餅：鴨胸嫩滑滲岀淡淡柑橘香味，薯餅煎至外脆香口，內裏薯蓉清香滑口。薯絲蝦：外脆內軟，配柑橘蜜，醒胃。凍香橙梳打美式咖啡：第一啖有啲怪，先是橙味跟住至感受到咖啡味，但越飲會越想繼續飲。訂位時備注用餐目的是為家人慶祝生日，職員會上甜品時播生日歌，喺甜品碟上寫上壽星名，畫上圖案及祝福語，並且會幫我哋影相

假期想帶屋企人嚟Chill吓，或同三幾好友嘆下下午茶傾下計，嚟呢度一定冇揀錯！任坐唔嬲！入到嚟俾人一種好舒服嘅家嘅感覺！雖然係一間樓上Cafe，令人驚喜嘅係佢每個菜式都匠心獨具！食物質素非常高! 又靚仔又好味！個個都讚不絕口！👍🥰🐤慢煮柑桔鴨胸配自家制西蘭花薯餅慢煮過嘅鴨胸肉非常鮮嫩多汁，有濃濃柑橘香味，令人食欲大開，搭配酸酸甜甜的黑醋醬更提升咗口感層次！值得一提嘅係佢嘅自家製西蘭花薯餅，外層焦脆，入面係好滑薯蓉，亦好濃芝士香味，加上西蘭花碎，口感一流！🐓香草烤雞外皮香脆，咬落去肉質好Juicy，好濃香草味！回味無窮👍👍👍🦪檸檬蒜香忌廉藍青口 配香草牛油多士Wow!檸檬香配蒜香原來咁搭！青口好鮮美，食完個青口，再用多士點個汁，巧香脆巧cream 巧巧味啊！食晒！😋👍🍹香橙梳打美式咖啡成件事好橙 好有夏日feel！🤓咖啡好香醇，回甘！搭配梳打同埋橙汁！好飲，又醒神！飲晒！😋👍

0109！見朋友post同屋企人係度食生日飯，大贊呢間店好用心機為客人準備生日儀式，同埋食物質數非常高 😍決定抽時間來試下！💖果然！令人好驚喜^！此店位於工廈森林之中，門口平平無奇，毫不起眼！但入到去卻令人眼前一亮🤩🤩！無敵海景映在眼前，藍色白雲，船隻🛳️在海上悠悠駛過，飛鳥在窗前輕輕划過，瞬間令人倍感自由，平靜😌好治愈Chill~!餐廳好闊落，暖色調裝潢，背景音樂🎶好舒服，仲有Free-WiFi ！見到其他客人都坐得好舒服，好似都係熟客多！有暢快交談嘅，有開心玩board game 嘅（值得一提，呢間店竟然有好多board game），有坐吧枱望住海景嘆咖啡嘅，有專注享受美食嘅，角落位亦都有靜靜閱讀嘅．．💖店員好細心，親切有禮！我哋問咗好多問題，都好有耐性回答！喺呢度讚吓佢哋！🫶今次點咗個🍝蟹肉蟹籽墨魚汁意粉蟹肉蟹籽好似一座山，墨魚汁意粉有濃濃嘅蒜香味，好Q彈，同蟹肉蟹籽撈埋一齊食，好鮮甜！好好食！食晒！😋👍食飽，飲茶睇下書，一個人沉浸式半日慢生活，由午後陽光^睇埋日落🌅，任坐唔嬲！買埋$200有找！扺到😆笑出聲！扺佢咁隱世仲咁多綱民力推！(如果你想搵個地方relax下， Hea下，C

今日個fd生日決定嚟呢度慶祝，餐廳環境好舒服，好啱長坐傾偈，又有board game挽！可能今日平日比較少人，環境比較清靜。餐廳係QR code落單，有單點同套餐我哋叫左兩個套餐，同一個單點意粉第一個套餐—意大利黑松露雜菌意粉，包括法包、餐湯、芝士蛋糕同一杯飲品，原先冇太大期望，嚟到嘅時候見到意粉超多，CP值好高，味道方面都好食，忌廉濃厚，意粉軟硬適中，充滿松露味，亦都有好多嘅雜菌菇第二個套餐—蒜香檸檬藍青口意粉配沙律，意粉落咗好多橄欖油，偏硬身，青口感覺偏鹹，比起黑松露意粉味道普通第三道單點—柑橘慢煮鴨胸肉焗西蘭花薯餅，鴨胸肉嫩口，配搭柑橘醬，有另一番風味，整體的層次感大大提升，都推薦呢碟菜店主同店員好熱心,會主動幫我哋影生日相同播生日歌。亦可以要求喺碟上面寫生日快樂。而且咁啱今日有佈置生日裝飾 可以影相。整體嚟講朋友生日同聚餐，呢間餐廳係一個唔錯嘅選擇！ 臨走比咗張優惠券我哋，係lunch hour去有discount。 但就未必用到。

希望餐廳負責人見到後真係要改善下呀!!以前星期五黎呢度, 都好期待嫁門口會有好多人等位雖然係工業大廈,但價錢都唔便宜的但真係愈黎愈衰啦… 今日黎到都已經無乜人食已經係估到佢既衰.. 係成日都出餐好慢呀但今次真係好失望 , 1點5 就到左, 一直等一直等, ok有個湯飲等到1點50分都無得食… (個場係唔滿既)打工人既1個鐘lunch time係好寶貴嫁焗住要即刻打包拎返公司食都算啦返到公司打開… 嘩… 份量少到咁既omg 差不多成舊水既lunch 發生咩事呢? ? 都唔洗評論個味道啦….

Attended a birthday park with my family in the neighbourhood and searched using open rice for good food nearby. Already not so good attitude when we entered the resturant. Waited for more than 40 mins, due to the long waiting time, my kids stood up and walked around the table and was shouted to seat still back to the table. Definitely not kids friendly environment! The pork was fat and thin. Definitely not slow cook. Ordered steak at medium, came out medium rare.

第3次光顧呢間餐廳，次次去到嘅感覺都好relax，啲位唔逼，枱又夠大張， 加埋啲佈置同無敵日落景，會有啲似去咗離島的感覺。今次係食黑毛豬加蘋果醬，好新奇的味道，呢種味道係我喺其他貴一貴嘅餐廳都未試過。未食過既好值得去試。老闆好好人，我話我想飲杯dirty但係menu冇，佢即刻親手幫我沖一杯dirty， 質素完全拍得住專賣咖啡啲cafe。奶夠凍，所以espresso撞落去分到2個層次，1啖做到有2個口感。今次去發現個場內多咗部夾公仔機， 老細畀人任玩。

話說而家用手機掃QR code 落單好common, 係呢間餐廳掃完code, 有dinner set wor, 但裏面得main course, 周圍又冇紙餐版，於是叫一個姐姐來問。Dinner set ? 唔知喎，還好另一個姐姐來解釋有餐湯、main course、飲品，好咁set lar, 都係孌續酚自己手機落單。來了，咦？點解一來就係main course? 第一個姐姐話，系統有問題，我幫你地再落過，仲問想要飲乜同食乜甜品，無紙餐牌喎，又乜野可以揀？佢 show 佢個pad 話可揀呢樣嗰樣。呢個係咪要加錢？要我間，佢先話，係呀！湯來了，心血來潮，手機check下先，咦？變咗五道菜晚上，仲貴咗！？我再問一下那位姐姐，佢話：係呀！係咪唔要？唔要城你取消囉！吓？哦！貴咗唔出聲？咁即係…食物還算ok, 但點解始終有伏的感覺…

閒日下晝想揾個地方温書，呢間個位有啲難揾喺工業區，但係店內係另一個環境。有好多擺設同每張檯有啲花花，仲有純音樂一路播住。上到去得一檯客，大把位任你揀坐邊，可以慢慢傾偈/温書，每張檯都好大，店員都完全唔會趕你走👍👍Order咗兩杯嘢飲同埋件cake，抹茶芝士蛋糕好好食😋另外見人推介樽仔奶茶一於試試佢，幾有茶甘，不過個人就prefer奶味重少少啦不過以呢個價錢、呢個環境，加埋任坐唔嬲，真係冇嘢投訴🙂‍↔️坐窗邊位仲可以睇到海景，慢慢睇日落

📍假日想搵間coffee shop 最驚有群眾壓力 坐得耐少少都好困難😂 最近開心大發現!😻 雖然位置比較偏僻 但地方闊落乾淨 有大量Board Game 書籍提供 🔼重點係真係無限時唔會趕你走🙋🏻‍♀️🌀 蜜糖芥末雞扒配菠蘿漢堡 包南瓜餐湯 胡麻醬沙律柚及幼薯條🍟 weekend brunch價錢相當親民 性價比高～ 漢堡🍔份量十足 鬆軟麵包夾住照燒雞扒 蕃茄 菠蘿與沙律菜 超厚身😂 味道上亦有驚喜 照燒雞扒肉質嫩滑Juicy 🌝除咗外皮有少許肥膏少油膩外 其他都好滿意🙋🏻‍♀️ 配上酸甜菠蘿同蜜糖芥末醬 食落好開胃💚✅ 樓上cafe在食物方面 我通常都唔會有太大期望 但呢間真係值得推薦💜 食物質素頗高 環境亦有加分 如果2人窗口位置仲可以睇到海景㗎!

【再也找不到一家可以取替這黑毛豬🥹】 多年前經朋友介紹，由荃灣西站，行入工廠大廈區，找到這家店。記得當時有外賣平台優惠，半價可以享用，超划算！而且第一次就吃對了，🐖香煎慢煮西班牙黑毛豬配自家製蘋果醬🐖，廚師推介8成熟，不會生，外面很香口，肉質很腍，再配上芥末籽蘋果醬，絕了！一試難忘。雖然位置偏遠，但值得偶爾一去！ The 5B Private Corner (荃灣)荃灣柴灣角街38-40號銓通工業大廈5樓B室

同區我未食過更好既。老闆創業幾經波折後終於穩定落黎，係成本同埋口味中間得到完美平衡，性價比方面可以講係無敵。🍳食物質素：每次去荃灣，如果我無約人就會去呢度食野，就係咁好。lunch時間去會好旺場，呢間店係同區黎講好出名。🍴推薦搭配：必飲樽仔奶茶，因為太過受歡迎，好多時去到都無。叫唔叫到要睇緣份。🪑環境座位：又大又舒服，6個朋友去都唔會話逼。室內設計有一種台式的風味，好家居。🚗交通：南豐紗廠隔離，如果唔係去開果頭的話都算係偏遠💰人頭費：130左右

今日約了三個知己去荃灣Chill一Chill，朋友推薦這間隱世小店。見到餐牌，大部分都好吸引，4個人4個餐開心些牙！知道一人1/4個漢堡一定唔滿足，所以叫左兩個安格斯牛肉漢堡，切開漢堡比相機食先，D肉汁已經「必」到成手都係！ 加埋塊grill菠蘿呢個夢幻組合， 啖啖肉而不膩，一人半個真係明智抉擇。 咖喱牛脷飯既牛脷好腍，牛脷關注組員不能錯過。 泰式香茅豬扒飯，兩大塊香噴噴既豬扒，抵食夾大件，跟餐仲有飲品同南瓜湯。 就這樣邊吃邊傾，對住個海景，舒舒服服咁傾咗三個幾鐘，最後友人叫咗個海鹽雪糕做了一個完美句號。 藍色既雪糕感覺好可愛，友人話好味😋 臨走先知呢間隱世小店已經營運了八年，經歷風風雨雨，果然是實力派！ 見到環境衛生，擺盤既用心， 必須支持！