The Artlab by Favilla (已結業)

原本想去的餐廳實在太多人排隊,，所以即刻search吓附近有咩其他選擇, 誤打誤撞搵到這間高質日式咖啡店。餐廳裝潢簡約,，店內用日系的淺色木做主調，再配不同的乾花作裝飾,，環境舒適,，除了品嚐美食外亦適合打卡。慢煮封門牛柳定食 ($108)擺盤精美牛柳經過慢煮之後肉質嫩滑同時鎖住了肉汁，伴碟的醋汁既提味又開胃， 定食配有珍珠米飯、味噌湯、薯蓉及沙律菜。薯蓉調味不重，好滑又保留到一些薯仔塊，口感有層次!意式蟹肉配酸種包·味噌炒蛋·沙律會選擇這間餐廳全因為見到menu有sourdough 炒蛋很嫩滑而且有蛋香，沙律份量不少，沙律菜好新鮮配有少少麻醬點綴，好味! Sourdough的包皮烘得很香脆，蟹肉則有點似蟹沙律，調味不太出眾，但整體而言十分滿意!Cappuccino ($38)Cappuccino比較普通，咖啡味不算特別香濃。

被IG種草，剛好來到附近就順便去打卡鰻魚飯😍😍怕多人就早少少上去，到lunch hour就陸續滿人，難怪會限制用餐時間一小時😂蒲燒鰻魚滑蛋定食，鰻魚很大塊配澆汁味道剛好，滑蛋也夠嫩夠滑，鰻魚+蛋+飯一口下去就是幸福的味道啊！紫薯×蔬菜沙律也清爽又健康，南瓜餐湯有淡淡的奶油香，入口柔滑細膩，如果沾麵包吃都不錯～出於好奇？還點了自家制蝶豆花檸檬梳打，想說吃鰻魚飯可以解膩，上來果然高顏值，不過味道就是檸檬梳打啦，畢竟蝶豆花本身沒什麼味道，不過酸度剛好，就當幫助消化了XDDD蒲燒鰻魚滑蛋定食 8/9自家制蝶豆花檸檬梳打 7/9OVERALL 7.5/9

服務態度親和，店舖裝修整齊舒適食物質素很好，與朋友點了兩個all day breakfast 都很滿足，炒旦出色不會太膩，多士脆卜卜，咖啡菇好好味，另人想再添食！最後order埋甜品，兩款芝士蛋糕更值得推介，一款是蘋果芝士蛋糕，而另一款是柚子芝士蛋糕。

第一次就選擇大啡菇早餐，最喜歡有少少紫薯伴碟🍃。不過如果當午餐就未必夠飽。早晨份量還可以，咖啡就一般。其實已encore 幾次，食材都keep到新鮮。味道偏日式洋食，大部分食材都係我喜歡的食物。雖然地方唔大，但都坐得舒服。

朋友生日想靜靜地食餐靚靚地既飯，就搵到呢間～環境唔錯，坐位都舒服唔逼，又有花花佈置。叫左慢煮封門柳定食同帶子羽衣甘藍意大利飯。封門柳好軟滑juicy又好有牛味，推介！碗飯可以大啲就好，因為真係好味🤩羽衣甘藍帶子意大利飯就一般般，似燴飯多啲，但其實無乜味，普通啲。抹茶latte叫左少甜，真係好少好少好少甜，個人認為近微甜至無糖，但重茶味。朱古力cheesecake朱古力同芝士味都濃，亦好rich同扎實好味，蘋果cheesecake覺得無乜特別～

今日為友人慶祝生日，之前已經試過這間店，有水準，值得再光顧。友人點了全日早餐$138，有原條蒲燒鰻魚，炒蛋，香腸，沙律及牛油吐司。鰻魚燒得香口，沒太多魚骨，滑蛋放在牛油吐司上更佳，沙律菜開胃。而我點了慢煮封門牛柳定食$128，牛柳好腍，薯蓉好好味，珍珠米飯，麻醬沙律菜，這個定食不錯呀👍🏻友人點了明太子雞翼（2只）$38，明太子釀入雞翼內，少許辛辣，非常惹味。我們最後還以優惠價點了原價$46自家制蝶豆花檸檬梳打。Favilla 是一個好選擇。

約左閨密打卡，出發前先補充力量前一日揀好左尼間，地方唔難搵，而且好似素食款都多，吸引，就決定係佢！真心門口睇落平平無奇，但一入去就係第二個境界，被安排左坐係打卡able既角落Menu 幾特別而且感覺乾淨咖啡先上，拉花令，而且上台感覺都好好，因為好滿同店員隻手唔會掂到有可能入口既位置，讚！密密all day 先上，超令，而且原味，連醬汁都好健康清新仲有紫薯蓉有口感，得原味甜，岩晒注重健康既人唔想要滑蛋可轉煎蛋，好貼心到我啦！真心超～～～～～級推薦，鰻魚滑蛋all day! 魚配醬汁夠味，滑蛋口感！！！！吐司反而我中意再牛油d但脆度非常好！！！滿分！！！服務好，有禮貌，快手爽快

今日黎到呢間裝修得幾靚幾文青嘅cafe，入到去完全係置身於花花世界咁，好有生氣同活力。餐牌上面雖然野食嘅種類唔算太多，不過全部就咁睇個名都好吸引。有樣野要注意嘅係只限星期一至五先可以以半價升級餐牌飲品。由於我地去個陣係weekend黎，咁我地就冇升級到飲品，就咁揀左個是日餐湯。是日餐湯係蘑菇湯黎，幾濃郁同足料，每啖都食到好多蘑菇碎。蒲燒鰻魚滑蛋定食所有野同擺盤都好精緻，非常適合打卡。除左睇得之外最緊要嘅係仲要食得，個滑蛋非常滑，拎黎個陣上面仲有少少半熟嘅蛋汁係度滾動緊XD，主角鰻魚呢就正常水平，反而旁邊嘅青瓜薯蓉非常令人喜出望外，好清新完全冇平時食薯蓉嘅個種飽濟感。慢煮封門牛柳定食呢個定食同樣都有沙律同薯蓉伴碟。牛柳經過慢煮之後肉質軟滑，但仲保持到有咬口。食落有少少牛味，不過淨食較淡，要點一點附送既醬汁一齊食，略嫌醬汁偏甜。另外幾鍾意個飯，面頭有少少芝麻，飯粒粒粒分明有咬口。人均消費：$130推介指數（10分為滿分）：8分

有一排見到好多foodie推介佢，加上佢係黃店，bookmark咗一段時間之後終於比我試到😉非繁忙時段喺eatigo book枱仲有50%off⬇️·<意式蟹肉配酸種包·味噌炒蛋·沙律> ʜᴋᴅ 98為咗食sourdough而點呢個餐😛可惜sourdough好韌好難咬，唔知係咪比上面嘅配料浸惗咗，定係儲存得唔好，連個包皮都變得唔脆，亦食唔到酸種嘅風味😟意式蟹肉唔係好食到蟹味，有啲似蟹沙律，意式我諗就係有少少balsamic vinegar(?)但唔太出眾😕味噌炒蛋係全碟比較好食嘅🥚炒得幾滑而且有蛋香🤩食得出同平時嘅炒蛋有分別但又食唔出係味噌🤔·<釀芝士大啡菇·秋葵·味噌炒蛋·沙律·牛油吐司> ʜᴋᴅ 98朋友叫嘅，大啡菇好細，佢話係屋企都可以整到嘅味道🙈Btw吐司係脆嘅😆·<京都宇治抹茶芝士蛋糕> ʜᴋᴅ 28好細件嘅cake🤏🏻底層係海綿蛋糕🍰食唔到抹茶味，食唔到芝士味🙃·雖然係黃店，但都係比返個真實感想🤭最失望係sourdough，如果唔係app有discount，我諗會食得幾唔開心😳❗️店內似乎仲有鮮花出售，唔知係咪因為有花草，我嗰日見

近年黎工廈D Cafe全部都裝修得好靚..同朋友今日去開觀塘，決定搵一間靚靚Cafe坐下。呢間Cafe主題以花為主..入到去完全係少女心爆發。周圍係咁影影影坐低首先叫咗兩杯咖啡慢慢嘆吓先..由於天氣太熱啦所以叫咗凍咖啡..如果唔係都想睇吓呢度啲拉花效果係點。睇食評啲人都係介紹食鰻魚飯.我哋當然都即刻叫返一個..鰻魚份量雖然少咗啲不過都尚算肥美。如果size再大少少就完美了另外仲叫咗呢個好似係漢堡扒..啲嘢食擺盤都好靚好有心機。環境周圍都坐得好舒服響繁華嘅觀塘都叫做可以忙裏偷閑

又係黎觀塘💛小店攞貨既日子啦！所以晚餐就諗好要黎哩間賣口罩😷賣到俾👮🏻x既💛小店cafe開餐支持下啦！@favillacafe————————————————由於時候都唔太早既關係,唔想食得太heavy,所以就揀左兩款夏日限定之選：低温煮雞胸🐔冷素麵🍜配和風醬油汁牛油果🥑野菜冷蕎麥麵🍜兩款主食都有青瓜🥒/蕃茄🍅/糖心蛋🥚做配料！我比較鍾意❤️冷素麵,好似米粉咁,非常適合做冷麵,因為吸收到頗多既醬汁,食落清爽又開胃😋低温煮雞胸食落幾嫩而且肉厚😙非常有口感👍———————————————伯爵茶柚子梳打🥤凍抹茶🍵飲品方面,抹茶🍵味道幾香濃,仲有少少回甘！伯爵茶味道亦都清香唔苦澀😙————————————————富士🗻蘋果🍎生芝士蛋糕🍰味道🆚比平時食既芝士蛋糕🍰會清淡一點,所以食落都唔會太膩！而且蛋糕入面仲有蘋果🍎粒,酸酸甜甜咁😋

失驚無神要去觀塘做嘢所以就約咗朋友去食午餐搵咗好耐都諗唔到去邊見到呢間餐廳嘅報紙好似好靚所以吸引到我。其實佢嘅選擇唔多不過嘢食味道都唔錯，朋友就食咗慢煮封門柳定食。我就食咗燒雞炒蛋定食。大家都飲咗個Rose latte。整體來講服務同食物都唔錯不過就好搞笑唔記得咗定食係有個麵豉湯冇比到我！當然問返之後有比返我。先朋友分唔到睇落去好似好難雖然我冇試過，至於我個燒雞炒滑蛋佢彈真係一流好滑，至於杯咖啡就比較甜咗少少唔算太特別，但係如果一班朋友尤其是女仔一齊去呢度食嘢周圍去環境令人心曠神怡，而且好有日本feel所以我哋都決定下次再聚會嘅時候號可以嚟呢一度下午茶。

一個星期內食咗二次。餐廳環境非常舒適，但服務只係尚可有改善空間。 至於食物方面，嘢係好食嘅！ 不過就真係偏貴同埋選擇唔算好多。對男仔來講未必夠食。午飯時間12點左右都已經坐滿一半，到一點鐘lunch hour 的時候全場爆滿！所以想食要book定檯先。

慢煮封門牛柳定食 (HK$128) 定食賣相都ok.成個定食睇落係多菜少肉.沙律係落咗芝麻醬.個薯蓉似係落咗少少沙律醬.牛柳唔會太熟, 又唔會好韌, 仲有肉汁, 好好食.如果牛柳份量可以多少少就好喇.個味噌湯都好好飲, 裡面有菇同紅蘿蔔絲.成個定食睇落份量好似唔多咁, 但食完都好飽.伯爵茶柚子梳打 (+ HK$23)晚餐可以用半價叫升級飲品.我覺得伯爵茶柚子梳打比較少見, 所以叫咗嚟試下.冇諗過伯爵茶同柚子蜜味道都幾夾.飲落有種清新嘅感覺.顏色仲要好靚添.富士蘋果生芝士蛋糕 (HK$28)賣相好靚.佢唔係好甜, 所以唔會覺得膩.芝士好滑, 配埋蘋果嘅清甜, 好好食.整體來講, 呢間餐廳環境都幾舒服.食物質素都唔錯.我見都幾多食客叫佢個意粉 & All Day Breakfast, 我下次都會嚟試下.

今晚約咗friend食飯，俾咗幾間佢揀， 都冇乜所謂， 咁就揀咗呢間， 有得online book, 好方便， 仲有85 折， 正收工趕過嚟，觀塘放工時間真係好多人，明明武漢肺炎， 條街點解可以咁多人餐廳響工廈， 上到去個感覺好唔同， 有好多顏色豐富嘅畫， 令你心情好開心， 響呢個武漢肺炎疫情下，搵到少少安慰我地揀咗低溫煮雞胸藜麥飯， 醬燒美國豬仔骨， 原來有得包埋嘢飲or湯， 我地揀咗焙茶同埋南瓜湯。 d嘢食好快嚟到， 個低溫煮雞胸好淋， 好好味， 個藜麥飯有d芝士拉絲， 好好味， 唔太多芝士， 食落啱啱好， 唔會漏個豬仔骨都好好味， 夠味， 仲有salad on side, 正~ 成餐都有好健康嘅感覺 我飲個南瓜湯都好濃郁，個底仲有d南瓜肉， 好淋， 好好飲~成餐都坐得好舒服， 可以慢慢enjoy, 傾計，收工之後嘅慢活 佢地d staff仲好好禮貌， 應該好有笑容 --- 明明戴住口罩， 點解我會睇到？ 因為佢地笑到瞇晒眼， 響口罩下面應該笑得好燦爛武漢肺炎幾時先完， 大家幾時先可以唔駛戴口罩呀