The Coffee Room (已結業)

買左10:25飛同男友睇戲,見仲有成個鐘,我地又唔多肚餓,經過呢度就諗住食件cake坐陣啦~因為個陣時候都唔早,所以cake的選擇真係唔多~我地簡左Strawberry Light Cheese同Yuzu Cheesecake,店員問我地有冇the one戲飛,原來有9折~正!不得不讚的係店員好nice好有耐性~Yuzu Cheesecake有淡淡的柚子味,食落唔會太甜Strawberry Light Cheese我同男友都勁讚!個草莓醬實在太好食啦~加埋軟棉棉的芝士餅底, 食多幾件都得~!總括黎講.呢度坐得幾舒服,服務同食物都唔錯,下次經過會再黎~

約左老友睇戲, 諗住未夠時間行下街, 但老友又話呢排返工辛苦, 咁啱就停左喺The Coffee Room 門口，首先第一個讚係店員，佢見我地望緊Ｄ蛋糕，佢好主動咁遞兩個MENU俾我地睇，仲嘗試去介紹我地有咩好飲。個個主動又唔會好乞人憎好似BOUTIQUE嗰D SALES咁。然後我地兩個就商量一下要唔要坐低。見到有兩個圓碌碌既蛋糕，名又唔太識就去問下佢咩黎。好似話係法國黎既蛋糕，老友超級祟法就話要一個。咁我就揀左另一款朱古力榛子既蛋糕。然後我問店員有冇咩特別又提神既嘢飲，佢就話齋啡有手沖，Espresso 同D我唔記得既嘢。但今日又唔想飲熱嘢, 就試下個Espresso Pop。個店員再三確定我係咪要呢杯嘢飲，佢話味道會比較重，同埋因為汽水本身既汽會令到個Creama(?)會厚身左，會甘苦味會比較出，然後先飲到本身個味同埋汽水既味。好似幾得意咁，所以都照嗌。店員叫左我先坐低，然後會送啲嘢過黎俾我地。先嚟2件蛋糕，店員原來冇同我地講，本身白舐晒既蛋糕，原來會用火槍燒左個面先拎出黎。個面有少少焦幾香口，但個蛋白依然好滑，唔會好甜，個心有少少海綿蛋糕，不過有少少濕。我個朱古力榛子，好香榛子味

預左朋友仔遲到，所以就算超過 30 分鐘心情依然平靜。等到呆晒又行到無野再行，唯有是但坐低飲杯咖啡好過啦。剛剛好見到有間 cafe 咪求其叫杯野休息吓，有 Espresso 喎，啱晒。Espresso Pop，可樂溝濃縮齋啡？店員有責任心地收錢前先向我介紹清楚，讚。唔係掛！真係可樂溝濃縮齋啡？無緊要，做食家最緊要有冒險精神！黎就黎啦！有氣齋啡，撞埋有種澀味又帶點薑味，怪怪的！夠難飲實夠晒提神啦，咖啡因上再加咖啡因，數係咁計既，但我只飲到一半，實在有點難入口，唔啱口味。

雖然d位好開揚 不過買杯咖啡坐幾耐都得夠暢快！試左Americano34蚊一杯價錢合理！味道唔會太苦澀對我黎講岩飲不過聞落就無乜特別咖啡香但呢度勝左夠causal個店員都唔會理你坐幾耐下次幾個女仔想傾計會再黎呢度！

在The One的五樓有一個小小的角落，有一間少少的coffee shop。當天跟一眾友人相約吃一個豐富晚飯，在這之前我們到處逛了逛。逛到有點兒累了，就不自覺地想找個地方休息一下。突然就看到了她，「The coffe room」。當時是下午四時多，有數檯客人，但不爆滿。這店採用了半自助形式，先到櫃檯付款，後有店員送來咖啡。而且是有最低消費。我們也點了每人一杯咖啡，沒有點另外的蛋糕甚麼的。Caramel Latte  X 2這杯我覺得相當好喝。奶和咖啡的比例做得很好，奶泡細滑，潤喉。焦糖味不重，不會很甜，喜歡喝一點點甜的人會好喜歡。Rose Latte是朋友點的，她說一般，比Habitu的差很多，味很淡。Rose Latte Skimmed Milk比Rose Latte更淡味，完全喝不出有玫瑰味在裡面。但對我個人來言，我是蠻喜歡她們家的咖啡。但有一點，就是杯碟的配色問題上…一套咖啡杯碟，最好看的是一套，同一種顏色。但我們來了四杯的咖啡，沒有一套是配同色的。如果是這店的主意，要把咖啡杯與杯碟錯配的話，那麼，我是覺得相當失敗。原本很美的天藍色配上鮮黃色，有說不出的怪。而酒紅色配天藍色…唉…

哈佬喂竟然有假放，所以就要瘋狂喪行街。男朋友陪我行到腳仔軟軟，所以喺去睇戲前想話搵個地方坐，可能哈佬喂嘅關係，所以都冇乜地方有位，直到上到五樓，咦，乜原來有間CAFÉ喺度，如果唔係突然間個WAITRESS喺度叫賣，其實平時唔會好為意。咁見得呢度，又未夠鐘睇戲，就順手飲杯咖啡食件蛋糕。老實講，一開頭見到個價錢，已經會對佢Ｄ嘢有期望，然後個waitress問我地有冇即日戲飛，原來有戲飛會有折架喎好喇，廢話唔多講。最尾我地一人嗌左一杯熱latte，加多件Earl Grey Crème Brulee首先講左個蛋糕先，好香茶味，微微甜，成個口甜得好舒服，再加上佢個mousse 好滑，所以成件事係好舒服，然後再呷佢個Latte，佢本身冇咩好花俏嘅拉花，冇好濃好濃嗰D咖啡味，然後呷一啖。竟然有意外驚喜！！！！佢飲落，泡同奶係每啖飲落去都有融埋一齊，個咖啡同個奶好夾，唔會俾Ｄ奶或者啡搶左味。最重點係：佢唔係死苦！所以係值得一去！

雖然係甜品舖，都唔駛乜都得個甜字啩。泡沫花茶，冇花味，得甜味，仲要叫咗少甜都係好甜。榛子杏仁朱古力蛋糕，應該叫朱古力甜忌廉批至啱，冇榛子味冇杏仁味，朱古力味少許，甜味大量。食完成口甜到漏嘅感覺，好似食咗成羹糖漿，要即刻飲水沖番。唔好叫我形容多啲食物味道喇，除咗甜，好甜同非常甜，真係諗唔到其他形容詞可以形容。

Coffee roomSimonelli 機Green field 奶位於the one既咖啡店，價錢比連鎖咖啡店平，而且佢地有唔同既單品手沖咖啡（雖然都幾貴），感覺似精品咖啡店同普通咖啡店既結合。Maple syrup banana tart 上碟有朱古力畫花同楓葉糖漿點綴Tart 上邊既植物忌廉令tart既造型好堅挺，但係缺乏左新鮮忌廉既軟滑感覺，仲會有一種膠膠既粘口感覺。忌廉底下有用糖煮過既香蕉，而tart皮用上硬身既曲奇皮。整體都算配合，香蕉味亦能夠發揮出來。可惜楓葉糖漿和朱古力醬重疊擺放，令朱古力漿既味蓋過左楓葉糖漿既味。另外叫左佢地cappuccino，同大路香港咖啡店一樣，佢地既blend偏向苦同零酸味。這種咖啡比較適合沖加奶加糖咖啡，如果飲黑咖啡就會好苦喇。味道唔算太差，都有輕微回甘，不過又飲到綠田源green field 既蛋味，真係唔知點解咁多咖啡店鍾意用。比較奇怪既係佢用隻高窄身杯沖cappuccino，感覺好似大半杯都係泡咁。

下午有點餓，在這兒吃點東西。點了檸檬撻($24)，表面有一層啫喱，有少許檸檬蓉，而吉士不夠酸甜。撻比較厚身，牛油味不夠濃，但仍算香口。熱朱古力($44)有拉花，喝第一口，溫度不高，只算微暖。朱古力味道不夠濃郁，甜度亦不足，質素很普通。只有一名店員，由收錢、沖飲品和拿甜品，全都是一人負責，令食客等候時間很長。幸好，這位店員很有禮貌，對每位食客連忙說不好意思。

平時都無寫開食評既我，今次真係不得不“表揚”呢間餐廳。 我平時都有買開團購既習慣，但我吾會亂買，買時都會睇下食評，餐廳地點同菜式。今次都吾例外，我見食評還可以，地點位於the one，餐牌亦合心水，所以試下。 俾↓餐單吸引左去道見到都幾多人食，好彩都有將枱。當時職員有3位，多人食好忙我都明白，當我去點餐時，雖然佢地見到我，但都當見吾到，一味係到整野，等左5分鐘先有人理我。好勒點完野食就等啦，點知等左10分鐘，個職員黎放低既竟然係一碟mei心西餅拼盤！ 我真係當下呆左。回過神之後我既刻拎電話出黎睇番個團購，成碟野淨係得個牛角包同英式西餅同相中一樣之外，跟本其他都係mei心西餅。1.蛋糕？是西餅吧！而且難食過mei心既2.英式西餅配既醬太甜3.三文治，我整得都好食過佢4.最過分既係果幾塊硬過石頭既“家庭雜餅”5.兩杯無檸檬味既凍檸茶咁相上面兩件Macaron呢？我即刻追問，點知得黎既答案係：無哂勒，所以用兩塊餅代替。我當下即刻無哂野講亦都吾想同佢理論，全部咬一啖都放底 我未試過食個tea要嬲到寫食評，大家想試前真係要三思！我fb d fd都覺得過分

食完午餐，周圍行兩行又甜癮起今次黎到The One裏一間隱蔽點既cafeRed Velvet Cake賣相不錯，層層分明，色澤玫紅吸引Cream Cheese味道香濃，帶微鹹剛好朱古力味雖重，但偏甜，中和芝士味道Lemon Cakelemon curd酸甜得宜，質感細膩，可是……救命！忌廉未免太油膩了！蛋糕體亦過乾，有點韌身對檸檬甜品有癖好的人士……就不要讓想像幻滅了Caffe Latte奶味香，同時不蓋過咖啡味道拉花consistency高，泡沫細膩夠厚，咖啡微苦不酸在下只愛喝純咖啡，不懂品評個人認為可以只嚐嚐咖啡，其他就免了

之前買了團購 high tea set for two. 價錢連加一好似大概$88，算是團購high tea 中比較平宜，但由於餐廳位於 The One, 我都唔擔心質素太差，所以即買！Coupon 快要到期，店員話 30／1較鬆動！（可能大家都吃團年飯關係吧！）5時到達！眼見店員忙得很！我們找到空位便坐下，叫得 Coffee Room ,我梗要試下呢度 D coffee. Cappuccino 只須補差價$7，噢！點解唔係好似其他人咁用杯裝？！ 係用 take away 紙杯嘅？鍾意食埋個 feel 嘅我係度扣少少分！ Cappuccino 唔錯！而我聽到其他客都讚其他咖啡好味！High tea 黎喇！High tea stand 係兩層，碟係有好靚嘅彩色圖案，精神為之一振！我都好想要個咁嘅high tea stand!  好! 講下D 食物先！迷你吞拿魚三文治：正常、夠吞拿魚醬、亦好濶綽咁比左4件！牛角酥：脆且微熱，ok! 芝麻QQ 餅：好香口 wor! 幾鍾意呢個！上層有D餅乾、曲奇、蝴蝶酥各兩件、都唔錯！只少會想食多幾件、雖然可能係嘉頓出品之類！另外有個果撻就麻麻喇! 個皮「林

見到the one 開了新coffee shop 便想飲番杯咖啡叫左杯latte，拉花精緻，面有光澤，味道香濃對我來說亮點是綠茶cheese cake，雖然望落去沒有很特別，味道好，有清新綠茶味，不會很甜或溜，底層又有餅底服務也很好，店員親切有耐心

A nice place to hv a coffee time here ,good quality coffee, cakes ... also love their dinning ware !!Can see the owner pays so much attention to the details !! with heart !!I had the Americano, i had it black n it went well with the cakes .. I dun like the cakes or dessert too sweet, but their cakes are just fin . the top layer of rasberry sauce makes a good balance btw sweet and sour ... but that a pitty that i just realise i ordered the mousse cake but they bought me this one .. well .. i had

某天我到the one, 見到有新店當然走去望望。 女侍應熱情非常而且有禮貌, 把全店的產品一字不漏介紹完, 加一個微笑, 這樣的服務態度簡直是全港營業員的榜樣!!!本來不愛喝咖啡的我都被她熱情所溶化, 一杯咖啡加個macaron, 價錢相宜。搭的士回家不需5分鐘, 咖啡還熱的, 但味道真的不能接受, 咖啡苦而且有種over cooked的味道, 而macaron亦不能接受, 硬到不得了! 甜剛好適中但質感絕不能接受!