影片
以上资料只供参考，请与餐厅确认详情
一直都有幫襯開呢間漢堡包店，但好少食漢堡包，多數食意粉，夠平 又好食又大份，一句講晒性價比高。扯遠左，其實係想講佢地應該係換左店員，相比之前服務好左好多，本身呢啲自助形式不收服務費不嬲對服務冇咩期望，都係醫肚，點知會比佢地既服務驚喜到，所以上來專登讚一讚。事情係好基本的，我QR CODE落單後，一如既往咁坐係度等，但因我朋友去左廁所，同一時間要幫手拎埋佢地份餐，冇手拎既情況發生，男店員好主動積極幫我拎埋到位，但佢明明好忙，做到踢晒腳仲要比客話佢慢，但佢都肯咁樣做，我果陣講左句，"麻煩晒你咁忙仲幫我送餐，快啲返去做野啦"，佢答："唔洗客氣，助人為快樂之本。" 少傾亦在用膳中觀察到佢，係一個很樂觀開心的店員，真係用心既服務，值得一讚！！
继续阅读
之前食過幾次都唔錯，咁就諗住再食啦。入到門口見變左自助落單，咁都無咩野嘅，本身餐廳都係自助收餐具。當個餐嚟到個下，放埋入口，就發現佢真係變左了😢我今次試下叫意粉食，個醬嘅名本身都有少少怪怪地 「檸檬青醬忌廉汁」。嚟到真係有少少酸味嘅白色汁汁。。。意粉係暖暖地咁，咬兩啖，就凍凍地。意粉質地似係隔夜粉咁，又脹又粉😞。同事叫返Burger 食，佢覺得食落無之前咁好食，但都ok，不過野飲中左伏。佢加左$2叫左支奶茶，睇住佢飲到面容扭曲我再望返去廚房，見好似啲人唔同曬，唔知係咪轉左老闆😢
继续阅读
係九龍灣返左2年工，第一次食到性價比咁高的意粉，有意粉 薯條 飲品 雞翼 加埋先 83蚊， 出餐夠快 岩晒我食完打下機，落單又可以自助 唔洗排隊，佢個三文魚黑松露意粉 堅好食（但佢係主打漢堡），好食過隔離間西餐，蜜糖雞翼好似自己去BBQ咁既味，正！。 薯條就正常野，但對佢個＋$3 黑松露醬有興趣，下次試！ 忍唔住要上黎寫篇文 真心推介！抵食！好食！話說外賣自取好似仲有8折，不過通常都係堂食多，有FEEL D又熱D，唔係拎到返去都凍晒，因為返工距離比較遠
继续阅读