The FOOD FACTORY (已結業)

周末鬆一鬆，去旺角行街等睇Endgame，搵個哋方食個hea lunch等開場就最啱。搵到間The food factory食個lunch都係五六十，好過去茶仔同人迫～ 空間感幾大！Set lunch有12款選擇，除咗慣常嘅西式，都有少少亞洲美食，算幾多選擇。餐湯係忌廉湯同大大個餐包。 好多湯料，夠晒濃。【菲莎芝士火腿雞扒$57】勁厚又大塊嘅雞扒，上面係火腿同一塊半溶芝士，再加蒜蓉汁。 雞扒肉質鮮嫩有肉汁，同火腿芝士味道幾夾。薯角都好惹味，配菜有炒白菜同番茄。【冰極魚柳配雞蛋沙律$59】魚柳又係大塊，外層鬆脆魚肉白滑，配菜係一大堆雞蛋沙律，沙律菜好新鮮，啱晒我呢啲keep嘅fit嘅。飲品：咖啡、奶茶外可轉配其他特飲，$22以上需補差價。 呢排天氣忽冷忽熱、陰晴不定，飲啲熱嘢養生，叫咗兩壼生果花茶慢慢嘆，每壼補返$36。【藍花皇家伯爵荔枝紅茶】荔枝味幾夠，入口充滿果甜，好好味。【檸檬茉莉花茶】檸檬有排毒作用，健康有益，啖啖檸檬香茉莉花茶香，感覺不錯。

旺角有很多cafe, 今次同朋友去一間新開的試一試 餐廳近油麻地，是樓上鋪，食野時可以望彌敦道道街景，因為我地坐窗邊位，旺中帶靜，都幾relax & chill 我地分別點左兩個一人套餐，北海道全蜆忌廉意大利麵，忌廉味很重，伴小小紫菜，感覺幾新鮮 慢煮肉眼伴農夫菜，肉眼扒餐廳冇問幾成熟，default 左7成，可能係因為慢慢，肉眼可惜多左小小筋，口感一般，好在伴碟不錯，顏色鮮豔奪目，煎得幾香餐廳都幾多人，黎前記得要book 位呀！

估不到甘快就要encore😹😹😹不過地方又真係幾舒服任坐唔嬲😹北海道全蜆忌廉意大利麵👍🏻呢道菜上次都有食，今次又食，味道都不錯，好足料😎奶油忌廉虎蝦奶油味幾重，d蝦都好實肉煙三文魚蛋白炒飯個飯就稍為乾左少少玫瑰蘋果伯爵茶☕️初初以為水果茶係一壺熱的茶，點知原來係一杯冰茶。不過味道都幾香，好清新的感覺😋朋友叫左杯特濃薄河朱古力好大的薄河葉😂，賣相都不錯👍🏻呢度仲有一大賣點就係中間有個好大的屏幕，會播不同的歌曲。好有氣氛，好適合朋友傾計談心既一間餐廳👍🏻👍🏻

餐廳Lunch同Tea set嘅menu冇重複items，所以接近1430嘅時候嚟就最好~人多嘅話一啲人食lunch一啲食tea，share返更抵更滿足~Egg Benedict比想像中大份，足夠2-3人share。切開食時流心蛋黃滲入牛角酥，酥皮吸入蛋漿，蛋味混和牛油香，好吸引。連埋煙三文魚一齊食更有鹹香味，冇諗過咁抵食嘅tea都做到呢個水準。蜜汁烤雞翼只係$35，但同樣係十分大份。雖然望落似滷水雞翼，但醬汁滿是蜜糖甜味，雞翼燘煮咗好耐，骨頭可以輕易拆開，但肉質仍然嫰滑。不得不讚伴碟菜，雖然只係配角，但都用上多款沙律菜，更將車厘茄焗至爆開，味道更甜更開胃。呢度一個賣點係飲品選擇好多。朋友點嘅雪糕棉花糖特濃朱古力好足料。雪糕係cookies n cream，而且係餅碎多過雪糕，極足料，恐怕專登去買一杯雪糕嚟食都未必比得上呢一球。彩色棉花糖點綴了朱古力，望落唔止靚，飲落亦更得意。我呢杯洛神紅莓冰沙一上枱，朋友同我都大讚佢靚。淡粉紅嘅冰沙細看仿如雲石紋，cream上面撒滿花瓣，滿足咗我哋過期嘅少女心。冰沙落咗好多乳酪，所以打起上嚟質感較似smoothie，冇乜冰粒/水份嘅感覺。味道比較甜，

星期日要喺旺角搵位食飯都好唔容易係OpenRice見到有間新新地嘅餐廳好彩真係唔多人等位！裝修簡潔幾靚，價錢又唔貴，即刻坐低落地大玻璃可以望返彌敦道景繁囂中帶有一點寧靜午餐價錢大概$50至$60仲要每個餐都有餐包同餐湯，加$20可以轉特飲如果兩點半下午茶仲平D添餐湯係蘑菇湯稍為鹹咗少少 牛扒沙律蜜糖芥茉醬幾好味沙律菜撈得好均勻每條菜都沾有醬汁呢個價錢有牛扒同豬扒食，仲要係套餐喺旺角區來講其實真係好平上面嗰幾個餐都係屋企人食嘅我都係試咗幾啖我自己叫嘅餐係...burger!!我覺得超水準！上面塊麵包都有toast過，唔係凍冰冰入面塊漢堡幾厚有配埋生菜蕃茄口感好豐富再加埋蜜糖芥末汁好味！！其實個漢堡包我都食唔晒因為真係好大個好足料下次三五知己都可以再嚟呢度慢慢傾計食嘢整體來講性價比極高！

行經旺角見到$50-60就食到個包餐湯、餐包同飲品嘅西餐廳，覺得價錢幾合理吸引，就決定食吓呢間The Food Factory。餐廳裝修帶工業風，座位安排唔焗促，同時有風景吧枱位，坐落幾舒服。Lunch menu總共有12款咁多，今次我哋點咗香草厚切豬扒同千島海鮮薄餅。餐湯係足料雜菜湯，入面有大量西芹、蘿蔔...幾重鮮茄味。餐包都鬆軟同大個。香草厚切豬扒juicy，但要到中間啲嘅肉先比較鬆軟。檸檬牛油汁微酸、清新，同豬扒嘅香草味幾夾。薯菜係新鮮薯角，好香脆，份量十足，而且用咗五香粉調味，特別惹味。千島海鮮薄餅令我哋幾滿意。本身都諗住呢個價位嘅「海鮮」不外乎仿蟹柳呢類假海鮮，但呢份pizza上面配料十分豐富。厚厚嘅千島醬之上係蜆肉、八爪魚、爽口蝦仁...仲有唔少彩椒、粟米粒。餅底雖然唔係黏韌嗰款，但夠脆身好似食cracker咁，比起唔少整到好似甜餐包咁嘅餅底，都算係唔錯。飲品選擇好多，而且幾有特色，值得加錢飲。例如呢壼花茶，倒出嚟都有好幾杯，可以朋友之間share~

譽發廣場有唔少餐廳黎左幾次後都覺得地點幾方便所以都幾鍾意黎呢到食飯於是又約左朋友黎呢到食飯啦！今次黎到既餐廳係專食西餐環境好舒服😌有小食/意粉等等最後我地點左兩個一人餐再加價將餐湯轉為龍蝦湯（加$15）！😋龍蝦湯好快就上到喇呢個湯唔單只湯仲有料添！仲要有好多舊肉好喜出望外呢！意粉方面要左：北海道全蜆忌廉意粉墨魚黑汁燴飯每人都分到兩三轉！🥰啲蜆都幾多 但係有少少沙飲品就叫左個榛子特濃朱古力好重朱古力味！正正呢到環境好舒服同朋友傾計傾到唔知時間店員都唔會趕我地走有啲餐廳見餅食哂啲食物就好快收走哂啲野感覺好似想趕你走咁但呢到唔會推薦比大家

今年4月5日至響同一個地址(即係EAT ME)食Lunch.同月21日再去食brunch…原來已經轉手。*The Food Factory* ，餐廳比以前的光猛。雖然得一枱客…咁既然嚟到，即管坐低食個brunch.Order咗個 “帆立具卡邦尼野菌意大利麵”。雖然等咗大約十五至二十分鐘，但真係熱辣辣又啱我口味。 所我覺得值得等。一點前埋單有八五折，埋單才$53。抵食。勝價比絕對高。之後一個月我都去咗兩次，每次都無令我失望。餐廳人流越來越多，希望餐廳繼續用心做好食物。

同朋友2個人 行油麻地，發現譽發廣場5樓有間西餐廳呢間整體上個環境 服務 同食物質素都唔錯環境方面：入到黎就會見到個大玻璃 望著彌敦道 而每張枱都有一定既空間令人坐得舒服 同朋友傾計一流服務方面：佢哋都好有禮貌 有效率 上餐快 我朋友遲到...我上左去半個鐘都未叫野 等我朋友黎先叫 佢地半個唔耐煩既眼神都無👍🏻食物方面：1. 慢煮肉眼扒配農夫菜 $168呢個係所有食物入面最好味既一道菜😬 係差唔多3隻女仔手掌咁大。7成熟，一啲都唔鞋，好juicy，配埋既醬又唔會鹹 真係好好味。 另外佢D農夫菜 係焗紫蕃薯 竹筍 西紅蘿蔔 全部都好好味2. 北海道全蜆忌廉意大利麵 $128- 啲蜆好鮮 味道好甜 配既醬都好creamy 再加埋啲香草香 好有層次 以下就係啲配料以下係餐牌

呢一日見到旺角樓上開左間新餐廳，就黎試下我地加左錢轉龍蝦湯，係好飲嘅，入面仲有啲蝦粒我地再叫左個三文魚蛋白飯，呢個飯好食，配埋紫菜同三文魚，好香。我地小食就叫左雞鎚，個皮炸到好香脆，啲醬汁應該係佢地特製嘅，幾特別嘅味，好好食。而且雞肉多汁同軟滑。另外再叫左個蟹餅，不過佢黎到成個波咁，同想像中嘅蟹餅好唔同。食落口感都幾特別下。

廢話少說，說食物味道，真心好食。我們叫了一個dinner set，包餐湯，一個前菜，兩個main，甜品，還有餐飲。我覺得最好吃的就是他的前菜，是煙三文魚。看圖吧，三文魚肥，吃下去很滿足。他用甜醋代替沙律醬，感覺清甜。這種味道很意外，但是真的第一次吃到那麼好吃的煙三文魚。沒有誇張。餐湯我們點了龍蝦湯，很有龍蝦味，裏面還加了蝦肉，很有咬口。main點pizza，另加一個carbonara。pizza很熱，餅底脆，芝士熱到內心融化。Carbonara 超級特別，反傳統。一般是用bacon，他這家油炸pamarham，然後放在麵上面。 這比一般煙肉還脆，而且香口。感覺這家餐廳的廚師吃過夜粥。會回頭。利申：份量好大，食唔哂，老闆仲畀咗個外賣盒我哋

今晚Happy Friday約咗朋友，想大家都就腳食飯嘅，就一定會揀旺角，因為都係大家嘅中心點，見到油麻地站附近有間新開嘅餐廳，就決定去試吓。餐牌有分套餐同埋散叫，我哋3個女仔睇左套餐好耐，但因為2、3人嘅套餐都係固定左嘅，最後淨係覺得其中有一人套餐墨汁燴飯幾唔錯，所以叫咗一個餐同埋散叫其他嘢～水牛城雞鎚呢個真心要推介，雖然唔係細細隻嘅雞鎚，但係成個菜式擺上台嘅時候已經覺得好靚，雞鎚炸左好香好味，啲汁都係水牛城feel，3個女仔一人一隻啱啱好～墨魚墨汁燴飯呢個主食真係唔錯，因為個飯煮得好香，啲汁又夠juicy，面頭都有足夠既海鮮，好快就俾我哋清晒～流心三層芝士漢堡呢個雖然唔係好食得出有流心嘅感覺，但係第一賣相都非常之靚，好啱女仔打卡哈哈，另外係佢嘅漢堡扒好岩我口味，唔會話重口味，亦都食得出有牛肉嘅味道，嗰邊都煎得好脆，所以呢個都係做得唔錯嘅菜式。雀巢薄餅呢個薄餅就ok la～如果帶出多啲黑松露既香味會好啲～藍蝶百香果梳打呢杯野飲要大推，外型係漸層超靚！重點係靚得來亦都好好飲，唔會太甜，又有果香味， Nice ！甜品我地叫左個窩夫，不過比起其他菜式，我覺得呢個窩夫就比較失色啦，因為個窩夫

我一向都覺得樓上食鋪嘅cp值會高過地鋪，所以今次又同朋友嚟發掘樓上好餐廳。今次搵到呢間啱啱裝修完嘅西餐廳，地方就腳，鋪內充滿日光，全因有好多塊落地大玻璃！每個午餐都包餐湯，餐包同基本飲品餐包充滿着淡淡嘅麥香，有咬口好濃稠嘅雜菜忌廉湯，比起普通忌廉湯少一分膩感，多一分健康牛肉眼扒飯配黑椒汁，肉眼扒相當大塊，而且牛味頗濃，唔靭雞肉水牛城薄餅係厚批底，鬆軟香脆🤩係拉絲架！芝士迷表示滿足，配埋粟米，生菜絲同水牛城醬，完全唔覺得滯🤤帆立貝卡邦尼雜菌意大利粉嘅忌廉感唔重，食多幾啖都唔會有太大罪惡感。帆立貝煎得好香口之餘，仲可以保留到肉質嘅嫩滑🤤蘋果荔枝綠茶好啱而家咁熱嘅天氣紫薯蜂蜜拿鐵，有好多紫薯蓉🥰

今日係旺角買野，之後上網揾下有咩好坐又好味既餐廳，見到有人推薦呢間The Food Factory，一於黎試下。呢度環境唔錯，有個牆身係電視投影，幾型，窗邊仲有睇旺角街景既面窗位，幾好feel同好view~一行三人叫左好多野食青檸薄荷蜜糖梳打，酸酸地幾開胃餐湯整得幾好味水牛城雞翼，外脆内軟既口感，雞肉幾滑好味雀巢薄餅，薄餅係我鐘意既薄身批配料都配搭得幾好我最鐘意呢個海鮮墨汁意大利飯，飯粒有咬口，墨汁濃濃，好岩我口味，海鮮既調味醬酸酸甜甜亦幾惹味三層流心芝士和牛漢堡，好juicy~和牛漢堡扒牛味幾香朋友係芝士迷，超鐘意呢個菜式已經食到好飽，最後一個dish，Oreo Waffle窩夫口感係較脆口果種，幾特別，雪糕有好豐富既oreo碎，配搭起窩夫係個幾好既甜品由8點傾計傾到1030餐廳關門先走，滿足既一餐

譽發有好多餐廳，今日試左間比較新的餐廳，主打西餐。佢有lunch set 仲去到6點，tea set 有all day breakfast! 仲要好抵，好吸引，不過今次冇試呢個。 叫左個紐西蘭牛肉眼扒配檸檬牛油汁及意粉、帆立貝卡邦尼野菌意粉、千島薄餅。野飲叫左 焦糖朱古力同埋oero 脆脆特濃朱古力。見到午餐牛扒都只係60 幾蚊，仲幾大塊下，好抵食。 個醬汁好特別，幾清新！ 意粉又估唔到係有d辣架wo! 帆立貝算中等size,有4粒，意粉偏傑身，重芝士味。野飲方面，朱古力味好濃郁，唔會太甜。 整體黎講 好抵食 仲有餐包同湯，如果牛排有得簡幾成熟就更好啦！