The Stadium (已結業)

話說喺銅鑼灣行完SOGO好鬼攰之後想搵個地方坐下之後順便食埋dinner發現左銅鑼灣天橋上面有一間好有特色嘅餐廳 好友美食風情 一行一間餐廳就有一張超大型嘅桌球枱真係可以玩㗎 啱晒大人同細路仔地方好大而且位置都好適合一大班日或者兩個人拍拖紀念日 我哋坐低之後叫咗個黑松露薯條同埋水牛雞翼 個黑松露醬好好味呀 而且薯條係新鮮炸熱騰騰嘅外脆內鬆軟水牛雞翼將做得好出色唔會太酸太辣之後叫埋個白汁煙肉寬粉呢個真係無得輸 而且份量好多好抵食另外叫咗個黑松露集菌薄餅超級大個啊而且個批底好薄好香仲有埋個火箭菜配搭埋口感一流仲有芝士醬添㗎真係好正而且員工服務態度好好定時定候會幫你加水

上網見到評價好好，成日都好想食依間，但成日都滿座，今次一早book左位，6:15就到，時間早，人唔算多。餐廳有好多野玩，不過我今晚都係想同朋友傾下計，所以無玩到，但一路食就見有小朋友玩得好開心。揀左Set Dinner~餐湯︰味濃，唔稀，有少少肉碎Set 我就揀左芝士鵝肝安格士牛肉酥皮漢堡，要等20分鐘。一上枱，勁香，賣相吸引。切開，芝士溢出。安格士牛肉厚身，Juciy~鵝肝肥美，不過略略俾芝士搶左味。酥皮好香脆，不過好大件，食完好飽同有D膩~仲有薯條，炸到金黃色，一路傾一路食~唔覺唔覺都食哂。仲有杯餐飲跟。整體有特色~

又繼續搵食，仲有好多飯局等住要約🤡，今晚嚟到呢度，朋友推薦試試看🤔！一入到去就有張波枱🎱，水杯係一個波型嘅設計⚾️🏀，店名亦都有所含義🥎走美式風格路線，食物大碟足份量🥣.🍽白酒煮蜆🍲。牛油蒜香夠濃，白蜆入味無沙，乾淨又好食😋.🍽夏威夷特式薄餅🍕。賣相平平無奇，像烘得不夠火喉，唔夠鬆脆.🍽脆烤雞翼🐔。外皮果然夠脆，沾滿濃味燒烤醬，好豐富嘅口感，水準之上🤡.🍽脆焗薯皮🥔。好難再找到好吃嘅薯皮，同樣呢度都係唔太好吃🥴，上面嘅忌廉醬同牛油果🥑醬很冰凍，與薯皮有著好分離嘅感覺，顯得好生冷🥴.🍽美式烤豬肋骨🐽。半份都可分到6件，味道不錯，烤焗時間剛好，肉質仍算嫩滑🤔.飲品方面🍹不太想特別分享，好像不太好飲的感覺🤭🤔整體偏貴不太滿足，性價比偏低⤵️

由銅鑼灣B出口經過銅鑼灣廣場一期，行上天橋就去到The Stadium ，喺正銅鑼灣廣場一期對面，交通方便。由大門一入去就見到有張桌球抬😚食完飯就可以去玩。今晚想食得簡單D，揀左巴馬火腿配無花果$88，火腿夾埋啲沙律菜一齊食就最夾，無花果裏面仲有自家製芝士醬。美式芝士通心粉$98，芝士溶入通心粉，鍾意食芝士就最啱。美國極黑毛豬$168，份量都好多，配菜有茄子蕃茄薯仔等。甜品係特濃朱古力蛋糕$88，朱古力味好濃，同埋雪糕一齊食係最佳配搭😋

一個大人小朋友都啱黎既係餐廳🍴 入到黎見到一大班小朋友係度玩桌球好開心，而且大人則有足球可以睇👍🏻👍🏻因為黎到都仲係好早，諗住同朋友先叫住小食食住先，傾下閒解.薯條熱辣辣配黑松露醬好正👍🏻 水牛雞亦反而一般般有啲酸差不多到6:30半左右，就開始叫主食了，我地叫左個白汁蘑菇煙肉意粉同個黑松露薄餅.兩個都食，但係最緊要係趁熱食先會好味，同朋友都好鍾意個黑松露薄餅，濃濃既黑松露味融入口裡真係一流👍🏻值得推薦這個👍🏻👍🏻

The Stadium 呢間係一間又玩得又識得既餐廳，又可以掟標，又可以篤波，仲可以玩足球機添！兩個人，叫咗兩個餐，先來左兩杯飲品，大大杯，最過癮嘅係佢塊杯墊係一個籃球嘅皮嚟嘅！南瓜湯🎃：好creamy，南瓜味道十分濃郁，飲得出用料的匠心。第一道菜：火山石烤豬膝，碟餸一嚟到，嘩！大劫度呢～我哋好擔心食唔識得晒！豬手肉質爽口，佢烤到啲脂肪，完全同啲肉分離左，想食肥嘅又得，想健康啲都得，好少見到有餐廳可以烤得咁好！第二道菜：芝士鵝肝安格斯牛肉酥皮漢堡，呢種看到這個整法,外面金黃鬆脆既酥皮，到裏邊一片肥美嘅鵝肝,酥皮同漢堡牛肉中間再夾一層薯蓉，堪稱心臟健康測試漢堡！其實，兩個人真係食唔晒，應該可以四個人食。埋單$550 ，其實都唔算好貴，如果我哋今晚有多啲時間，玩埋佢啲康樂設施，咁就抵返晒啦！

今次係我第二次嚟呢間餐廳，今次去到餐廳已經有人開始篤緊檯波：如果我識玩都想玩下。餐廳餐廳放咗 一部足球機同一張桌球檯：我見到餐廳啲客一邊飲酒一邊玩檯波。餐牌餐牌有兩張，分別set dinner menu 同食物Menu 。有廚師帽喺食物旁邊；係廚師推介。餐牌內亦有清楚標明邊款食物係素食系列。餐具餐巾同餐紙印有餐廳嘅logo...餐湯蘑菇湯-味道好滑而且好creamy。而且有好香嘅蘑菇味。意式香菇手搓粉上菜嘅時侯都幾熱,手搓粉表面就青綠色女仔食已經好飽。每一條手搓粉都沾滿黑松露：而且聞嘅時候有好香松露味。手搓粉有d咬口，但唔漿住個口。個汁就幾Cready紅酒汁慢煮牛助肉牛肋肉好大件： 如兩個女仔食會比較,肉味濃郁而肉質都幾滑。醬汁偏深啡色,就酸酸甜甜：薯蓉都幾滑口。而配菜就係翠肉瓜，翠肉瓜好多汁而且好爽口，而且翠肉瓜嘅汁好甜。

這餐廳以運動作為主題，餐廳內有很多關於運動既擺設，入門口有桌球🎱枱，地上鋪上跑道，坐下來發現裝水的杯很特別，有藍球，足球，欖球！餐紙也很有特式午餐餐牌餐湯是粟米湯安格斯牛肉漢堡，配菜配酸酸的沙津汁頗開胃，牛肉可揀7成熟或全熟，牛汁好juicy,不會乾身，薯條份量多，熱辣辣的，味道不錯!BBQ Pork Ribs比較硬，麻麻地，反而薯角外脆內軟，熱辣辣的，可口非常！蝦扁意粉，顏色吸引，配上胡椒會更好味Rosemary lemonade總括:環境舒適，份量多，試下無妨

放工後總想放鬆一下，吃西餐就是太區謹，所以選擇了酒吧餐廳，8時前點飲料有HAPPY HOUR價，真係好抵玩特色球迷沙律，內裡的配料有無花果，香橙，粟米，蕃茄，仲補半生熟蛋，攪拌後是較為濕的沙律，唔會乾爭爭，份量足料死佬煮青口，可選1/2kg 或1kg金4人同行的話，店員建議我們選1kg，上檯時有點驚嚇，份量真的超多，只需用上白酒煮已經足夠，細細隻藍青口很鮮味，煲內的藍青口汁，配上附送的薯條一起吃，真的很美味吃完藍青口，禁不住再點一份黑松露薯條，香脆可口，除了再沾上藍青口吃外，普通沾上黑松露沙律醬同樣是令人難以抗拒，最後要問店員再多拿一個黑松露沙律醬四色芝士薄餅，芝士控必點，四款芝士融為一體，一客六件，香噴噴的芝士有濃有淡，有拉絲的效果，製作得非常出色

今日和朋友在銅鑼灣逛街開始肚子餓了大家都要醫下個五臟六腑，之前和同事在觀塘吃過The Stadium感覺不錯的，於是我提議了去吃晚飯，這裡裝潢與觀塘分店差不多風格都是以美式運動主題為主，場內放有康樂手動足球機，桌球枱及飛標機，同樣也是有得玩又有得食。我們比安排了坐在窗邊的位置，看著街景一邊吃飯很舒服。兩人點了一個PIZZA 和 一份美國極黑毛豬。黑松露野菌薄餅，黑松露味道很香濃，整個pizza 材料很足有芝士，草菇，磨菇，黑松露及火箭菜，第一啖已經感覺黑松露濃郁感覺再滲透了橄欖油磨菇香味及芝士味重有長長拉絲，薄批焗得脆身而且不覺油膩。美國極黑毛豬，黑毛豬炭燒完之後都好軟腍，口感鬆軟嫩滑多肉汁，還有一些配菜薯角及燒菜再配上蕃茄醬汁一起吃美味。Brownie 朱古力布朗尼，Brownie朱古力味道濃郁，口感不過硬，加上雪糕很香雲呢拿味，棉花糖，朱古力脆脆裝飾，整體配合得很好。

以美式運動作主題既The Stadium 西餐廳，環景寬敞，音樂同裝修都好有氣氛.入面設置桌球枱同飛鏢機，仲有足球機，玩得又食得。美食方面，美式餐廳嘅各種食物都齊。我哋揀咗安格斯牛肉漢堡同埋Pizza share安格斯牛肉漢堡 Lunch set包括餐湯飲品沙律同薯條。薯條新鮮炸起熱辣辣脆卜卜。鹽落得啱啱好。餐湯一啲都唔馬乎，係南瓜打出黎既濃湯。  漢堡層次豐富，好大個好吸引，一個人食唔晒。入面有洋蔥，磨菇，番茄同埋好多生菜，令到整體口感清新。食材用料都相當好新鮮。蕃茄同各款菜都好新鮮同爽口。一路影相嘅時候漢堡上面嘅肉汁不停滴落黎。特厚牛漢堡扒外面焦香，保留住肉汁，肉質鬆軟，煎得啱啱好。 夏威夷火腿薄餅 蕃茄醬做底，pizza係薄底，焗到外圍脆脆。上面鋪滿火腿，洋蔥，菠蘿同埋兩種芝士。芝士可以拉絲。  兩個飲食到非常之飽。整體來講環境好舒服，食物多選擇新鮮熱辣好大份好滿足。

假如閣下很喜歡英超、歐聯及同埋唔同球類比賽的話，而又未去過The Stadium，咁就要即刻搵個日子黎呢到享受一下一間餐有得食又有得睇比賽之餘仲有得玩(可以掟飛鏢、枱波、足球機仲有一D酒吧常有嘅Mini game)嘅餐廳。簡直係一大班朋友吃好玩樂的好地方。上述嘅說話係由我Honey講，因為其實我已經係第二次黎The Stadium，第一次係去咗觀塘同朋友Girl talk，但去完之後我就一直都好想帶Honey黎試吓。店舖裝修都唔使多講，因為上至下，由外至內每一個裝修設備全部同體育有關聯，有黎過嘅人都一定會好鍾意。而今次我同Honey就點咗個斧頭扒Combo (1-2人set)一件扒再加D薯菜&兩個餐湯，表面睇好似好少野食咁，但一件斧頭扒其實有1-1.2kg，由於咁大件扒都知道要整好耐，所以點多咗個Caesar Salad ，而Honey另外再叫咗支Delirium Tremens慢慢嘆。 終於到主角出場 - 斧頭扒，其實係牛的肋骨位置，即係連骨肉眼扒(Tomahawk Steak)，件斧頭扒完全大過我塊面，真係超巨型！切開時D肉汁係咁流，真係好Juice呀~優質的斧頭扒，要烹調得外熟內

天氣酷熱，最近身邊很多同事都剪頭髮，剪掉三千煩惱絲涼快之餘亦可以轉轉新髮型，而我就例牌約了我做髮形師的表弟剪髮順便一起午膳。＊＊＊＊＊＊＊＊＊＊＊＊＊＊＊＊The Stadium之前已經光顧過觀塘總店，但銅鑼灣新店就一直未試過，今次過開銅鑼灣剪髮就順便一試。餐廳以體育館做主題，佔了整層樓面，空間極大，店內還設有桌球和足球機，大人細路都啱玩，晚市通常都爆滿要訂座，午市雖然人多但walk in就可以。午餐每天12:00至14:30供應，即使周末都有，包沙律/餐湯、主菜和餐茶，價錢由$98至$138，定價合理。青菜沙律沙律菜很新鮮沒有爛葉，上面沙律醬也足夠。是日餐湯餐湯是南瓜湯，質地夠濃稠，南瓜味香甜。牛格斯牛肉漢堡($128)漢堡都幾大份，旁邊還伴有薯條和沙律菜，如果一個人食都幾飽肚，女生的話建議可二人分吃。漢堡肉夠厚身不會太乾，點了五成熟熟成度剛剛好，煙肉大大塊，還有生菜、芝士和洋蔥，麵包略微烘過，不會太腍，整體不錯。薯條香脆得來帶點咬口。香草烤鯛魚($138)鯛魚味道略為清淡，魚肉有細骨，進食時要小心。旁邊伴有薯蓉和伴菜，薯蓉挺香滑。餐茶只包普通咖啡或茶，也可以加$20朱古力或其他咖啡

一直都聽朋友介紹呢間位於銅鑼灣The stadium，基本上介紹得既朋友都話呢間野好好食，所以今日就決定同女朋友黎左呢邊食。主菜黎講我地一坐低就已經叫左個燒牛肋肉既set，係包野飲同湯，湯黎講都係基本既紅湯或者白湯，咁我就揀左個白湯，估唔到有驚喜，味道相當濃郁，飲落仲有粒粒蘑菇係入面。之後就到個燒牛肋肉，值得提一提係佢個醬，濃得黎唔好蓋走左佢個牛味，熟度都岩岩好大概7成，我非常建議去既朋友試一試。我地仲叫左個全日早餐，蛋香滑，腸亦都好多肉汁，蕃茄亦都燒得岩岩好，整體黎講我認為呢間餐廳既食物水準好高。

那天看過電影後已經是10時多，商場餐廳的話，都差不多關門，地鋪食肆同樣，最後想起了有一家吃喝玩樂集於一身的酒吧餐廳夏威夷特色薄餅，拎上手熱辣辣香噴噴，鋪滿菠蘿，火腿及芝士，雖然餅底用了蕃茄醬，但面層也加了不少千島醬，兩者二合為一，味道豐富，每一啖都食到滋味沙律配烤焗時令蔬菜，是一款warm salad，把它們混再一起吃，茄子/ 翠玉瓜/ 紅椒及烤菇，適合素食者朋友，沙律醬汁簡單地用上黑醋汁，酸酸甜甜除了散點外，還有晚餐，每份晚餐會配上餐湯同飲品當晚餐湯是忌廉野菌湯，好creamy軟殻蟹牛油果忌廉燴飯，牛油果已經和繪飯融為一體，入口沒有太溜，味道配合，軟殻蟹炸得香脆可口最後點了一杯啤酒，和朋友慢慢詳談，除了星期一至三是凌晨12點關門，星期四至日關門時間更夜岩晒一班夜鬼場內有多部電視機播放運動頻道，相信有足球賽時當晚會非常熱鬧還有美式足球機供玩樂