TIT*F (已結業)

又黎港島區一趟,當然不能不到tit*f啦~今日試左朱古力芝士包~不過真係好好好漏....芝士係creamcheese,而因為唔係just baked既關係~d朱古力係脆脆地既~而非流質。$15好大個~不過我每次只能吃1/4個~但,我能否認愛朱古力的人會鍾意。仲有第一次試綠茶紅豆芝士包($9),呢個包同北海道朱古力綠茶芝士包差唔多味,只係多左d少甜的粒粒紅豆,但呢個價錢呢個size,我寧願買後者。另外都買左其他例排必買既包: ~北海道朱古力綠茶芝士包($11/半個)~綠茶紅豆包($3.5)~香草吐司($8.5)今次又買左40幾50蚊麵包~作為我既早午晚三餐~因為,我真係太鍾意呢間bakery啦~

失敗，我太失敗，白白浪費了一個新鮮出爐的德國布丁...高高興興買了布丁後，很高興，高身的葡撻賣相好可愛，外皮亦非常鬆化，一拎起，搖一搖(我是小新嗎?)，大半個跌落7-11對出地面*，散晒... 太可惜吧，太浪費了但見布丁內有乾坤，不知是果JAM 還是朱古力，下次，我唔會再將個布丁拎出個膠袋食架喇... 對不起* 我已盡力清理失事現場>_<"

上個星期日跑完馬拉松, 去搭巴士途中記起呢間麵包舖想試多o的包, 於是走左去, 有好多包都想試, 於是問個shopkeeper 邊個係店裡最出名or最多人買既包, 佢問我想食有涵定冇涵, 我跑完都唔係太好胃口, 就想食冇涵既, 佢recommend左綠茶包, 佢話係用綠茶粉整o架, 所以好濃綠茶味, 細細個要成HK$4 o架, 不過食落好好味, 真係好濃既綠茶味, 而且甜甜地, 唔會"流", 好好味呀~~ 一定要試呀. 唔, 等我睇埋其他comment, 諗下下次試邊個先...

While another overrated bakery just a few blocks up in Tai Hang is flooded with cake lovers, This small joint is located right next to the Central Library. Awesome location and even better is the range of choices from cakes to bread to cookies and delectable treats you hardly find anywhere else.Ought to give praise to the unique selections here. Organic soy milk cake is fluffy and lightened with beaten egg whites; German Pudding, aka my no.1 favorite, is a play rendition on custard tarts (egg ta

Gf and I go to this little bakery whenever we need to hang out at central library. Their cake selection is different from other bakery and I like it. I would say its really good value for money for what this bakery is offering.My favourite is their German Pudding in which its like egg tart but with more complexity in its taste. Very good when its fresh out of oven.Its location may not be most convenient for me, but it is still one of my favourite bakeries.

晌附近返工，落小巴後會一定會經過哩間麵包店，成日都會晌度買包食，不過買黎買去都係個一兩款，因為覺得價錢都係偏貴...(雖然係知道係因為用料正，不過都係覺得貴，嘻嘻)我平時買開細細個的綠茶包或者紅豆綠茶包，今朝見到哩個咁大個的綠茶紅豆芝士包，9蚊雞係有d貴(可能因為覺得包係唔應該咁貴)，不過照買。好有份量~~外面脆脆地，裡面又有好多唔太甜的紅豆同幾香的芝士餡~~好味!講下包以外的野...舖頭有時會見到有烏蠅晌度飛-_- 哩方面真係要搞搞佢。同埋朝早個位cashier硬係唔知點咁，我覺得佢一d都唔友善，又唔笑，總之就好唔討人歡心！佢應該係放星期一假，所以星期一會係另一位小姐收錢，態度就好得多，超級友善！唔知佢係咪都係麵包師傅，我見佢著住廚師衫同戴帽的~~

第一次見到D德國布丁,好似高身蛋tart咁好好笑,又岩岩新鮮出爐,所以買左2個比自己同拎番屋企比家姐食. 好味!暖暖地唔太甜,比蛋tart多奶味不過都好香,而且唔油.食食下發現個底仲有朱古力,幾驚喜. 個人鍾意呢個多過葡tart.拎到番屋企,家姐都讚好好食.都買過農夫麵包(芝士麥包),唔錯,麥味好香,芝士都幾足,幾頂得肚.家姐同我講過D三文魚函既包都好食同飽肚.今日番屋企途中有DD肚餓,第一時間想食德國布丁.佢仲特登袋過個熱既比我, 服務好好!(我仲試過見到熟客唔夠散紙,佢話第日再比.)

我一向覺得這裡的綠茶味面包做得唔錯, 那股綠茶味夠濃夠香又夠真.綠茶朱古力芝士包($11半個): 好健康, 大大個又抵食!北海道綠茶包($5): 細細個, 簡簡單單, 裡面有少少類似曲奇的脆脆.綠茶紅豆包: 裡面的紅豆餡唔太甜, 上面有cream cheese的唧花. 雖然細細個, 但都幾飽肚, 或者係有少少滯吧.

今日返工前買了個北海道鮮牛油包（fresh butter bread), 其實都幾怕肥，　因為我一向少吃菠蘿油之類有一片鮮油夾在裡面的包．但之前見過幾次都心思思想吃，　而今日又見佢剛剛做起，　便買了一個．包雖然己經涼了（當然，　這個可以理解，　因為如果包是熱的，　一定會把那片牛油溶掉）．　面包固之然好吃，　而那片牛油勝在不是太厚，　而且也不　’漏’．＄６大大個，　好抵．

今日幫小朋友補完習之後就去左tit*f買最愛的北海道香蕉朱古力包.幾時都咁好味呢.雖然$9.5好似貴左d,但係入面的朱古力同埋新鮮的蕉肉.真係好抵! 同埋我入去之前o係前面食左串小食,收銀的姐姐見到我拎住竹籤,佢立即話幫我扔左去.我覺得咁樣真係好nice呀!

這裡的麵包有別於外面的麵包店.創新的香草包，芒果芝士包，藍莓芝士包，朱古力包，綠茶紅荳包，芝士蛋糕，蜂蜜蛋糕．看得出老闆都是用心製作飽點，有點像日劇裡面那些照顧街坊街里的小店．麵包一點也不油，看得出它以健康為上．個人較喜歡朱古力包，皆因裡面的確有很濃郁的朱古力醬！！！還不少呀～～～

最近食吞拿魚包, 加左$0.50, 即$6.50. 也發覺吞拿魚餡料新加了洋蔥粒. 好味!另外, $6.0的腸仔包雖然普通無驚喜, 但其實都做得不錯, 好的面粉造出來的面包固然好吃軟熟, 而所用的早餐腸亦無仿間的那麼鹹.感覺上當然健康多了.

再一個人0係銅鑼灣搵地方食lunch, 今日除0左麵包之外乜都唔想食, 遊了0黎留意0左好耐0既呢度. 入到去左睇右睇都無乜心水, 忽然聽到counter 傳來「新鮮出爐」4 個字, 拎轉身睇睇就見到一盤賣相唔錯的麵包, 唔理佢係乜0野0黎就買了個($9) 試試.橢圓形脹卜卜, 拎上手係熱的, 而且幾重, 咬落先知原來係肉鬆餡的豬仔包... 個包帶麵粉香, 唔算太硬, 咬落煙韌, 不過真係少d 牙力都唔掂; 入面的肉鬆乾身, 食完之後個jaw 好攰, 仲竟然好飽! 整體味道一般, 不過比起出面好多麵包店的肉鬆包, 呢間的算整得唔錯了, 笑面照俾啦.有機會的話會再0黎試試佢d 蛋糕, 唔知質素如何?

今之又買左三十幾蚊麵包~除左食盟o個d款~今次試左全麥吞拿魚包($10)真係好好食~好香~調味得好好~而且餡既分佩好平均~啖啖有料~是咸麵包之選~service好好~我睇左15分鐘買咩包好~店員都無嫌棄~仲有禮答我問題~good!!

7/11/07洛克芒果芝士包: 包內有小芒果粒，酸酸甜甜，味道特別。日式朱古力包: 包內有朱古力漿，味道濃郁，但又不太甜。