Toasting

营业中

休息中

下午茶時間心血來潮想食吐司，估唔到元朗都有間吐司店，店家標明吐司內嘅炒滑蛋係「400次滑蛋」，感覺應該好滑，即刻吸引到我試！今次叫嘅吐司係「煙三文魚+牛油果+400次滑蛋」，吐司個出乎預期地脆口，帶有蜜糖嘅香甜，少少似BBQ個種牛油蜜糖燒方包，好有驚喜！400次滑蛋果然好香滑，未食之前已聞到蛋香，非常值得一試。略有不足係牛油果略生，唔夠熟，但整體都唔錯的～星期一至五買吐司，仲送薯餅同飲品，總共$50，抵食👍🏻

之前食過多士覺得好好味，但唔知點解今日好想食Carbonara，點知一叫就出事唔知系咪太忙定平時無乜人會order個Carbonara本身都幾期待個意粉，因為個多士好好味拎到番去打開個盒，心諗出事了一睇都知個煙肉煎得唔夠香，無左Carbonara既精粹成個意粉似全部食材一早白烚完再撈番埋一堆甘佢哋啲Carbonara汁系分開裝Carbonara汁既味道唔差夠撈勻每一條意粉都有汁痴系上面意粉份量正常但唔推薦叫意粉，都系食番多士算

1️⃣Toast（三隻小豬去野餐）💯名不虛傳，400次滑蛋🍳 真係好嫩滑、軟綿💯即叫即整💯外賣返到家🏠食，個 toast 都仲係脆口同暖，唔會濕哂❗✅睇到都爆餡，食到尾真係仲食到d餡‼️✅咬落口感好豐富☑️ 午餐肉同滑蛋：prefect matched☑️ toast：2面都有搽牛油🧈同煎/烤到焦脆、金黃，一咬有脆脆聲🤗，食落除左牛油香🧈，toast 本身仲帶少少甜味❗✅味道多層次，除咗食材味道，仲食得到乳酪同牛油味✅seasonings 落🉐啱啱好，但係我鐘意再多d😜2️⃣ 薯餅🥔（贈送）輕輕煎/焗過，唔油膩、唔會太熱氣❗配上dressings & seasonings 多些味道變化🥰3️⃣ 熱柚子蜜🍯（贈送）正常味道👌🏼唔會好淡口。（30/8-1/9 優惠價＄28）

今日大西北36度高溫，無乜胃口又唔想企喺條街等咁耐，於是WhatsApp 俾Toasting 落定單，去到即刻有得攞✌🏻。屋企人要咗份在茜方的紅玫瑰，啲芫茜迫爆個吐司咁滯😂，茜友一定要試😋。我就要份Salmoncado，煎香嘅吐司包住滿滿嘅三文魚同牛油果🤤，好味得嚟又健康。話說以前食親Toasting 吐司會一地都係😂，不過經佢哋改良過包裝，再加我日久練成嘅功力，已經無再跌餡啦😂。仲有唔可以唔試就係蝶豆花青檸，打咭勁靚，飲落酸酸甜甜好啱夏天飲。

🔎Toasting (元朗)💛前排去韓國都有食Egg Drop 但發覺都好一般又少餡 返到嚟見到toasting有新款就即刻試吓🔹芋芋鬆 $38 送熱飲 凍飲+$3 (星期一至五再送薯餅)芋泥+肉鬆+400次炒蛋芋泥加肉鬆比想像中夾 甜加咸再加滑蛋 真係好出色 芋泥唔會好甜 連個底都仲有餡架 食完都幾滿足 絕對唔係食空氣 個包仲好脆🔹卡邦尼意粉 $50 （原價$68）送熱飲 凍飲+$3 不定期會做優惠 可以留意佢地ig 咁啱做緊意粉特價 未食過就試埋啦 個汁濃度啱啱好 煙肉又唔會太少 咸度適中 意粉係用扁意粉 不過我覺得黑椒多咗少少 減返啲唔好搶咗啲味就更好外賣個汁會分開上 返到屋企先撈埋就唔會乾哂啦🔹韓式邪惡芝士熱狗棒 +$19 （正價$22）平時韓式熱狗加埋芝士 其實都無得輸🤣🔸凍柚子蜜紅茶呢個係我最愛 每次都會揀呢款🔸凍奶茶基本奶茶咖啡都有 另外仲有啲特別啲嘅蝶豆花同百香果飲品📍元朗豐年路7號豐年樓地下A2A號舖🍴搵返相關地區👉🏻 #90sfoodieshare_元朗 #食在元朗#良心餐廳#黃色經濟圈#黃色小店#黃懲罰#黃店地圖#黃店地圖系列#黄店系列

元朗有間好食吐司小店，即叫即整，好多人排隊！等左大約30分鐘～多士鬆脆帶有甜的味道！手打滑蛋一流，口感嫩滑！蟹棒材料質素不錯，味道很不錯！蝶豆花梳打，味道甜甜，蝶豆花味濃厚！

即叫即整多士Toasting 所有多士都係即叫即整，所以要預咗要等今次點左份「一啖牛油一啖蟹」🦀睇到佢將個包兩面都有搽過牛油再煎🍞滑蛋係400次滑蛋，好細滑、軟綿，但唔會太水👍🏻所以外賣返去成半個鐘後先食都唔會搞到個包淋哂😙唔知點解個包食落除左牛油香仲有少少甜味😋多士食到尾都仲有蛋🍳不過牛油果同蟹柳就無咁多，都正常同埋所有食材都有調味過👍🏻平日買仲送薯餅!大大塊但唔會散哂，係驚喜😊p.s. 自己帶盒/食物袋有得平$4呀！如果要埋飲品記得帶埋水樽丫

韓式多士係香港選擇唔多 係元朗就更加可以話小之有小！見到toasting 鋪仔細細但係選擇都好多！今次試下牛油果炒蛋乳酪 ！店員仲好好人咁幫我加芫荽！！雖然冇得堂食！但係外賣拎到返屋企多士都仲有餘油同脆口！炒蛋同乳酪又好match!成個包都好好食！飲品揀左好靚既碟豆花梳打都好優秀！咁既天氣飲好舒服！其實送既薯餅都好食！只不過返到屋企凍左會痴住個盒😂整體係物超所值！但係好可惜好已經兩次想再幫襯作都冇開門🙁🙁🙁 睇黎要撞彩數

韓風興起，好多人都同我一樣好鍾意食當地擁有「國民早餐」之稱的人氣韓式吐司，而元朗呢間Toasting就係主打韓式吐司，用左各種食材配搭岀唔同層次同風味！🥪 芝士魚柳Bell $50★★★☆☆所有吐司都係即叫即整，即使外賣返到去食，個麵包都仲係脆口同暖！麵包兩面都有均勻咁用牛油搽過再煎香，食落除左牛油香仲帶少少甜味。餡料分別係半溶芝士、兩條魚柳手指、生菜、滑蛋、沙律醬。食落口感幾豐富，食到尾都仲會食到D餡料，真材實料。魚柳手指就係超市買到個款，脆脆地，之前應該輕輕炸過。滑蛋係400次滑蛋，蛋漿經過400次嘅攪動，食落係企身個隻滑蛋，幾細滑、軟綿，唔會太水，令到塊麵包濕哂。食完都覺得好食，但未去到好驚喜。因為閒日落單仲會有薯餅同熱飲贈送，薯餅普通冇特別，飲品如果都轉凍飲+$2，百香果乳酸叫左少甜、少冰，飲落味道偏淡，唔夠乳酸味，百香果唔夠酸，似糖水，但2蚊就算冇太大要求。🌟總括：整體味道唔錯，但未好食到喺韓國食嘅感覺。住附近間中食下係一個唔錯嘅選擇。如果要食，大家最好電話落單，因為佢地午市繁忙時間接到好多外賣平台、電話單，等候時間會比較長。

開業一段時間的著名黃店 on the list好耐啦❗️今日買左一份返屋企💛呢間外賣店改的菜名好搞笑 老公話有點講唔出口😂今次點左份「一啖牛油一啖蟹」$48 包熱飲一杯成件事係要盛讚🥰多士係好足料 首先包身烤到焦脆👍🏻 可能會有啲人嫌硬 但15分鐘後先食 又夠熱 包身無被水氣整到又濕又淋 相信同佢烤到咁脆係有關係 真係唔容易㗎😎食材簡單 但食得出每樣都係獨立處理調味 唔係求其夾埋比你食🥰400次滑蛋 creamy嫩滑 又選用靚蟹柳😋😋唯一 佢真實地得一啖牛油果🥺 不過都無阻呢份多士的美味飲品就試咗杯特別的柚子蜜紅茶☕️ 見到黑麻麻 以為係黑啡 點知酸酸甜甜 幾好飲幾特別😉 飲品都有用心呢可能單價睇落小貴 但我認為味道質素都頗高 甚至包裝精美 服務好好💛❤️🧡 咁就抵食啦 必需回頭🙆🏻‍♀️ 好幾款都仲想試呢🙆🏻‍♀️最後都有加塊薯餅$8 不過未能超越薯餅世一（M記）😂行過元朗的朋友支持下💛

呢間位於元朗商會中學對面嘅小店，啱啱開業好多人排隊，但係依家都冇乜人排。所以晏晝果斷去買次試下。因為佢係即叫即整嘅關係，所以等待嘅時間都比較耐，都接近十分鐘。叫咗個油煙肉薯餅同滑蛋組成嘅crunchy American。非常值得讚既係佢個包有烘過，而且係一啲偏甜嘅包，夾埋啲比較鹹嘅餡係非常合適。多士嘅餡料都非常充足，薯餅大塊、脆口；煙肉都煎得香脆。最正嘅一定係滑蛋，真係好滑，而且入面有啲洋蔥增加口感。唔錯！另外嗌多咗個媽媽手包煎白菜餃子，煎得幾香，入邊嘅豬肉餡都幾充足，只係加少少錢，高質。

每次行過都見到有唔少人等外賣，於是心郁郁試吓佢有幾好味先！😆應該係即叫即整所以需時🧐不過都OK嘅，落單嗰陣佢都有寫明最快要15分鐘。👍當日叫咗一個一啖牛油🥑一啖蟹🦀嘅多士，同埋在茜方的紅玫瑰多士🥪，配埋杯冰凍既百香果乳酸凍飲同柚子蜜，幾好飲, 而且杯百香果都幾大杯！不過多士🥪就略嫌甜咗少少，食到尾會覺得比較膩，但都會想繼續食埋佢既，因為真係幾好味😋如果食材方面會有多D選擇會更好！😉

super high quality food. lot of attention to small detail , presentation is great, very good service and kind. ingredients are too of The range!

依間舖頭都開咗一段時間，經過嘅時候見唔太多人等就諗住快快買個餐做早餐，Order左一個鰻魚蛋多士，仲有杯野飲送，大約五十幾蚊。落完單店員話要等五分鐘左右，雖然一路見廚房冇停手煎包，但過左五分鐘都係未有得食🥲結果等左超過十分鐘先有，本身可以慢慢食都變左好趕時間，完全享受唔到個包。味道方面，麵包係最出色嘅。真係煎到外脆內軟。蛋份量都幾多，但平平無奇無乜味道，成個包嘅靈魂同味道應該係來自鰻魚，可惜我只係得一條鰻魚尾☹️ 好油又無乜肉，失望。

今日起身想整翻個包類醒神下，突然間諗起呢間Toasting。翻到公司就叫呢間外賣吧😋之前都幫襯過一次，吐司名有趣，之前就試左 ‘Simply Refreshing’內有牛油果、乳酪、西式滑蛋口感非常豐富，滑蛋足料，熟度岩岩好。本身會好抗拒乳酪味，擔心會搶左個蛋味，但出黎效果唔會好勁，有少少甜度👍牛油果份量適中，同滑蛋絕對夾到啦！去到包身方面，外賣送到黎都係仲脆身，而且包內本身好似都塗咗陣牛油，就算食到得翻包底都唔會好dry！外脆內軟感覺！另外，好鍾意佢包底係封實，所以食既尾時候就絕對唔會漏汁漏餸，讚！飲品方面，味道太淡，有待改善。外賣送過嚟嘅時候，飲品四濺，唔建議用呢種杯。衞生問題需要改善，有隻蚊喺入面。另外咖啡都嘛嘛，似係罐裝雀X咖啡味道。今日就試左’Crunchy American吐司’內有煙肉、薯餅、西式滑蛋飲品就叫左柚子蜜一如既往，口感好豐富，今次食到生菜好爽口！不過薯餅既薯味唔夠出，但有煙肉滑蛋配搭夠都唔錯👍食到尾仲食到包內有牛油同少少沙律醬既甜味，滿足😋但有個問題就食完個吐司，唔知係咪太脆，牙肉有少少𠝹到損左😖飲品方面，都係淡，柚子味唔夠，更不論蜜味。最後，我覺得專心做好吐