Toasting

营业中

休息中

呢间位于元朗商会中学对面嘅小店，啱啱开业好多人排队，但系依家都冇乜人排。所以晏昼果断去买次试下。因为佢系即叫即整嘅关系，所以等待嘅时间都比较耐，都接近十分钟。叫咗个油烟肉薯饼同滑蛋组成嘅crunchy American。非常值得赞既系佢个包有烘过，而且系一啲偏甜嘅包，夹埋啲比较咸嘅馅系非常合适。多士嘅馅料都非常充足，薯饼大块、脆口；烟肉都煎得香脆。最正嘅一定系滑蛋，真系好滑，而且入面有啲洋葱增加口感。唔错！另外嗌多咗个妈妈手包煎白菜饺子，煎得几香，入边嘅猪肉馅都几充足，只系加少少钱，高质。