Tonkotsu 8 by 三田製麵所

营业中

休息中

太古城apita food court裝修完冇耐，見到多咗幾間新面孔。其中一間喺Tonkotsu 8 by 三田製麵所，先前我同朋友都有食過佢沙田分店，質素唔錯，所以決定今晚就食佢啦。<東京風味醬油湯拉麵> $72拉麵再加$30升級做豪華套餐，包含凍罐裝烏龍茶&自家製煎餃子三隻。拉麵有塊大叉燒、幾塊筍同半隻溏心蛋，仲灑咗唔少香蔥於湯面。拉麵麵體幼身，麵質口感煙韌，醬油湯底味道香濃唔會好鹹。叉燒軟滑入味，溏心蛋蛋黃香口滑溜，同拉麵絕配。餃子外脆內軟，餡料充滿豬肉香，食到有麻油既香氣，再沾上餃子醋，立即少去一層油膩感，味道更為清爽。<吉列豬扒咖哩飯> $78咖哩飯本身有跟麵豉湯，麵豉湯內有唔少海帶，味道正常；香脆既吉列豬扒肉質厚實，但食落鬆軟唔韌，愈食愈好食。咖喱汁好夠，味道香濃唔辣，送飯食好惹味。

今日去咗太古城行街~ 然後係food court睇下有咩食~先發現有好多日本野😍 我地見好耐食過就揀咗呢間三田製麵～吉列豬扒咖喱飯 $78賣相好OK，咖喱汁香濃配珍珠米一流，炸豬扒外脆內軟，肉質唔算太乾～ 份量適中👍🏻黑麻油豚骨湯拉麵 $74 +$30可揀一小食，飲品湯底好正我鐘意👍🏻 有麻油香同濃郁豚骨湯～兩塊豚肉肥瘦適中好嫩～ 半熟流心蛋都整得好完美～小食揀咗炸雞中翼口味揀咗黑胡椒～ 雞翼口感偏濕，味道夠濃郁😆

太古城中心 Apita Food Court 近來翻新完成!我當然去睇下有咩新店加入!竟然有 Tonkotsu 8 , 佢係三田製麵所旗下的日式快餐~餐牌上見到有拉麵、撈麵、咖哩飯、鐵板炒飯及追加小吃, 類別都幾多!! 今晚就試下佢啦!!我地二人點左:香辣豚骨湯拉麵黑麻油豚骨湯拉麵炸雞中冀-黑胡椒味兩款拉麵都是用左豚骨, 味道都好濃郁,個人覺得黑麻油比較出色~拉麵煮得不錯, 唔會太軟身, 幾彈牙, 喜歡!!拉麵會跟一片厚叉燒及半隻糖心蛋,叉燒好食呀!!另外佢既炸雞中冀都好出色, 好熱好脆口!下次想試埋佢既唐揚炸雞~~#三田製麵所 #mitaseimenjo #tonkotsu8#拉麵 #豚骨拉麵 #太古 #太古城 #太古城中心 #apita#foodie #hkfoodie #hkfood #instafood #foodporn #foodpics #foodstagram #吃貨 #相機食先

情人節前夕，同爸爸去街，經過apita，見到之前個food court終於裝修好，仲換咗新嘅地點，入邊有好多唔同嘅，全部都係日本嘅餐廳😍最後，我哋揀咗間三田製麵所，知道銅鑼灣有一間，出邊經常排晒長龍，估唔到連food court🫶🏻即刻衝埋去😆🍴名古屋香辣炸雞撈麵🍴撈麵食得多， 撈嘅拉麵就真係好少食，但其實都幾夾，比較濃味，又唔會整林啲炸雞，仲有個蛋黃撈，唔會太乾，撈嘅汁方面，有少少辣，再加上少少肉碎，非常惹味😘🍴經典豚骨湯拉麵🍴爸爸食呢個拉麵，讚口不絕，湯底濃厚，豬骨味好重，拉麵徧爽口，但略嫌份量唔算太多，女士食更為合適🫶🏻🍴日式餃子🍴餃子皮薄，餡料唔算太飽滿，但剛剛好👍🏻算是不過不失😘估唔到咁方便，又多位坐，不失為一個好嘅選擇🤝

太古城apita food court裝修完多左幾間餐廳，其中一間就係Tonkotsu 8 by 三田製麵所 餐牌都幾多選擇，有湯拉麵、咖哩飯、鐵板炒飯等等，最特別既係佢仲有撈麵揀😆下次試下先👍🏻東京風味醬油湯拉麵加配自家製小食大滿貫 $112拉麵有一塊好大既叉燒、筍同半隻溏心蛋，拉麵麵質彈牙，湯底濃而不鹹，醬油味香。叉燒煮得頗入味，但又唔會太乾。小食大滿貫有三隻餃子🥟、三塊炸雞同一罐飲品，炸雞超嫩滑💕而且炸粉應該有調過味，好好食！ 吉列豬扒咖喱飯🍛 $78咖哩汁好多呀🤣正！啱晒我呢啲鍾意汁撈飯既人！豬扒幾厚身，炸得鬆軟香口，啖啖肉💕

✨位於太古城中心二期 APITA B1, 發現超市旁邊有個 Corner , 標榜住“日式食堂“, 似係 Food Court 嘅格局, 地方光潔寬敞, 決定入去醫下肚仔先🥰🌟食物陳列品非常吸睛, 餐牌價錢合理, 而且選擇款式多🥰🍜名古屋香辣撈麵 $74🥣附送海帶味噌湯🥚加配半熟蛋一只 $12撈麵配料豐富, 勁多香蔥, 粟米粒, 紫菜絲, 生雞蛋及肉碎, 將所有配料拌勻, 肉碎粒香口帶微辣, 十分惹味😍🍜東京風味醬油湯拉麵 $72✨Upgrade 豪華套餐 +$30 （煎餃子及飲品）豚肉軟淋, 湯底濃郁, 麵條煙韌有嚼口感😋 份量十足👍🥟自家製煎餃子, 外皮煎得香脆, 肉質餡料夠肉香, 沾上白醋汁吃, 去除油膩感🥰🥣海帶麵豉湯味噌湯味道適中,唔會太濃👍

身為太古城常客，最近行過先知原來Apita個Food Court搬咗位置之餘，重新裝修過，地方大咗好多，仲進駐咗唔少新食店。行咗一個圈，決定食拉麵，試吓呢間始創於三田製麵所旗下日式快餐品牌 Tonkotsu 8，先喺食店落單，拎住張單去cashier俾錢，同一時間食店已經開始準備食物，基本上俾完錢行返去，嗰部機已經響，可以攞食物啦～經典豚骨湯拉麵 $68炸雞中翼黑胡椒味 & 罐裝飲品 +$30湯底濃而不油，夠熱，幼身拉麵爽口彈牙幾鍾意呢個雞中翼嘅胡椒味幾重經典黑麻油豚骨湯拉麵 $74罐裝飲品 +$8

Tonkotsu 8 by 三田製麵所🍜喺太古城中心嘅分店開咗喇！新分店位於APITA B1層，以🍱Food court形式運作！門面嘅食物模型🍜🍛相當吸引，而食物幾十蚊就有交易，震震機好快就響，真係快靚正🤪！🍜香辣拉麵 $72麵條彈牙🍜，叉燒軟腍🐖，流心蛋可口🥚！最正係個湯底，🌶️辣度夠勁之餘，亦不失🦴豬骨湯嘅甜香，唔錯😋！🍛吉列豬扒咖喱飯 $78厚切嘅🐖吉列豬扒炸得香脆，而肉質仲保持腍滑💦！咖喱汁🍛真係好惹味，搞到我想加飯🤪！奉送麵豉湯🍲！🥤罐裝飲品 ＋$8