Tonkotsu 8 by 三田製麵所 (香港國際機場機場一號客運大樓)

营业中

休息中

中午時間， 首次嘗試呢間拉麵店。坐底睇餐牌， 之後同侍應叫了豚骨拉麵， 當時侍應仲同我覆單左一次， 我都話係。但 結果侍應擺底碗一舊炸雞同一舊肥腩肉既拉麵， 我同佢講叫既係豚骨， 佢話無哂貨，話一早同其他人講左架wo, 佢地無同你講咩。然後仲補多句， 甘你食唔食丫....我本人覺得無貨可以同我講聲， 我可以轉其他。而唔係你放底咩麵就要食咩麵， 甘我駛鬼睇餐牌呀。仲有， 黎到碗拉麵， 入面d 炸雞係黑色既超燶。我覺得呢間野d 侍應態度好差， 侍應之間無溝通。真係可以不再去....$70-$80 幾仲可以食到其家好野....

夜機返香港一落機就要醫肚，哩間拉麵位於Arrival Area附近，店舖出面有一大個位置比你擺行李，好方便。餐單簡單，可以配小食同飲品為套餐。餐廳亦有水供應，啱晒落機脫水嘅我地。各款拉麵都濃味，又啱晒落機口淡淡嘅我地 店員上菜速度都好快，等大家可以快d食完去玩或者返屋企。佢唔會因為係機場而減少配菜，有得好似平時拉麵店手磨芝麻。唯一係店舖入面會比較逼，同埋客人來來去去。拉麵質素OK，係有dd唔夠味，唔知係咪因為多麻油蓋過鹹味，另外加芝麻會豐富d。

落左機，仍然好掛住日本既天氣同食物，就去左食拉麵🍜旅行這幾天食得太多肉啦！！！我地叫左個原味拉麵，雜菜拉麵同煎餃子，都幾大碗(*¯︶¯*)個煎餃都幾香，食飽飽就返屋企(⁎⁍̴̛ᴗ⁍̴̛⁎)

岩岩果轉機食得唔夠飽，一落機拎完行李就即刻是搵野食。兜左一轉見到呢間拉麵店，之前都唔覺有，應該係新開掛，就同朋友入左去坐，行李就放係店外。我喜歡啲麵有辣味，揀左呢款，好夠辣，湯底好濃味，有半隻蛋，仲有兩塊叉燒，都幾豐富。朋友食呢款黑蒜油味，食物都差唔多，係湯底唔同味，都好好食。總體黎講好滿意，下次去機場都會再食。

下午送完機後, 冇要求下是旦揀左呢度食個麵.  (因為安頓左個仔食飯糰) 叫左豚骨拉麵 (香辣) $76 另+$40 餃子炸雞套餐又估唔到幾好味喎! 湯底辣味不錯, 都幾濃, 豚肉有兩件都幾大塊, 仲要有糖心蛋.炸雞似即炸, 熱辣辣好脆口, 似韓式炸雞, 不過有甜辣味啫, 好乾身, 餃子皮薄脆口! 估唔到又有驚喜喎! 

有次在機場活動之後，突然忽發其想開一開本網看看有什麼機場餐廳的新知🤔。想不到，原來在出發之前看到這都好有個8字的日本店舖，原來不是8番拉麵，因為在搜尋之下，見到寫着有《三田製麵所》，並寫上是非禁區位置，然之後又看看這兒的門牌，原來右下角有寫上了這兒是三田製麵所旗下的😯。但是從餐牌看來，這不像銅鑼灣的三田製麵所，因為銅鑼灣那一間三田，都是吃沾麵為主，沒有太多拉麵的選擇。想不到，現在在機場這個區域，都可以突然間有一間拉麵店。位處於機場的平台，這間拉麵店的門口當然有提供位置供應旅客擺放行李以及行李車。內進之後，都發現座位不少，中間座位未必太闊落，如果有太多手提行李的話，可能不太方便內進。點了一個黑蒜油拉麵，店員下單的時候，都會問問客人要普通的麵，定還是要硬一點。我這款就是硬身一點的麵條，結果，麵條剛剛端來時，的確偏向硬，保留少許嚼勁，味道還好。但是湯底，黑蒜油的確比較蝦人，因為萬一不夠燙的話，放一會兒就更加欠缺溫度🤔，那就會顯得比較油膩，那就更加難以下咽了。叉燒雖然不算太過肥膩，未算是半肥瘦的圓柱狀，但是薄薄的，亦都不算太厚。半熟蛋，一邊呈少許流心，吃起上來，不算太熟，但味還是充足。總體來說

收工去✈客運大樓個面幫朋友交收順便食返個晚餐先返屋企啦😋呢間 博多拉麵 係 三田製麵所旗下品牌黎8既意思即係有八款拉麵供選擇價錢係機場黎計都差唔多了😄機場以外既場方食個拉麵閒閒地都$6x-$7x起標啦😂呢到其實都差唔多價錢姐💲最平個款拉麵都只係盛惠$73不過就有加一服務費，但機場員工證有9折，即係小妹唔駛加一啦😆佢地係開24小時的，凌晨落機可以黎呢到宵夜醫肚💕 🍲叉燒炸雞拉麵$88+追加餃子套餐$25(套餐包括有3隻餃子&一罐罐裝飲品)麵條較幼偏腍，如果硬身返少少會更好😋豬骨湯有豬骨味，湯亦偏杰蛋係糖心黎👍👍叉燒方面，有1塊豬腩肉同數塊細既薄叉燒其實都幾豐富炸雞方面，唔好睇啲炸雞放左係啲湯到會淋哂答案係唔會的🤣 而且真係好香脆雞肉尚算juice唔係乾憎憎咁餃子不過不失很豐富很滿足的一餐😊

去接機先知機埸多了一間拉麵店。完全估唔到 應該係開業初期，中午時段，也坐滿了人，因不想等位，預啱下午茶時段才幫襯。結果一試便知又係原來只是港人口味模仿日式拉麵的拉麵店。 我點了黑芝麻豚肉拉麵，湯底味道和外觀還可以，但食材就普普通通 ,其中一片比較厚的黑豚肉就像港式的蓮藕炆五花腩中的肉類，而半熟蛋也像在家中也可以自家整級數,　 而拉麵口感也沒有日本拉麵的感覺，似普通粗面，但整體上都算係咁，因拉麵的份量只是剛剛足夠，也未全飽 個海鮮炒飯都係比較一般，冇乜味，中下級數，唔特別，但唯一可以讚的是七味粉，夠辣得來夠醒神，而且吃完辣感存在咀唇邊很長時間，機場咁凍來點辣感感覺唔錯，亦加左味比個冇乜味既飯 總括來講，價格都算公道，喺冇選擇之下都算係一種飽肚嘅午餐，但叫我再食多次就不了。

去機場接機就同屋企人係呢間拉麵店食晚飯，揀左佢既拉麵套餐配煎餃子，仲有罐汽水。豚骨拉麵(原味): 望落賣相唔錯，但食落認真麻麻。豚骨湯味道好淡，完全唔覺得係用豚骨淆出黎既。麵偏硬左少少，又沾唔到豚骨湯，食落冇乜味，亦都冇彈牙既感覺。唯一係叉燒幾好味，有一片片既亦都有一舊好似燒肉咁，個人認為似燒肉嗰款好食啲，有脂肪咬落去雖然油但好香，質感都豐富啲。煎餃子: 味道普通，皮好厚又硬，似係擺左好耐，入面既肉都冇乜味，靜係食到蔥既味道。令人失望既晚餐，食物質素有待改善，價錢亦都唔平。

自己搭飛機回港，落機已是八點幾，超級肚餓它的黑麻油拉麵是$78，加$28轉套餐就有飲品和炸雞，我選了罐裝的烏龍茶。先說說炸雞吧。炸雞的炸粉不薄，但又未至於太厚。炸得尚算香脆，但裡面的雞肉有一點兒乾，肉不夠嫩。而拉麵的湯底濃味，有很香的黑蒜油香，不過就油膩了一些。而麵條很幼，軟硬適中，但掛湯能力差。而豚肉上有些蒜，夾著肉吃有很香的蒜味，但可惜豚肉太瘦，有點鞋，也不夠厚身。另外還有半隻半熟流心蛋，流心度也不太夠，蛋白沒有醬油香，不夠入味。以這個價錢在機場吃一碗拉麵和炸雞都算抵食的

機場又一拉麵店！呢間8拉麵挾三田製麵之名，之前食過沙田首店，拌麵都算合理，點知呢間質素線下跌，可以講得上係難食添🤦🏽‍♂️拌麵配料不文不類，味道偏台式，粟米仲要凍凍地😐拉麵湯底味淡之餘仲有鹼水味😩完美繼承機場味千地位🤦🏽‍♂️

去到機場搵食野, 就算寫住有保證都覺得好貴. 係機場行晒咁多間, 我極力推薦宜一間, 原因係價錢合理, 食物質素唔差. 兩個叫左兩類, 一個飯, 一個面.先講鐵板炒飯, 個鐵板夠晒熱, 大家記住要一黎就係咁搞, 如果唔係好易燶咗, 原味已經好香, 見到隔離叫左咖喱鐵板炒飯仲香, 下次會試下.黑蒜油拉面,我個人較喜歡, 湯底夠濃味, 豬肉較一般拉面店厚身,所以肉質會實一點, 但覺得抵食點.在環境方面, 較細間,不會容納太多人, 建議坐近門口,方便睇行李.

記得那天在機場博覽館的考試，分為上半場和下半場，每節三小時。對我來說，腦筋的折磨比叫我去耕田更痛苦。講笑，我未耕過田。🙃.入正題，話說中間的一個半小時，我和一起考試的朋友們需要吃個快飯，然後再回考場受刑。考完第一場，繼續留在傷心地太可憐了，於是我們去了5分鐘車程的機場找吃的。.到達一號客運大樓，環顧四周，最吸引的食店就是這個了。排了十分鐘的小隊後，便四肢攤軟的坐下，打開餐牌，第一☝🏻個念頭就是，我要吃飯！儘管這間是拉麵店，但我要吃飯。好，我人就是這麼跳脱。🙂.看，我的鐵板咖哩炒飯。係咪好有動感呢？蛋炒飯配上微辣的咖哩，味道剛好。滿足。只是肉粒有點韌，有待加強。HAHAHA,, 報告完畢。只能說，在考試其間小小神經衰弱的我能在此時吃到一個沙沙聲又味道不錯的炒飯實在大滿足，元氣大增呀！

去接機先知機埸多了一間拉麵店。完全估唔到應該係開業初期，中午時段，也坐滿了人，因不想等位，預啱下午茶時段才幫襯。結果一試便知又係原來只是港人口味模仿日式拉麵的拉麵店。我點了黑芝麻豚肉拉麵，湯底味道和外觀還可以，但食材就普普通通,其中一片比較厚的黑豚肉就像港式的蓮藕炆五花腩中的肉類，而半熟蛋也像在家中也可以自家整級數,　而拉麵口感也沒有日本拉麵的感覺，似普通粗面，但整體上都算係咁，因拉麵的份量只是剛剛足夠，也未全飽個海鮮炒飯都係比較一般，冇乜味，中下級數，唔特別，但唯一可以讚的是七味粉，夠辣得來夠醒神，而且吃完辣感存在咀唇邊很長時間，機場咁凍來點辣感感覺唔錯，亦加左味比個冇乜味既飯總括來講，價格都算公道，喺冇選擇之下都算係一種飽肚嘅午餐，但叫我再食多次就不了。

下午兩點幾從日本回港，hubby話太肚餓要响機場揾D嘢食先番屋企，一齊還完pocket WiFi諗住去翡XX麵簡單食D嘢；後來佢話要去埋廁所，我等佢嗰陣見到呢間日本拉麵，因未食過呢間有D想食，不過心諗我哋剛响日本番嚟，hubby應該唔會再想食掛，怎知佢竟然話好我哋入去坐低睇餐牌，大家都揀义燒炸雞拉麵，而且價格$88唔算貴，味道我也很滿意，义燒唔肥但不韌，炸雞香脆，糖心蛋yummy,湯底比較濃味我鍾意 不過對拉麵有要求嘅hubby就話湯底唔夠好味喎