Triple O's by White Spot (已結業)

昨日放假 行街去到沙田 有D餓 記起有張團購卷係袋 即管試下啦 入到去唔諗咁多 叫左個雞肉漢堡套餐飲品要奶茶佢係即叫即整 等左5至8分鐘 有職員親自拿過來一黎到 食條薯條先啦 份量算多 新鮮炸起 勁熱薯條好粗 外脆內軟 幾好味個飽一打開 Size幾大 但買相唔吸引 內裡冇咩汁 塊雞肉雖然大塊 但冇乜味道 似食白灼雞肉一様 之後試下杯奶茶 用上英式茶包，滲了好耐 但仍冇乜味道 加左D奶後 同飲奶既水冇分別 除左個薯條可取外, 其他唔食唔損失用左張團購卷后都要約30元 都唔覺好低禾

第一次試。好大份。女仔應該食唔晒。好有外國食burger 既風味. 叫左2 款不同口味。 我男朋友好快食晒。我食到食唔落。牛肉夠厚。炸雞好有口感。 因為我最愛食炸雞。 食左幾件先開始食個包。

用了四張團購劵, 分別點了燒牛漢堡, 磨菇漢堡, 炸雞枊, 牛肉汁薯條,可樂及milkshake, 漢堡及薯條都不熱, 不是即叫即做, 看到很多漢堡已大量做了出來, 仲衰過m記,雖然食物質數比m記好, 但凍了的漢堡已大打折扣,未知是員工自作主張, 或是triple o高層的指示, 但都要檢討的是, 不能給予相同的品質的話, 請不要以團購方式來給予消費者名不符實的產品.....可惜

某天, 見團購$30買$60 COUPON, 朋友對佢既評語又咁好 “你食過就返唔到轉頭, 以後唔會食M記…” 結果我就買左4張, 同老公分兩次食, 點知, 尋日專程去沙田分店食, 個職員執盆又唔抹枱, 叫佢返轉頭抹枱, 塊枱布又勁臭, 未食已經想嘔. 買左兩個餐返唻, 老公一打開就問: 咩唻架?! 叫磨菇漢堡餐, 只見到一塊好乾既漢堡扒, 搵都差d搵唔到既磨菇, 又少汁, 而我個薄牛肉漢堡, 個包吸左水, 悔既, 裡面又冇配菜又冇汁; 薯條又油又唔脆, 得杯可樂正常d, 都唔知有咩好食, 如果唔係因為仲有兩張coupon, 應該都唔會再幫襯, 大拿拿$82一個餐, 太失望啦!

上星期買左團購 見到$30當$60用朋友都話呢間條好味 好！就買2張試食一下 點知..當日大概11：30去到沙田店 一見個餐牌 大部份套餐都要$70~$80幾 但我有coupon做Discount 而亦唔可以用M記去比 ~OK啦楝左個烤牛肉漢堡餐 個職員話薯條未番貨(漢堡飽店 薯條未返貨？) 佢話可用薯餅代替 我想 一場來到 算吧！薯餅  幾大塊 不過一見到佢 成塊油淋淋 食 落雖然夠熱夠脆 算鬆化 但油利得實在過份 食左一半 成個口腔都係油 所以放棄不食啦之後食個飽  個飽size幾大 牛肉份量算多 肉質淋淋地 但味道 淡而冇味 一D牛味都冇 醬料亦唔夠 失望 唯一可取係杯咖啡 夠熱 好香濃 D茶味勉強可蓋過D油利啦

最有驚喜既...係個奶昔!我最鐘意藍苺味,不過飲完佢,都飽左4成包同薯條都好好食,但份量真係好大....食唔哂另外,雞塊都值得一試,啖啖肉~鐘意食雞肉既朋友應該會幾滿意~

向來認為沙田市中心其實都是名店林立，如非到陳根記等大排檔，都頗難在商場中找到獨立小店。更令人咋舌的是，翡翠拉麵小籠包等緊十個人，而這兒卻門可羅雀。和女朋友仔一人一個餐，我要original burger，她要那薄牛肉。 薯條竟然差別那麼大。可說是令人又愛又恨，因為一盤其實有點兒放涼了，但又剛好適合女朋友仔 因她生怕熱氣及薯條太熱。我當然當仁不讓不停口的吃熱燙燙那個，脆皮而多薯肉，皮薄而豐富，與當年薯條店開得成行成市時可以比個長短。original burger包，抹上牛油，光是咬一口包就予人一種吃奶油豬的快感。漢堡，瘦瘦的，但充滿牛肉味，肉香豐盈，汁漏四處，再配上薄切多汁蕃茄，可以用水汪汪來形容，與m記的漢堡不可在同一等級比較。這漢堡的汁，即使流到滿手，都不會令人光火，還會像"雞同鴨講"中許冠文教落，流得滿手汁，再啜手上的汁，方為王道。不要以70元吃漢堡的心態來，因為這兒的漢堡絕非池中物，與其排隊輪流翡翠拉麵(亦稱不上甚麼佳店)，倒不如一嚐這兒。

好耐無食過Triple O's，見團購劵仲未用哂，就黎食下。因為個包太大個，所以都係同媽媽share食，佢好就好在可以幫你切半，如果唔係自己都唔知點分開佢好，咁多料。BC Burger好欣賞將酸瓜放係出面，食既可以自己夾番落去，唔食既又唔駛拆散個包拿番出黎。因為我唔食酸瓜，所以媽媽就好方便咁放左落佢個半個包度。同之前一樣有豐富既菜、蕃茄。煙肉炸得脆扑扑好好味，不過醬少左啲，搞到個包好乾身。同埋舊牛肉唔好食，無左好juicy既感覺，仲有啲鞋口。對塊牛好失望。洋蔥圈+$4轉左呢個，幾好食，炸粉唔會太厚，洋蔥仲好juciy，無炸到乾哂。

Food court 型式的餐廳。Order 完拿着號碼牌坐底等。一定要試他們的魚柳Burger! 多汁，口感又好，塊魚柳也比很多快餐店新鮮，有外國Fish n chips 的感覺，"濟"少少的檸檬更清香。沒有想過隨意亂試的food court快餐店會有令我難忘的"魚柳包"！麵包的口感和熱度也是好的！但至於薯條我試了一個普通fries加protein fries! Protein fries 我以為有外國那種重cheese的感覺，但一點也沒有，所以下次若再來，我只會單點魚堡。或想要餐的話，普通fries已經足夠！

話說陳生很久以前買落嘅Triple O's 團購粮票（$25當$50）就快過期，星期六特意接陳生放工食LUNCH，順便去就近嘅沙田市中心用埋張粮票。星期六座位方面比較FULL，不過等咗唔夠5分鐘就有位。食物方面，我點咗烤牛肉漢堡餐($78)及炸雞餐($68)，扣咗兩張團購($50 x 2 = $100)即係$95買兩個餐。由於兩個餐都好鬼難食，所以比團購價條氣會順番少少。首先講吓烤牛肉漢堡餐($78)，嚟張現實與理想圖就知道我幾失望。牛，冇牛味；醬汁好稀薄.. 成個包都好Dry..好Dry..食咗一半就放棄咗，留番比陳生。至於炸雞 ，似油浸多過油炸，建議佢可以用高溫油去炸雞，那些油多到流出嚟，要用Tissues印吓先過到自己個關。雞件仲要好老好鞋身，口感似食KFC的冇味雞胸肉，仲要6件咁多啊，多謝哂，我食咗1件就冇食。唯一推介係配炸雞的蛋黃醬，清清淡淡幾特別。最後只好以薯條果腹咋，陰公，薯條仲要淋淋地。所以今次真係「團購，中伏了！」真心講句，M記嘅雞件同burger都比TRIPLE O's 好食同抵食..

The food is disappointing at this shop, have tried 3 - 4 times.It just "below-average" when compare to triple-O shop at other location.The roast-beef is over done.The fish patty is smelly.I guess we expect something better than McDonald.

相隔一段時間, 總會想起Triple O's的包包和奶昔, 但是不知在何時開始, 覺得它的價錢雖然沒有大幅增加, 可是其質素開始慢慢下滑, 包開始變細, 奶昔逐漸變稀, 個人承認對它的味道是有點偏愛, 希望它不要令人繼續失望. 魚堡--份量仍然十足, 賣相依然吸引, 即叫即做, 打開時還是熱騰騰的, 漢堡包中層烘得香脆, 包身鬆軟, 中間夾著剛炸起的魚柳, 絕對可以感受到它的熱度, 沒有油膩的感覺, 滴少許檸檬汁在魚柳上, 更加提昇其魚的鮮甜味, 不過今次魚柳上的粉槳用得太多, 魚肉相對太少, 沒有肉汁可言, 所以入口時, 咬下的大部份是脆槳, 有偷工減料之嫌... 薯條--是屬於粗身和長條型的種類, 熱辣辣, 炸的時間適中, 不乾身, 不油膩, 香脆可口 薯餅--大小一般, 也是即叫即炸, 有薯仔味, 脆身香口 藍莓奶昔--份量頗大杯, 冰涼透心, 口感香滑, 有豐富藍莓的味道, 可以喝到粒粒的藍莓, 不過藍莓味比較起以前已經稍為遜色, 而且藍莓粒的數量也變得比以前少

每次來到沙田，總是到市中心，開餐也許變成理所當然，也不想到周邊或去得太遠，以免妨礙乘車便利。因此在下只好選擇在新城市廣場附近，而在下也不作太多思索，還是留在新城市廣場好了。今天到的餐廳，是在下數個月前到訪過的，又想吃一個漢堡包，因此才選擇這餐廳。還記得上次吃過的，是雞扒漢堡，今次卻轉轉口味。BC Burger Combo（Bacon and Chese Burger） 這漢堡是在下第一次吃的，內裡有漢堡牛肉，培根，生菜，蕃茄和沙律醬等材料。打開包裝紙時不能站起來，要花一段時間才能把漢堡包站著給拍照呢！這漢堡也和上次一樣，沙律幾多的，而堡堡牛肉則少了一點肉汁，也比較乾了一點，培根煎得較濃也較硬，不過都幾脆，原本以為是用上了一塊培根，可是卻不是，而且斷斷續續的，生菜的份量也較多，也算是爽脆。Triple O's的薯條一向是在下心頭啫之一，可是今次卻只有軟塾而欠缺了炸過的鬆脆，對比上次卻有點失了手，就算加上了茄汁，只是加多了酸酸甜甜的味。今次吃這個漢堡包有點失手，希望下一次不會有這樣的情況出現吧！而今次發現，有個別漢堡加了價，加了約十個大洋，相對上次卻貴了一點，而今次的失手卻有點不值呢！

今天… 到沙田逛逛… 與友人想食下snack… 二人決定到Triple O share個Fish Burger combo… 吩咐左職員將個包切半…...其實在幾年前,第一次食到Triple O 的fish burger… 那塊juicy, 新鮮嘅魚柳… 已經決定每隔一段日子就都會揾機會回味一下…攞左號碼牌…揾個位…等一陣就送到… 薯條: 很實在, 很美味的粗薯條, 不是只食到炸粉那種...Fish Burger: 打開個飽啦…有一舊仔檸檬…那塊魚柳嘅juicy及鮮味足以令你唔需要用嗰舊檸檬… 另外, 佢嘅包外脆內軟的… size大, 兩人share都唔會有唔夠喉嘅感覺, 反而一個人食又多左d…, 菜很fresh, 配以他他醬... 食完個飽, 感覺好滿足 只可惜件魚柳size比之前細左少少

It was a very busy Saturday for me and my boyfriend. Had lots of errands to run and ended up finishing up around 7PM in Shatin feeling all tired and nasty. Wanted to just grab a quick dinner then head home. Our two choices were Oliver's Super Sandwich, and Triple O's, which is right next door. Since both my Boyfriend and I have never tried Triple O's, and that we would have to wait for a table at Oliver's Super Sandwich, we agreed that we should just eat at Triple O's.Have heard many good things