Turning Point By Coffee Art

营业中

休息中

26/9/2022 星期一，悠悠閒閒行尖沙咀，嚟到呢間cafe，見到用搖搖椅做裝飾，好特別。剛巧都想坐抵抖一下，咁就一於飲杯咖啡，食件蛋糕啦！我哋二人，叫咗 一杯 cappuccino and 一杯凍茘枝石榴梳打，配一件三重朱古力蛋糕。心型拉花的Cappuccino，飲一啖，舒服舒服！天氣炎熱，飲一杯冰凍的茘枝石榴梳打，即刻解決口渴及感覺炎熱的問題，涼涼爽爽！三重朱古力蛋糕，朱古力濃淡及甜度適中，正正是以健康為主而烘焙的蛋糕！店員服務態度友善，悠閑下午茶，確實可以給我哋充充電，再繼續shopping!

星期日四圍行 四圍盪真係唔知食乜好我想飲杯咖啡咋或者食個簡餐因為6:00咋 都唔肚餓見到呢間Cafe感覺幾乾淨舒服坐低我點咗凍latte朋友點咗凍摩卡好得喎 好香好滑 感覺有啲肚餓㖭我哋三個女仔 Dinner Menu有3樣選擇咁就呢三樣囉西餐中食 即係share食啊我哋三個都要左沙律頭盤好認真嘅帆立貝蔬菜沙律一人一份 份量好足 真係開胃頭盤喎 越食越想食囉😉牛側腹肉 好嫩好鮮味medium grilled 剛剛好貝殼粉掛滿芝士忌廉汁真係唔錯喎海鮮risotto 虎蝦又爽又鮮味帆立貝大大粒好食我唔食青口嘅 朋友話好okrisotto 係正宗做法 硬身大約七成熟熱辣辣掛滿醬汁 掂👌然後龍蝦尾配意大利雲吞龍蝦尾肉質彈牙嘅其實幾新鮮 不過點解咁咸嘅呢樣應該失咗手意大利雲吞就處理得好好賣相食味同樣出色三個吃貨又話輕食又話簡餐😂😂食完main DISH坐咗一陣又點咗三款甜品我點咗香蕉croffle 即係牛角酥waffle 又脆又香加埋焦糖脆面香蕉同雪糕配搭完全掂丫朋友點左抹茶雪糕croffle 同蘋果批一路食一路讚 我兩樣都唔食嘅所以無試到 淨係食咗粒麻薯都ok好味嘅抹茶croff

🌿Turning point by coffee art🪴經常路過見餐廳裝修簡約，近日加埋圓形藤椅打卡位，終於一試晚市有餐有散點，餐一個main一湯一飲品，一來太飽，二來較悶，決定散點🦀酥炸軟殼蟹$78: 軟殼蟹細細隻有d咸，不過酥脆好味，仲伴有沙律，唔錯🍳All day breakfast $148 非常大酥，份量十足炒滑蛋： 夠滑，調味剛好唔太咸英式豬肉腸： 店員話得一條，問轉其他野，誰個只換來一球紫薯茸，感覺好唔抵乳酪、煙三文魚： 正常發揮炸薯餅：夠香脆大啡菇：juicy🥐牛角包窩夫:牛油味似油炸鬼，有趣車厘茄.雜菜沙律配青檸柚子汁：沙律份量豐富，青檸汁柚子汁清新🍇🫐🥗Art of bowl $108 ：估唔到超大碟，款式多且份量驚人，有提子藍莓、牛油果、提子乾、雜果仁、三色藜麥、酸種麵包、羽衣甘藍及雜菜沙律配青檸柚子汁跟餐飲品優惠價香橙蜜糖latte$32: 海馬拉花好靚，配小杯蜜糖，香甜夠滑Baileys latte $35:拉花相對遜色，baileys 酒味好濃，頗甜餐廳環境舒適，座位距離遠，又有打卡位，價錢&食物質素比許多小cafe 好好多，值得回訪支持

見到有雀籠椅吸引入咗去🪄環境闊落，感覺好舒服午餐份量有點細，叫咗第一個 麵包已經查咗牛油，牛油份量有點多忌廉椰菜湯 不算太甜 不過也是份量有點細送的綠茶是茶包同朋友傾偈環境氣氛很好不過食物份量就可以多一啲就好了

今日下午茶時段過去，見到2位女職員好勤力，又有禮貌。但老細應該好好安排人手，咁大間餐廳，得2個人做嘢，我自己本身都係做服務行業，都知道唔夠人做嘢，係好難做好服務，希望老細盡快改善啦。

早前無意發現呢間cafe,已俾佢的環境深深吸引了,有好多打卡的地方,又有一個角落位可以給你一個人靜靜地放空,好正呀。🥰🥰今日試了"蜂巢陳皮咖啡",它的賣相已吸引我慢慢地欣賞。打完卡後就試下d味道啦,因為佢齋啡的關係,就讓蜂巢及陳皮味更加特顯出來,味道都不錯呀,我好喜歡佢的咖啡豆,好香及啱我的口味呀。😋😋下次再來要試下其他味道的咖啡呀!☕☕

心太軟就食得多 但呢到嘅心太軟幾特別😋朱古力心太軟 焗到外脆內軟滑 切開流晒啲朱古力醬出嚟🍫最出色係旁邊嘅生薑檸檬清酒啫哩🍶🍋同朱古力夾埋一齊食 味道出奇地夾 仲好清爽

行完美麗華商場之後好攰？ 可以嚟呢個turning point cafe 坐低食下野🤭呢度環境唔錯，好好坐，即使假日都唔算多人卡邦尼扁意粉 $118呢個carbonara 唔算好重奶味/芝士味，整體都好香口好食嘅😍三文魚子清酒蟹肉海膽汁忌廉扁意大利粉$168個presentation 好靚呀🤩幾足料🥰鐵板香蕉雪糕班尼$70 個brownie 係鐵板上面keep 住熱，加埋雪糕冰火交融🙊waiter 會比埋朱古力比你加落去，朱古力控一定會鐘意呀😝仲有！焦糖香蕉食落熱熱地，個焦糖好脆口😍😍諗返都想食呀🤪Green Tea Latte 跟餐+$38淨係睇個拉花都💯個matcha 味好濃，濃到有dd 苦，可以落糖中和返🤓

最近天氣連續落雨，心情都有啲陰陰沉沉。去咗美麗華做完按摩💆餓餓地搵間舒服餐廳坐下，無意中發現這一間。望落去環境幾舒服，好relax感覺可以坐半日。呢段時間唔多人，靜靜地享受一下me time😆先來一個青檸柚子雜菜沙律🥗，幾清新又新鮮我叫咗蟹籽軟殼蟹牛油果漢堡配薯條，份量不少。賣相也不錯，未食已聞到薯條味，讓人食指大動。先吃了幾條薯條，剛剛炸好😋👍🏼。牛油果🥑應該有半個配合軟殼蟹是絕配，略為失色是軟殼蟹炸得有點乾，但整體不錯。最後來一杯伯爵紅茶☕️，是Dilmah茶包😄有機會會再來，下次嘆番杯咖啡☕️

今日去試吓餐廳，可能時間尚早，不用排隊便找到座位。餐廳嘅裝修很現代，充滿清新嘅文清氣息，而且座位與座位之間有一定嘅距離，感覺舒適。忌廉湯口感香滑，正常水準黑松露三重茹忌廉汁意大利飯$108這而意大利飯軟滑適中，唔會煮得太散，口感十分creamy, 既有黑松露香，又有爽滑的茹菌，十分飽肚煙三文魚班尼迪旦配小茴香荷蘭汁$95這班尼迪旦是正常水平。水波旦保持流心狀，而那旦汁加上小茴香荷蘭汁，更加香滑，加埋煙三文魚、生菜和鬆餅，味道豐富，滿足。岩鹽焦糖鮮奶咖啡+$28這咖啡味道不錯，泡沫幼細，淡淡的咸味，吊起焦糖甜香，又有咖啡甘香，幾ok.Mocha +$28朱古力咖啡味道也不錯，淡淡的朱古力香，輕輕的甜，十分暖和。這一天的午餐幾滿足。

呢度係屋企人假日得閒會嚟嘅Cafe，屋企人就覺得好在美麗華呢度人流唔多，而呢間Turning Point就算係半開式都唔會覺得好逼，加上樓底算高，放假周圍都逼嘅程況下呢度就變成兩老飲咖啡嘅好地方。（雖然我見openrice評分嚟講麻麻，但我都抱住一試心態嚟）結果都覺得唔係好差嘅～Turning Point Powl吞會魚、雞絲、溫泉蛋、紫薯沙律、火箭菜、羽衣甘藍、青瓜絲、牛油果、脆包粒、青檸柚子汁係平時比較少食到嘅配搭，加埋幾開胃清新，唔似一般見到嘅all day breakfast，每樣嘅味道都okay! 呢個配搭都幾特別～三重蟹肉扁意粉［蟹籽、蟹肉、蟹棒］：味道同份量都滿意的，蟹棒有特別再整過，食落都夠入味，加埋蟹籽同蟹肉撈埋食好香﹗Cappaccino / Mocha以外行人嚟講咖啡拉花我會畀 100分🤣屋企人都因為鍾意呢度嘅拉花所以帶我嚟，咖啡大大杯，啡味好濃郁，唔會太苦又易入口。Apple Pie 蘋果批 $78

【Turning Point by Coffee Art】在旺區行街行到攰，約左朋友又未到時間，想搵個地方休息嘆杯咖啡？今次行過The Mira 美麗華廣場有好地方喇❗️.咖啡店店名：Turning Point，姊妹店在觀塘東廣場。店名有一層深意：Turning Point 是烘焙咖啡豆的術語，意旨由高溫轉下來再升溫！猶如逗號的停頓讓你稍作舒緩，享受片刻的恬靜，回溫後再次啟航。.尖沙咀新店鋪面大左好多，地方寛趟。今次筆者係3點後黎，同朋友點杯啡坐下chill 下，無試Meal。.今次點選：❇️鮮生薑蜜糖咖啡💰HKD 38Amaricano 做Base，混入薑絲再加蜜糖，蜜糖中帶薑汁味，都幾特別。.❇️海鹽焦糖拿鐵💰HKD 42又係口味特別，焦糖甜味中帶有.....。

環境不錯嘅良心cafe🤤💛裝修都幾靚 梳化又好好坐🤣🤣👍🏻野食明明都唔貴仲要幾好食 但都冇乜人🤔本來抱住試伏嘅心態入去食 點知又ok喎！燒鵪鶉脾真係第一次食🤣食落苦苦地加埋啲果jam食即刻唔同曬！好醒胃！Btw, 海鹽朱古力好飲👍🏻

我大半年前食過一次，覺得餐牌裏便好多選擇，份量又足夠，性價比好高。點知琴日我再去食，成個餐牌轉晒，裏面選擇好少。百幾蚊嗌咗個卡邦尼意粉，點知得幾啖，我真係覺得細到離晒譜。我唔明白點解會有呢個改動，感覺價錢貴咗之餘，啲份量細得好緊要。我諗我去第二度食，起碼會飽.同埋可能佢唔想你飲清水，想你飲佢啲咖啡，佢用嚟在清水俾你嗰隻杯，又係細細隻，又係飲幾啖又要叫佢加水，其實可能真係生意難做，所以乜都要慳。不過都咁講，佢啲份量雖然細，但係啲嘢係好食嘅，不過以性價比來講，就唔值.

諗住求其係搵間cafe坐低，飲杯咖啡食件蛋糕，就腳入左呢間。我同朋友叫左兩杯咖啡同一個tiramisu，咖啡都算係正正常常。重點係個tiramisu，一入口已經知伏， 佢個芝士嘅質地仲杰過芝士蛋糕，一啲都吾輕盈，食完好似痴住係喉嚨咁，飲多幾啖咖啡都沖吾走😞😞😞另外，芝士完全冇咖啡味同甜味，真係吾知佢用咩整出黎，淨係得係底嘅海綿蛋糕有小小咖啡味（吾係用手指餅）話係食過最難食嘅tiramisu都冇誇張🙂🙂