UA戲院小食部 (已結業)

睇戲前最重要就係去小食部買番杯雀檸（走冰）+朱古力味popcorn 「會員咭8折 $50.4」，咁睇戲先最正，朱古力味popcorn好香朱古力味，仲香脆可口，仲唔係好甜，又唔怕膩。平時睇戲都係坐2號影院，今日比我入到4號影院睇戲。原來4號影院咁舒服嫁。我係UA戲院既UALoyaltyClub會員咭買飛既，我仲提早一日去買定戲飛添，會員咭買飛仲有9折優惠，而UA小食部既任何消費仲有8折優惠。所以一早就揀定坐座，我揀咗套睇咗又緊張人刺激既「深海異獸」。咁啱揀到個坐位係中間位坐，左右2邊都隔開2-3個位無人坐（前後都無人坐）我就揀G11，坐座好舒服，又唔怕會硬及唔好坐，戲院又乾淨，真係真心爽，可以勁投入睇戲。

睇戲當然要食爆谷飲汽水啦🤩適逢聖誕節，一家人嘅家庭活動就係去睇戲，換咗四張免費戲飛，就打算用買戲飛慳番既錢去買爆谷餐食😋，因為本身係UA戲院UALoyaltyClub嘅會員，所以UA小食部嘅任何消費都可以有八折🤑，所以計番條數有爆谷有野飲都唔係好貴。3號 熱狗套餐（$89）爆谷好香脆可口，雖然佢係甜，但食得多都唔會覺得好膩，食到底既時候爆谷仲有啲暖暖地，但爆谷可以再均勻啲，仍然有啲係白色 冇甜味。熱狗都好大隻，茄汁、芥辣、酸瓜就自己喺隔離counter拎。另外加左2盒燒賣（$15/10粒）可以選擇辣/唔辣

是日等睇戲又未食午餐，唯有焗住幫襯戲院裡的小賣部三樣嘢盛惠$74大元，點了走冰細百事，crispy香腸，10粒燒賣。店員非常細心問汽水需唔需要走冰，香腸頗油，勝在10粒燒賣的豉油較少不會太咸。

前日下午，收到弟婦來電，告知有免費戲飛睇變形金剛，還包汽水一枝，爆谷一包或熱條一隻。嘩，一毫子也不要付出，就可睇戲食野兼嘆冷氣﹗小妹當然馬上舉手報名啦﹗該場次變形金剛被某銀行包場了，扶手電梯旁放滿了膠樽裝可口可樂，爆谷、熱狗和3D眼鏡。我們排隊魚貫地入場，工作人員則逐一派發食物和眼鏡給我們。焦糖味爆谷握在手上，只帶微溫，不免擔心爆谷早已放淋了。仔細一看，白晢的爆谷被褐色的焦糖團團圍住，在燈光下，綻放出柔弱的閃光。咬下，粒粒香甜而脆口，雖稱不上極度卜卜脆，但算不錯了。焦糖的獨特甜味更叫人百吃不厭，越吃越上癮﹗上層粒粒原整爆谷，惜底層是碎瑣瑣的，且間中有一兩粒未爆開的爆谷米。細佬的熱狗，嘴饞小妹也咬了一口過過口癮。熱狗大大隻的，包夠鬆軟，腸仔皮脆肉汁豐富具嚼勁，唧上蕃茄醬、芥末醬和酸瓜醬後同吃，味道大大提升也。

晏晝睇戲有d餓, 買左個爆谷set食!一心好想食caramel 味爆谷...一咸一甜, 甜既竟然係朱古力味爆谷........咁樣....唯有好失落地揀個咸....不過意外地試落cheese味seasoning後, 好好味!!  

Openrice 感謝你送我戲票, 令我看戲時多了很多樂趣------食Popcorn 之前都食過唔同戲院小食部生產的Popcorn, 邊間香脆, 邊間濃甜, 我都略有發現; 直到今次睇＜末日魔咒＞我才醒起為何不做個統計看看那間戲院坐得舒服, 食得開懷那麽就由今次開始UA皇室堡戲院在皇室堡4樓, 而小食部也在4樓; 小食部在收票入口處的正前面, 旁邊有個小型户外平台可以曬太陽今次買大Popcorn $3X, 焦糖屬甜味而牛油屬鹹味(我買焦糖味)。 睇戲時間是下午3:40而Popcorn櫃內的Popcorn是大半滿的。從相片可見有大部份的Popcorn都是沒有被焦糖包圍, 口感半軟不硬絕不香脆(我試過幾次在別條院線食的Popcorn真是全金黃, 粒粒甜, 脆到在戲院內都不敢放聲大咬, 真係卜卜聲好嘈嫁), Popcorn溫度是暖至凍之間, 不過未爆開的硬粟米粒數量不多, 無浪費！3號院約有78個座位, 地方清潔至少自己的座位附近沒有垃圾, 前座位與後座位的距離算闊(可半伸直雙腿), 可惜坐在我和丈夫後面的一對夫婦由戲院未關燈就傾計傾到完場, 還要被那位和我長得差不多高度的太太頂咗我