UCC COFFEE SHOP

营业中

休息中

中午放工，跟朋友在公司附近APM內的UCC COFFEE SHOP共進午餐，在菜單的期間限定中，選了茄汁海鮮湯烏冬，感覺有點失望，番茄湯底味度太淡，沒有酸甜開胃的感覺，烏冬不夠爽滑，食材份量還可以，蝦雖大隻，但不夠爽口，墨魚、帶子都沒有鮮味，唯獨是蜆肉有微微鮮味，奶茶不夠幼滑，比不上十多元的茶餐廳質素，可能昰價錢偏高，所以也期望過高吧！

同阿仔王玩完公園又未食晚餐時，阿仔王話有啲肚餓、想食小小野，但又唔想食太飽，於是就同阿仔王行了陣APM，一出一田超市，阿仔王見到UCC有雪糕食，就話想食呢間！ 點知阿仔王一見到menu上兒童餐架紅色跑車，就話想食架跑車，而我就叫左過香芒班㦸，其實見到隔離枱碟磨菇意粉，好香，我好想試架，不過怕食唔曬，浪費食物，所以無叫，唯有等下次再試啦！先講下阿仔王既兒童餐，有意粉，有薯角，有jelly，有水果，有腸仔，跟餐可以選擇飲，牛奶，蘋果汁或橙汁，阿仔王選了牛奶！份量唔多，小朋友好易可以食完，我食左佢二舊薯角，非常香脆，好味喎！如果有茄汁可能會更好味！最開心完來係有小禮物送，阿仔王勁開心！到我個香芒班㦸，有兩塊班㦸，一塊係吉士汁，一塊係cream，再加一球movenpick 香芒雪糕！阿仔王見到，話好想試，雪糕當然好味啦，我同阿仔王都鐘意食cream個塊多啲，吉士汁有啲酸！加杯涷啡真係好滿足！ 我最想講，係餐廳侍應好有禮貌，非常有善！服務態度真心非常好👍🏻

野食貴但水準跟不上。首先 main 已經差唔多過百，但轉餐要加34蚊，橙汁只是普通濃縮汁，假到不行，就不要說是 fresh orange juice，而salad不出所料都係普通生菜加芝麻醬，仲要啲菜唔算新鮮。意粉雖然口感彈牙但味道普通而且略膩，所以食唔晒 ，我叫意粉但都食到啲烏冬，呢種情況茶餐廳先會出現。toast浸泡過蛋汁，入口濕潤但同時表面都太濕，做唔到外脆內軟。.🔔 UCC Coffee Shop.📍 觀塘觀塘道418號Lower ground (LG APM.💰145 hkd per head (lunch)

放假high 個tea, hea下 擹抖下。原本想食甜品cake, 但得waffle, 無其他野揀，所以最後嗌煙三文魚多士。先來咖啡，咩都無落，先嗒一啖，似煮燶左，燶苦味。好彩加左奶之後都好飲。香味好一般。多士熱烘烘，不過鹹左啲，淡味少少就perfect 勒。又有幾粒生果食下，都叫balance～ 咁就hea 左個半鐘，無刻意趕，但服務員嘅擾攘都令人有心理壓力，唔敢坐得太耐，sosad, 香港cafe 就係咁。平時已經好有壓力，假日都無得太relax...

2019年2月25日約左兩個舊同事食飯。其中一個話想食ucc。話新開就黎左。佢呢間冇lunch menu只有加錢加咖啡同沙律。價錢就真係唔係平。但佢又好多人等位。由於佢呢間唔大間，所以冇沙律bar. 我等左大約半個中。因為我到個陣己坐滿。冇影曬。但都咁上下。+34原本唔係貴。但佢啲野原本唔係平。加上佢地話咖啡要等最少三個字。所以我地就冇加到。叫左個其間限定。淡淡地。又幾好食。個三文魚偏咸，建議唔好一啖一塊。好普通既螺絲粉。但唔係難食。日式。三碟最濃味係佢。但我最喜歡就係佢。如果佢有埋lunch menu 我諗會更多人更抵食。我入去食得一台有加餐飲。但ucc冇左沙律吧係差啲。如果你係為左沙律吧而黎，咁你可以唔黎了。因為佢冇