UCC COFFEE SHOP

营业中

休息中

銅鑼灣一期的UCC coffee可以說是見證住銅鑼灣的變遷 依舊保持兒時的面貌，小時候每次都很期待大節日媽媽帶我來食兒童餐和自助沙律吧店舖間隔大 4人枱有窗邊位置，二人位轉彎入較入位置有更多卡位 想睇住做咖啡的過程坐吧枱也不錯🔶茄汁海鮮意大利燴飯 $103 評分8/10每次必點茄汁海鮮湯意粉，今次有小突破叫左飯。味道依舊濃味，海鮮份量十足 青口 大蝦 帶子蜆 魷魚 各有三至四件🔶香煎三文魚扒 白汁 $109 評分7/10三文魚煎得香嫩，配既意粉味道偏酸 而且溫度不足略微有啲冷🔶自助沙律吧 評分8/10沙律吧款式多達十二種，最愛佢地自製的薯仔蛋沙律材料新鮮 蝴蝶粉沙律加上適量的吞拿魚

好耐之前係銅鑼灣上堂，經常都會來UCC食晚飯，計下數有成二年幾都無來，諗住同啲朋友仔一齊回味下，我地分別叫左一個意粉，一個pizza 同一個牛扒雖然只是餐湯，但可以做好啲意粉不過不失味道普通，但係啲蝦幾新鮮彈牙呢個肉眼扒因爲多筋非常難切，醬汁偏甜我覺得味道還好，但朋友不喜歡Pizza 係唯一保持之作，好味雖然餐牌多左好多新野，啲甜品睇落去好吸引，原本諗住食完個肚有位淨可以試下，但係因為跟左餐食埋沙拉吧嘅至愛已經飽了，無緣一試，不過之後應該有排都唔會再來

杯招牌咖啡越嚟越差，又苦又唔同左味；啲嘢食又唔夠味；啲侍應態度差到爆標；宜家仲要無埋個lunch set添！變相加價！以後都唔會再嚟尤其是那個戴眼鏡的女侍應（據聞以前是經理，現在是part-time那個），態度最差，不斷同人講做多幾日唔做。

返工返到個人謝哂，就搵左一日weekday放半日，過下me time，同自己行下街，行到咁上下口痕就去搵下野食。一個人口痕又唔食得多，但係又想食下甜野，所以就揀左黎UCC食佢地個waffle，貪佢地點方便得黎，WAFFLE榻得好味，又有得叫半份。平時黎親UCC都要排返起碼半個鐘先得，今日TEA TIME時候黎到，一個人當然就自然輕輕鬆鬆行入去坐低，放平日真係好FREE~TEA TIME有唔少TEA SET 可以選擇，都有飽肚的飯或意粉的配搭，另外都有蛋糕SET，都幾抵食。但我一心係黎食WAFFLE，所以就無睇過其他野。最後係揀左半份雜莓WAFFLE，有WAFFLE又有雪糕。WAFFLE一如以往，外面好脆口，面有少少糖，甜甜地，配埋酸酸地嘅雜莓醬，好夾，仲有球凍冰冰的雪糕，真係多重口感。半份WAFFLE其實好快食完，不過過到口癮之餘，又可以靜靜地坐下，咁樣的ME TIME都唔錯呀~

其實睇到Menu食物係一般，大概$100嘅價錢坐得都幾舒服，當然午飯時間就好迫人啦！座位都好逼下，但勝在質素都叫做OK！店員嘅服務態度就有啲好好笑容。好多款式我都想食，最終都係揀咗個好經典嘅炸雞咖喱味 奄列飯 $93。個白汁就好普通，炸雞三小件，溫度係還可以，呢度調味幾好，同埋都多肉汁。至於蛋包飯，博博嘅蛋皮一邊包左飯，好淡淡嘅咖喱味，整體味道唔錯。另一樣鎮店之寶就係凍咖啡，香醇入口又夠滑，食完飯嘆番杯靚咖啡，在傾吓計下午返工更加醒神

一直以來我也是UCC的fans, 自從銅鑼灣世貿廣場的UCC結業，只好轉去就近的ucc 。今天襯放假，就腳到銅鑼灣廣場1期UCC歎個lunch,order 左一個煙肉雜菇意粉⋯⋯非常失望⋯意粉乾爭爭⋯D茹少到可憐⋯我食左咁多年UCc，未食過咁難食的意粉。唯一咖啡未變，叫做係一柸standard嘅UCC咖啡。從少到大在UCC有不少美好的回憶，可惜餐廳食物退步到此等質素。對於食物大退步，我真的非常失望。不會再來。

我向來有揀位的陋習，那天我在UCC等位時，行開了，回來時剛錯過了一個冧巴，我問經理可否補番，他問我坐唔坐吧檯，我見唔多人等位，便說想等其他枱，感覺到他有些微慍地說，咁你等下先，便消失無踪。接下來入了幾張枱，都無叫我，似是無人打算理會我，感覺自己很不受歡迎。近數月來，這間店特別忙碌，服務和環境都比以前差了。知道員工也較前辛勞，作為顧客應多包容，作為職人，若失魂久了，便回魂乏術。下次再來時，希望可重見UCC一貫好客之道。

近門口的兩張2-3人枱超級污糟，根本從來沒有清潔過，吃得很難過的一個午餐！Sogo的UCC很乾淨，店舖經理要放多些心機在清潔了！不要以為這些衞生問題對食客生意沒影響。

這間 UCC 開了很久，我數個月都會來一次，因為地點方便，物值高，食物好，招呼好，是和朋友來傾計的好地方。晚餐 set 每人百多元，我覺得在這地點，吃這麼好味的東西，很超值。如叫 T 骨牛扒，只是加數十元，我今晚有加。海鮮意粉很鮮味，蝦也大大隻。T 骨牛扒則色香味俱全，完全滿足。咖啡是用虹級式的，整個壺端到你面前才沖下去，很新鮮。甜品也特別，雙色雪糕，雖然不會驚為天人，但最少有誠意，吃得很開心。餐湯也很濃，香滑。UCC, 不會驚為天人，但這是四平八穏的保證，一百多的價錢，吃到物值。

電話打了兩天，不是沒人接聽，就是浪起咗，訂坐/查詢非常困難！Book唔到位所以好唔方便，就算想食，但一大班朋友聚會，為免輪候時間太長，往往會放棄，希望管理層可以改善一下服務質素

放左工想和同事傾下計，想揾間靜静地又有tea set的餐廳，結果揀左UCC coffee shop, 啱啱仲趕得切6:00前order tea set吞拿魚碎蛋沙律窩夫+鮮橙汁~吞拿魚和碎蛋沙律分别弄成球狀，初初睇menu個圖仲以為係雪糕球，夾埋脆脆的窩夫一齊食，不錯！Tiramisu法式多士+UCC招牌coffee~厚多士切成粒狀，幾鬆軟，伴碟還有一個雪糕球，一塊 Oreo和cream,雖然食唔出有Tiramisu味！但也算ok!其實Tea set menu還有很多選揀！以幾拾元一個set的價錢來計，算是一個不錯的選擇！

今日有幸抽到時間做treatment ，唔洗湊女可以同姊妹撐枱腳，一於揀好耐無去的UCC，貪佢有自助沙律吧！由於做完treatment已經好夜，過左晚市人潮，唔洗排隊就可以直入餐廳。姊妹多數在家中食素，難得出街食，佢話要食好西，就嗌左個西冷扒，我就要煙肉火腿pizza大家share食。落左柯打，之後梗係要出去沙律吧”砌”沙律啦！ 沙律吧的材料同以前一樣，有車厘茄，桃，菠蘿，薯仔沙律，紅腰豆，沙律菜，啫喱等等！ 一路以來我最欣賞都係佢個薯仔沙律同啫喱，因為薯仔沙律夠晒綿無出水，薯仔，雞蛋，粟米等材料同沙律醬比例一流，簡簡單單但出色。 啫喱夠Q彈，味道又係啱啱好唔過甜，為沙律做出酸中帶甜的清新感覺！無幾耐pizza黎到，批底係簿脆的，可能係日式餐廳的關係，調味較清淡，比美式餐廳的pizza遜色。 西冷牛扒都一樣，唔似美式餐廳咁有火候，反而我欣賞隨碟附送的蕃茄意粉，因為每條意粉入口彈牙，而且擁有自然蕃茄味。其實總括黎講，唔難食但無驚喜，我諗下次我去UCC都係食返日式意粉或焗飯可能較驚喜

「UCC Coffee Shop 」，好多人都會好鍾意佢杯熱咖啡，對於我來講，呢度最吸引呢就係佢嘅🥗自助salad bar ，因為香港其實好少餐廳會有一個咁樣嘅corner ，尤其最近大家都講要食得健康，食得均衡，salad bar 嘅水果蔬菜種類都算多，仲可以自己切出個沙律山，同朋友一齊切一個，好玩又開心！如果朋友各自切，鬥切得高，都幾有趣。令到大家嘅用膳氣氛都會大大提升。不過真係要提一提salad bar 嘅衛生同整潔度，因為有時見到啲食物滴到周圍係， 令到食客大打折扣就唔好啦。

早在窩夫和鬆餅🥞狂熱捲起之前，UCC的西日甜品已有窩夫作為其主打甜品之一。UCC的甜品配咖啡是一個不錯的選擇。不過今次去UCC的時候已經是黃昏，為免再次陷入失眠危機，都是放棄咖啡，吃一份鬆餅滿足下甜品癮。今次點的是香蕉朱古力夾餅。夾餅的賣相不俗，有一球朱古力雪糕🍦，還有些杏仁碎，增加雪糕的口感。朱古力醬的份量剛好，令鬆餅吃起來不會太甜。還有兩枝朱古力百利枝插在夾餅中間，㚒餅上還灑了糖霜，可見店家在食物擺盤很花心思。但鬆餅的温度不夠熱，吃起來温温吞吞，原本精緻的鬆餅因爲其軟糯的質地而失分！

三個女仔Friday night食返個happy dinner先～XD銅鑼灣真係超多餐廳，大家揀黎揀去最後決定食日本野or西餐。黎到銅鑼灣廣場一期，見UCC都唔算好多人，就呢間啦！拎左飛都等左20分鐘先有位。好肚餓啊！！一坐底就叫野食。要左一個本菇墨魚繪飯，一個菠菜三文魚意粉，加左45蚊多個沙律，南瓜湯同飲品。本菇墨魚繪飯：都幾多本菇同墨魚，但味道淡左少少菠菜三文魚意粉：一般，意粉煮得岩岩好，Al dente。但裏面有條細頭髮。。。沙律：佢地會俾一個碗你去沙律吧任你裝幾多都得，但只有一次機會，我地裝左好多jelly~南瓜湯：成餐最好味，有濃厚南瓜味，唔錯！Service 還可以，餐廳環境ok, 食物唔好太高期望。