Ulyssa by Aldou (已結業)

二訪位於荔枝角工廈嘅 《Ulyssa By Aldou》，呢間隱世西餐廳一直都深受附近返工嘅人歡迎的！所以一定要記得Book位同早少少嚟呀！由於下午食得比較豐富，所以嚟個light dinner, 兩個人點咗一份Parma Ham 蜜瓜、燒風味海鮮拼盤、金箔朱古力蛋糕同兩杯特飲！其實都算係幾豐富！哈哈！而且整體食物賣相係我相當精緻的！份海鮮併盤有半隻龍蝦、八爪魚串、青口、大蜆同螺的，都只係百幾蚊，低食之選呀！仲有幾喜歡呢度啲特飲，竟然連泰式奶茶都有！正呀！件朱古力蛋糕都唔錯，最重要係唔會太甜又夠滑！而且呢度仲有個超級正嘅打卡位！環境絕對唔會輸比而家啲文青Cafe！不久嘅日子又會再來的！哈哈！

今晚朋友約食飯，本來未知去邊處，後來說在網上找了，便順著去食，唔使我諗，食咩都可以。工廈食店，簡單優雅佈置，侍應招呼主動，加水，紙巾替換，清理勤快，加分加分！今晚同豬有仇，點了豬鞍扒 與 豬肋排。❮熱溶芝士豬肋排配薯格❯ $178其實看到格離枱食緊，故點之。熱辣辣溶解的芝士包著兩件肋排，香味略遜，柔軟拉絲度不錯，輕鹹，肋排頗腍，醃製的醬汁夠味。薯格香脆，想食脆口薯格的，可把墊在肋排下的撥出來，要不是放耐咗會變腍，口感就不同了。❮香燒日式麵豉醬美國豬鞍架❯ $168散發剛煎香的味道，伴菜足夠，生的和熟的也有不同的爽脆感。豬鞍架底還墊了薯蓉，！有厚度的豬鞍架，熟透又夠腍，帶咬口，鹹度恰到好處，麵豉醬不會搶了豬肉的味道，好味。加了$68 配餐湯，飲品與甜品。❮磨菇濃湯❯ 湯裡邊有粒粒的磨菇，增添了口感與香味。❮藍梅乳酪沙冰❯ 特飲半價，走了忌廉，清清的藍梅香，微甜，也適合解膩。❮提拉米蘇❯ 軟滑綿口，不會過甜，酒味亦不會太濃郁，也算做到味道平衡，ok。網上訂位，點餐達到某個金額可以打8折，又怎會錯過。

今日同朋友經過荔枝角工廠區餓餓地咪諗住去揾間餐廳食晚餐，竟然俾我發現新大陸。我地揾左間西餐廳，環境有feel，座位闊落。一開始叫左個刺身八爪魚胡麻醬芝麻沙律，非常refreshing。主菜叫左熱溶芝士豬肋排配薯格。BBQ汁好惹味，再配上熱溶芝士，好match。好耐冇食過咁好食嘅ribs。之後叫左個燒大野菌黑松露意大利飯。個大野菌好大，大成個碗咁大。意大利飯煮得好入味，非常好食。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左$400。以咁高質素嘅食物黎講算係物超所值。所以整體黎講我對今餐嘅評分係9分！

食物有水準 出菜時間恰好 約咗食生日飯 除咗餐湯味道有少少淡外所有食物都好食 green tea latte 都好正 蛋糕都好好食 安排左寫字服務位置都算方便 工廠大廈就有車位 收費都好平

工廈發現的小清新🌿如果行開D2附近👜想坐下食下野🍟都係一個唔錯的選擇環境幾舒服價錢唔貴🙋🏼‍♀️開飯網78折完$240打卡影相光線充足😄已值回票價👍🏻最重要唔使排隊等位香煎豬肉眼配肉桂頻果霖酒汁～松露薯蓉⭐️⭐️⭐️⭐️⭐️（5分/10）豬扒厚身煎得都香口唔韌可惜醬汁味道唔夠出淡味左少少🤭另外一個係燒汁牛扒🥩⭐️⭐️⭐️⭐️⭐️⭐️（6分/10）煎焗色水更多比豬扒好食肉質更淋Order 左5成熟可惜調味唔夠🤫

今次同同事食好啲就揀咗呢到，其實個佈置都幾靚，但可能擺枱比較密所以就都幾嘈餐牌嘅選擇都好多香烤香草羊架三支骨配薄荷乳酪醬 $128個羊係冇令我失望嘅，首先羊肉味都幾香，㨂咗7成熟度，亦冇煮得太燶嘅問題，而且帶有適當脂肪。再配合薄荷醬已經係一個聰明嘅選擇，所以呢個價位來講都冇咩挑剔。另外叫多咗個蜜糖炸雞翼$28，甜甜地幾易入口👍🏻跟餐送嘅玫瑰花茶，可以清下食咗成個餐嘅感覺整體呢講呢個價位都算OK，值得再食！

如果同三五知己諗住輕輕鬆鬆食餐飯， 呢度係唔錯嘅選擇， 坐得舒服，環境唔會太嘈，食物都唔錯。星期五晚訂咗8點鐘， 早咗上去都安排到座位。 我order咗龍蝦意大利飯，可以加錢配埋湯同埋飲品。 當日餐湯係黑松露忌廉湯， 又滑又有好香嘅黑松露味道 至於龍蝦意大利飯， 意大利飯唔會煮得太硬， 不過唔想食意大利飯都可以轉意大利粉。至於飲品，加錢可以叫其他特飲，而我叫咗玄米綠茶就唔需要額外加錢。諗住工廠大廈會提早叫我哋埋單清枱，但係我哋走嘅時候大約9點40分都仲有好多人坐喺度。

第一次去工廠大廈食西餐，估唔到水準咁好，服務態度非常好，食物色香味俱全！咖啡相當香濃，大家不妨一試✌🏻✌🏻✌🏻😋😋😋我一定會介紹朋友、家人來食，十分滿意！出色

今日同事生日,附近餐廳都食到好厭,又唔知有咩隱世餐廳,就上OPENRICE行下睇下有冇其他選擇,比我見到呢間西餐.食評唔多,又無宣傳,望落又唔錯,就去試一試.以為會好多人.點知去到真係無咩人,得幾台客,又無人排隊,與同價位既西餐相比.明顯人流係少一大截. 希望有心人見到呢篇食評. 都可以去試一試.比個機會佢.埋單仲有85折,但訂台時無講,埋單先知.小驚喜~折左$272 3個餐 1杯餐茶 2杯半價特飲原來暗角都有個打卡位.哈哈香煎海鱸魚羅勒醬扁意粉*臨時轉左鯰魚,其實好失望,因為口感價位真係差好多.上到台面,其實好失望,因為佢唔係煎,係炸.仲要淋左,唔香口. 可能擺耐左,仲有D油.但意粉好好,軟硬度好適中,份量亦都唔少,青醬好香,但略嫌太足料,多左小小醬,變左有小小油.希望下次有鱸魚時,我都可以再次黎試一次!燒菠羅烤雞芝士漢堡配薯條漢堡包好新鮮 唔似格夜麵包 而且上碟前烘到脆卜卜. 好有誠意.中間塊雞扒不得了, 好大塊好厚肉呀!本身個漢堡已經大,塊雞仲要大過個漢堡好多入面蕃茄生菜都孚新鮮, 菠羅係罐頭菠羅.而且想讚一頻,雖然佢塊雞扒係煎,但係包同埋菜都吸晒D油. 好清爽薯條新鮮炸起好脆口

呢間餐廳喺荔枝角D2 place對面，億利工業中心2樓，最啱行完街去幫襯💛💛餐廳係森林係佈置，坐得舒服而且感覺乾淨。Set lunch選擇多，大約$80至$100。香煎海鱸魚魚柳羅勒醬扁意粉（$82），海鱸魚煎到外脆內軟，肉質鮮甜，不過有啲鹹，見塊魚有啲黑椒喺面頭。意粉食到最尾覺得有層油係底。香煎焗加拿大豬肉眼配玉桂蘋果冧酒汁、松露薯蓉（$88）分量非常多，蘋果蓉同豬肉眼唔算太夾，不過豬肉嫩滑，松露薯蓉就好出色！

位於荔枝角工廠大廈，荔枝角站地鐵一出就已經到達好方便；餐廳座位唔多，但環境算幾舒服😌 朋友之間傾計都係一個唔錯嘅選擇。芝士肉醬薯條一上抬，被外層滿滿嘅芝士超吸引 🤤🤤 夠晒熱辣辣，好味😋 肉醬係底下，而且薯條份量都好多，食到尾都仲有芝士同肉醬，證明好夠😂😂烤雞肉牛肝菌扁意粉屬乾身類嘅，有少少似炒意粉 😂 少少牛肝菌汁已經可以令到成個扁意粉好入味，雞肉都算多，非常配搭。澳洲草飼肉眼扒配燒汁肉眼牛扒點咗 7 成熟，肉質仍然鮮嫩，容易入口 👍🏻👍🏻 配菜有少少紅蘿蔔及薯蓉，仲有少少雜菜，兩個女仔都食唔晒，不過燒汁另上比較好，會更容易食到肉味甜品係熱情果慕絲配芒果奶凍伴法式焦糖香蕉🍌 芒果奶凍就無咩味，淡淡地，但熱情果 mousse 就好 surprise! 酸酸甜甜好特別！ 多謝朋友嘅生日驚喜！餐廳寫上 happy birthday 好靚💖 整體而言，都係一間高質素嘅工廠餐廳，值得再試👍🏻

夜晚想出街食，見到呢間既comment話有all day breakfast又有泰式併盤好似幾吸引就喺openrice book左位先8點上到黎餐廳唔算好full, 職員帶左我地兩個坐四人檯，闊落d舒服d ，見到餐廳入面都有洗手間一坐低職員已經提醒我地經openrice book檯只要消費$350就有78折優惠，但甜品、飲品同加錢轉set(好似係）就唔計，另外每人最低消費$120。一睇menu, 原來冇all day breakfast, 其實我好想食egg benedict😂唯有轉移目標嗌左泰式拼盤同海鮮拼盤再加兩杯飲品。兩杯飲品等左一陣就到，分別係西柚梳打同凍檸茶，西柚梳打賣相幾靚泰式拼盤$108，個人覺得鳳爪最好食，之後就係魚餅同串燒，春卷麻麻地，成個拼盤整體上都唔錯海鮮拼盤$158，隻龍蝦比較瘦但味道唔錯，墨魚仔、蜆、螺、青口都好食，原來最底仲有薯蓉，薯蓉控表示好好味我同男朋友都唔算好肚餓，所以就冇夾硬嗌夠$350蚊，最後埋單$300零幾蚊。

又黎工廈搵食，呢間餐廳裝修算唔錯，夠光猛，枱櫈等都感覺好乾淨，係入面完全唔覺得似身處於工業大廈。佢set lunch 都有唔同選擇，價錢亦唔算貴。蟹肉南瓜波椒意大利飯用料好，蟹肉份量都多，意大利飯熟嘅程度對我黎講岩岩好，唔會好硬亦唔係爛溶溶；南瓜配合埋其他蔬菜，成個飯亦唔會覺得好膩，好味😋原氣龍脷魚配刁草忌廉汁好好味🤤🤤佢用紐西蘭原條龍脷煎香，配埋刁草忌廉汁味道超夾，而且配菜如蘆筍等都非常新鮮，用料真係有心，唔係求其。佢一個set lunch包埋飲品都係幾十蚊（預先上網訂位折扣後）；性價比真係好高，絕對值得再幫襯👍🏼👍🏼👍🏼

「Ulyssa by Aldou」是一間位於荔枝角D2 Place 對面的田園風Cafe。店內環境舒適，日間光線充足，店內佈置一些乾花和綠色小植物做裝飾，餐枱與餐枱之間間隔得較開，坐得舒服。 Cafe的食物分量很足，擺盤漂亮，味道都不錯。 🧡香煎焗加拿大豬肉眼配肉桂蘋果冧酒汁·松露薯蓉香煎焗加拿大豬肉眼扒大件厚身，配上肉桂蘋果酸酸甜甜開胃又解膩，薯蓉軟綿香口，有淡淡的黑鬆露味，配菜的翠玉瓜爽口多汁。 🧡全日早餐全日早餐好豐富，有班尼迪蛋鬆餅、德國豬肉腸、煙肉、生果沙律、茄汁豆和薯格，款款食材都好美味。 🧡Flat White Flat White柔順細膩，不苦不酸不澀。 🧡牛油果蜜糖鮮奶唯一美中不足的是牛油果蜜糖鮮奶，蜜糖味太重，蓋過了牛油果和鮮奶，不太推薦。

服務態度好好，雖然可以選擇的食物唔多，但係好好食！！！份量足！又平！會經常來！龍蝦飯真係好大隻龍蝦！豬排都好大份！每一樣嘢都好豐富！仲有蛋糕可以選擇！隱世美食餐廳！