Uncle Tetsu's Cheesecake (已結業)

相約一班朋友去探產婦，bb已經一個月。買d手信去賀一賀佢產婦要坐月，但又鍾意係甜品，特然諗到呢問唔係凍既芝士蛋糕，又唔洗雪住保温。啱曬唔食得生冷野既產婦囗感食落軟綿綿，不會過甜同令人食滯。其實都好耐冇食日色芝士蛋糕。想當年要係日本買返香港。而家香港有分店，就隨時有得食

兩個月前係大阪食左哩個cheesecake，超級掛住果種質感同味道，就係香港買左個黎試下，睇下同日本食既有咩唔同cheesecake聞落有少少芝士味，但食落原來冇芝士味嫁！奶味亦唔夠濃郁。質感方面，cheesecake彈性唔高，冇回彈，反映質感偏實，似蛋糕。係較為濕潤既蛋糕。即食既話，質感會輕過雪完再食，芝士味亦會較為濃；雪完會變左食蛋糕，本身已經唔重既芝士味更消失無蹤其實食完好失望呀！大阪食果陣聞落芝士十分香，食落奶味濃郁，食完仲係口腔入面停留，揮之不去；質感非常輕盈、入口即溶，彈性亦高；梳乎厘既口感、牛奶加芝士既味道但香港買既完全唔一樣，同普通既cheesecake冇分別喎唔會再食啦！要食都係等到去日本再食啦～

近一年來我忙得不可開交。在各方面我拉鋸下，我能平安地渡過部分的事都已經值得慶賀。踱步經過這兒便買了個蛋糕稿賞自己。可能非繁忙時段，店員只有一人。 但我想order的時候，佢遠處叫我等等。店員緩慢地收拾，搞左三四分鐘才慢條斯理地走過來收銀同我落單。我都未落單，佢在收銀旁邊順手拉了一盒蛋糕出來....雖然我知你的店沒有什麼款式、雖然你們出名的是原味芝味蛋糕、雖然你的確估中我是買蛋糕........但待客之道有待改進😐其實我另外買了芝士撻，蛋糕加芝士撻的package便宜一點。$80. 我當時太肚餓，我立即食了沒拍照。芝士撻的芝士味濃郁，甜甜地之餘又香。足料的芝士而且有蛋撻的拳頭大小。食一件就有非常滿足的感覺☺️唯一不足是個曲奇撻底未去到最鬆脆的質感。至於芝士蛋糕，我覺得蛋糕的成份比較多，芝士味相對沒有咁濃。但食得出超足料的蛋和牛奶香！喜歡食得好淋的人一定會好喜歡這個，超軟熟！太肚餓，我回家都是用匙子勺來吃。淋的程度就是圖中的感覺。家人都很喜歡這蛋糕，個個都好評。不過服務態度有需要改進。

朋友生日點名要求食呢間日式芝士蛋糕 ，這款日式蛋糕入口鬆化食完好似冇食一陣風咁，所以一氣過買了兩款味道！原味及朱古力味，原味比較輕，鬆軟好食，朱古力味一般，口感比較實。而且並朱古力味道很淡。 可惜未能即買即食 ，應該熱辣辣暖笠笠時候食最好。放涼了雖然也好吃，但熱吃應該最好。

今日買了原味和朱古力芝士蛋糕為好朋友慶祝生日，個人及朋友都覺得朱古力味偏甜， 原味就很好 ！ 原味芝士蛋糕的芝士味突出， 蛋糕質感非常鬆軟似普通海綿蛋糕（與傳統芝士蛋糕不同， 傳統芝士蛋糕係很實心好濃縮） 相信趁熱吃效果會更佳！ 但因為餐廳只做外賣， 所以我們隔了2 小時後吃， 但味道依然很好 ！ 朋友話澳洲的分店有更多口味， 每日排長龍， 但香港口味只有幾種， 如果有更多口味提供，相信會更吸引！ 期待下次去澳洲可以試下分店的口味！

幫友人慶生，行勻成條西洋菜街都冇間似樣嘅蛋糕店。行行下，俾我喺登打士街搵到呢間賣日式cheesecake嘅地方。當時冇人等，我就同店員講要一個原味芝士蛋糕，佢喺收銀後面大叫你等陣。我以為要等蛋糕出爐，就問咁幾耐先出爐？佢目無表情嗌出黎話係叫你等我。佢先施施然行出黎cashier。買個蛋糕要睇佢面色，傻眼。以為係同一般日式芝士蛋糕係鬆軟，所以食之前都冇咩期望。點知一食落去好creamy，意想不到好味，芝士味又濃！撇除服務差，個蛋糕值80分！

買蛋糕時，落錯order, 即時想換，但唔得，理由係已入單、已俾八達通過數！只是接過蛋糕一秒內的事，店員從不嘗試協助更改，我極唔想要手上的蛋糕香港今時今日仲有咁嘅服務水平，蛋糕幾好食都冇用

第一次食Uncle Tetsu's Cheesecake係之前去台灣，喺台北車站見到間舖大排長龍，本著香港人 ”人買我買” 既精神再加好奇心駒使下，買左個cheese cake 黎試，一食不得了，真係覺得好好食，之後每次去台北都要買黎食。今日經過旺角，突然間好想食，但又唔可以即刻飛過去台灣買，於是乎走去買個原味止下癮先。蛋糕質感好軟滑好creamy，有D黏口但又唔會過甜，買既時候已經預先放左入個盒度，蛋糕攤凍左一D都唔熱，而且唔知係咪外賣盒焗住左既關係，我買完之後搭車返到屋企即刻開黎食，係勁濕潤，如果熱辣辣岩岩出爐既話應該會無咁濕同好食好多，雖然係咁，我都覺得係好食既，番到屋企切黎食，唔駛10分鐘已經俾屋企人KO 晒，$59 就有一個仲想點。

日本蛋糕爺爺 Uncle Tetsu’s Cheesecake好多人都係買完呢邊去嗰邊買了Signature Cheesecake之前有食過台灣帶返O黎 ga 版本呢個香港版更好味即日新鮮食超軟滑第二日食都無覺得無咁好味~好正呀

今日行經旺角見到有間cheese cake 店，大大櫥窗睇到哂芝士蛋糕既制作過程，由入爐到出爐，再由蛋糕姐姐為每個cake "cup"印仔，真係睇到都流口水，即時買左兩個返屋企同屋企人開心share. 一開始即食熱既， 搭住地鐵返到屋企開黎食仲熱辣辣， 鬆軟香濃， 之後放耐左少少再食 就變硬身左，似食緊戚風蛋糕咁！ 至於凍餅就芝士味好濃， 每啖都咁creamy. 兩個都係cheesecake,但完全唔同style. 兩個都咁中意！！😍😍😍😍

聽聞這間店的芝士蛋糕好出名 今日終於試到佢真身🙈 由於店方只供外帶 唯有買走食啦佢個紙袋好得意丫$59 就有大大個蛋糕蛋糕面有其招牌標誌聖誕老人樣 好可愛店員有建議唔係即日食 就要放冰箱 不過天氣咁熱我買完返屋企都立即放入雪櫃 😌夜晚等齊人就拎出來吃原來凍食都好正 蛋糕質感仲好軟滑 而且係好香濃既芝士味 忍不住食完一件接一件 哈哈平時食cheesecake會好容易膩但食依款蛋糕又唔會啵 令人食唔停口 真係好邪惡 🙈🙈😂😂

每次行過都俾uncle tetsu陣芝士蛋糕香味吸引住襯母親節買個俾偉大嘅母親試下！咬落去有鬆軟綿密嘅口感，芝士味唔算濃郁不過係我好鍾意嘅清新芝士味，唔會膩食完一舊會忍唔住食多舊性價比又高一個cake 只係賣$59!! 好抵食

之前銅鑼灣店開個時試過原味芝士蛋糕, 覺得好味, 今次就買天使帽子蛋糕(小: $59)黎試下, 俾錢時店員話而家奶凍做緊買一送一($18), 共$77, 有八達通機, 方便覺得奶凍應該味道會較淡, 所以食呢個先, 有奶味, 入口即溶, "不"佢出黎, 佢會震騰騰, 就係奶凍嘅味, 冇特別, 不過如果賣$18/個, 覺得有點貴, 個Size大約直徑7.5cm, 高2cm到個天使帽子蛋糕, 睇個簡介寫住製作靈感係來自義大利牧師所戴嘅帽子, 除左用澳洲芝士外, 仲加入左Grana Panado芝士, 牛奶味會比原味濃, 口感較綿密以下就係我嘅感覺:切開蛋糕，好鬆化，好軟綿綿嘅感覺, 口感都幾特別; 味道方面, 芝士味好淡, 係近個底啡色位芝士味先較出總結: 如果想食芝士味就唔好揀呢個, 如果想試下點軟綿綿法就揀佢

本科的时候经常吃，刚开的时候还需要排队，慢慢开多了就不需要了，来香港试了其他家芝士蛋糕觉得都没有这个好吃，意外发现香港也有这个，专门坐车来买，开心，又可以经常吃到了，熟悉的味道～

平時係呢間都係買開原味 芝士味好正 今次忍唔住試下綠茶味 綠茶佢本身已經有 唔洗等 買完已經忍唔住即刻食 點知食落口同原味好唔同 佢冇咁鬆軟 加上佢比左紅豆粒係入面 綠茶味唔濃 芝士味又一般 食落口似食緊紙包蛋糕咁 原味好食好多