URBAN Café Commune (屯門市廣場) (已結業)

今日入屯門行街行到攰，但係我又唔肚餓，之後俾我發現這間餐廳合併了茶狼🥰🥰🥰咁我可以坐低休息吓👍🏻👍🏻👍🏻我飲開佢嘅牛油果甘露茉莉茶，我覺得好好飲，牛油果味同啲茉莉茶好夾，好香好滑，有少少沙冰嘅感覺☺️☺️☺️咁我當然都係叫佢啦，但係今次佢話冇晒奶蓋😌😌😌有少少失望，但冇所謂啦，都照叫，同埋叫咗焦糖牛角包🥐🥐🥐呢個好有驚喜👍🏻👍🏻👍🏻好好味，焦糖面脆卜卜，牛角包鬆軟😋😋😋值得推介❤️❤️❤️

早上搞點d野已經好肚餓帶住老公同個仔經過呢間就直接入去睇食評先知咁多負評不過我今次食又覺得唔錯wo係價錢貴 食物幾ok 重量級all day breakfast 其實佢嘅牛角包幾好食外脆內軟Parma ham 配菜先中和番佢嘅咸道、都係建議用哈密瓜 不過整體份量都好足夠卡邦尼意粉好食 意粉軟硬度啱啱好👍🏻👍🏻另有+58薯條 好食佢應該落咗兩種芝士落去覺所以好好食龍蝦湯 有3-4粒龍蝦仔 幾好飲呢杯朱古力好淡味 cream好稀

多謝細佬👤請我食呢個晚餐🍽😋，呢間餐廳🏠幾有水準👍👍。去左🚶‍♂️屯門(URBAN Cafe Commune)🏠，又比我🙇‍♂️介紹下：溫泉蛋卡邦尼肉醬意粉🍝：肉醬🍝好輕量唔重味，意粉🍝爽口彈牙，一試難忘🥰。辣洋腸番茄薄pizza🍕： pizza🍕夠薄辣肉腸🌶唔太辣🌶，恰到好處，食落有香脆感😋。一山不能藏二虎🐯蝦寛扁麵🍝：虎蝦🍤爽口彈牙，麵質🍝煙韌有彈性，好食👍。水牛城雞翼🐓：外皮香脆內裏嫩滑肉汁豐厚😍。煙肉芝士薯條🥔：簡單野， 唔使講咁多，好食👍。雜莓沙冰🧋： 飲落有呢個雜果味道，🍊🍑🍏雜果嘅粒碎我都食到，沙冰內冇大粒冰冰🧊喺裏面，所以好好飲👍。水果茶🧉： 食咗咁多嘅嘢飲返啖茶去消滯， 呢個 水果茶蘋果🍎🍏味重，正😍。龍蝦湯： 🦞龍蝦味重，🫕湯入口滑，好飲👍。評分：總括所有食物：10星🌟為滿分一定比8星🌟總括所有飲品：10星🌟為滿分一定比7星🌟今餐生日飯，好好食，值得大家去試試。☂️以上為個人意見☂️🙇‍♂️如有意見分歧煩請見諒🙇‍♂️

🍝•63度溫泉蛋卡邦尼煙肉意粉濃濃既卡邦尼汁混埋溫泉蛋一齊食味道係合格 濃而不膩•一山不能藏二虎蝦意粉賣相睇落好吸引 而且個醬汁都好濃麵質都有質素 如果你鍾意食蝦可以一試

西班牙海鮮飯 $238六粒青口全部都係好細粒㗎，兩隻蝦，四粒帶子，真係極少的海鮮怪不得冇咩人等位果飯好頹佢最好飲都係茶狼嘅呢一杯飲品，建議飲杯嘢就可以入黎坐下，食正餐就真係麻麻哋啦蛋糕係跟餐可以加$20，唔貴就加黎食下啦，不過得返草莓味，但其實食落去一啲草莓味咩都冇，蛋糕都好普通間餐廳的餐牌的相就好靚但啲食物就.....可一不可再餐廳

磨菇忌廉意粉雖然望落簡單，食落味道唔錯，主要個汁算做得好，令整個意粉加分～凍同熱桃茶。。。味道不過不失～.小龍蝦牛角穌。。好想嗌佢果個燒布丁牛角穌，可惜果個無野飲。。佢呢間d 牛角穌應該唔錯😁😁🥐🥐🥐

難得放假，同屋企人行過就入呢間餐廳食第一次黎呢間食，咁岩Tea time我地分別叫左個晨光第一炮 同一份牛扒首先講下份晨光第一炮先有齊All day breakfast應有既野滑蛋，腸仔，牛角包，煙肉等等嘆個tea黎講呢份確實幾飽肚總捨黎講中規中矩，都算食得過既😄到呢份牛扒就真係不得了賣相唔錯既，大大份 望落好正有肉地仲配左d薯條，但比我揀我會只食薯條首先送上台時一d煙都冇，完全唔熱食落凍既真係西 “冷“ 扒，我都自我安慰係味d西式野我食唔慣 可能真係凍食既呢除左凍之餘仲要冇乜味同係咁食到d筋 咬唔爛既，要我再食 就真係不了。完。

點了m6m7澳洲和牛肉眼8oz，medium rare。但我相信應該係落錯單煮了well done，同埋我唔慣凍食。塊肉有相當肉脂香，如果撇除老柴、攤凍晒，質素拍得住大家樂。36x蚊入面有320蚊係俾塊配菜菇，無錯最好食係塊菇！如果您人生有好多污點，快來試試這個和牛，好快所有污點就由一個大污點蓋過。不可一，不可再 ！

呢間餐廳開左咁耐，從來都唔係我個選擇list之內，點解？1.outback係隔離，2.每次經過都唔多人，一定有古怪。環境上其實都有啲格調，但價錢上佢都唔係平，所以心目中對食物質素會有一定嘅要求。我lunch同朋友黎，估唔到都要等位喎～呀～平時啲餐廳嘅all day breakfast，佢就改左做big boner breakfast (晨光第一炮），係幾有創意，但同格調有少少多唔夾囉。我叫左個三文魚菠菜寬條麵，然後朋友就叫左第一炮🙄但我相信最safe嘅就係佢果炮。落完order，就已有餐湯，如無意外我飲嘅係龍蝦湯？個湯都有點稀，而且啲蝦肉有點霉。只可以講...飲多啖都唔係好想。我湯都未飲哂，個寬條麵就極速到左，外表上係有啲，食落就覺得全部嘢係分開整，啲汁似淋上去咁，啲麵係掛唔起個汁，而且個麵係無乜溫感，我食下食下先醒起入面應該係有菠菜，但菠菜嘅份量係應該可以數得出，無違反商品說明條例咁囉其實都唔難煮，但都可以咁難食我諗朋友果一炮應該唔會伏呱，因為都係煎煎煎...都大碟嘅。我諗餐廳最適宜係飲coffee，無伏先...

冇寫開食評，今次真係想寫1. 門口有二人餐牌幾吸引入左，但坐低左睇餐牌唔見有，問職員，佢話同事比漏左，再轉個頭番嚟就話原來今日冇做。冇做就唔好擺門口，我哋走嘅時候仲放緊喺到，叫佢收先收番。2. 叫左虎蝦寛扁面，同橄欖油三文魚西洋菜意大利燴飯，兩碟都強差人意！個面係用茄汁，味道好稀，好似屋企Hea煮嘅茄醬味，虎蝦有兩隻，係大隻同第一下咬落去係爽，但冇乜蝦味同要𡁻。個飯好淡冇乜味，係有青菜嘅青味，三文魚亦唔係特別香。兩碟都係唔想keep住食嘅感覺。3. 我哋飲品叫朱古力，好難飲！朱古力粉沖嘅味。埋單先發現原來要加成$15！我叫嘅時候都有諗過問使唔使加錢，但諗住呢啲咪都係加$3-8，點知佢話除餐牌嗰specific四樣飲品，其他茶啡飲品都要加$15。我哋落嘅時候都冇提我地係要加錢。（雖然我哋都有責任）埋單$380.6，就係叫左麵、飯、兩杯朱古力粉水..........................…...........

呢間Cafe，平時好少嚟，其實佢哋嘅下午茶超級平超級抵食，不過平時成日都唔記得呢度有呢間野🤣🤣今日經過呢度，發覺相當特別，門口有茶狼嘅紙牌，原來而家可以入去坐低飲佢哋嘅飲品！！😋😋👍🏻我同朋友都叫咗佢哋嘅水果茶，好多水果，水果茶仲可以選擇少甜少冰，覺得唔錯，飲完佢哋嘅茶，仲可以食埋裏面嘅水果！😻😻😻係呢間可以飲到茶狼實在太好，唔使飲普通嗰啲檸水檸茶，又可以坐低飲杯嘢，輕鬆寫意！😻😻

諗住隨便食個晏點知仲晒伏呢個係跟餐嘅湯 我就揀咗龍蝦湯 有啲麥當勞feel 不過就冇麥當勞嗰啲龍蝦湯咁似用粉開一碗入邊有一粒龍蝦仔肉呢個係我食過最難食嘅Fish n chips 嗰塊炸魚難食都算啦 仲要個脆皮都好難食 諗住用個醬來補救 點知個醬係又縮又臭 食落以為壞咗 叫店員換點知佢話個醬係咁🤷🏻‍♀️

因為假期關係，又係情人節，所以好多人都等位食飯，最後決定食urban cafe。叫咗個2人set，有龍蝦湯、牛角包、蜜桃茶、羽衣甘藍大啡菇沙律、8oz M4澳洲牛肩胛肉、慢豬豬胺！特別日子食，真係唔錯，不過有試過元朗yoho 個間urban，覺得元朗個間好食d，d服務態度好d，d份量同質素元朗個間都係好d！所以希望佢哋可以改善一下！ 其實urban cafe係連鎖餐廳，一般食物質素都唔會太差，urban都係我飯堂之一，不過佢哋d食物質素唔係控制得好好，感覺要睇彩數！

This is the worst buffalos wings I ever had.面粉太厚，雞翼無味， 根本唔係buffalos wings.一開始重要漏單添。自己求其煎嘅雞翼會好食啲。好難食及性價比低的水牛城雞翼

我飯都未食完就忍唔住寫個評，叫個餐加$88食個水牛城雞翼，一上枱完全睇唔出係雞翼，以為係咕嚕肉，一咬落去，舊粉佔左總體積2/3，真係無陰功，經濟咁差仲要雞翼都呃我。