Urban United Burger & Bar (已結業)

上: 菠蘿雞扒左下:大啡菇牛扒右下:魚柳打牌前填飽個肚子先，俾左三間餐廳個 fd 揀佢話呢間之前都想試，咁就去做探子啦😆 三個人開心些牙三個包，三個都好食喎！魚柳你都見到有幾大塊🙆🏻 好脆架但係無咩沙律醬爭咁 d，我地問佢拎左 d 沙律醬就 perfect 池啦~個菠蘿雞扒都正，有少少辣幾惹味😏 菠蘿燒完又爆汁又甜，好夾~最正係啡菇，佢有加牛扒版同無牛扒版，我地加左牛，兩個加埋係正上加正👍🏻 美中不足係佢太大個，我一啖咬唔哂🤦🏻‍♀️ 所以食到好 "lei hea" ，但都會再黎試其他款~黑松露薯條係連我同我個 fd 兩個好怕黑松露有煤氣味既人都食唔停口😋諸位可以一試

晚餐同閨蜜食飯，店內很有氣氛，環境好好，枱上有個蠟燭，頗適合談心傾計的好地方💕呢度食物種類繁多，其中叫咗《巴馬火腿凱撒沙律🥗》、《達拉斯烤菇堡》 - 烤菇反轉咗裝住啲汁～好Juicy，配埋新鮮嘅蕃茄、生菜、加上至愛嘅車打芝士！足料Burger 💪🏻💪🏻！！《脆魚薯條🍟》- 份量好大喔🤩配埋個sauce, 仲有食埋薯條絕對好夠飽☺️最後叫咗2杯清新嘅飲品《蜜桃伯爵茶》&《玫瑰梳打》點綴番今晚呢個豐富嘅晚餐💕

很高興和新的鄰居去吃東西，在呢頭住了5年的她，極度推薦這家店最愛試新餐廳的我，當然立即舉手叫好了啦點burger只要加$13就有lemonade一杯清新酸香的檸檬水配上重口味的漢堡包、炸薯條，解膩開胃，絕配！一拎到手，新鮮薯條熱辣辣再加埋洋蔥圈，簡直一流特別是薯條厚切非常有咬口及滿足紐約雙層八安士牛堡@牛肉漢堡夠厚身，燒至medium well七成熟，中間呈粉嫩紅，大口咬下去，肉味濃厚，肉汁豐盈加上新鮮多汁的蕃茄及脆口的酸瓜，以及融化了的芝士簡直人間美味！有質素嘅漢堡令人一試難忘，以上的推介相信唔會令大家失望，堂食外賣都一流

與朋友相約前來元朗這間酒吧，這間酒吧下午也推出各類小食、全日早餐、漢堡包，所以不用等到晚上也可前來光顧。先試份早餐的奄列；大件而且厚度十足，食落好有口感，值得一讚。早餐有很多的配菜；薯餅是我的最愛，而煙燻腸同煙肉烹調得超贊，煙燻腸肉汁十足，味道一流，有驚喜！再加上點了一杯酒-Lychee ElderflowerVodka,餐牌也很貼心列明每杯酒的酒精和甜酸度，值得表揚！

平時來到又新街，都係掃街多，但原來行入小小就發現呢間隱世既漢堡包店晚上來到，好在有最後2個位，唔洗等餐牌上有成10款 Burger 俾你揀原來除左 Burger都仲有意粉同扒類有好多特色飲品一開頭爭紮究竟叫特大魚堡好定呢款達拉斯烤菇牛堡好，店員就推介我叫呢款，話比較多人叫d🍔來到賣相好吸引，識得用烤菇裝住d汁，令到無甘乾身，d汁仲多到滿瀉岀來，🍅好新鮮，漢堡被車打芝士包圍住，好 juicy 另一款叫左香草牛油煎澳洲純種牛肉眼扒🥩好厚丫，面頭仲有牛油係度，好香🥩叫左5成熟，軟硬適中，有小小血水🍟好正，係粗身，炸得唔硬，食落有好多薯仔肉仲有幾塊菜同菇伴碟跟餐$12加左一份雞翼同炸洋葱圈雞翼外面炸得好脆洋葱圈好耐無食過喇點左杯Mocha

本身自己唔太鐘意食burger但係好朋友生日當然要就下佢喇今次就黎到元朗呢一間既漢堡包店🍔對比附近店鋪 裝橫相當有個性 所以都非常易搵！我地去到既時候都接近8點但店內仲係好多人相信食物水準都唔錯等左一陣就有位我地都好肚餓所以拿拿聲點野食喇！當然少不了漢堡包🍔另外仲有意粉 小食等等黎到以漢堡包做主題既餐廳又點可以點意粉食最後我地各自叫左一個漢堡包兩杯飲品加一份薯條第一次黎到既係海鮮漢堡包估唔到竟然會有原隻軟殼蟹係入面十分之驚喜呢！而我就點左一款有牛肉既漢堡不得了肉汁不停流出黎見到都垂涎三尺🤤另外舊菇係同塊牛肉一樣大包肉其他配菜 例如生菜 洋蔥等等都係好新鮮架推薦大家食呢款包飲品方面鮮奶綠菜都令我十分出乎預料鐘意綠茶飲品既朋友都知道要整得好味 一啲都唔易而呢杯係有綠茶味 唔會好淡依加已經又想約朋去食喇

由屯門去元朗都係三個字，同事揸架車車埋我哋去元朗又新街的Urban United burger & Bar 食漢堡包。其實近百元的漢堡包同麥當勞20蚊個有咩分別，食過就知道返唔到轉頭，以後只係會追求高質素/用料靚嘅漢堡包。又有型又有格，又唔使好似麥當勞咁多人逼住曬。😎餐牌其他食品不算太貴 ，除咗漢堡包仲有意粉沙律牛扒等主食供應。經典漢堡款，「樣」都已經贏曬麥當勞啦。🍔大大塊大啡菇 ，夾落麵包度特別juicy多汁 ，秘製嘅蜜糖芥sauce亦都好滋味。🍽️凍檸水走甜！凍檸茶少甜少冰！原來在角落頭仲有別緻嘅小吧臺。

係又新街搵食，落緊雨，我地又攰，行過見到有位就入左黎。未到6點半，只有一枱客。好快就揀好食咩。因為隔左段時間先寫呢篇食評，所以唔太記得叫咩名了我叫左大啡菇牛堡，好大個！大到要用竹籤拮住。揀左黑椒汁，唔太覺有黑椒味，唔緊要，因為睇menu果陣根本冇留意到有汁揀，唔係我揀呢個漢堡嘅重點。無論個菇定塊漢堡扒，都係好juicy👍🏻另一位要左個有塊parma ham嘅漢堡，冇我果個咁高，不過都好厚身，食左佢一啖ham，正常囉。漢堡扒一樣，就冇試了另一位其實對漢堡包麻麻地，只係懶再睇其他餐廳先入呢間，佢都表示滿意漢堡由於實在好大個，餐廳俾埋刀叉你用。不過我呢d冇儀態嘅女士，切多兩切嫌麻煩就用手食了。太厚關係，唯有分開個包黎食，其實冇左原本應有嘅口感。係幾好食嘅，但成90蚊一個漢堡，對我黎講貴左d水係自己斟食完到走7點多d，已經滿座，果日應該係平日黎嘅。當時心諗唔怪得聽到有幾枱都係訂左枱，原來咁多人食

以新界西北屯元天三區來說，元朗區一帶舊樓林立，比較多橫街窄巷，特色小店處處。位於元朗又新街的urban united burger， 主打美式漢堡包，裝修以美式年輕風格為主題，店內更有大量graffiti作裝飾。店內牆壁的graffiti相當吸引，感覺輕快、過癮。午市提供輕午餐，晚上提供大量酒精飲品。 亞特蘭大烤菇堡$73， 常見的健康漢堡配搭，大啡菇比較多汁，大啖咬落去也比較容易咀嚼，after taste 強烈。華盛頓總統府$88，餡料有鹹香生火腿parma ham。食法較為特別，我也是第一次食，漢堡咬落重煙燻咸香，十分滋味。咖啡味道一般，不酸不澀，夠醒神。

朋友話之前已經好想食以間漢堡，所以今日突登陪朋友黎食。餐廳不大，竟然今日有live band ，餐廳不定時會有live band，原本心情不太好，考試壓力爆煲，好彩有live band 令到我暫且放下考試壓力，放鬆一下，好鐘意以到既環境，環境好舒服，又有情調。華盛頓總統漢堡-好豐富，好大個，有巴馬火腿、牛肉漢堡、紅毛菜、蕃茄、洋蔥、摩沙里拿芝士、黑松露醬，麵包用牛油微微烘過，好鬆軟，巴馬火腿配牛肉漢堡又幾特別，巴馬火腿既鹹香又不會遮蓋牛肉漢堡的味道。黑松露芝士薯條-薯條炸到香脆可口，薯條表面灑上芝士粉和黑松露，好邪惡，好快清晒。點返杯Majito cocktail 聽住歌，咩壓力都冇晒。

上次經過已經話好想食這間漢堡，今日來元朗做完工作，便來這間漢堡店吃漢堡包，終於比我食到啦！餐廳店鋪細細，有十多張枱，而且還可以坐室外嘆美食，餐廳牆上還有好型格的塗鴉，打卡一流。餐廳主打漢堡，所以我點了一個紐約雙層8安士漢堡（$118）漢堡好高好大個呀，漢堡包材料有新鮮蔬菜、酸青瓜、蕃茄、洋蔥、車打芝士、麼沙里拿芝士，同埋兩塊足足有四安士的牛肉漢堡扒，牛肉漢堡扒非常厚身，肉裡多汁，每一啖都非常juicy ，爆汁的感覺真係好正，牛魔王必試呀。朋友點了芝加哥BLT漢堡（$68）鬆軟的漢堡包夾著牛肉漢堡、煙肉、新鮮蔬菜、蕃茄、車打芝士，蕃茄醬，肉質不易散開，滿滿的芝士溶化在漢堡扒之上，十分誘人。蜜桃伯爵茶（+$23）以濃郁的伯爵茶為基底，添加了清香的蜜桃，蜜桃味頗濃，加入蜜桃果粒，增加口感。

粥粉麪飯食到悶悶地, 今晚轉吓口味, 同朋友嚟食burger! Urban United Burger & Bar 位於元朗區 美食集中地 又新街~ 餐廳的裝潢充滿美國風, 加上播放着流行音樂, 好適合年青一族或三五知己來聚聚~ 呢度坐位唔算多, 到左食飯時間可能需要等位, 有需要可以訂定位~ 最吸引我的, 係呢度嘅burger, 個個都好足料又好味! 絕對唔係我地平時係 連鎖快餐店食開嗰種~ 我和朋友每人各點了一個Combo套餐, 加12就可以配指定小食, 於是我地每人加$12選了 炸洋蔥圈和原味雞翼~ 好抵呀！ 必點炸洋蔥圈, 入口好脆, 唔會乾身, 洋蔥味香濃~ 飲品我就選了加$23的玫瑰梳打, 淡粉紅令我諗起pink lady! 味道青怡, 好啱女仔飲~ 朋友杯藍橙梳打顏色好sharp好靚啊！ 到主角出場! 大大份的burger, 上碟設計有心思, 賣相吸引~ 我好喜歡我呢個 華盛頓總統堡($88), 塊parma ham整到好似朵玫瑰花咁, 靚到唔捨得食! 厚厚的牛肉, 牛香濃郁又多汁~ 配以一些蔬菜, 如紅毛菜, 洋蔥等, 以及獨特的麽

今晚和友人吃飯選了元朗的URBAN UNITED BURGER & BAR雖然常經過 但卻還沒試過外面看上去就是英倫風的小黃屋.芝加哥BLT堡 $68 是由牛肉扒 法式芥末醬 生菜 煙肉 芝士 蕃茄所組合而成漢堡先烤過 有點脆 也夠鬆化牛肉扒厚 每咬一口就有牛肉汁流下來漢堡中的蔬菜能中和芝士的油膩感一大口一大口地咬下去也算爽了.加$12就有薯條炸得夠透夠脆 不油膩份量也不少 .粉紅傻豹梳打 套餐加$35職員就是雜苺味可是喝下去不見有雜莓的味道反而是甜甜的.藍莓汁煎澳洲豬鞍架 $128原來這個餐已包了薯條 早知道就不用加$12了豬鞍架也算厚 沒過多的肥肉不會硬 煎得嫩嫩的但是豬鞍卻沒什麼味道沾上藍莓醬就變成甜甜的如果可以有鹽可以調味一下就好了.海豚灣梳打 套餐加$35藍色的飲料很吸睛 說是荔枝味但喝下去卻也不是也沒有甜味.這裡的環境很適合和朋友聊天份量很足 兩個女生吃到一半已經抱著肚子說飽了

元朗出名多好餐廳，無意之間，見到這間餐廳環境風格別致所以入去試吓！點了燒雞薯條，非常可口！而且非常大份！意粉亦非常好食，最普通嘅蛋都放足心機！職員服務非常之好！值得推介！

元朗出名多嘢食除咗B仔涼粉之外，今次我哋仲係一條小巷裏邊，試咗漢堡西餐！好似英倫風嘅裝修又有d好似酒吧咁樣嘅感覺。價錢唔貴但好多選擇嘅burger。仲有好多都可以配鵝肝。漢堡真係好多唔同種類，餐廳仲有早餐同埋意粉等選擇。我食咗軟殼蟹burger。 軟殼蟹夠大夠多汁，番茄仲有生菜等等嘅配料，包又香又脆。一個人一定夠飽！另外叫咗大蝦沙律牛仔柳。牛肉5成熟剛剛好。而且有菜浪下肚唔會太肥。仲有鵝肝😀飲品我地今日冇飲到你😞值得一試嘅，下次應該要食埋個早餐！