Velo Italian Bar & Grill

营业中

休息中

今日為慶祝朋友的生日🎂，選了這間位於尖沙咀的意大利餐廳。環境很優雅，格調高級，整體感覺良好，門口的蛋糕🍰櫃檯非常吸引。 餐廳menu中可以選擇單點或半自助餐加主菜，半自助餐包了冷盤海鮮（蝦🦐、青口🦪、🦀、螺🐚）不同類型的沙律菜、前菜、甜品和生果，如果女士的話，只點半自助餐應該夠飽。如想加多一份主菜，留意在可選擇的主菜中，有些是需要加錢的。 因為我們比較細食，所以選了單點。頭盤有牛油果蟹肉沙律、番茄醬蒜蓉青口和五重芝士薄餅🍕，頭盤味道清新，蟹肉新鮮，配上麵包，美味可口。原本在餐單上青口是辣的，因為本身不食辣，店員說可以減辣，青口新鮮，番茄蒜蓉醬汁調教味道很好，最後的pizza是以五種不同芝士🧀配搭而成,如果喜歡芝士的朋友,這絕對是一個不錯的選擇。 份量方面亦很恰當。最初打算在食甜品時，給朋友寫上生日字句，可惜他太飽，沒有食到。鳴鳴！ 總結來說，味道、服務、環境很不錯的。

環境裝修有酒店嘅感覺，有時就算酒店級數嘅嘢食都唔係太好食，反而$350呢到食高質自助餐，貴精不貴多，夾晒唔會拖住唔出，海鮮新鮮，烤牛肉有牛肉味，沙律新鮮，甜品有心思，我覺得偶然試吓呢類型buffet都可以有驚喜。*Buffet only $328Buffet with one main course $368其實叫buffet only都可以食到好飽，除非main有啲嘢你好想食，否則都可以唔叫main*以下係我幫佢哋改嘅名🥗水牛芝士蕃茄沙律 Caprese salad我本身已經唔係太好Caprese salad。水牛芝士奶味好淡，番茄係生，加埋唔夠濃郁嘅青醬，味道好淡。🥗凍食忌廉薯仔粒薯仔本身冇味，靠包住薯仔嘅忌廉汁，都係冇咩味。🥗沙律菜新鮮！非常新鮮！而且好多種類，牛油生菜，羅馬生菜，捲葉萵苣等等，有三四種醬汁，House dressing，Caesar dressing，Mustard mayo，仲有啲果仁乾果，杏脯肉紅莓乾提子乾，杏仁片合桃葵花子，仲有巴馬臣芝士粒，任你配搭。🥗水牛芝士番茄波波水牛芝士奶味濃郁，番茄粒亦好新鮮，唔會慳皮淨係得好多番茄粒同好少芝士，我好鍾意食！🥗青醬

唔難BK 位的, 但唔BK 都入得到。完全唔洗等。食物: 三層TEA set, 有X點及甜點。兩樣都好食。牛角包出色, 個X好正。但最impressive 的係D甜品。個樣精緻又好食。冇海棉蛋糕個D行野, 多數係芝士蛋糕, Mousse個D。好食。唔會好甜, 夠滑。個心太軟好正, 有D似金莎的味道。因為甜品好多, 飲品叫杯茶就岩岩好, 解下膩。份量:兩個人食夠晒飽, 如果係情侶應該就岩岩好。如果係女士, 其實夠三個人食。環境:環境幾靚, 有格調。枱, 椅子的配色和諧, 幾浪漫。

第一次去K11 musea 搵食，朋友想high tea， 揀來揀去都揀唔諗心水，最後係1樓見到velo 意大利餐廳，價錢夠親民，我地兩個叫咗一set afternoon tea，tea set 最頂層係鹹甜點都有，中間果層係麵包三文治多士，最底當然係甜品喇，我地由上至下咁食，頂層最正係有魚子醬卷，馬卡龍，中層就有鵝肝多士，不過不失。牛角包有沙律餡，三文治普通咗d,。最底就係最期待既甜品，每一個都唔同味道，紅色係蘋果味，內有吉士醬，橙色係orange cheese cake 🍰 ，另外仲有一粒似金莎既甜品 milk chocolate crispy cake，內有一pat chocolate 醬，食完滿足甜品控既朋友!

約咗朋友去到呢度食生日飯，呢個商場好舒服，以為餐廳質素應該都係一樣，好可惜我令到我嘅朋友失望左。半自助餐12點開始，可以加錢任飲紅白汽酒，亦可以選擇有主菜或者冇主菜。先問侍應drink menu 諗一諗任飲定單點。叫第一次當聽唔到，叫第二次都係唔記得嘅。好啦叫第三次終於有得睇，睇完之後我哋決定都係任飲，不過就想睇吓出邊食物質素如何先決定主菜。點知侍應黑面話我哋buffet得兩個鐘，我哋而家要落埋主菜!好咁就咁叫一個主菜意粉囉！一般沙律芝士火腿都有，味道正常。海鮮就只有蝦比較彈牙，青口係冇味，長腳蟹就係雪味。燒牛肉已經特登叫佢比生少少既cut我，可惜都係比較韌…主菜最不堪入目…上面嘅蟹肉一食就知道係嗰啲長腳蟹啦，充滿唔新鮮嘅味道，加埋茄汁簡直係令到成件事更加腥…除咗失望就冇乜嘢可以再形容呢間餐廳。

本人經openrice預約了今日下午1點15分，3人在餐廳用膳，貴餐廳於下午1時send email給我， 擅自更改並提前我的預約至下午12時45分， 即是比起資餐廳send email給我的時間早15分鐘! 然後再在下午1時04分send email給我，說我缺席訂座!本人在下午1時23分到達餐廳，向職員查詢此情況， 職員第一句對我說的話是「唔緊要， 我哋而家重新幫你安排入座。」 首先，我想說貴餐廳擅自更改booking這並不是「唔緊要」。入座後，我們首先向說中文的店員order了兩份主菜，最後再經另一位說英語的店員order第3份主菜， 當時我的第3位朋友還未入座， 那位店員第一句便禮貌地向我說主菜不能外帶! 我即時回應說「of course」! 我亦再說了我們是3人訂座 。但我想知道貴餐廳難道不知道我們是3人訂座的嗎？ 我亦從來沒有詢問或表現出想要打包拎走剩餘食物的意思!為何說英語的女店員將重點放在這裏？ 而最終卻沒有幫我下單 ？？結果在大半個小時之後，有另一位說中文的店員向我們查詢我們的主菜是否需要order？我反問他說我已order了3個主菜， 最後店員確認最後的主菜並沒有幫

今日到 Velo 食 Afternoon Tea Set，四百蚊兩位價錢可以接受，但食物質素一般。多士底硬同走氣，甜點太甜。盛載食物隻碟崩咗照用。另外有家長帶小朋友食 Tea Set 時喧嘩吵鬧，似響茶餐廳進食，店員沒有勸喻。整體上失望。

同朋友慶祝生日，去到研究咗一陣，覺得個semi-buffet唔太吸到，反而單點好似選擇較多，所以冇試到buffet。叫咗個海膽意粉同牛扒，仲有seafood platter。海膽意粉係見到openrice有人推介，果然冇令人失望。牛扒就只係叫咗件細的share，但其實都大份夠食。海鮮盤放到同食放題差唔多，一大個兜同雪咁上，印象中同餐牌張相唔同，但唔影響味道，都算好食。成晚食物係好的，連任refill的包都好食，但間餐廳坐得太滿，啲侍應太忙，唔得閒理啲客。最失望係叫咗蛋糕，但佢哋唔肯寫人名，話因為廚師好忙喎。喜歡食意大利餐的話，呢間都係好選擇，不過要專注食物，唔好因為見佢靚同貴就對服務有期望。

閒日lunch buffet,12:45入座，講左幾次可以坐2小時，13:30我只order咗咖啡和茶,未有提過食完，轉頭收晒我啲餐具同碟，跟住我問另一waitress你同事做乜收晒我啲野，我仲想食燒牛肉，佢淨係話「咁我俾返你！」轉頭同一waitress話我哋入座食兩小時，你個時間差唔多，跟住我叫佢check清楚佢就冇返嚟啦。咁收咗我碗碟嗰個waitress就話我只是想比甜品嘅餐具你地😓哦，甘ok lor!嘢食方面，蝦是一般般有時有d霉，沙律菜新鮮，燒牛肉好味，麵包好難食，主菜還可以，蟹腳由我行嘅餐廳果一刻見到幾隻，跟住就冇refill過，所以兩小時內我係冇食過，先到先有得食嘅自助餐，不建議試，日後亦都唔會再來。

今天我父母三人一同在這家吃中午半自助餐。頭盤（前菜）和甜品是自助形式，可以選一款主菜。頭盤（前菜）種類主要有雜肉切片、巴馬火腿、沙律菜：一般無特別，但有我喜歡的雅支竹和紅菜頭，款式算可以接受。冷盤海鮮有蝦、蟹腳、螺、青口，但可惜沒有煙三文魚（店員說要晚餐才有）。蝦無味，蟹腳尚可但幼身，螺和青口無特別。有一款湯，應該是蕃茄湯，但稀如水，沒有味，失望。有驚喜的是燒牛扒和燒鷄，肉算嫰，牛扒厚切正。主菜有幾款選擇，有些要另外加錢。我們點了以下主菜（正確名稱請參考餐牌）：肉醬長通粉：無特別，味尚可。燒鱸魚：乾、味淡，不太好吃。瑪格利薄餅：份量夠、餅底薄，這個反而不錯，雖然味也偏淡，但易入口，有咬口，像吃芝士餅乾。餐包一杯飲品：我們點了咖啡，非常濃。我們用里數換這個餐，限時2小時。如果以實際價錢吃這個餐，我相信很多酒店提供的食物和款式會較多較好。

男朋友生日飯 ，因為我係low carb , 所以想搵間有沙律吧既餐廳咦個semi buffet 好岩我 平時食一個salad 都起碼$100 up所以黎到無限量食，真係好開心除左沙律 ，semi buffet 仲有甜品蛋糕同少量既蠔 Main course 我地叫左牛&羊 正常野，唔會好差，起碼無overcook 變左Well done ;( 好欣賞薯仔係raw food 食得好無罪惡感 最黎是生日蛋糕，正常野係埋甜品區執返三件cake出黎

閒日放假，除了街上少人一點，午餐都可以便宜一點﹗我老公好細食，同佢食自助晚餐真係幾肉赤，見到 Velo Italian Bar & Grill 有午市自助餐，而且接受K dollars付款，這天就跟他來試試看。午市自助餐供應時間為12:00-14:00，我們11:45去到，已經看到有客人在取食物了呢﹗由於我們都沒有吃早餐，所以，在入座後便立刻到食物區取食物呢﹗如果以$298來計算，食物種類不算太多，但有質素，也可以吃回本的，必食凍海鮮、燒牛肉、燒雞；大蝦、蟹腳、青口、翡翠螺都是鮮甜爽彈，但蟹腳似乎供不應求，約12:30左右，沒有再添加蟹腳，只剩下蟹鉗呢﹗燒牛肉、燒雞火喉剛好，我還拿到了雞脾呢﹗好嫩滑啊﹗其他頭盤，有預伴沙律、凍肉、巴馬火腿、多款新鮮爽甜蔬菜，我就覺得幾款預伴沙律做得挺不錯的，紅菜頭牛油果沙律健康美味、鴨胸小菠菜沙律、水牛芝士蕃茄等等…另有餐前麵包、蕃茄湯等等…老公要吃飯麵，所以點了2份主菜，香辣龍蝦意粉+$98及香煎盲鰽配茴香汁，對於不是原隻龍蝦，其實有點失望的，意粉al dente，口感味道都不錯；盲鰽略嫌太薄身，但也香口的。甜品區有朱古力布甸、Tiramisu、牛奶

I found this restaurant when looking for a nice one to celebrate my family’s birthday. Thought we can have a good meal with semi buffet...We booked and arrived at 6:30, understand it’s the peak time for dinner, but the restaurant didn’t have any arrangement and it’s a mess when we waited outside. Don’t understand why the restaurant assign their only one foreign staff at reception. And the service wasn’t good at all.Ok, let’s talk about the food. We picked the semi buffet and add 2 main courses.

VELO主打現代風格的意大利美食，以簡單的方式烹製新鮮時令的食材， 今次試下「經典意式二人下午茶」，包括10款鹹甜點：迷你龍蝦牛角酥、黑魚子醬煙三文魚卷、法式馬卡龍等等* 迷你龍蝦牛角酥：賣相平平無奇，食落龍蝦醬鮮味，牛角酥鬆化，唔錯* 自家製蟹餅伴藏紅花大蒜蛋黃醬：同樣普通賣相，咬落先知鮮味，啖啖蟹肉絲* 巴馬火腿配蜜瓜多士& 鴨肝配杏桃果醬多士： 正正常常，不過多士超硬* 法式馬卡龍：菠蘿味&士多啤梨味* 柚子芝士蛋糕；有絲絲柚子，配芝士蛋糕，好夾* 傳統芝士蛋糕：芝士香濃好邪惡* 榛子朱古力球：一大粒好似巨型金莎，榛子好香，加埋朱古力，yummy* 朱古力慕絲，甜度最高，超邪惡* 提子鬆餅：正常，牛油味重食物價錢都吸引，性格比高，不過可能因為太抵，客人勁多，有d迫&嘈

生日，我朋友約咗間意大利餐廳同我食lunch，本來諗住單點嘢食，點知去到見到有semi-buffet ($328) 就忍唔住轉咗軚ಠ_ಠ 其實我個朋友冇做preparation，以為係好高級嘅意大利餐廳，點知。。。勁失望。 而且佢哋嘅間隔亦不外如是，環境差。。Semi-buffet ($328)，其實可以加錢叫多個main course，但我哋結果都冇叫，因為我哋以為個buffet都有好多嘢食，點知後來發覺冇乜熱食，除咗扒同埋燒雞。 佢哋個燒牛肉係幾好食( ´▽` )ﾉ，但係佢嗰啲凍蝦係霉嘅，雖然唔係每一隻都霉，好失望。佢哋好似有好多cold cuts，但唔吸引。反而蛋糕甜品，細細個都有好多種類。 我問我個friend，有冇同佢哋講我生日，諗住可以有個Happy birthday影吓相，點知佢話冇╭(╯^╰)╮ 點知我哋食完晒所有嘢，食完幾輪甜品之後，個侍應拎住Hapi Bday蛋糕俾我，原來因為佢book via OpenRice有落remark🤷🏻‍♀️ Anyway，呢間嘢我唔會再幫襯。完~