Velo Italian Bar & Grill

营业中

休息中

來K11 musea 經過這店兩次，兩次也見有小排隊，好奇是甚麼餐廳，看看甜品櫃蛋糕很美，又看見餐牌說半自助餐，於是決定要試試。一家四口食餐好，一早訂了位，入餐廳看見環境裝修優雅舒適，藍黑色也有其浪漫高級格調，侍應親切請我們先拿自助餐，稍後再送上晚餐主菜。先介紹自助餐：海鮮類：生蠔鮮味不過偏細隻、長腳蟹新鮮大條已整開易食、蝦大隻、蝸牛大隻、青口大隻。整體選擇多又新鮮。火腿類：非常多選擇，莎樂美至巴馬火腿應有盡有，全部都好好味。配哈密瓜或芝士悉隨專便。芝士也有幾款，淡至濃軟至硬的選擇也有，芝士人會滿意。沙律類：不同款沙律也有，唔逐一介紹，沙律迷唔會失望，選擇都多。有湯有包，南瓜湯夠濃，包夠脆，非常美味甜品類：朱古力噴泉、細杯的甜品款式都多，看圖自己感受，款款都好味，唔太甜但夠味，甜品人都唔會覺得有欠缺，因為蛋糕款不斷轉，款款都好味。食完直情想第日買蛋糕慶祝都要回購任何一款蛋糕。主菜一：意大利飯，夠細夠煙韌，作為主菜既有意大利風情又唔會令人太包影響食自助餐主菜二:肉醬闊條麵，也是意大利精髓的主菜，濃郁有芝士拉線，好味主菜三：瑪格麗pizza, 最正宗的pizza, 完全食出正宗意大利味，非

朋友生日，揀選左呢間餐廳食semi-buffet 慶祝，座位幾舒適，適合三五知己嚟食飯傾偈😌 佢限時兩個鐘，仲有位嘅話夠鐘都冇特別趕人走，服務態度非常好👍🏻 雖然係 semi-buffet，但款式算係幾多！每人$568 +1冷盤都有成張長枱，而且質素不錯，ham, cheese, salad, 都好新鮮，我最鍾意食佢嘅紅菜頭，做得完全唔腥，甜甜哋⭐️海鮮區有蝦、螺、青口、生蠔、長腳蟹，算係幾鮮甜，長腳蟹我都食咗幾轉😆 烤肉有羊肉及牛肉，醃得好出色👏🏻 牛肉中間粉紅色好嫩滑，我叫咗佢切一片側邊俾我，爽口得來又唔鞋，十分好食！羊肉都唔會羶，只係肉質硬咗少少，冇牛肉咁吸引😝主菜方面，我哋四個人叫咗4分唔同嘅主菜。果然不愧為意大利餐廳，個Pizza真係一流⭐️ 食buffet已經飽咗一半有多，Pizza一上枱我都忍唔住食咗兩件😍 魚、燴飯同闊條麵都不錯👌🏻其實食完主菜已經覺得好飽，但點都要留肚食甜品！佢個朱古力噴泉好可惜唔太濃，生果及糖只沾到一層薄嘅朱古力醬；最好食係佢哋嘅焦糖燉蛋，香滑有少少檸檬味，非常清新！朱古力撻都好好食😋 甜品配送咖啡一流🙌🏻

話說突然想食西式嘅自助餐發現k11 Musea 有間意大利餐廳velo做緊一個海鮮半自助晚餐。我當然要去try try佢啦。首先，佢個半自助餐包一份主食同一杯飲料，至於前菜頭盤之類同埋甜品都係自助形式，可以任食㗎。自助前菜包括餐包，是日例湯（南瓜，蘑菇或其他），幾種沙律菜，沙律式意粉，煙三文魚，煙鴨胸，同一啲凍食既小菜等等，質素方面就中等；海鮮就有蝦蟹螺同埋生蠔！生蠔可以任食，不過每次只可以拎兩隻，同埋係比較細隻！至於熟食就要烤羊腿同烤牛腿。甜品就有幾款蛋糕，有香芋味，藍莓芝士，巧克力，重有甜甜圈🍩；同埋朱古力火鍋，不過味道我就覺得普通。輪到主食啦，咁主食既menu有幾選擇例如pasta，risotto，牛排等等。今次我就order就一份蘑菇rissoto同鱈魚。主食方面真係遜色左小小，點左既rissoto雖然係素食，但味道真係比較淡，都冇咩蘑菇既清新味，個飯偏向翻傳統比較硬。我就麻麻；而嗰鱈魚既醬汁都比較普通，唔算差但都唔太出色。個人覺得性價比麻麻，應該唔會再嚟食

Semi-buffet 晚餐$568/位(+10%)，用餐時間2個鐘，每人一個主菜，另外自助餐選擇都頗多選擇。海鮮有大蝦、蟹腳、翡翠螺、蜆、青口同生蠔。阿妹話生蠔鮮甜又唔腥，所以平時唔食蠔嘅我都試咗1隻 (唔算腥但係有蠔味)。其他食物仲有即切牛扒/羊肉 (牛扒medium剛好，羊完全唔膻、肉嫩）、芝士、Ham、沙律（推介紅菜頭）、甜品、生果。因為想試多啲款式我們4人選擇了不同的主菜，每份主菜份量不是太大，但係有其他buffet 食物所以都一定食得飽。忌廉蟹肉筆通粉：通粉係 Al Dente 的，忌廉味香但係蟹肉少到幾乎食唔出。烤深海鱸魚：魚皮烤得香口，但魚肉偏淡。瑪格麗塔薄餅：蕃茄醬同芝士的配搭，本身唔喜好薄餅，不過不失。法式油封鴨脾 (+$38) : 肉質仍得嫩，而且唔會好咸，呢個唔錯。

這間在k 11 musea 的餐廳，是食飯的新好去處，逛完街覺得累了可以選擇這間餐廳，容易訂位，我朋友叫了兩杯紅酒配牛，最後也食了一個甜品來慶祝朋友生日，總括來說性價比高，是可以再來的餐廳

晚餐選擇嘗試一下semi buffet，主菜西冷筋多肉質一般，自助部分選擇太少，海鮮品種得果幾樣，sparkling water去到78一支，加加埋埋快1500兩個人，實在唔值。

玉崎部落格～美食篇 051022今天中午到K11 Musea閒逛順便試試這家意大利🇮🇹菜大概早上11:30左右就進去可能是剛開始營業🈺️ 就變成第一枱客人😅而中午就是semi-buffet意即包括一份主菜，而海鮮、沙律🥗跟甜點🍮也是任吃的， 用餐時間為2小時海鮮的種類有5款，試吃了🦐跟大蜆及🐙杯感覺🦐不夠新鮮，拿了4隻其中2隻肉是霉的😟而大蜆就普通，試了幾隻就算了⭐️🐙杯就很有驚喜，將🐙腳切小段加上辣汁🐙很Q彈，超好吃😋沙律🥗都是普通貨式，沒有太大驚喜熟食方面有烤羊腿及牛肉試吃了都是偏咸😟 只拿了一次就算了而甜點方面試了4款也是很好吃😋 水準之作👍主菜分別點了M4和牛西冷及香燒豬腩⭐️M4和牛很鮮嫩多汁，值得推介👍而香燒豬腩就普通，一試無妨不過2個主菜份量也是不多，味道也是較淡⭐️個人推薦M4和牛，🐙杯及甜點#velo#玉崎部落格

Rosewood staycation package 包左去呢間K11 Musea餐廳度食晚餐😌 去到餐廳安排有啲亂 明明我男朋友打去book左1930 但係去到佢話我哋係book1800😅 不過好彩最後都搞得掂 餐廳有得揀一個main course 再出去攞嘢食 😚Seafood semi buffet ($468/p.p)Buffet種類唔算超多 但係海鮮 甜品 沙律吧 肉類都有得攞😆 質素都唔錯 除咗係海鮮嘅螺有啲多沙之外🫣香烤M4和牛西冷(+$128)和牛西冷肉質嫩滑 外皮烤得好香 質素都唔錯🤤 不過buffet其實都有牛排攞 可以考慮一下main course 需唔需要叫呢個～香烤龍脷魚配檸檬奶油汁反而幾欣賞呢個龍脷魚 外型都幾有趣 用龍利魚柳卷左一齊🤗 配埋白汁同埋三文魚籽 最底仲有啲菜🤩 精緻得來又幾好食 魚肉都幾滑 仲因為焗過條邊會燶燶地👍🏼另外生日仲有生日甜品送 都算幾有心思～🥰

🐽 - Tsim Sha Tsui - Velo Italian Bar & Grill係尖沙咀K11 Muses黎講，想搵一間睇得又食得，性價比相對地比較高既西餐廳，真係非Velo 莫屬🤞🏻餐廳主打Semi Buffet；晚餐既話沙律海鮮及甜品都可以任食；另選一款主菜，基本上一定會好飽服務質素黎講侍應大部分都好有禮貌，有問題都解答得幾詳細，收碟速度亦都夠快；至於環境，枱與枱之間都唔算擠擁，有一定空間相隔；好岩慶祝節日或者一班姊妹朋友聚餐👍🏻

與舊同事約lunch, 本來想去Rosewood 間bluhouse 不過fully book ，成個月前都未必訂倒。所以最後揀咗呢間。餐廳響K11 Musea, 環境都唔錯。我哋約weekday lunch, 去到時餐廳已經坐滿人，好熱鬧，稍稍人多了點。個semi buffet lunch 前菜係buffet, 有typical 嘅意大利appetiser, 包括salad, antipasti, 湯，面包等，而且仲有roasted beef 同lamb, 對於胃口細嘅女士們，光吃這個buffet 已經好飽了😋 而且仲有甜品同水果。 啲意式appetiser 味道都好正宗，對於喜歡意大利菜嘅我，真係啱哂胃口👍至於main course, 有pasta, 魚，steak 多種選擇，實有一款啱食嘅，我就揀咗三文魚。件三文魚外面煎得好脆，可惜有點overcooked, 里面好乾，係唯一敗筆，響maincourse 出事，真係大忌！好在buffet 嗰部份滿足倒我，還是可以再來的。我哋邊吃邊傾偈，差唔多係最後的一兩檯了，就見到胡杏兒同佢hubby 嚟食lunch, 真人仍然好靚，跟住仲見倒

到此餐廳慶祝生日，環境很好，但食物就麻麻，雖然有半自助buffet ,但食物普通，可任食種類只得幾款選擇，再來主菜我地選擇左西冷牛扒及龍蝦意粉，意粉質感太韌，牛扒一般，下次唔會選擇再食😕😕不過餐廳都窩心知道生日也送上祝福👍👍

K11 Musea商場高級程度唔洗多講用藝術角度去睇室內外設計 連餐廳店舖全部都選擇過今次就試下呢間Velo Italian Bar & Grill 佢好聰明地將自助海鮮放喺門口位置😆人哋未入到去都已經睇到有咩海鮮可以食但我就覺得佢哋嘅前菜同甜品先至係精華全部你諗到嘅意大利前菜都有包括ratatouille🤤同埋水牛芝士蕃茄 Parma Ham Cous cous 識食嘅人食佢哋嘅前菜同海鮮就已經可以回本👌🏽但係要講埋佢哋嘅甜品全部都極度高質 每個份量精緻小巧 可以試晒所有食得出佢哋嘅朱古力用料唔係平價朱古力主菜咁樣比起上嚟就稍為失色 😓雖然魚肉夠嫩滑 但係因為前菜同甜品都太出色 所以有比較有對比 😬呢個價錢食到咁高質嘅午市自助餐一定回本🫰🏼另外要一讚服務員收碟速度極快加水亦都照顧無微不至環境乾淨唔會太嘈

7月24日星期日 行開K11 就去咗食 ，終於可以試到這間意大利餐廳，每位五百幾蚊晚上， 如加任飲紅白酒 香檳 及 氣酒 只多200元 就可以，講起任食啲燒牛肉和羊肶 ，燒牛肉就好硬，羊肶都硬 但可食到，其它配料任食沙律好好味，長腳蟹可以，蠔細隻咗少少但唔錯以下是三人主菜 主菜 三文魚朳煎得好味… 主菜通粉就麻麻哋不太好食… 主菜薄餅好好味12吋，三款酒類每位加多200元都可以，另有有朱古力噴泉，甜品不太甜，員工好有禮貌，收碟又快……正 這些個人意見 唔食唔知

星期六約朋友尖沙咀下午茶，心想只預早一星期訂應該冇乜好選擇，果然sort完只剩2間，Velo係其一，參考過食評、提供嘅買二送一優惠、餐廳位置地段，諗緊都係伏嘅多，幸好朋友話值得一搏前一日有sms confirm ，用餐時間同OpenRice 寫嘅有出入，溝通後確定訂位⋯到場見餐廳觀感幾好呀，冇人講嘅擺位太密、燈光太暗，侍應態度亦可以呀，正正常常有禮貌的食物呢，選擇唔算好多，3點半先食第一餐太餓了，食到最後先記得影相記憶中有餐湯餐包、沙律🥗冷盤大概十幾款（好食！沙律菜新鮮，意式冷盤材料十足）、熱咸點比較弱好似只有春卷、幾款酥餅（春卷好食），甜品有cut cake(兩三款併成一個whole cake)質感味道都幾好，五六款迷你 cut cake，四五款杯裝迷你甜品，生果、朱古力噴泉（呢個太稀唔得）⋯ 原先以為下午茶主打甜品，見真身得咁少有啲啲失望，但原來貴精不貴多，雖然冇試哂全部但基本上8成食過的都好食，甜度適中，又有質感有真味，朋友都話嘩你點搵到呢間㗎最後餐飲叫了咖啡☕️都係香濃好味呢個價錢今次真賺了唯一美中不足嘅係用餐時間，不是OpenRice post嘅 3:00-5:30，而係3:3

好友生日慶祝，吃意大利菜最安全。選址Velo，座落於K11 Musea，吃飽還可以出去行海傍。雖然Velo以半自助餐聞名，晚間可選$468的半自助晚餐，但朋友不好海鮮，所以 à la carte點餐。蟹肉牛油果沙律 (💰$188) 蟹肉牛油果比例為 6:4，蟹肉厚實，份量足料。一匙一口，上層絲絲蟹肉，下層軟滑牛油果。檸檬醋開胃提鮮，可平衡兩者口感，好吃。視覺上，以砌疊的方式擺盤，精緻高級。黑松露野菌湯 (💰$138) 蘑菇湯以杯承載，感覺像cappuccino一樣。表面有一層泡沫，再加上新鮮黑松露片，賣相非常討好。湊近已聞到香氣十分濃郁，細味一口，口腔充滿菌味。口感濃郁，材料十足，容量比一般蘑菇湯份量大。溫度亦比一般湯熱，非常欣賞這細節。US Prime Ribeye 350g (💰$368) 炭燒風味十足，肉眼熟度準確，伴菜有新薯和菠菜。吃美國牛，當然是吃牛味，正常發揮。炒蘑菇 (💰$68) 蘑菇調味充足，份量蠻多，配牛排一流。香蒜海膽意粉 (💰$268)這道意粉非常濃味，海膽貫穿整個醬汁，還有表面鋪上的一塊海膽。Pasta沒有其他豐富的材料，所有的味道只來自：蒜跟海膽，所以稍嫌單調