Victoria Restaurant

营业中

休息中

這店同一條街開了三間店，新店大好多，坐得更舒服。食物質數不用多說，開了第三間，就知唔會差，新店保持水準，海鮮寬意粉的香蒜牛油汁夠香好味，海鮮有魷魚圈、青口、蝦、蜆、小貝柱，份量也夠。豬胺扒都唔錯，飲品同甜品都好味又靚。店內侍應人手充足，而且個個都好有禮貌，見阿仔一個大背囊同球拍，馬上拉多一張椅俾佢擺袋，餐桌服務也很到位，枱面清理及時，侍應都好勤力，仲要面帶笑容，十分抵讚，而且係無加一的，呢餐食得好滿意！

太子花園街，短短一條街，二邊竟然有三間victoria restaurant!! 每間menu 都有d 唔同，嚐鮮既心態緊係去試下新店啦！紐西蘭西冷牛扒 ($88)牛排的生熟程度岩岩好，肉質鮮嫩，肥瘦勻均，令人滿意。搭配惹味黑椒汁，加上薯條和新鮮的蔬菜，讓整體味道更加豐富，營養均衝。慢煮紅酒牛肉配意粉 ($78)牛肉一樣鮮嫰，紅酒醬汁配合意粉很夾。set lunch 仲包埋餐湯麵包及餐茶，味道中上，性價比非常高！

本身都知Victoria Restaurant好抵，一直想搵機會試，今日經過太子，行到去滿座，店員同我地講行多幾步有間新分店可能有位，menu有少少唔同。太子同一條街居然開咗三間分店，真係好勁。我地嗌咗西冷牛排同煎魚柳，有得揀意粉/飯/薯菜，Lunch Set包餐湯、Main同熱飲，$60幾至$80幾不等，仲要無收加一，居然$88就食到西冷，仲要係好食嘅！牛味濃，生熟度都控制得幾好，肉質夠嫩，無咩筋。魚柳煎到香脆，好高質，仲有啲瓜菜，夠曬營養健康。店員態度都好抵讚，上菜嘅角度都有講究，又有比籃我地裝嘢，服務好過其他要加一嘅餐廳多多聲... 幾間分店嘅menu同價錢有少少唔同，建議大家行多兩步睇下再入座。