Vortex American Snack Bar (已結業)

幾日前發生諗番嬲得濟專登開個acct寫番自己經歷本來諗住宵夜無咩食Operice 見到呢間野 又話好chill 又話老闆好friendly去到見到得個四眼肥佬一腳踢,應該老闆黎在非繁忙時間時買餐 問兩句已經不耐煩在已經比了錢落單的下一秒態度由唔耐煩變為極之惡劣而且同客人之間對話都係極之粗鄙感覺像身處電影入面70年代d 黑社會酒吧另外唔知係咪睇錯 立眼見到廚房入面有隻小強輕郁 清潔程度大家可以自己望一望 不作太多評論食物味度都不作評論不過呢個價錢 出面幾粗魯既店員也好都會有番少少尊重最後,題外話嬲得濟上網google 過呢間野原來條肥佬上過個節目講創業片中講到自己目標好偉大亦提及到自己好創業好難 甚至唔夠交租叫人多多支持小鋪生意咁縱然不少人Comments 已經話定價算貴如果定價咁樣 真人待客態度如此惡劣仲叫人支持佢呢一類細鋪頭仔既話我只會覺得肥佬為人虛偽頭腦亦唔適合做生意當然可能佢覺得熟客已經夠少1,2個新客都無所謂本人只覺得肥佬鏡前一個人 鏡後另一人在片中扮慘扮賺唔到錢令人覺得虛偽 作嘔總結：同間鋪下面有個comment一樣不知所謂 沒有家教 自以為是如果有食客想比錢買難受既 不妨試

中女獨食難肥日誌 Vortex American Snack Bar香港難得有堅持尋夢的小店，好味的小店更值得支持！老闆好friendly，第一次見已經好似老朋友咁。小小一個舖位，晚上開了幾張枱，圍著都是熟客，吹吹水，好chill飲啖啤，人生幾何？#losangelesburgers $108超！大！份！咪以為成舊水個burger好貴，有埋nachos同牛油果！我自唔細食但一個人真係食唔哂一份..麵包是bagel有咬口，大大條肉腸，惹味非常又有肉汁，細心位係有支木棍俾你吉住個burger食唔會散，但好味到你根本唔理儀態喇nachos新鮮熱辣最好送酒提一提呢度只提供酒精飲料喔，啤啤佢！爽！Cheers！

支持本土年青創業所以慕名而來，侍應服務不過不失，食品質素附合預期，看得出漢堡包是用心之作，啤酒也非常新鲜，在將軍澳區頗為罕有。值得一提也是令人失望的是，用餐期間隔着玻璃門也清晰聽到職員們在店面位置的大聲粗言穢語，高談性經甚至模仿女性叫聲，令在場人士有點兒不太自然；感覺像是MK的酒吧。食物質素不俗，啤酒新鮮，侍應服務尚可；職員之間太大聲的粗口性經實是美中不足希望可以改善。較適合三五麻甩的聚腳，若是一家大小或者帶着小朋友的還請三思才去。

夜媽媽喺將軍澳真係無乜餐廳營業，不過喺富康入面就有間開到凌晨3點嘅Burger鋪，連報紙都有介紹過。今次我決定同fd子一齊去試下。一去到富康商場就見到搶眼藍色嘅招牌。見到鋪頭細細，啲人都喺出面食。依度主打burger，但係都有pasta同snacks食。我地今次點左Chicago Burger，LA Burger同埋Parma Ham Pizza，再加三枝啤酒。Parma Ham Pizza餅底薄脆，好似crepe咁，Parma Ham唔會太鹹，加上酸酸地嘅醬汁好match。Chicago Burger係Double Cheese Burger，有兩層芝士加兩塊Patty。個肉好juicy，加埋Cheese食落去簡直係雙倍嘅滿足！LA Burger係腸burger，面包係用左bagel，比較實身，但係索左啲bbq汁之後就變軟身少少，口感啱啱好。腸外面脆，入面juicy，加上爽脆嘅生菜同smoky bbq sauce好正。每一份burger都會跟tortilla同牛油果醬，tortilla脆卜卜，牛油果醬少少辣，好香濃，唔錯！最後係啤酒，今次我地嗌左ipa手工啤。依隻啤酒幾香，都幾易入口

最近發現了一間在屋苑內的開的burger 小店, 便相約朋友一齊來,鋪頭面積不大, 牆上掛上很多牌做裝飾, 來到的時候, 店裡面已有人客, 我們就坐在門外的枱4款Burger以地方名命名, 我們點了new york burger 及生啤這裡的特色是burger 的包不是用普通的漢堡包, 而是用bagel 來做的,烘到脆脆的 夾在牛肉芝士上, 外脆內軟, 還有這款包帶有點點辣, 惹味非常, 另有一番風味這裡的burger 會配上栗米片 及牛油果醬, 牛油果醬是老板自家調製, 份量很多, 絕不吝惜. 我們還叫了薯條及carbonara 意粉, 炒好了的意粉 最後會加上風乾火退及雞蛋, 食的時候拌勻, 香氣撲鼻意粉是即叫即炒, 看著老板3兩下手勢就完成了, 真快手, 難怪有很多外賣生意 老板閒時也會跟人客傾計, 很有誠意的小店, 值得推介有空也要再來幫襯的~~ 

great burgers and great service, we need mOre places like this in tseung kwan o. ken is a fu**in great guy and he is defenitely the asian ramsey burger chef

特地去到將軍澳食，因為朋友介紹話呢度好岩我，而且係有誠意既店，所以好快我地約左出來食喇🤗🤗舖頭裡面其實位置唔算多，只足夠大約3-4人坐，不過亦有室外位置可以坐，出面有一兩張枱，食緊野期間都見一直會有客叫外賣，都算幾旺場個日因為落雨，我地就坐左舖入面。見有唔同地方名既burger,了解完有咩材料後，我地揀左New York burger,一份都幾大份，足夠我地兩個女仔share 食，個包係有烘過，脆脆地幾香口，漢堡扒係店家自製，幾juicy,另外蕃茄同生菜都好新鮮。仲有粟米片配牛油果醬，正！因為都幾大件，舖頭會有張黑色紙巾比你包住食，可以唔使驚整到周圍係🤤水牛城雞翼係辣既，可同店主講想要既辣度，呢次其實係朋友知我鍾意食辣，特登就係叫我挑戰呢個😳我地叫左初級版地獄辣，係真係幾勁下，食完係咁流鼻水同眼水，平時食粉麵都會叫大辣既我都覺得好辣下，不過都成功食晒既😂😂味道就酸酸甜甜+辣咁，雞翼肉質都滑。嗜辣者可以挑戰下，佢辣得黎都係有味，唔會得個辣字既。飲品叫左兩款手工啤，其實仲有好多款式，不過同店主了解完後，佢介紹左呢兩款比我地。左手邊就麥味重，淡身既啤酒，右手邊會有d榛子味，比較甜但好岩女仔飲

寫就寫6點30開門，結果去到一個人都冇，然後到左7點打去問開門未，態度惡劣答我未，再問幾點開門先講8點30，因為未prepare好，然後cut我線。總結: 不知所謂，完全冇家教。

住開呢頭～知道開左間漢堡小店，一直都想試，終於就到時間可以會一會佢啦☺️👉🏿✨芝加哥漢堡 Hkd 138 💸📌呢個完全勁大份🤦🏽‍♀️一個人一定食唔晒！仲會配埋牛油果蓉同薯片，圍番都ok架！而且質都好得！勁多肉汁超juicy～啲肉唔會老仲好嫩，一啖過加埋芝士勁正🤤👉🏿Parma ham pizza Hkd 128 💸📌完全冇諗過係咁好食！可能我本身真係好麻麻pizza，所以冇乜期待值😅但係我錯了！入口係勁full既餡料，個底又夠脆，真心好食

住將軍澳既朋友仔真系可以黎試下，岀名超辣雞翼今次就無挑戰啦，試左個New York burger 同白松露薯條，個burger外脆內軟牛肉多汁配菜足夠個汁辣又吾會太辣令到整個味道好過癮感覺一啲都吾漏仲有粟米片配牛油果醬一個字「正」$98低食呀，松露薯條吾會就咁比個醬hea你，薯條好實在有口感老闆仲會走岀黎陪你傾計好有熱誠加分呀~~

宵夜時份冇野食專登走過富康一試因未幫襯過唔識分每種包係咩構造店家都好細心介紹最後點左個LA Burger返到屋企一開真係嘩一聲超大個包夾住超大既兩塊肉, 仲有芝士, 番茄, 醬另外跟包有cornchips同一大舊牛油果醬成件事真係好好, 以宵夜黎講一個人食係會飽到訓唔到個包有D脆, 應該煎過牛肉好JUICY, 整個包,肉,配料食落感覺係好夾, 好好食未食過會覺得將軍澳依個價有D貴食過就知物有所值, 亦感受到店身對出品係有要求

終於試到Vortex啦，喺將軍澳屋苑中嘅特式小店，食美式快餐。行到入舖面，有啲窄，一路同老細傾計，一路想點菜，不過老細實在太忙，思路太跳躍，最後用咗十分鐘先叫到嘢食，包括黑松露薯條、New York Burger同LA Burger。本身以為點菜都要花上十分鐘，啲嘢食有可能有排等，不過點完十分鐘到嘢食就到啦，薯條係新鮮炸起，黑松露味道唔係太重，如果想更濃味，可以加$25加cheese。LA burger 係以腸仔嘅漢堡而New York burger就係傳統嘅牛肉burger，兩者嘅肉汁都好多，一啲都唔乾，仲有配上埋啲sour cream，雖然平衡都要$100一個burger，不過好足料，每一份都好有誠意。留意返同老細落單要夠firm，點完食完先埋單，因為佢一個人搞晒返有嘢。

第一次食，食物質素感覺唔錯，價錢係區內算貴，但係比起出面銅鑼灣 尖咀算平，係將軍澳口痕想食burger可以係一個好選擇嘅地方，口味好各取所需，我覺得都幾岩我口味，可以再食！

阿林：店舖細小，只能容納2-3名客人，其餘便要到戶外就坐。老闆雖然一腳踢，但也會友善地和客人吹水和聊八卦。首先上場的是芝加哥漢堡 ($138)——雙層芝士、雙層牛肉。製作過程盡入眼簾：老闆先稍微烤烘麵包，然後悠然自得地均匀塗上醬汁。另一方面煎牛肉及切芝士，把兩者焗一下後，再用火槍輕烤，連同蔬菜疊好。一刀切下來，肉汁、蕃茄汁隨即傾瀉，簡直是一齣拍案叫絕的food porn。新鮮出爐，麵包烤得鬆脆，牛肉柔嫩多汁，美中不足是肉味偏淡。另一道肉是水牛城雞翼 ($48)，堅辣，吃完嘴唇發熱，差不多是我的極限。嗜辣的朋友應該會覺得過癮，更可要求加辣。雞翼大大件，但雞皮幾乎全掉，沒有香脆感，也沒有藍芝士醬和西芹條，總覺欠缺點水牛城風味。最後吃一件焗大菇 ($42) 作結，清清味蕾，感覺滿足。

真係不知所謂到要黎比一比負評，比雜誌呃左入去呢間小店⋯以為好chill好好味，點知10點去到，等到12點都未上晒野，半個鐘先黎一碟，仲要逐碟逐諜上，好心得一個staff就唔好開店，出面仲有10幾個客等緊，起碼等一個鐘先拎到外賣，唔該檢討一下出餐速度，店員態度極度惡劣，爆粗飲酒食煙做齊晒，食物質素麻麻，樣樣野都好細份，6個人去食每人分得一啖，4碟餸加埋600蚊埋單，完全唔值呢個價錢，真心唔明點解煮個意粉整兩個鐘都未整到，所有人都等到燥晒底。呢個故事教訓我地唔好亂信食評，第一次食到咁勞氣，真心想試既朋友諗清楚先去食⋯