Whitewood Coffee (已結業)

不錯嘅小店平時都比較少嚟石門呢一邊, 今日要過嚟做嘢, 就search下有咩好食, 搵到呢一間, 好似個pancake都幾出名喎, 一於試吓先!!呢間餐廳雖然唔係好大, 不過環境都幾舒適, 有自然光入到黎, 我哋喺度hea左好耐, 店員都冇面黑🙈🤪我地order左原味疏乎厘pancake, 見到已經好想食, 食落好鬆軟, 唔係嗰種食落去等於冇食個種感覺, 好香蛋味, 份量都唔少喎! 另外杯flat white都好唔錯, 夠香夠滑, 正!而且呢度價錢唔貴, 呢間我會encore, 推介!

黎到石門 到訪一間隱蔽嘅小店 享受一下寧靜嘅角落😌 餐廳環境雖然小 但感覺也很舒服 同朋友相聚都唔錯👍和朋友點了三款意粉和一個抹茶pancake 意粉分別係卡邦尼意粉 香蒜白酒蜆肉意粉 同蘑菇松子仁香草意粉 所有食物價錢都合宜👍三款意粉都好好食 卡邦尼係招牌款式 意粉偏少許硬生 因為個人比較鍾意比較硬身嘅意粉 所以覺得佢煮既意粉唔錯！無論蜆肉跟蘑菇同意粉嘅比例都恰到好處😋抹茶pancake 一共有三件 食落有少許空氣咁之餘 更食得出實在嘅感覺👍抹茶味都突出 依個價錢又幾抵食！整得唔差👍而且咖啡嘅拉花 都非常靚同有心機 文青打卡之選 latte 嘅味道都整得好好☕️值得推介🤤

為食++：😋😋😋朋友推薦既隱世餐廳係石門京瑞廣場，如果想輕鬆享受假日既寧靜，可以黎哩到嘆番返個下午茶。餐廳採以自助形式，要自己去counter 點餐再會有人送餐到座上。 今次我就主菜、甜品同飲品都一次過試哂😆主菜 - 卡邦尼意粉 🍝- 份量都算大、仲有好多我鐘意既🍄，加哂分👍🏻甜品 - 香蕉榛子厚鬆餅🥞- 要預留個肚食哩個鬆餅呀，蛋味突出軟棉棉咁😍飲品 - Matcha latte (Large)🍵- 為左個拉花，大熱天時我都揀左熱飲，見到製成品都覺得值得既😎PS 如果 lunch 可以有套餐set就最好啦，唔使每樣單點咁

在沙田區出沒了多年，市中心一帶的食肆，向來都沒有甚麼大驚喜。可是，行過對面河，在河畔、第一城，以及我現時工作地點，石門一帶。好多時經過，都會有可愛的小食肆，咖啡店吸引著大家。新工上任後的第一、二天，我就在京瑞廣場內巡一巡，鎖定一些心儀的餐廳，慢慢試。而第一間被我睇中的，是一間小小的咖啡店，名叫《Whitewood Coffee》。位於商場的一個不太顯眼角落，但看得出此店是很受打工仔歡迎的。我在中午12:45來，小小的店已經坐滿人。我一個人來，也需要等一等才安排到入坐。一早在咖啡店門口看中的，是他們的 All day Breakfast，炒蛋、蘑菇、煙肉、大番茄、香腸、茄汁豆、沙律菜及一份炭麵包，非常之豐富。炒蛋加上了香草，入口時感到份外的香，煙肉同蘑菇的質素非常好，至少，蘑菇是新鮮的。但香腸用上了司華力腸，就令人感覺有點怪怪氣了。然而，茄豆是暖暖的，黑炭麵包也健康可口，是一個令你我都會俾 "超 like" 的 All Day Breakfast。為提神，也是為了品嚐最原始的咖啡味，好多時，我會點上一杯 Black Coffee。這兒的咖啡絕對是香濃。入口，可能是苦了一點，但苦盡的味道，

今朝一早約左朋友係沙田跑步一早就跑左十幾公里跑完經過呢邊就食d野補充下體力因為跑完又唔係太餓想食少少野我就搵到呢間cafe喇😊我揀左牛油果醬碎蛋多士蛋有豐富蛋白質多士係碳水化合物牛油果含有膳食纖維和不飽和脂肪酸種種加上黎係一個豐富有益既食物多士原來係竹碳麵包建議快速食就好咬第一啖麵包脆脆地唔錯加上一杯桂花龍井茶配搭得非常之好我要求加點熱水也可以呢度仲有梳乎里架來這裡食下傾下嘆下咁就過左一個寫意的半天！

星期一入仔仔上興趣班，一個鐘梗係搵地方坐下啦！入去飲杯野，坐住等仔放學。由於食完飯一陣，所以冇叫野食，只叫咗一杯士多啤梨玫瑰茶。原本冇乜期望，但一送上枱時真係有少少喜岀望外嘅感覺。賣相不錯，更欣賞用鐵飲管，支持環保♻️👍🏻味道亦唔錯，飲落有淡淡玫瑰香，也有士多啤梨味，唔係藥水味，仲見到士多啤梨籽架！唯一係細杯左啲囉！從飲用角度$34 細細杯，性價比唔高，飲幾啖就飲晒，仲貴過星巴X飲咖啡，不過 $34 優優閒閒坐一個鐘又確實不錯的。

原味梳乎里PANCAKE鬆軟綿綿 夠曬蛋香味 厚厚的SOFT SOFT PANCAKE濕潤得來亦不會吃到一口都是漿夾埋CREAM和糖漿 高質之作仲要佢100蚊都唔洗... CP值爆登牛油果芝士蛋多士有別於一般多士，呢個是用了竹炭包黑蚊蚊型格十足焗一焗脆味增加味道不錯

轉眼間，石門京瑞廣場已開幕一段時間，Whitewood Coffee是其中一間我在石門最愛的餐廳。嚟過好幾次，今次一次過分享之前吃過的美食。。。下午茶來說，嚟嘆返杯咖啡，食佢個pancake 或ice cream toast,都係非常治癒😊。如果來食brunch, 佢嘅All Day breakfast 好豐富，pasta亦做到 Al Dente.在石門來說，價錢不算經濟，但食物味道不錯，最喜歡他的咖啡☕，每一杯都有拉花，連外賣的也有。餐廳以自助形式運作，客人可先搵位，然後到counter order食物及付款，然後就可以安坐耐心等候食物送到你的面前。食物製作需時(例如個pancake係要等約20分鐘)，但係值得等架!🤗

之前已經泥過好幾次飲野同食Pancake今次試下香草醬意粉同埋London Tea Latte意粉味道唔錯, 香草味好濃又唔太油份量好足夠London Tea Latte 都好正茶味好香如果我好似牛咁多個胃一定食埋佢個pancake

同朋友約咗去做運動，運動做唔成，唯有由圓洲角市政大廈行去石門 - 搵野食行到商場發現有間細細cafe，二話不說即刻入去﹗呢度唔大，仲有d迫，落單係採取自助型式，所以要先搵位再出去落單，或落咗單先去搵位坐。因為我地無做運動但又去食tea實在太有罪惡感，唯有淨係叫一個pancake開心share啦﹗過咗15分鐘左右就有侍應送上pancake，今日試咗黑糖抹茶厚鬆餅，賣相唔錯，蛋味突出，不過唔夠滑，但幾欣賞佢嘅綠茶cream，綠茶味濃又唔太甜，黑糖糖漿都唔錯，一啖pancake一啖cream，好快就食晒，仲有d唔夠喉。如果下次再嚟石門一定會再嚟tea一tea﹗

原來Whitewood Coffee除了梳乎厘pancake好吃外，他們家其他食物都相當不錯👍🏻很推薦這個意粉，材料足，份量大，蕃茄味特別濃郁，卻一點也不膩，每一口都超滿足😌一下子被我清光光啦，一定再來👅-Napoleon pasta (HKD68)Chai tea latte (HKD36)

行經石門京瑞商場，朋友推薦呢間都頗為隱世既小店，於是就抱住一試無妨既心態入去。因為係閒日午飯時間，入面已經坐滿左人，要等一陣先有位。聽人講呢度既卡邦尼意粉好好食，好奇既我當然要試下！上碟見到既係有落忌廉炒既卡邦尼意粉，一聞落已經好香，食落味道幼滑香口，個汁亦做到好creamy, 食完個口都唔算膩。飲品方面點左一杯latte, 個人應為有少少淡，咖啡同奶味都唔係好濃。以小店黎講，個人認為佢係用心經營既，食物質素亦唔差，只係繁忙時間大家可能要忍耐一下，雖然我地都等左半個鐘先有得食，中間仲要漏單，不過見佢地人手不足都可以體諒既。

Nice environment with a nice interior decoration and furniture. The waiters were very polite and courteous which added to the laid back atmosphere of the café. We ordered the souffle pancake and were pleasantly surprised. The pancake was very soft and fluffy. Together with the light fragrant cream and fresh strawberries, this was a very tasty treat indeed. We also got a mocha to go with it and was also very satisfied with the flavor of the drink.

已經無乜客，都要漏單錯單，等左成半個鐘，竟然將野食俾左遲黎嘅隔離枱，同佢追單，好似無見事，不已為然，最後取消order走人，希望佢地繼續保持呢種陰質服務，早日結業!請我都唔會再去，千祈唔好檢討，快d執笠，只係想其他食客唔好中伏，又或者你可以當佢係Starbucks ,可以呆坐幾個鐘，因為坐完都唔肯定有野食。總括而言，態度9流，不吃也罷!你午餐時間去，應該到晚餐時間有得食!奉勸大家無幾個鐘時間等嘅話，諗清楚先好去。

食完飯無耐之後甜品癮發作所以就OpenRice一下石門附近邊度有甜品好食其實呢度冇乜選擇見到whitewood coffee嘅疏乎厘賣相好似都好吸引所以就黎試吓點完餐之後就入座餐具同埋水都要自己攞睇食評話要等好耐不過可能咁岩有人都叫咗所以都唔係等左好耐就有得食啦香蕉榛子厚鬆餅🥞測試疏乎厘夠唔夠鬆軟嘅其中一個方法就係要搖下個碟睇下佢會唔會有動L動L不過呢間就冇啦香蕉份量都好足睇落應該真係有一條疏乎厘落去口感唔夠鬆化而且食落口感覺有啲吾夠熟而且topping根本就係普通朱古力醬完全食唔到有榛子味所以應該改名為香蕉朱古力厚鬆餅🥞雖然係好厚不過鬆餅嘅直徑其實好細所以計返其實唔係咁抵食如果佢加多一球雪糕嘅話效果應該會更加好