WIRED CAFE (已結業)

與好友相聚真的沒有需要太多理由，能見的盡量夾時間見面，這次便約了大學好友相聚，又是懐念過去的時間，哈哈。這位朋友和我一樣喜歡去一些之前沒有去過的餐廳，這次便選了日式西餐廳。場內設計簡潔光明，舒適感大增。芝士焗章魚小丸子，芝士近年大行其道，可見其魔力的威力。芝士香濃，章魚餡料多不厚粉，芝味無窮。炙燒三文魚沙律飯，面層佈滿了沙律菜、牛油果及三文魚，底層是軟棉棉的白飯，連太陽蛋一拼拌均，美味清新。明太子意大利麵，顔色鮮艷奪目，微辣醒胃，麵質彈牙。朱古力芭菲，賣相吸引，朱古力配上脆片，飯後甜品是必須的。

之前幾次經過呢間餐廳都非常熱鬧，坐滿哂人。趁呢日早放工，避開咗peak hour同朋友食個early dinner。［炸軟殼蟹辣味肉醬意大利麵，$98］軟殼蟹好大件呀！炸得幾清爽，咬落唔會油淋淋，而且啖啖肉啖啖鮮味。意粉唔會煮得太腍，係我鍾意嘅口感，但肉醬一啲都唔辣，同menu講嘅「香辣」有出入［吞拿魚牛油果蓋飯，$105］呢個飯除咗吞拿魚蓉同牛油果外，仲有溫泉蛋、蟹籽同大量沙律菜，配搭非常健康溫泉蛋完美流心。全部材料拌勻後雖然似沙律撈飯，但食落又出奇地唔會怪［焦糖香蕉Dutch pancake，$88］牛油同焦糖嘅香味撲鼻，而香蕉稍微煎過，味道更出。不過面頭嘅fresh cream已經溶咗一大半，粟米片亦掂到cream而淋哂，係小敗筆不過微厚嘅Dutch pancake口感有少少煙韌，亦有濃濃嘅蛋香，依然非常推薦

一家人尖沙咀行街好多野買，好想家人陪我一起食野，之後發現很少來日式西餐廳，剛好家人有空，便相約今晚去餐廳食餐好。尖沙咀港鐵站一出差不多巳到達，最方便不過。(Sole fish) 份量足料，好多男仔都愛食的，除了魚外，仲有沙津及少許薯仔，好像不錯，魚香新鮮，沙津健康，薯仔夠熱，推介。來到見到(Pastrami Sandwhich) 圖片好靚，心思思想叫來食下，一食之下煙燻牛肉肉滑，薯仔新鮮香滑。(Seafood pizza) 最吸引我是個厚底，又夠脆口，上面的芝士味有口感，味道很好。 (Strawberry Millefeuille)一層層的，中間的忌廉很滑口，士多啤梨甜味剛好，軟滑美味，唔會覺得滯。 

本來想去銅鑼灣wired cafe ，點知執左...之後發現尖沙咀有分店，於是就想去再試念念不忘的taco rice!訂了星期日既晚飯時間去，不過六點入座都唔太多其他人。沙發位坐得幾舒服，環境都幾寫意咁。叫左一個牛肉片沙律同牛肉塔可飯，侍應亦記得幫我分開上沙律醬 不過食落個飯就同上次有比較，啲牛肉辣味唔出，而且份量偏少。沙律味道唔錯，菜葉可以切得再細塊少少。之後再叫多左個有驚喜既辣肉醬芝士pancake，口感幾得意，可以再試。

好喜歡一啲cafe有齊我愛既主食同甜品，依間係其中一間，而今次同朋友二人一行就係為左佢地既明太子意粉及多士甜品！同一個跟我一樣喜歡食既人一齊食野係特別開心，今次我地點左兩個主食加一個甜品點綴一下！明太子忌廉意粉係其中一樣我見到必點既食物，依度都做幾足料，每啖都會食到明太子呢！另外意粉質地軟硬適中，佢仲加左一啲酸菜既物體係入面，味道變得特別一點！意粉係來得稀身，但粉又掛到汁，所以食落係夠味既～而朋友點既係芝士咖哩肉醬飯，我睇去真係有啲肉醬多利亞既feel，好熟悉又有回憶。食之前先拌勻，肉醬都多，每粒米沾滿醬汁，而拌入生蛋黃既醬汁特別滑！甜品點左香蕉朱古力多士，醬吾多我地仲叫左店員額外比醬我地添，多士邊脆身，包芯軟綿帶水潤，最愛伴香蕉一齊食！但上次食既原味多士係好味到我要融化既feel，所以下次必點原味啊！！！

星期日嘅尖沙咀真係超多人，想搵個地方坐耐啲食得舒舒服服都唔容易！咁啱男朋友話要去美麗華睇 tomica 車仔，睇完就周圍行搵好嘢食。去到 Mira Place 2 經過呢間 Wired Cafe，即刻比佢超靚嘅裝修同個 menu 吸引到，見佢個環境好似幾好坐，所以就決定喺呢到醫肚啦～Gin Yuzu 首先嚟嘅係呢杯柚子 cocktail，望落平平無奇，但係飲落又幾有驚喜喎。酒嘅濃度啱啱好，唔會搶晒柚子嘅香味。兩個味道溝埋一齊好夾，男朋友好 likey！明太子忌廉意粉 港女對明太子意粉有種情意結，所以喺門口見到個 menu 有明太子忌廉意粉，未坐低已經決定要叫呢樣～ 個意粉麵質剛剛好，唔會太淋或太硬。蟹籽、芝士嘅分量好足，個 sauce creamy 得嚟唔會太漏，令成個意粉口感好豐富。三文魚牛油果蓋飯表面上係沙津，實際上係蓋飯。望落好開胃，炙燒過嘅三文魚好有油香，唔會燒得太熟，啲三文魚油同啲沙津菜撈埋一齊食啱啱好，啱哂想食清淡啲嘅女士們！白酒蒸蜆牛油、白酒、檸檬同蜆呢個配搭睇落好簡單，但其實要煮到每樣味道都啱啱好真係好難。蜆嘅 size 適中，個汁偏重牛油同白酒味，整體上頗香同鮮甜。個

女仔餐廳，叫左一個明太子忌廉意粉，好好味，濃濃忌廉味，煮得香滑，又多蟹子，介紹之一，Waffle  egg  benedict  with  Parma  ham,雞蛋滑溜，Curry  wurst  pancake  好難食，味道及質感怪怪的，雞翼炸得香脆，配上酸酸地的沙律醬，好開胃，正，green tea 冇咩特別及味道淡口的，環境吾算太嘈，記得要book位，星期五晚上full booking

11月10號 唔係黑色星期五 但仲黑過黑色星期五 早一個星期前已經係openrice訂左1900 3位去到餐廳 可能因為時間尚早 餐廳入面仲有一半以上吉枱點知侍應安排我地去一張10人大枱 我好奇問個侍應 餐廳咁多吉枱 點解係book左枱嘅情況下都要安排同人搭枱呢侍應生表示 因為我地係3個人 所以安排我地坐依個位 點知之後有一張3位嘅walkin 枱 個侍應竟然安排佢地坐一張4人枱我問侍應點解會咁安排坐位 先發覺原來係openrice book枱嘅話 因為會有折 所以就會咁安排咁大家記得啦 原來係openrice book枱會有“特別待遇”

當美麗華2期開左之後，成日都會落去行街，已經好想試呢間餐廳，但奈何每次同行朋友都無興趣食🙄！今日難得個朋友都有興趣，就一齊試下！😊煙三文魚忌廉芝士水菜沙律🥗:色彩好靚，未食已經覺好食😆，都幾多片煙文魚，牛油果🥑大大舊，好新鮮！黑松露雜菌🍕:一上枱，我同朋友接近同步講好香呀！😍有睇開我的食評，就知我好鍾意黑松露！☺️呢個黑松露香味合格，但食落略嫌唔多黑松露味，得啲雜菌味，但🍕個邊邊焗得好脆，餅底唔厚，所以2個人食都唔會太飽！炸軟殼蟹辣味肉醬義大利麵🍝:呢碟收你$98真係一啲都唔貴！因為佢係原隻軟腳蟹俾你架！！仲要碟意粉勁大碟，3-4個人分都得，份量真係比一般餐廳多3分1至4分1！味道就有少少辣，但食落唔覺漏/濟！女人飯局點少得甜品，成日話女仔幾飽都食得落甜品，🙋🏼利申，我得一個胃，食正餐定甜品都係佢！😆但見個menu真係好吸引，就捨命陪君子！雜莓芭菲🍨:紅色既甜品真係未食就覺得靚到爆🤣，入面有草莓同雲尼拿雪糕，食到中間就發現有芝士蛋糕，底就係粟米片，層層唔同感覺，口感豐富！朱古力香蕉芭菲🍨:我揀呢個，原因勁底能，因為我想食生果🤣🤣🤣，同埋唔知點解朱古力同香蕉夾到無朋友！呢款得一球朱古力雪糕

相識多年的同學慶生，我和好友來尖沙咀覓食，好友讚美「Wired Cafe」的日式西餐廳，食材優質美味，擁有時尚的格調，位於美麗華廣場留下餐廳，老友難得聚在一起，享受一頓豐富的晚餐。 餐廳地理位置方便，有一份雅緻休閒，周末假日這裡十分墟冚，很多顧客前來捧埸，所以我和好友平日過來覓食。 高樓底令整間店很寛敞，用餐的空間感更舒適，店內佈置優雅，周圍更添置了很多充滿日式風情的藝術格調。 明太子忌廉汁意大利麵 $98 我很久也沒嚐過了明太子忌廉汁意大利麵，忌廉汁好creamy，一口咬下去，意大利麵彈牙，黏性剛好，口感細膩煙靱，混合起來的味道挺夾，香氣四溢，味道可口。 和風海蝦磨菇意粉 $92 意粉平時經常都會食，但這裡同一般的很不同，意粉很幼身，彈牙爽口，配上大隻的海蝦，令人品嘗到鮮味，加入蘑菇新鮮軟滑，提升了味道很清新，令口感昇華，特別美味，我們都很鐘意。 明太子海鮮pizza $85 別具創新風格，海鮮pizza香脆可口，不算得很油，香氣撲鼻，味道非常濃厚，肉質嫩滑，開胃的感覺，充滿優雅不膩的滋味，口感很好。 煙燻牛肉三文治 $78 三文治外型已相當討好，煙燻牛肉新鮮結實，

很久沒有光顧這間位於尖沙咀的分店，不過銅鑼灣那間已結業，得番唯一這間。雖然换咗裝修，但保持一贯風格。午市餐牌轉咗，好在仍然有選擇。經開飯喇訂位，一點前有八折呀！

終於～係終於可以有一日7點幾放工，同親親閨密聚會了～連續幾個月既瘋狂工作，何時會見到曙光⛅️⛅️不過既然放監就拋開一切先，今晚約左兩位閨密，黎呢間和風西餐豆腐凱薩沙律份量都算多，菜有3款、番茄、豆腐同旁邊四塊脆脆，味道有啲似配粥既脆片，但這個伴碟完全破壞左成個賣相🤔，不過豆腐配沙律，味道食落幾清新炙燒三文魚牛油果蓋飯賣相真係好靚，亦有我很喜歡的牛油果，可惜飯有點太淋太黏了和風海蝦磨菇意粉唔好睇佢外表好似好dry咁，味道出奇地好，意大利粉亦有咬口，唔錯～唔錯焦糖香蕉班戟我最期待的甜品 — 班戟出場了除左焦糖同班戟，仲灑左栗米片呢種班戟口感同味道，真係其他地方未試過👍🏻👍🏻整體黎講主菜普普通通，班戟絕對係全餐亮點

同fd籽黎到尖尖購物,餓了~想坐低食點東東,記得幾年前同寶寶黎過,食品不錯~店家裝修像越南又像泰國餐,而位置都舒適,我就帶佢地黎左WIRED CAFE,因為無訂位關係,店員說要個1個鐘頭交枱,好吧~我們黎個快食再去血拼!!!我地點了3款:A) 生薑汁燒豬扒Grilled Pork Steak with Ginger Sauce**肉質厚口感好~ 有薑味! 仲有隻太陽蛋煎得好靚~B) 厚切煙肉卡邦拿意粉Carbonara Spaghetti **半生熟蛋拌好後進食一流~卡邦尼汁唔會好奶好滯~煙肉咸度適中,Good!C) 窩夫餅配巴馬火腿班尼迪蛋Waffle Egg Benedict with Pama Ham**窩夫唔脆無蛋香,配左巴馬火腿調味都ok,但佢個蛋似水波蛋多啲啊~整體3款都不錯~ 精緻賣相又不失味道!

話說今晚臨時約食飯，朋友話上open rice搵嘢食，見到呢間多好評....我就無睇過。啱啱睇返呢度d食評...真係講到好好食wor...但點解我覺得一d都唔好食（唔好比d相呃左）我本身係好鍾意食甜嘢既..但呢杯紫色嘢飲真係好似落左好多糖既糖水🤦🏼‍♀️個明太子海鮮pizza太多明太子醬，搞到好溜，而且唔鹹唔淡，非常古怪，個餅底就更加係難入口，淋茲茲...呢個飯係聽呢度d人話好食可以試下，如果薯片撈飯係好食既，咁呢個飯成功左。本身我見到得少少薯片以為當小食會唔錯，點知薯片既味實在太大，而且本身飯個汁唔多，味都唔出，結果比d薯片搶曬d味，成口都係薯片味。😑（我懷疑個汁同薯片既味太夾）終於到甜品...本來見到個樣都以為甜品應該唔錯掛，點知甜到溜...到底係唔係唔記得已經落左糖，落左double？真係甜死人個女🙄我真係好鍾意食甜嘢㗎☹️不過呢個甜品同杯嘢飲都甜得過份係唔係我口味太奇特，點解同其他食評者差咁遠

每次黎到 WIRED CAFE 都好中意點呢個~牛油果同吞拿魚蓉都好新鮮，感覺好健康！ 加埋流心蛋撈埋一齊食真係好正！♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥