影片
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
以上资料只供参考，请与餐厅确认详情
喺紅磡啟岸巷子2樓，透過露台見到佢開陽得嚟好多燈飾，幾有聖誕氣氛，就上嚟試吓啦。我哋嗌咗兩個dinner set Menu，C 香煎馬利蘭蟹肉餅伴蟹膏忌廉意大利麵$135 呢個相對嚟講性價比幾高，有幾特別。香煎蟹肉餅煎得幾招香，食到入邊蟹肉一絲絲，幾有鮮味。加埋卜滋滋嘅三文魚子，令平淡嘅意粉昇華咗去另一個層次另一個係E柚子海鹽蜜糖法式豬鞍扒$158 份量冇想像中咁大，啱女仔食。豬扒好腍身，有時想鋸扒係個可考慮嘅選擇套餐包柚子沙律同埋餐湯🧉是日餐湯係忌廉羅宋湯，加$10轉龍蝦湯。個湯都有幾多蕃茄蓉，有陣熟悉嘅醬酸味柚子沙律酸甜開胃，好清新。覺得醬汁份量可以少啲，但味道好夾餐飲跟配熱咖啡同凍白桃紅茶即磨咖啡嘅奶好細心咁打熱咗👍🏻暖笠笠飲落肚特別順滑。店員話佢哋每兩至三日就會換茶底，有時白桃，有時蜂蜜綠茶，等客人有多啲新意加配意式炸雞翼（五件）都係$28 好抵食的炸雞翼🤝每隻只係幾蚊，值得加另外試埋是日甜品（ $38 ），巴斯克蛋糕又幾大件喎😋芝士食落都幾誘惑，餅底偏甜聽住歌放鬆一下，過咗個甜蜜嘅晚上
继续阅读
去到馬頭圍道附近做野見到有個靚靚特色商場入面一樓有間 WM cafe & bar望望 menu, 以西餐為主仲有午餐下午茶供應餐廳內空間感闊落以綠葉襯托，有種好green 嘅感覺而且仲有下午茶餐供應就入去試下啦下午茶餐有好多選擇👍🏻每個餐都包主菜加飲品而且仲可以加錢配搭餐湯及小食✨忌廉龍蝦湯🦞 （+12）龍蝦味好濃飲落好creamy又唔稀👍🏻白式cream 嘅拉花亦好得意個湯仲真係有龍蝦肉👍🏻👍🏻完全唔係罐頭開出來嘅味道感受到餐廳好有誠意🥳✨唐揚炸魷魚鬚🦑（+28）魷魚鬚擺盤好靚炸得好香口😋炸粉唔多，所以唔會好厚食落魷魚鬚好脆好有咬口魷魚鬚上仲有香草跟鹽調味底層有沙律菜墊底🥬食落好fresh✨香煎雞柳西西里意粉🍝上菜時真係嚇親份量完全唔似下午茶嘅份量🍽️有一大碟有五塊雞柳伴碟🐔🍗雞柳個塊都好moist 好juicy每塊雞柳都有煎過好有燶邊嘅味道🔥意粉上有火箭菜裝飾最有誠意嘅地方係個意粉係即時製作的食落時仲出緊煙🔥🔥而且有好濃蕃茄味🍅意粉內亦有車厘茄配搭食完碟意粉真係飽咗🍝✨凍齋啡要求走甜真係有走到☕️🧊而且仲幾大杯飲完都成肚水雖然呢個係下午茶餐但份量足以拍得上一份set lunch👍🏻餐廳環境乾淨企環枱面坐椅都好乾淨而且餐廳通風冷氣好充足餐廳有陽光照到嘅位置都唔會熱💨💨餐廳侍應態度親切有禮遞上menu 時會簡介有咩推介對客人要求亦好attentive如果想喺鬧市搵一個清靜舒服嘅地方用膳呢間絕對係不二之選👍🏻侍應仲話好快會有新嘅午餐及晚餐menu 🤟🏻遲下都會想返來試下🥳🥳
继续阅读
🌟係熙來攘往的馬頭圍道，有間頗有特色的商場係啟岸。商場一樓就見到呢間WM cafe。餐廳空間感好大，用左好多綠葉做襯托，俾人好寧靜舒適的感覺。🥢餐廳晚餐套餐包左餐湯，沙律，主菜同飲品，價錢$128-258。另外仲有二人龍蝦套餐，小食拚盤等，選擇都多。🥗驚喜免費沙律坐低無內，職員就送上一個免費沙律，係Parma ham 哈密瓜沙律，好fresh👍🏻🫗餐湯有蕃茄湯同忌廉龍蝦湯。兩款湯味道都好濃郁，誠意十足。🥗沙律好清新的水果沙律，食材都好新鮮，酸酸地好開胃。🐮澳洲和牛牛面肉蒜片茄茸辣闊蛋麵 份量十足！頗大碟。蕃茄味郁濃，仲有墨西哥辣椒，香辣惹味。闊蛋麵口感有彈性，幾掛汁，每條麵都佈滿香辣茄茸😋牛面肉香濃，好腍好和味👍🏻🐟香烤三文魚配香草柚子醬三文魚皮煎得好香好脆，魚肉嫩滑，配埋香草柚子醬好fresh，真心好食🤤🦐吉列炸蝦$28加配4隻炸蝦，性價比高。炸得香口，炸粉不會好厚，恰到好處👍🏻☕️鮮奶咖啡咖啡好香，加埋奶入口好順滑，不錯👍🏻🍹芒果百香果青檸特飲賣相好靚，仲好足料，底杯有大量百香果同芒果，酸酸甜甜，好解膩😆🌟餐廳座位同環境超舒適，周圍的人傾計都會放低聲量，同朋友放工黎食飯談心真係好選👍🏻
继续阅读
今晚收工就過咗黎啟岸呢邊食野，呢邊選擇都幾多同埋唔會太逼，中價位既西餐、日本菜、馬拉菜同埋韓國菜都有WM近年都愈來愈多間，靠穩定既食物質素同埋夠Chill既裝修吸引到熟客，由前菜、主食、甜品到酒水都一站式提供晚市有雙人龍蝦餐，常規晚市套餐都有9款選擇，包括意粉、闊蛋麵、牛扒、漢堡、三文魚同羊扒，由$128起，配上餐湯沙律同餐飲，可以加小小就有特飲同小食龍蝦湯 ＆ 蕃茄湯套餐既湯都有兩款揀，唔係普通白湯，而係足料龍蝦湯，入口有濃郁龍蝦膏香味道，肉粒有咬口；蕃茄湯紅得自然有蔬果香氣，飲落酸中帶甜幾開胃扇貝明太子意大利麵端上檯就嗅到淡淡奶白，扇貝煎得外層有點焦脆，入面仲係嫩滑帶汁，意粉食落幾Creamy有點彈牙，加上鹹香明太子更有啵啵層次感柚子海鹽蜜糖法式豬鞍扒一黎見到有點反光，原來係油光同蜜糖醬汁既化學作用，豬鞍扒火喉控制剛好，外焦內嫩肉質鬆軟，唔會偏柴反而好順喉易咬，配埋綿滑薯蓉極邪惡黑松露薯條兩個人加返款小食，本身以為係普通黑松露蛋黃醬，點知係直接成份黑松露醬驚喜咁加上去，食落去冇咁肥冰川雪山 ＆ 金牛除咗有Cocktail或梳打特飲，呢度都有好多港式雪糕特飲，最靚係呢杯冰川雪山，係白牛再加上藍色糖漿，夢幻感滿瀉
继续阅读
7月之星🎂𝓗𝓪𝓹𝓹𝔂 𝓑𝓲𝓻𝓽𝓱𝓭𝓪𝔂 𝓣𝓸 𝓤𝓼🥳最緊要 年年有今日 🎊大家健康快樂🙏🏻🫶🏻終於比屋企人試埋近來常去的呢間餐廳性價比高，環境舒適，餐廳職員都認得我了🤣甜品碟整得好靚🩷咁多粒中文字都寫得咁好預祝大家生日當天是新請的工人姐姐正日生日🎂真係一屋巨蟹座🦀🦀🦀呢間性價比真係好高，lunch set $100以內，人均$100以內，又有落地玻璃，環境寬敞，服務好，味道好。每次嚟我都會跟餐+柚子雞翼，$18/3隻，熱辣辣脆卜卜我爸媽都係食西冷牛扒，一個薯條，一個飯我就食魚柳，配薯條超大塊，分咗俾大家食都食唔晒細妹食Parma Ham pasta，賣相可以整得再好啲老公食明太子三文魚意粉跟餐有沙律、餐湯（龍蝦湯/蕃茄湯）跟餐飲品有冰茶，不過冇得走冰，我就加錢轉果汁🍹 蘋果汁，冇冰但涼爽好快又會再去呢間encore
继续阅读
您可能会有兴趣的...