Wooden House (已結業)

在復活節的前夕，約左幾位老友一齊食飯，提早慶祝復活節，餐廳有2人及4人套餐的選擇，我們剛好有4人，有前菜、有pizza、有2主食、餐飲、甜品，岩哂我們4個女生，計返又好抵食，$798/4人，所以就揀了這套餐。Starter: 香烤多士佐蕃茄莎莎醬，在白色細盤有大量蕃茄粒，加入莎莎醬，使蕃茄帶有少少酸味，加上香烤多士上食，味道好豐富，是很好食的前菜。Salad: 煙三文魚沙律菜配油醋汁，整體份量好大份，沙律菜好新鮮，每塊煙三文魚都大大片，而且厚身，用黑醋汁撈入沙律來有酸酸甜甜好開胃。Pizza: Napoli (銀魚柳、蕃茄、水牛芝士、酸豆），每一片的pizza都是烘得好香脆的簿片，銀魚柳會有一份咸香味，而且蕃茄味好香濃。Pasta: (1)松露牛肝菌意大利飯，幾位朋友都意愛食黑松露的味道，當店員送上這度飯時，聞到陣陣黑松露的飄香味道，牛肝菌和菇菌的份量亦好多，使每一口都會食到菇菌，意大利飯的硬度剛剛好，而且忌廉味好重，令口感更creamy 。（2）蕃茄煙三文魚闊條麵，蕃茄汁好濃味，上面舖滿哂芝士，當撈勻後，芝士溶哂在蕃茄濃味之中，煙三文魚切成粒狀，整體很好食。飲品：熱咖啡、熱檸蜜、熱奶

今日响炮台山同個客開會，一於就找附近返工個好姊妹放工後一齊晚餐。 問佢附近有咩西餐好食，佢就帶我去到她公司AIA後面條街既一間西餐廳，店內樓底高，燈光環境舒適，啱哂我地食野同傾計見到個menu 有pizza 揀，我就叫左個叫 Napoli 既 薄pizza試下 $148，呢個pizza 我覺得最特別係上面d銀魚柳粒，當清香既芝士配上銀魚柳的咸香，令我覺得對比很強烈而整體又唔會太咸 真係好正！ perfect match ！尤如 咸魚蒸肉餅般咁夾。另外我仲叫左個 松露牛肝菌意大利飯Risotto ai Funghi $158，我本人由於好鐘意食松露 所以一定要試下，當侍應一放在枱面時 松露獨特既芳香即時飄到我的鼻子，牛肝菌口感肥厚，雜菌份量適中，意大利飯軟硬程度也是剛剛好。我們坐的座位旁邊有張美食圖片是：西班牙伊比利亞黑毛豬配烤紅椒堅果醬$288，賣相覺得幾靚所以就order 左一份。 實物同相片都係一樣咁靚，侍應推介我們吃七成熟，而我地就叫左份全熟的。 豬肉即使全熟都係唔硬，煮得啱啱好 豬既脂肪略略滲透在肉裡面 即使唔點醬汁都係唔錯，而我姊妹就比較鐘意食濃味d，所以佢就點醬食，我都試

今日係炮台山出job，放工想食好啲，返工咁辛苦，一定要好好對自己，所以就揀左呢間意大利餐廳❤️地點唔算難揾，係地鐵站A出口一出見到AIA tower直行個街口轉左就到啦 呢間餐廳環境好闊落，樓底好高，所以坐落好舒服好鍾意呢度既裝修，大部份都係木造的🚪簡簡單單而有設計感呢度個menu都好多選擇，我地叫左龍蝦湯配紅蝦刺身做appetiser，烤西班牙伊比利亞羊架同Waffle with Gelato做甜品。。。Lobster Bisque 龍蝦湯配紅蝦刺身成個龍蝦湯既Setting好特別好靚，好似一杯Cappuccino咁佢唔單止靚，仲非常好飲！個龍蝦味好濃好香，湯上面有少少泡，口感好特別好正，真係好有創意唔好睇少佢個紅蝦刺身，雖然佢唔係主角，但佢好好食，好鮮甜又有蝦味Cotoletta d’ agnello alla griglia 西班牙伊比利亞羊架配薄荷乳酪醬我地叫左Medium 五成熟羊架，廚師控制得好好煮得岩岩好，值得一讚肉質好軟熟一切就知，食落口真係好淋啊，伊比利亞羊真係唔同啲仲有想推介佢個sause，係餐廳自己調制既薄菏乳酪醬，通常都只係會用普通嘅薄荷醬，呢間餐廳真係好有心思W

又來到一家浪漫的餐廳，有浪漫的裝潢，有浪漫的氣氛，位於北角這家餐廳，坐位寬闊，主打西餐，酒類都好多款，有手工啤，有紅酒，有生啤等等。但因為今天我揸車出來，所以不可以喝酒，我就叫了一個法國黃油春雞，沒想到他們給的全部都是雞腿，下面配有香草跟青豆，還有牛肝菌汁，特別濃，特別嫩，特別好食。加配這杯Chocolate Flurry，裡面有一球巧克力雪糕，好濃，我最愛的苦苦味，放一下等雪糕溶下去，會有另外一個味道跟感覺。最後在叫一個Risotto Alla Pescatora意大利飯，裡面包括有紅蝦，帶子，魷魚配上龍蝦汁，鮮甜特濃的龍蝦汁，帶子彈牙新鮮帶有甜味，我自己感覺米飯都好像不同，大粒一點，比較有咬口。總括來說比平常的西餐廳不同，這家是我食過比較特別的，食物又好食，師傅好有心機去做。

一間好既餐廳唔係睇人流，係睇食材，成日聽朋友講北角有間餐廳食材非常高級，今日終於有時間帶屋企人黎食下。去到門口見到人唔太多，但裝潢就非常有特色，未食都覺得好高級，坐低唔夠15分鐘，人流開始出現，慢慢已經坐滿人。黎到餐廳第一眼就見到門外，餐廳內都有呢個美國西頂級穀飼肉眼扒配蛋黃醬已海報，當然要即刻叫一份黎試下啦，我叫左3成熟，餐廳超細心，上菜時已經切好一件件，真係高級貨，超級靚，外肥內廋，咬落去超淋，肉汁幾多幾濃郁，頂級美食。跟住在叫多個煙三文魚Pizza，我平時真係好小食Pizza，但呢個真心好好食，佢既材料有煙三文魚，中間夾住小小酸豆，煙三文魚上面放左芝士碎，最特別個皮，好薄好脆，比起出面食既薄批仲要薄，食落啖啖煙三文魚配上脆脆味，口感一流。最後叫多兩個支特別既手工啤，一支芒果加熱情果味，芒果味重小小，好香，仲有一支荔枝加熱情果味，同芒果味最大分別係有小小酸，但都係好香。呢到就算坐滿人，但感覺都好清靜，好舒服，拍拖黎食會非常浪漫。

蕃茄闊條麵 $128呢個闊條麵份量好多而且好足料，絕對夠3-4share嚟食。闊條麵質感帶少少彈牙，唔會淋滋滋的。味道方面，酸酸甜甜嘅蕃茄醬，配上蕃茄仔，煙肉，紅椒同芝士，非常豐富！每一啖都食到好多煙肉，而且味道同蕃茄闊條麵好夾，係飽肚之選😋比利時特色手工啤酒 330mlPalm Speciale Belge啤酒係偏清甜嘅，帶微微焦糖味，麥味好出，但一啲都唔苦澀！呢隻啤酒口感比較light，飲完唔會濟，幾啱女仔飲👧🏻西班牙伊比利亞黑毛豬配烤紅椒堅果醬 $288店員推薦7成熟係最好食☺️，黑毛豬好厚身同埋嫩滑，有種入口即溶嘅感覺😋，份量都有6件，配菜有薯粒🥔同埋蕃茄仔🍅好鍾意個紅椒堅果醬🥰，食落口感覺微辣同埋有清香嘅堅果味，配埋黑毛豬一齊食提升左肉味嘅香濃！窩夫配意大利雪糕 Waffle with Gelato窩夫係朱古口味，而意大利雪糕可以自行選擇味道，簡左朱古力口味🍫😆窩夫內脆外軟，意大雪糕係自家製作，口感好滑好細緻😚，朱古力味好濃郁，碟上仲好細心地灑左杏仁片同埋朱古力粉做裝飾，整道甜品唔會太甜，係飯後必食之選👍🏻

在炮台山AIA大樓附近，有新發現原來這裏有一間西餐廳，值得一試。餐廳環境寧靜優雅，絕對適合情侶、家人、朋友聚餐。我們要了兩個餐前小吃，分別是燒八爪魚薯仔和煙三文魚。燒八爪魚的份量其實也不算少，而且燒得很香，八爪魚下面是一塊塊燒過的薯仔，香甜可口。主菜叫了蜆肉白酒意粉，蜆很大隻肉也算大，絕對新鮮，意粉比普通意粉較為粗身和扁身，平常很少吃到這種意粉，但也很美味的。另外叫了一個蘑菇pizza，這種Pizza用三種嘅菇類製成，包括牛肝菌，吃起來滿口一陣陣非常香的菇味，我是菇類粉絲，啱晒我胃口！批邊也非常脆和香口，這個Pizza值得推介。

Wooden house? 個名幾得意喎，就同朋友比個名吸引左入去食。由於我同我朋友都唔算大食，所以大家嗌咗個沙律，意粉同牛扒。叫咗三文魚沙律，非常大碟，沙律裏面仲有車厘茄同nuts，nuts加咗落去，感覺幾好，因為食食吓個口感有改變，而又唔係太硬既nuts，唔錯。同埋nuts可以中和吓沙律醋嘅味道。煙三文魚都有好多塊，分量方面真係比滿分。意粉我哋帶咗個闊條麵，裏面嘅芝士煙肉非常好味，同埋廚師整得比較乾身，食落去唔會覺得一pat pat。味道非常分明，芝士蕃茄味為主，不錯。肉眼扒我哋叫咗五成，廚師都拿捏得幾好，有相為證。肉眼扒食落一啲都唔多筋，仲要非常易咬。佢仲會附上蛋黃醬，但我個人就比較鍾意原汁原味。Jungle joy 都幾好飲，有少少水果嘅味道，酒精含量好似係6%左右，唔會好甜。總結：喺炮台山附近嘅朋友，呢間野，值得一去。

在炮台山AIA後街這間意大利餐廳，格局幾有情調。而且非常非常闊落，樓底又夠高！所以坐得幾舒服。主菜非常吸引，西班牙黑毛豬配烤紅椒堅果醬，豬鞍厚切大大塊，還有蒜粒，rosemary香料增加香味，香料味道完全慘入豬鞍。豬鞍肉質富有彈性，非常吸引，加上烤紅椒堅果醬，更為惹味。豬鞍size幾大。都幾抵食！叫左pizza, 係薄切 pizza, 餅底好香脆，巴拿馬火腿，火葥菜，水牛芝士做 toping, 清新帶點咸香味，不錯的選擇。還有天然果汁汽水做緊優惠，18蚊枝幾好飲，唔會死甜。最後食埋甜品，意大利雪糕加waffles, 可以選擇不同味道，這就是血燈拉朱古力餅底。超正！！意大利雪糕質感似雪芭。好味

炮台山地鐵站附近內街有間以木為主題的西餐廳 環境清靜旁邊就係一幢幢辦公大樓最適合就係放工嚟happy hour另外凡叫任何主菜 都會附送紅或白餐酒一杯美酒配佳餚 非一般享受Griglia di pollastre $188法國黃油春雞 外皮非常香脆內裏肉質仍然維持鮮嫩配上青豆香草忌廉汁 非常creamyRack di maiale iberico $288材料係來自西班牙伊比利亞黑嘅黑毛豬雖然有有點過熟 但味道仍然不錯配上紅椒堅果醬汁 帶出黑毛豬香味

無行開一排，發現北角aia中心圍住嗰個圈開咗好多唔同嘅食肆，其中有幾間都幾出名，成日大排長龍。但係大家不妨行下後邊條街人比較少，但係原來啲餐廳質素都非常之唔錯。今次來時呢一間西餐佢平日夜晚會有二人嘅套餐，但係今日我哋就選擇咗散嗌，叫咗一個牛扒，拒份量相當之多，而且比我想像中有驚喜。佢同出邊嘅牛扒味道唔同，就算唔點油都會有陣陣嘅蒜香味，咸香。而且牛扒嘅質素十分之唔錯，有濃厚嘅牛味，脂肪同嘅分佈都非常之好，勝價比高。另外就係呢一個牛肝菌芝士黑松露Pizza 呢一個手工制嘅Pizza係用咗薄餅皮比起我鍾意食嘅芝心批感覺好似差d，但係食起上嚟個感覺又真係十分之唔錯喎 ，因為佢嘅皮比較薄所以先可以更加突出佢嘅配料味道，好香好濃，我十分中意。

✿╮❤╭✿ ✿雜感女生   好味日記✿ ˚*•✰。Wooden House．意氣food發。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 朋友公司在炮台山，大家OT得差不多 就在附近找了家餐廳吃飯Wooden House是一家很有氣氛的餐廳主打意大利菜式，很適合慰勞OT後的心靈Lobster Bisque 是泡泡龍蝦湯 以玻璃杯上台，非常可愛 表層是香噴噴的泡泡，似一杯飲品卻是香熱濃湯龍蝦湯非常香滑美味，新鮮的紅蝦刺身極鮮甜Octopis-Polpo Patate 燒八爪魚、薯仔、松露 grill香十足，非常惹味，是不錯的開胃前菜Pizza Marinella Parma Ham 屬於薄脆式的Pizza，包括巴馬火腿、火箭菜、水牛芝士 巴馬火腿獨特的鹹香，令整體感覺更有意大利風味水牛芝士香滑，帶來拉芝效果！Waffle with Gelato窩夫配意大利雪糕 Waffle可選味道，點了朱古力味 配香甜幼滑的雲呢拿雪糕清甜的蜜糖，甜品水準不錯Chocol

今天約了朋友吃午飯，朋友工作的地點在炮台山，他就帶了我到他平日的飯堂吃午餐。我點了 set lunch 入面的是日鮮🐠今日的是日鮮魚是香煎盲曹魚，感覺很健康，外皮煎到趣卜卜，但想不到魚肉可以keep 到鮮嫰可口，啖啖魚肉，但一點也不腥，而且有甜甜的味道。平時嘴刁的我，對這個魚也感到十分滿意。另外我還點了一份沙律，感覺有營又健康，畢竟午餐想吃輕食一點的東西，所以沙律🥗與盲曹魚的配搭非常好。另外餐廳環境裝修整體感覺不錯，落地玻璃令人感覺開陽舒適，今天和朋友就過了一個悠閒的下午，暫時脫離煩囂的世界，好好享受一頓午餐。

終於黎到星期三, 仲有2日先放假唯有搵間坐得舒服既餐廳食個休閒既午餐, 忙裡偷閒一下啦~Wooden House係正公司留下, 真係落雨也不怕啊叫左Lunch Set入面既是日鮮魚, 而今日既款式係香煎盲曹感覺有營又健康D痳~我地另外跟餐加左沙律,佢地既沙律係Salami, 沙律菜配香醋同埋橄欖油食落一D都唔會DRY至於香煎盲曹真係好香口!外皮煎到脆卜卜, 但肉質依然嫩滑就連配茶既薯蓉都係加左香料煮成, 真係好有心機啊!

若不是約了好友飯聚，平日甚少踏足炮台山，好友於AIA Tower工作，原來於友邦廣場亦有不少食店。Wooden House位於電氣道後面的宏安道，屬於較僻靜的位置。Wooden House裝修很簡約，很配合餐廳的名字。枱面有冷熱水各一瓶，既可減少打擾客人，亦讓客人各適其適。餐牌選擇不算多，可能是專注做好主打菜式吧！煙三文魚 酸豆 刁草 檸檬油醋汁先上前菜開開胃。煙三文魚十分油潤，屬優質貨式，配上酸豆、切片檸檬及紫洋蔥絲為菜式帶點清新感覺。Wooden House Salad以橙塊、車厘茄、榛子、紫洋蔥絲、藜麥及雜菜製成沙律，拌上油醋汁，食味有點點黑松露的幽香味，令沙律變得甚為可口，香氣四溢。Penne alla Carbonara卡邦尼長通粉煮得非常熱辣，柔軟而富有彈性，沾上芝士煙肉蛋黃，香濃惹味，就算兩人同享一碟，亦不會有飽滯感。法國黃油春雞春雞屬於嫩雞，體型小皮下脂肪亦少。菜式有雞脾及雞胸各兩件，下面伴有青豆。黃油春雞皮脆肉滑，就算是胸位亦鮮嫩多汁，脾位就更加肉質滑溜。叫主菜會贈送紅酒或白酒一杯，如果叫上兩個主菜就會各人有一杯餐酒，可以節省點點金錢。