XOXO Café Lab (已結業)

朋友來我家打牌，打完四圈有個朋友要自走，所以惟有休戰去吃個晚飯啦。打算吃壽司但仍有好多人等位，我們已經十分肚餓，又見到這間餐廳半價，所以便入去。餐牌很多選擇，我們各點了三樣share吃先來黑毛豚肉，份量有點少，豚肉味道可以，但湯似是開粉出來，喝了一啖就放棄了Pizza也不大，配料是定番的配搭，吃下去不過不失這個賣相很吸引，面頭的蛋白泡泡口感很特別，頗好吃。下面是菜、蕃茄等等，面包也烘得不錯，算是比較好吃的一道菜埋單每人五十多，十分抵吃，茶餐廳價錢但吃到fusion菜，不過若是正價就有點太昂貴了，我們三人點了三個主菜都不飽肚。值得一提侍應態度十分惡劣，叫了很多次才有回應，而且愛理不理⋯

唉 今次係我衰，有朋友一早講呢間餐廳係會食到人火滾，但因為貪平（有半價）既關係，就鬼掩眼咁走左入去喇...點解話會火滾呢？因為啲侍應會當你透明咁囉，無服務之餘，舉手無人理，埋單無人理，叫到人過黎仲會黑面俾你睇，有一下真係嬲到想走架；但望下隔離枱，原來都係咁既情況，即刻慶幸唔係自己既樣貌問題算，講返野食。呢個豚肉肉身夠厚而且煮得都淋，加埋本身個sauce送飯一流但個湯飲完好口乾...蕃茄好大塊，芝士相比之下就較失色了。至於其他配料如菠蘿都落得好足，加埋脆卜卜熱辣辣既薄餅底，唔錯至於呢個就要讚下既。頂層既蛋黃拌上厚厚既泡泡好吸晴，撈埋三層脆脆既麵包黎食感覺新鮮；中間啲肉肉夠惹味，但食完亦唔會感覺十分滯雖然食物質素叫做中上，但服務態度都好重要，今次唔俾負評已經偷笑了

今日第一次試呢間既早餐，叫左個茄通粉，食入口第一啖，d食物好似左好耐咁，味道好奇怪，本人從未食過味道咁奇怪又咁唔好食既茄通～食過呢餐之後，要即時過其他舖頭食過另一份早餐。

由於新年期間不幸中了乙型流感，新年間的所有聚會都推曬，只好新年後保番…… 病好當然要食番餐好既，約同女性好友去左個可愛度十足的Cafe晚餐，餐廳裝飾女性化，大部坐位都是沙發，感覺舒適，好友比我更喜愛這裡的裝潢。 上主菜前，先點了飲品（百香果冰綠茶、蜂蜜檸檬水果茶），飲品十分精緻，味道清新；冰綠茶中有一粒粒的蜂蜜珍珠，有咬口，又有驚喜，但記得飲前要先攪拌；水果茶中的果肉，份量多到倒唔出茶。哈哈。 前菜是鮮蚵仔泡菜蛋餅，看似pizza，上面都是泡菜醬汁，切開就見到大大隻的蚵仔同泡菜，食落口，雖然蛋味濃郁但亦食得出蚵仔的鮮味同泡菜。 可以好似pizza咁自己切，好食又好玩，哈哈。 主菜是海鮮三文魚抱泡鍋飯，上檯的時間是熱辣辣的；相信鍋飯上的是蛋白泡泡，焗完之後是金黃色的，黑色的是類似飯素的調味料，打開泡泡就見到內裡有芝士、三文魚同醬油飯。將所有的食材伴著一起起食, 三文魚的鮮味和醬油飯的香濃十分搭配, 加上泡泡及芝士, 令每一口飯都煙煙韌韌又帶點芝士的香味, 令味道更上一層樓。

今天與友人開到這裡用餐由於晚餐時間太早，兩人都不太肚餓的原因所以我們叫了一個薄底pizza及沙律，小食share香芒海鮮pizza 🍕海鮮🍤🐙足料而且餅底夠脆 🍕芝士🧀同番茄🍅底係最佳組合加上焗過嘅芒果甜味更突出 甜甜的芒果果肉中和左芝士嘅油膩 估唔到將水果加入pizza都幾match 😋七味燒魷魚🐙魷魚本身冇咩味道，肉質彈牙。七味粉吊味可以帶出魷魚嘅鮮味。鮮果沙律大大兜，沙律菜新鮮，水果尤其是火龍果很甜，女士keep fit必食見到這裡的甜品好吸引，有機會的話再黎食啦

過左新年，食左住家飯幾日，終於可以出黎走一走，呢個商場開左幾多新食店，所以就算人流多都容易搵到想食又不用等位既餐廳，見到Xoxocafe新年都有主餐牌半價優惠，咁就值得試下原來是一週年紀念選擇都有好多但最後要左兩個set lunch連飲品煙三文魚忌廉黑松露意大利粉，唔太濕，但友人覺得味道有點濃，我卻覺得恰可雞扒咖哩蛋包飯，呢個最推薦，有少少沙律點綴，雞蛋好滑，咖哩都恰到好處，唔會太水，如果唔喜歡雞扒，可以要其他內類，如牛扒等要左兩杯凍奶茶，亦有一大支水提供俾你當然，要左一份main menu既炸雞，友人好驚炸雞好乾，但呢度既炸雞仲好juicy，所以話咁快就俾佢食曬所以總結呢講呢度性價比起碼值4粒星👍🏻成日食應該可以入會🤣

可圈可點，總體來說對得起價格。紅燒牛肉麵湯底濃厚麵條勁道有嚼勁。不過牛肉一般般，肉筋兩參，大小不一，水準一般。仲有半顆流心蛋算是驚喜~~餐廳小但看起來很精緻，服務也都中肯！

今日去tko辦事，因為本人好少去呢區，所以唔知有咩好野食，之後一路行行下就有間cafe ，外面既環境都幾靚，於是就小吸引左我入去試下。由於第一次食，所以都點啲正路即食物，我喜歡食牛柳，點左鐵板牛，另外加8元有杯飲品，味道不錯，好夠味道而且幾多料，第一次去都算係咁，唯一心中不足，就食物等得耐左少少。其他都合格。飲品方面係一杯檸檬蜜糖，之後加錢點左個炸雞粒，好正，唔會話好厚粉個隻，所以一個人食係別有一番風味。

話說今日去將軍奧見工，見完份工之後覺得需要填下個肚，下下行去左一個商場，入面都幾大，而且都幾多餐廳選擇，我決定隨機揀一間，就決定去左間環境唔錯既 cafe , 入面主打食面同鐵板，用左5分鐘睇個餐牌，就點左個芝士辛辣豚肉公仔麵，聽個名都好架勢。另外加12元有杯珍珠奶茶。個公仔麵一黎到，就己經聞到好香既芝士味，同埋陣陣既辛辣味，不過我覺得唔夠飽所以點左小食，雞粒有少少over cook ,不過味道可以。同埋成個環境好舒服，而且服務都好貼心，只不過係等食物有少少耐，可能下午時段。第一次幫襯，印象幾好。

是日店鋪打著一週年旗號進行半價促銷。姑且別提海報與員工推銷手法有誤導之嫌。員工點餐帶有譚仔口音，「蕉同」咖啡口誤成「焦糖」咖啡，更遷怒顧客，讓人欲哭無淚。烏東額外收費，他不說，直接問你要飯或烏東，挖坑式點餐，劣食級體驗，盛惠81。$81 享受街邊檔式服務，M控首選。

當晚我地一行4人食左少少野但係又未飽，行下行下就見到佢做緊50% OFF，咁我地見佢咁抵，就決定食呢間啦~因為男士們好肚餓，我地叫左鐵板芝士燒韓國豚肉拉麵 + 煙火腿蕃茄意式比薩，另外女士當然係偏好小食啦，所以我地揀左七味燒魷魚 + 士林炸雞。鐵板芝士燒韓國豚肉拉麵：點解可以咁辣架？！我都自問食得下辣野，但係呢個我真係頂唔順。至於麵質，韓國麵一如既往地煙韌。豚肉肉質相對上唔算有彈性，入唔到味之餘本身都食唔到有咩肉味。煙火腿蕃茄意式比薩：唔記得個pizza有菠蘿，難為左老公．．．pizza 蕃茄味重，煙火腿相對上無咩味，對於口味偏淡嘅人應該會好適合。pizza 可以再烤得脆身少少。七味燒魷魚：魷魚係我其中一個至愛，呢個魷魚好新鮮，肉質非常彈口，加上外脆內軟嘅質感，同埋啱啱好嘅七味粉，完全無蓋過魷魚嘅鮮甜味，我一食就停唔到好~ 士林炸雞：炸雞從來都係我地最愛，而且佢地炸得油而不膩，肉質亦非常鮮嫩，一咬落去重有好多肉汁，炸粉唔厚，食落好鬆化~

網上見到有好多好評，所以今日就黎試試，餐廳佈置係好靚既😃😃牛肝菌汁牛柳蛋包飯，份量好多，但好漏午餐有跟餐湯同包，湯得得一款比你簡 (忌廉湯)，勁鹹 😵😵😵😵咖喱抱泡飯，賣相好特別，但係完全無咖喱味，抱泡係蛋白，同飯本身唔夾，唔好試 🤦‍♀️🤦‍♀️🤦‍♀️溫泉蛋肉醬義大利麵應該係穩陣之選，好失望，肉個陣味好似未處理好咁😥😥😥呢間野真心好伏，點解咁多唔會再食亦都唔會推介 😂😂😂

今時今日的餐廳單靠食物已經不夠，所以這間XOXO Café Lab就以創意突圍而出。單看餐牌已經可以發現不少創意菜色，令人耳目一新，同時令有選擇困難症的人苦惱，不過可以問問店員詳細介紹菜式鐵板芝士燒豚肉拉麵上枱時熱辣辣，已經聞到芝士及香辣的味道，令人垂涎三尺。拉麵軟硬適中，入口香辣惹味，加上旁邊的芝士和雞蛋，非常配合雞肉咖哩抱泡飯XOXO Café Lab的招牌菜，吸睛度滿分，外層的抱泡口味微鹹，口感軟滑，配撘下面的飯一同入口，十分特別野莓巧克力親親蜜語外層軟綿綿的綿花糖，包住一粒粒蜜糖炸多士，甜蜜美味，伴以酸甜的野莓，正好為這餐作結。

第一次去覺得味道幾好，下載APP做會員有奶茶送1次，覺得幾好，初初打算以後都來吃。第二次再去已經有待應黑面，趕時間，未點完菜已經走開，執野丁丁當當大大聲。我唔知係咪踩左10日反左12個鐘，但係關客人乜事我差d以為我自己去左佐敦 澳牛。講反d食物，叫左幾個飯，冇貨，再揀又冇，最後迫住食面。呢個豬骨幾正，味道唔差而盬酥雞也有台灣人的味道奶茶同檸茶就行貨啦，都Ok最後我會繼續去食，因為食物唔差，但希望唔好成日冇貨又比個餐牌人地䏲又唔講邊d冇。

唸住食個早午餐，行到去TKO gateway (厚德）見到呢間餐廳就走入去食，其實比佢個送哈根大師吸引左餐廳其實我之前食過一次，食甜品tea 我就覺得ok ,可能我唔太好甜品。今次試下佢午餐，午餐menu 有三個section 蛋包飯丶全日早餐同意粉，我覺得佢啲野好吸引，雖然冇食蛋包飯但見其他人食賣相好靚，我叫左個海鮮意仲包餐湯野飲，加期間限定Haagen-Dazs,好抵食$6x一個lunch ，我本來諗住係食環境，因為餐廳環境好開揚，但原來食物都好有水準！值得同friend黎慢慢嘆傾下計，但有一個失誤的地方就係上菜方面，我隔離個女人叫左好耐，但野食都未到，吹下佢都等好耐先有得食，連隔離的都「遲黎先上岸」，可能都係個別事件，因為我叫到唔係等太耐，可惜比我見到但整體來說真係正，下次試下蛋包飯