XOXO Café Lab (已結業)

 去坑口買完嘢，搵個坐得舒服啲地方，去咗xoxo cafe，又好鍾意佢哋嗰啲好有創意嘅食物。今晚想食得輕盈啲，所以要咗個all day sandwich，裏面有煙三文魚同埋煙腿，三文魚同煙腿都好大塊，配上三層麵包 ，飽就足夠嘅，烘到香脆，食起上嚟特別開心，最特別嘅係頂層嘅麵包加咗發到好高嘅蛋白，賣相非常搶鏡！蛋白入邊種窩咗一隻流心蛋黃，營養加分。當中都有 蔬菜，平衡返成個三文治嘅營養。好鍾意食魷魚，但係炸嘅又嫌太熱氣，所以要咗個七味燒魷魚。外脆內軟，肉質 彈牙， 七味粉輕輕灑在上邊，但又唔會太過濃烈蓋住咗魷魚嘅鮮味，值得一讚。 分量比較細，小食多滋味！飲品係熱嘅蜂蜜檸檬水果茶，喺突然間凍到得返幾度兼非常乾燥嘅冬天，用蜂蜜滋潤，十分重要；加啲檸檬，多啲維他命c，等身體都強壯啲，減少感冒嘅機會。水果種類好豐富，有唔同質感，咬口一流 ，顏色亦都夠吸引，味道好之餘，打卡呃like都唔錯！

藍藍哋色嘅情調， 鮮明活潑。 在 TKO gateway，一上扶手電梯就見到. 入面有優雅閑座位。餐牌整得好靚, colorful鐵板芝士燒豬肋排, 車打芝士煙韌， 燒豬肋排很鬆軟。 烤薄餅雖然是無味，但配上厚芝士就差不多。鮮蚵仔泡菜蛋餅， 雖然有泡菜但是不辣的， 很有台灣風味， 蛋味不濃， 外皮是很薄的， 很值得一試.鹽酥雞件脆炸但不油膩， 同 台灣嘅鹽酥雞味道差不多， 好似去了台灣食， 仲有沙律伴碟，夠健康。呢度仲有甜品食， 很多菜色很精緻吸引，口味獨特，很適合後生一族。

東港城擺左老婆最愛嘅Miffy場景佈置同展覽, 我地約左收工係坑口集合, 搵餐廳醫飽肚就去同Miffy影個夠。📷厚德商場改建左做TKO Gateway之後, 我地都未係呢度開個餐, 今日經過見到呢間XOXO Cafe Lab裝修幾有特色, 有韓式同台式食物選擇, 而且價錢都唔貴, 所以決定係呢度撐枱腳。😁我地7點未到就入座, 客人仲未係好多, 我地兩個坐係卡位, 座位好寬闊, 餐廳裝修同菜牌顏色好鮮豔, 老婆好鍾意呢個風格, 不停影相。😆同老婆食飯要食多d菜係必然, 我地除左點沙律之外, 仲點左一款以菠菜做餡料嘅餡餅, 再加一個鍋飯, 兩個人夠哂食。😋我地揀呢個辣麵醬煙三文魚沙律好有韓式風格, 辣麵醬唔太辣, 唔酸, 有少少咸味, 配爽脆嘅沙律菜同煙三文魚, 非常惹味。👍菠菜白菌芝士薄餡餅好大份, 內層芝士味濃, 菠菜清新, 餅皮香脆, 加上白菌加強口感, 呢個餡餅非常出色。😚香味咖哩鹵肉溫泉蛋抱泡鍋飯非常有造型, 頂層蛋白非常厚, 蛋白舖滿香料, 鹵肉飯味道濃郁, 加上溫泉蛋撈飯, 味道唔錯。最後嘆埋杯可愛都爆燈嘅Cappuccino, 呢餐超級滿足。😆埋單每位$145, 性價比唔錯

之前見到依間餐廳個抱泡飯咁多人打咭所以一直想試下，今次一個人黎食，就叫左個海鮮味嘅雞肉抱泡飯同鴛鴦珍珠奶茶珍珠奶茶令我幾有驚喜，因為我見個名以為係黑白珍珠奶茶，點知鴛鴦嘅意思原來係黑珍珠同蜂蜜爆珠，個配搭幾好飲好彩我走左甜，如果唔係嘅話加埋爆珠實太甜啦不過$33一杯再加埋加一我覺得有少少貴期待已久嘅抱泡飯就令我有啲失望因爲個蛋白表皮好韌，可能係焗得太耐，加上温度只係微暖，食落怪怪地咁而入面啲雞肉嘅雪味都比較重，食落一般~個飯底都唔錯，係本菇炒飯，襯托住淡身嘅蛋白就岩岩好但係，個飯話係海鮮味，但我食完都唔明佢海鮮在邊個位，可能係蛋白上面啲味粉掛百幾蚊都唔平架總括黎講個飯影相效果ok, 但味道就一般~ 試過一次就得啦

平時都有食開其他嘅分店，雖然都係係夜晚去食。經過開呢到見到有一間，就黎黎食下啦同朋友 。首先叫咗個蛋飯配自家制漢堡。朋友叫咗個牛肉意粉。 因為套餐嘅關係 會有前菜同湯，但係竟然先上主菜，湯呢？！ 上菜不分次序。湯到主菜都涼曬。第一啖試湯 。。。。。味道不太好， 未至於去到難飲， 再去試下佢所謂嘅自家製漢堡。。。。 根本就係肉餅 普通肉餅就肉餅啦， 鍾意玩文字遊戲 講到好有自家製咁嘅普通肉餅。。。無言 ，主要係 呢個肉餅味道都係一般般。到朋友果個 牛肉意粉， 開頭食冇乜嘢， 味道偏重偏鹹。 食到一半佢係超級鹹， 去到後期完全唔想食。估唔到唔同嘅分店 係會相差咁遠。

係呢頭踩完單車，就黎附近食晚餐。呢到既台式同韓式野食都唔錯。黑蒜濃雞湯鹽酥雞拉面$58雞扒可以再熱少少，炸粉較多，但係拉面湯底還可以，可以自己加湯。韓燒肉汁烤牛肋骨配生菜$118雖然冇揀白飯，但配生菜都唔錯，可以用生菜包著牛肉，燒汁下味道好出，牛既口感亦ok ,個汁好香!芒果雪花冰芒果果肉非常甜，雪冰加左糖漿，一入口即溶非常透心涼。芒果青蘋果水果茶$48水果茶好清新，雖然甜左少少，但浸左生果果肉，好fresh, 可以同朋友share

兩個女生晚飯談心去，來到這家裝潢夢幻的餐廳。星期一的晚上8點，食客不多。我們坐在卡位，點了一個飯和一個拉麵。你以為是甜品嗎？😏其實它是鹵肉溫泉蛋抱泡鍋飯 $98。一大層表面佈滿孜然、黑芝麻等香料的極厚蛋白，埋藏著最下層的鹵肉飯和溫泉蛋。外型非常特別，味道亦一流！另一碟是海鮮鐵板芝士燒韓國拉麵 $78！拉麵有點淋，芝味不夠濃郁，但配上韓式辣醬，加上豐富配料：蛋、蝦、魷魚、帆立貝、菇、洋蔥等，令整碟鐵板拉麵非常滋味🤤有機會的話，希望可以試試鐵板餐和火鍋！

屋企附近冇太多茶記食嚟食去嘅早餐都係太興、美心咁今日要換下新鮮感早餐A 可選粉麵配多士而我今日揀嘅係all day breakfast 牛奶抄蛋白好似幾健康咁，但係有啲油膩，味道係唔錯多士略微太細份同太油飲番杯即磨咖啡係早餐之選

之前食過九龍灣嘅xoxo 今次見坑口有就試下！佢嘅lunch set都有好多款我就叫左個歐陸全日午餐，有9款食材揀3款，我就揀左雞肉腸、鮮奶蛋白同豬柳。仲包左個是日餐湯、薯餅同蒜蓉包原本有麵包布甸但因為果日無，所以就比個蒜蓉包代替 叫左餐一陣，就已經送在薯仔湯同蒜蓉包黎，個湯唔算好濃，不過有少少薯仔粒，都幾有咬感，個蒜蓉包就好香脆，配埋湯都幾夾 歐陸全日午餐份量都好足，有蛋沙律又有茄汁豆，鮮奶蛋白都幾滑，不過好油，雞肉腸好好味，值得試試，豬柳就好似豬扒，唔算好嫩北海道牛乳蛋包飯有得揀吉列豬扒、吉列魚柳、漢堡排、照燒雞扒仲有另外兩款我地就叫左照燒雞扒但磨茹汁比我想像中濃而且好入味可能因為加左牛乳個汁都好滑美中不足係個蛋包得啲飯唔夠實間餐廳嘅設計都好歐陸風好舒服如果坐近窗仲會有cushion最重要！食完正餐仲有haagen daz當甜品食

坑口 Gateway 有唔少餐廳，黎 Xoxo Lab Cafe 食野，一來韓式加西餐既元素已經大衆容易接受。二來性價比高，人均一百零就可以又飲又食。XOXO 位置好便利，一上扶手電梯已經睇到。粉藍色既裝修，中性得黎，又有少少童話世界 feel. 所以就算男仔陪女朋友來，都唔會覺得尷尬。之前同個女仔去一啲全店粉紅色嘅公主鋪頭，其實真係坐得好唔自然。所有promotion 都show 喺唔同既 broad. 一目瞭然。仲有會員優惠添。打開Menu ,一見到呢個抱泡飯，就好想試下，甘得意又誇張，唔好話女仔，我係男仔見到都好想食，二話不說，即刻叫咗個海鮮三文魚抱泡飯試吓。海鮮三文魚抱泡飯 138元呢個抱泡飯要焗20分鐘，一上場我哋都好心急想食，但係一時之間都唔知係邊度落手。唯有殘忍地用叉篤爆個泡泡。。。。三文魚飯份量幾多，都夠兩人食，整體來說，幾好味。鐵板芝士燒牛肋骨 128元芝士控一定會好鍾意呢個鐵板芝士燒牛肋。滿滿既芝士團做底，每次食都好似麥芽糖咁，將芝士拉到成呎遠，睇到芝士半溶狀態，好滿足！呢碟菜既重點唔單只係芝士，個牛肋骨都係好好味，醬汁醃到入晒味，牛肉亦非常柔軟，附送的餅，就係用

XOXO Cafe Lab 可愛浪漫的裝潢，應該吸引不少文青或年輕人吧！粉藍色為主調，加上可愛的大頭卡通，夢幻之餘，不會一味賣弄粉紅系的天真，這又是否足以吸引你的眼球？吸引眼球的，不只是它的裝修，這裏的飲品、食品，都看得出老闆的創新和認真。一杯普通不過的 hot latte HK 32, 用棉花糖取替糖包，讓大人天地裡的咖啡變成仙女們的糖水！喝下去，咖啡和奶的平衡感，加上溶化的棉花，像在夢境裏喝咖啡！這芒果雪沙 HK 44鮮濃的黃色，已告訴你他們用了大量真材實料的芒果打造，芒果汁味真的好真實、好甜美！雖然係雪沙，但濃郁的芒果汁沒被冰沙溶解，是芒果迷必喝之選。食物的造型也教人歡喜無限、驚喜不斷！泡菜豚肉泡飯 HK 138用蛋白打造軟綿綿的白雲，燒一下表面再濃上調味，大大的雲朵令人愛不釋手！試探一下雲內的奧秘，裡面是豚肉泡菜炒飯！辣口的泡菜，喚醒外冷內熱的心情！這個泡菜豚肉飯比較濃味，配著芒果雪沙，讓舌頭遊走於熱情與冷靜之間。芒果海鮮 pizza HK 78這個芒果海鮮pizza也不錯。千島醬做汁，酸酸的刺激，夠開胃。濃厚的芝士能拉絲。海鮮包括大蝦、八爪魚、魷魚、蜆肉等，整體來說 HK

又到左一年一度入坑口拿雪糕月餅時間但住係將軍澳既人應該都知坑口真係沒咩野好食都係千篇一律既連鎖式餐廳係出發前搵一搵openrice大神睇下坑口有沒咩新搞作之下就比我搵到呢間難得一見既cafeCafe 以藍色溫馨格調佈置為主！仲有啲cute cute cushion~Menu 方面咩式都有 有台式 有韓式 都有西式...任君選擇～野食方面叫左3款share食 兩個女仔食剛剛好1/ 紫菜韓風沙津紫菜是先裹上粉醬再炸 而不是把現買的紫菜現配上呢款沙津食落都好fresh 做前菜岩哂2/台式蚵仔蛋餅蛋味香 與鮮味的蚵仔簡直prefect match!唯上面的醬太多 搶去左蛋餅的原汁原味！3/燒牛肋骨配生菜可選配飯或者生菜 偽健康的小編當然選生菜肉的分量不少 而且肥脂分布均衡！最重要是其醬汁十分香口 係配飯一定會encore 白飯個種味但單吃會有點重口味 配生菜/飯就剛剛好了～

今天例假與友人約會 high tea. 剛剛在坑口，便揀了在 TKO gateway 內既 XOXO cafe. 裝修不錯感覺很 田園feel 及舒適。店員安排我們坐卡位，還有特別可愛的古𠱸及裝飾。中午還可有set lunch 選擇 。只需$43。所以我們看過餐牌後點了七味燒魷魚 $52 魷魚燒得剛好，外脆內軟。值得一讚。手工咖啡 $48 - 視覺已經好享受，咖啡濃度適中。最特別配以棉花糖，仲可以玩樂一番。將咖啡淋落棉花糖即刻溶解，好好玩啊！熱帶鮮菓優格沙律 $68 蔬菜新鮮，生菓有藍莓、士多啤梨、火龍菓等等配埋優格醬，果然perfect match.熱洛神雪梨茶$48 - 好香既洛神花配合雪梨香甜，飲落好舒服。最好就係食飽後，不用出外已經附近可shopping 一番。

開學已大半個月了，同學仔的心情亦融合校園的生活，我的生活亦因開學也忙起來了，每天都是為兩餐而忙碌。在家食得多，也想出外食，今晚只得我倆食飯，心知細仔喜歡食炸雞，當然是帶他到家附近的餐廳食飯，我亦可以輕輕鬆鬆過一晚，唔使想食咩野而煩惱。新出品韓式火鍋，部隊鍋，而且還是特價，仲有甜品，有幾款配搭，適合不同口味。黑蒜濃雞湯鹽酥雞扒，我喜愛就是麵同湯分開上，麵條質地夠滑、𠵱韌、有口感，雞扒酥炸得好鬆化，入口一啲都唔油膩，味道可口，雞湯香濃美味，麵條吸收了雞湯，更順滑。辣味炸雞半翼/奶酪：雞翼係人都鍾意食，何況是炸雞翼，酥炸得來，好鬆化，外皮炸槳槳粉，夠薄脆，好香口、肉質嫩滑，仲有肉汁，但辣味不夠辣。薯片亦好吸引，除左夠薄脆外，好香芝士味，外黏左糖粉，增加口感又美味。

原本去附近牛摩食，點知要等8張枱……因為趕住返屋企既關係，唯有去呢間試下……喺門口見到半價火鍋，而且仲有意粉揀頭先食唔到牛摩，梗係黎呢度揀返個日式豚肉火鍋（壽喜燒湯底）啦，加多10蚊要多個韓式拉麵，另外男朋友原本想叫大蝦意大利麵，點知侍應話：冇大蝦，呢個麵冇，另外4款啱唔啱……我心諗，點解頭先你攞餐牌俾我時唔講俾我知，係要等我叫先黎話冇蝦……最後叫蒜片牛柳粒意大利麵。等左15分鐘左右，我個火鍋黎啦份量之少……直頭吉野家都多過佢……嗰下真係O左嘴，難怪要半價啦，照佢原價咁樣就$134，真係搵鬼去……份量少，可能味道好呢，一向鍾意粉絲既我，第一時間挾粉絲，點知一挾，原來一挾即斷，好明顯呢款粉絲唔係火鍋用既粉絲，同盛八既粉絲差好遠。粉絲就最吸味，要食湯既精華就一定係放粉絲入去吸味食，但完全係淡味，同平日壽喜燒又甜又濃既味道差得太遠！可能只因為粉絲煮太短時間而淡味，為免誤會，我試左一啖湯，嗯，味道都濃味過清水嘅~最後既甜品，叫芒果分子甜點，其實咁平我都冇諗過會真係俾分子甜品我，我諗住都係正正常常一杯甜品啫，點知黎到真係一個大驚喜！因為原來真係分子甜品黎！係“糖”既分子甜品呀！無論係芒果，中間疑