Yaki Biru (已結業)

第一次寫食評，不幸的是劣評。呢間正垃圾餐廳，全部嘢都唔好食，叫咗個套餐$238，頭盤芝麻八爪魚好咸，之後個拉麵仲咸又唔足料，嚟個串燒極細又油又咸，而且好似炸而不是燒出嚟，鰻魚飯不是日本米而只是普通米，鰻魚只有豉油味沒有鮮味，加咗杯Kirin一番酢啤酒蘋果味七十幾蚊以為穏陣，結果成pet屎咁。完全沒有服務，九十後伙記hea做，廚房大大聲傾今晚買邊隊波，毫無誠意仲要加一，埋單$341超級唔值。絕對不會有下次！

今日行過見門面ok,所以入去試一下。食左5串串燒，鰻魚飯（係釘熱，唔係燒熱，飯太硬），叉燒烏冬（圖有半隻蛋，上枱變左粟米一片），兩柸啤酒，清酒煮蜆（ok)。加一後$450。食品只可用非常普通來形容。我覺得去一風堂仲好。埋單先知要加一（餐牌唔覺有寫），又話咭機壞左，算數，俾現金。見有幾款啤酒（芒果味，桃味，同另一款唔記得）問待應邊隻推薦，回答佢未試過，當堂O左咀。走時發覺全店都係廿歲頭的90後（包括待應同廚），無怪呼對答普通，廚藝普通。

見咁多好評，一心去試下呢間店，點知由一入門口就被無視，兩個員工都見到我地入黎，但就繼續執食客已離開嘅枱，到我考慮走時，其中一個示意我座某張枱。已經扣左分。到我想落單時，只得番一個店員，見佢路過我張枱，立刻舉手加講'唔該', 佢無應我，唔知佢睇唔睇到我，所以我keep住隻手高舉，到佢再行近時又再叫佢，佢漂左我一眼，答等等，然後繼續去執兩張無人座嘅枱，攞布清潔，仲去碟櫃攞埋碟擺埋位，然後去搞個啤酒機，然後先黎同我落單。當時係完全無人等緊入座，唔明點解執枱係優先過幫客落單。不過公道d咁講，個店員唔係為左偷懶而唔理我，而係做野先後次序問題。叫左個二人套餐，首先黎前菜枝豆已經出事，面頭白雪雪密密麻麻，我以為未溶晒雪，點知原來全部都係鹽，咸死。但最底嗰d又一粒鹽都無，好明顯求其落完鹽就連撈均都費事就上枱比客。串燒雞亦-好鞋同無味串燒黑豚豬肉-好韌，咬唔到 串燒墨魚丸-正常一口和牛-咸死人鰻魚飯-好夠熱，但個鰻魚汁無咩味豬軟骨拉面-無咩味唔覺呢間店邊樣野特別好食，所以不入推介之列

大角嘴多平民野食 相信係人都知 不過都有唔少特色小店 位於博文街呢間yaki biru就值得講一講 間野一啲都唔難搵 都算顯眼 成條街一望過去就見到佢 而且門面裝修得好日式 好有開式居酒屋既感覺 門口吸煙區方便煙民客仔同朋友一路吹水一路飲返兩杯 而且又唔怕影響到店內既食客 設計得幾周全一入到去 雖然鋪頭仔細細 但裝修得幾靚幾日式 完全唔會有壓迫感 燈光稍暗 幾有情調我地一睇餐牌發現午市套餐超抵食 $32有一個芝士撈麵配兩份串燒 就算想加罐汽水都只係加$2 完全係學生同窮人恩物呀 可惜我地夜晚9點先去到 冇得試下添好啦 言歸正傳 呢間yaki biru話明係日式串燒店 串燒又點可以唔試 我地叫左個燒一口牛同餃子雞翼 而主食方面 原本想試埋蕎麥麵同飯團 可惜我地黎到已經太夜 冇得叫喇 最後只係叫左個蒲燒鰻魚飯 睇黎都幾好賣 可惜食唔到 如果想試就記得早少少黎喇我同朋友仲諗左陣餃子雞翼係點既呢 原來係去骨雞翼饟餃子饀料 雞翼外層燒得好脆 內層既餃子饀雖然唔算味道濃郁 但又幾入味 食完仲想再食至於燒一口牛 個人認為係必食 啲牛肉完全索哂啲燒汁同香料 唔會過熟但又有咬口 同埋幾juicy 一咬落

夜晚游車河突然去到大角咀一條新嘅食物街發現有一間好的骰嘅燒烤店就打算試下。燒烤店嘅鋪面比較細，如果星期六日去嘅話就可能要等位。好彩當日我去係閒日所以就比較鬆動等一陣就可以入座。餐廳menu 有小食，主菜，火鍋，定食，仲有二人套餐。大多數嘅客人都會選擇食火鍋，火鍋嘅配料都比較多又新鮮，見佢地一人一鍋都好足料又吸引。今次因為消夜之行，所以就撇除火鍋呢個選擇，所以食啲輕便小小嘅。串燒嘅款式都比較多，選擇困難症嘅我，就唯有請店員幫忙介紹店內值得一試嘅美食。我叫左燒菠蘿燒秋葵，當然唔少得肉類！牛肉係一定要試嘅，另外佢好特別嘅係有燒白鱔魚，另外在大多一份鮮蝦天婦羅。燒白鱔好肥美嗰醬料又甜甜地，味道好特別值得一試！天婦羅係用鮮蝦製造，層粉漿唔會厚，食落口個層次啱啱好價錢亦都好公道。牛舌同牛肉粒真係冇得頂！肉汁好甜，燒得啱啱好，價錢就相對比較貴，但都值得一試。相對其他嘅串燒店，牛肉都會偏向大塊當然燒秋葵就會有四至五條。另外燒菠蘿落得太多鹽，鹹咗少少。但係燒秋葵好無敵太好味。雞翼燒到外脆內多汁，雞皮上嘅油同調味粉完全無覆蓋雞翼鮮甜嘅肉汁，而且上枱仲係熱辣辣最後燒烤當然要配啤酒啦，咁今次就試咗佢嘅時令啤酒

話說有一日同老公想去啤一啤佢跟住落左樓下附近 見到呢間野 寫住有個80幾既套餐 於是就行左入去 點知員工話 已經過左就叫左兩杯啤酒啤酒都唔差既 但係就覺得70幾一杯唔係幾抵 因為同樣價錢係隔離barD啤酒可能會好飲d 都算叫做OK啦跟住叫左d串燒 都等左幾耐下如果係同係日本食來比當然無得比啦 材料都OK 但係唔知點解係燒到好乾😂之後再有叫多其他野既 因為d酒未飲曬覺得最好食就係牛油燒野菌 呢個就無咩調味料味 菇味好重 好好食 埋單加1之後係300零幾覺得其實又真係唔係好抵 不過都OK既下次會去試下果個70幾80幾既套餐

好耐都無去大角咀喇，今日同朋友去開依邊打波，終於可以試下依間朋友介紹既居酒屋食串燒！ 一去到已經好跟意佢開放式門面既設計，好有日本街頭小店感覺，加埋入面既裝修即刻令我置身係日本咁啊 即刻試一試佢地出名既串燒先！秋葵燒得好啱時間，一啲都無乾既感覺，仲有個醬汁真係一流，估吾到秋葵搭麻醬係咁襯既！ 雞翼方面好貼心將佢一分為二，咁就食既時候方便同埋吾怕裏面吾熟，抵讚！另外試左佢地好出名既牛舌，果然無令我失望，肉質好淋，咬落去一啲都吾靱，果然無介紹錯 食串燒當然吾小得一杯啤酒啦，黎到居酒屋就梗係要返杯日本麒麟啤啦，一邊嘆串燒一邊嘆啤酒，正啊！ 好中意依度咁舒服既環境，下次一有時間一定再嚟嘆下

鋪嘅位置係比較難搵，但係如果揸車一族夜晚覓食就係一個好嘅地方🚗鋪面嘅設計十分簡單，雖然鋪面細小但勝在夠親和當晚鋪面只有一位侍應，所以下單時間亦都會比較慢，如果想10分鐘就可以有得食既話，可能呢間就唔太適合食快餐嘅嚟啦因為佢哋注重上菜時間一致我哋總共叫左超過10款串燒，包括燒菠蘿，燒番薯，燒秋葵燒白鱔，牛脷，牛肉，明太子雞翼重點推介燒番薯同小秋葵味道好yummy，賣相令又多💕另外推介嘅係白鱔！好多燒烤鋪頭都冇白鱔，但係呢間燒得好價錢又中肯好值得食👍🏻最最最重頭戲就係天婦羅！🍤係成隻炸蝦天婦羅啊！呢個價錢就中位數到但係佢係有六隻炸蝦天婦羅仲要隻隻都好大隻，佢嘅蛋漿好Fresh 唔會覺得流另外想分享下，如果比較大食嘅你，呢間就可能比較要點多少少串燒先滿足到， 因為我身為一個女仔食量唔算大但係都唔夠我同男朋友食，之後我哋叫咗個鰻魚飯鰻魚飯真係冇得頂又肥美個飯有煲到啱啱好，仲要係珍珠米，而果醬唔會流，好好味啊我已經好掛住個炸蝦天婦羅同鰻魚飯啦希望下次再去食會有更多嘅驚喜啦

大角咀-真係一個幾陌生既地方。今日同媽咪係附近一間安老院探完一位親戚，夜晚就順便食埋飯先返屋企。本來諗住行番旺角覓食，點知經過比我見到呢間的的骰骰既居酒屋，就同媽咪去開餐。就係呢個咁開揚既窗口位吸引我 哈哈。入去就即刻霸左呢個位坐店內地方雖然唔大，不過唔逼夾，同日本既居酒屋一樣，我覺得幾地道幾得意。點左個昆布湯底牛肉雜菜鍋物。昆布湯底超香濃，加埋蔬菜及菇，好清甜好味。牛肉略嫌碎左點，不過味道還不錯的。跟住追加左個讚歧烏冬。好滑又有口感，好中意。再點一個清酒煮蜆。d 蜆唔算大隻，但好鮮甜，仲要無沙,無腥味👍🏻👍🏻見人人都點串燒，我都點左串燒鱔試下。鱔肉好肥美，外層燒到有點脆，但肉質仲幼嫩彈牙。燒鱔真係必試！！當然唔少得呢度招牌既麒麟啤，同媽咪啤一啤，傾傾心。雖然坐左無耐就全店滿座，不過店員都無催促我地，仲不時為我地清理枱面，令我地坐得好舒服輕鬆，值得一讚。

一向好鍾意食串燒，但因為太熱氣既關係，唔可以隨便亂食，一定要搵間好味既先唔洗晒左d quota~今日放工搭左2個站，去左出名多野食既大角咀訪尋美食。天氣凍凍地，去左博文街食串燒。呢條街環繞住既都係舊式唐樓，但其實經地鐵站穿過匯豐落黎好方便，都只係5分鐘就到。呢間日本居酒屋店既裝潢好別緻，店面唔算好大，但因為枱椅都寬闊，所以坐落一d都唔覺逼夾。最重要既一點係雖然佢係食串燒，但完全冇串穿店一般有既bbq味，可能就係因為老闆細心咁用一個大窗台作為間隔，十分通氣，就算夏天來都唔會覺得焗。本來我還為免周身味而著簿衣服，但呢度完全唔需要有呢個擔心!但要留意既係窗臺位適合食煙人士，如果你唔係煙民，都有可能係呢個位吸左唔少二手煙既。因為book左枱，即時就可以入座。望望manu，有串燒，拉面，同shabushabu揀，仲有各式各樣配串燒既日本酒，送串燒一流。正!我地2個人，最後先揀左一d串燒同埋一個shabubu加拉面底，如果仲有肚既就食埋甜品。可能由於係星期一既關係，食客唔算好多。但食物等候比較耐，可能因為即叫即燒既關係，等左20分鐘左右先有食物。期間店員都有送上熱茶，服務態度都好ok等左一輪，食物

第一次去居酒屋，裝修好有風味，天花櫃上擺滿唔同嘅酒好特別之前一直聽過，lee間餐廳一直都有好多人食都係試佢馳名既牛乳火鍋，所以好想試下個日又好凍，所以一坐低就叫咗個火鍋食啦呢個牛乳火鍋其實一開始聞落無咩奶味，所以令我我本身好好奇究竟咩味道，仲以為好甜好膩，點知出乎我所料原來係咸咸地加上餐廳有牛肉或者豬肉揀，想再要多一份可以加錢嘅我個人覺得豬肉好食啲，好似同個湯底夾啲有附兩個烏冬同埋菜都好食，食完成身即刻暖哂，唔錯唔錯

咁凍嘅天氣成日都想去食火鍋，尤其係日式火鍋，因為通常食完無咁熱氣跟住今次經過奧運，就去咗食呢間係一條小街嘅居酒屋到食日式火鍋佢有兩種湯底揀咖，昆布同3.6牛乳。 因為覺得個3.6牛乳好似好特別就叫咗嚟試下個火鍋包埋牛肉/豬肉揀，同埋烏冬等等我地加鐘加咗牛肉同豬肉，因為想兩樣都試晒！ 原來雖然係牛乳湯底，但個牛奶味唔會太濃，如果本身唔係特別中意牛奶，怕佢好怪，其實係咸咸地唔係好重奶味咖。不妨可以試下！我覺得都新奇之後叫咗個日式炒野菜，因為我好中意食菜，而呢碟炒菜唔知點解係我成餐最中意食嘅，我覺得個野菜好惹味，又唔多油，好快就食完除咗呢啲仲嗌咗唔同串燒例如豬頸肉，雞翼，豬肉串，係好日式嘅串燒，調味料唔會好多。 仲有得飲波子汽水

點樣食日本野先最有風味呢？梗係去食日本居酒屋feel嘅鋪頭啦今次就去咗呢間位於大角咀嘅餐廳,未入去就比佢得意嘅店面吸引到同普通餐廳唔同就係佢有半開放式嘅露天座位，不過由於嗰日有其他人坐咗喺度所以就冇影到相入到去餐廳嘅裝修都非常之有日本嘅風格，周圍嘅牆壁，播緊嘅音樂同埋餐枱嘅擺設都令人又去咗日本小店嘅感覺今次叫左好多款唔同嘅串燒試吓，先到嘅呢個牛肋肉同日式燒豚肉，仲有燒白鱔值得推介嘅就係呢個燒豬頸肉，非常之爽口，加上少少七味粉調味。 有日式風味得來又唔會太啦辣。之後仲叫咗好好味嘅銀鱈魚骨腩，相信大家都知道銀鱈魚幾肥美架啦，餐廳燒到啱啱好。仲有少少脆皮咁正啊. 隔離就係呢個太子雞翼,雞翼入邊食有少少辣嘅明太子，都係一個唔錯嘅嘗試之後仲有燒茄子，同埋即炸嘅天婦羅。總括來講上菜嘅速度啱啱好，味道都有水準，鋪頭氣氛都非常好，唯一美中不足就係露天座位有人食煙希望下次再嚟嘅時候會冇啦

平時係街邊食串燒就食得多啦，今次係大角咀搵到一間專食串燒嘅餐廳，餐廳嘅裝修非常之有日式嘅風味，餐廳係開放式嘅，有露天座位可以同朋友一齊飲啤酒食串燒仲有日式嘅火鍋俾你地一齊烚吓烚吓不過呢度最出名嘅都係串燒，今次同朋友淨係食全消都食到好飽同埋好高興，我哋叫咗好多款唔同嘅串燒，日式豚肉串燒係我最鍾意食嘅一款豚肉嘅未到味道啱啱好而且醬汁都整得非常之入味，所以食得兩串都唔夠，之後仲叫咗茄子,天婦羅,雞軟骨,牛仔骨,等等咁多嘢食，一路喺餐廳傾住計食住串燒真係非常之寫意添雖然因為餐廳露天嘅關係所以當日冇開冷氣，但係一陣陣風吹埋嚟其實仲舒服過吹冷氣，如果想同朋友一齊飲嘢食下串燒傾吓計嘅話一間餐廳應該都幾適合

自己從未去過居酒屋，但今次經過喺呢間可以對住條街食嘢嘅居酒屋，就畀佢吸引咗入去，居酒屋嘅特色應該就係可以令你坐喺度傾計，然後周圍嘅環境令你覺得 好舒服 好悠閒。 如果當正餐黎食，可能會覺得佢唔夠，但係如果宵夜嚟講二個人食個2人餐就啱啱好 我哋兩個人就叫咗個二人餐，238蚊包咗火鍋 同埋串燒 小食。有好多小食都好想試，我哋揀咗蒜味螺肉，雖然同出面買到嘅差唔多，但係環境令佢的味道唔同左，好食左 。我哋揀咗豚肉同埋3.6牛乳鍋，豚肉分量二人黎講就比較少，但係蔬菜份量就幾足夠。牛乳鍋就比較濃有啲油，但係如果做湯底嚟講都幾好飲，每一啖都係牛奶的味道，又有d香味。串燒勝在味道都唔錯，七味豬頸肉好彈牙，而且多汁，出邊有時會好乾。燒翠玉瓜同沖繩燒菠蘿就好juicy 鹽燒雞腎都好爽口。整體黎講，四周環境好舒服，休閒吹水啱啱好，野食質素都唔錯。