YO+ Snack Shop

营业中

休息中

行旺角中心買野，見到呢間yo+ snack shop有好傳統既一啲小食買，所以我想試下~ 😬 冇喺旺角中心買過野食，所以唔知質素如何~ 🙈店面都企理的，好多野食，好多選擇👍🏻👍🏻 我見有蜜糖牛油粟米，好似好食咁，依家好少地方有得賣，所以見到就忍唔住order左，佢仲有好多，芋圓呀珍珠奶茶呀等，都係$18咋，好抵食👍🏻👍🏻等左1分鐘就已經有得食～粒粒分明，唔會一pat pat，不過就搵唔到牛油🙈 唔算好大碗～ 食一啖，覺得有啲淡，同有啲煮耐左少少🤣 老老地，同真係唔夠牛油～ 應該幫襯一次算！

芋圓珍珠奶茶($16)平時都係飲開珍珠奶茶，行街經過呢間小食店買左杯芋圓珍珠奶茶，但好失望。先講芋圓，其實係有紫薯，蕃薯同芋圓，但3隻都冇咩味，同埋好硬，正常嘅應該係煙煙韌韌。同埋芋圓大過飲管，要開蓋用匙羹食，唔方便。珍珠，痴埋一舊，冇黑糖味。奶茶比較淺色，冇咩茶味，但好彩唔算太甜。飲飲下仲要飲到有茶葉，唔只一啖係咁，好失望!!!!!!!!

尋晚睇完ufood介紹旺中有小食店既珍珠奶茶有芋圓只係賣16蚊，難得今日出黎旺角行街，冇理由唔去試下。呢度有4款芋圓奶茶，當中比較吸引我都係布丁配芋圓，紅豆，珍珠呢啲太common，加上我見布甸係原個，唔似貢茶，comebuy咁剷到啲布丁爛哂，所以布丁絕對係我不二之選。布丁雞蛋味濃郁，彈下彈下，完全係台灣食開果種。至於芋圓方面，地瓜圓係3款中較有蕃薯味，芋圓深紫色有少少芋頭味，不過唔太突出，淺紫色味道更為薄弱，芋圓煙韌度一般。奶茶甜度適中，正好配合雞蛋布丁既味道。我見到手抓餅有蘿蔔同菠菜味，少見既口味，反而下次想再黎試。

在社交網站看見朋友貼出台式飲料照片，瞬間吸引了我的注意，原因在於那些飽滿大粒的芋圓！有要事辦的關係到訪數月沒有來的旺角，這間小食店在中學時代常常光顧，現在仍然屹立不倒，相信它有一定的實力才能留住客人～小小的一間店，有很多種類的食物飲品選擇，當中不乏一些特色小食，確實令我有想再來的念頭！我很喜歡飲珍珠奶茶，但現在很少去一些連鎖台式飲品店光顧～這杯索價$16的台式飲品價錢廉宜，配料亦夠百搭。布丁奶茶芋圓 - 賣相與圖片有丁點出入！不過飲落奶味尚濃而且不太甜～密麻麻的冰之下，芋圓份量也不少，有三款顏色，橙色蕃薯味比較突出，反觀深紫及淺紫的味道相對較淡～但芋圓食落粉嫩煙韌。布丁彌漫著淡香的蛋味，口感軟滑QQ～