影片
港铁宋皇台站B3出口, 步行约2分钟
继续阅读
营业时间
今日营业
08:30 - 18:00
星期一至日
08:30 - 18:00
*最後點餐時間: 17:30
以上资料只供参考，请与餐厅确认详情
相关文章
搵到一間約朋友食甜品打卡影相爭岩既cafe📸（10分為滿分：🌕）味道：🌕🌕🌕🌕🌕🌕🌕🌕🌗🌑手工炸蝦餅牛油吐司三文治夾泰式椰菜沙律配薯條&自家柚子蛋黃醬($118)蝦餅好好食😋夾埋熱辣辣脆脆既多士勁好味，泰式椰菜沙律又酸甜開胃，所以即使食埋薯條都唔會覺得好漏🤪柚子蛋黃醬都係好特別，酸酸地唔會覺得好油膩😛煙燻辣椒手撕豬肩肉漢堡配沙律菜($128)本身係配薯條，不過怕熱氣就轉左沙律菜呢個漢堡又係勁大，3個人share一個都食唔曬😂😂😂不過佢個辣椒都幾辣，唔食得辣可能未必食到曬成個🤪但都係會愈食愈開胃🤤開心果修女泡芙($68)呢個甜品應該都算係呢到既signature，因為見啲人去食親都一定會叫呢個甜品，真係無令人失望，泡芙外皮好脆，一切就切得開又唔會散，而家入面既開心果醬勁濃開心果味，食到停唔到口🥰黑芝麻白玉芝士蛋糕($65)呢個甜品係連成日整開甜品既朋友都驚嘆好好味，因為佢既白玉係好出色，做到好似流心咁，而黑芝麻味道又好濃，3層一啖食落去非常夾，又係搶住黎食既一個甜品🍮價錢：🌕🌕🌕🌕🌕🌕🌕🌑🌑🌑價錢黎講3個人食人均$130左右，但係食得飽肚，主菜份量足，甜品可能相對貴啲啲，但係非常有特色，cafe黎講以呢個價錢有咁既質素算係唔錯😎交通：🌕🌕🌕🌕🌕🌕🌕🌗🌑🌑今次係同朋友去就無揸車喇，係宋皇臺站一出好方便，如果揸車都有唔少咪錶可以等，睇你運氣😎環境：🌕🌕🌕🌕🌕🌕🌕🌕🌑🌑係行水泥木系簡約風格，cafe入面好闊落，枱同枱之間唔會好逼，有足夠既空間感，而家都爭岩打卡，由其是向街個排玻璃窗，成個感覺都係好chill好舒服🥰🥰性價比：🌕🌕🌕🌕🌕🌕🌕🌕🌑🌑而家少左好多去食cafe，因為有時覺得黎黎去去唔係all day breakfast就係黑松露意粉，自己比啲心機其實都煮到😂但今次呢間cafe主菜同甜品都唔係平時食開個啲，而且水準極高，坐得都舒服，可以再去😛😛
继续阅读
【2024 年 8 月】平日三點嚟到食客不多，環境安靜舒服適宜嘆杯咖啡放空一下冇套餐供應要單點 ...。手工炸蝦餅牛奶吐司三文治 HK$118。凍咖啡 HK$45三文治好豐富餡料爆哂出嚟，食得頗為「吝盡」麵包係店家自家製，口感軟熟蝦餅很厚身，炸得香脆仲好彈牙配上酸甜醬汁和爽口蔬菜，開胃好食仲跟配一大份薯條配自家柚子蛋黃醬份量十足，飽到連想食嘅甜品「修女泡芙」都食不下** 以上分享是以我的口味、體質和情況作出分享及感受，一試 / 合用與否請自行決定
继续阅读
好多朋友+讀者回覆佢哋都好鍾意依間cafe，仲大推甜品🤣聽聞假期係要等位排隊😱好彩我平日中午黎係有位😇雖然係簡單小cafe，但見到好多熟客仔黎食野/買咖啡，又好多女仔食客黎打卡小聚☺️👓開心果修女泡芙 $68見有兩大甜品最愛歡迎最多人讚：開心果泡芙 vs 黑芝麻蛋糕泡芙外皮好香脆，入面滿滿嘅cream而且開心果味好香濃，唔算甜，但如果有開心果碎會更好。面頭細粒嘅泡芙入面都有開心果cream。價錢唔平，不過值得一試。👓黑芝麻白玉芝士蛋糕 $65我覺得通常芝麻嘅產品都唔會差得去邊，果然依款甜品都好好食。面頭嘅白玉做得好出色，好似麻糬咁軟綿綿。芝麻味好香濃，芝士蛋糕有半熟軟滑嘅口感，亦有好香芝士味。對比下我覺得黑芝麻蛋糕好食過開心果泡芙，但平時比較容易見到黑芝麻系列蛋糕，而依款開心果泡芙市面上比較少見～👓北非沙卡疏卡配意大利香草麵包 $108西班牙辣肉腸、basil、feta芝士、雜菜粒、流心蛋。蕃茄味好香，督穿流心蛋會更重蛋黃，都幾有風味，不過偏辣香草麵包焗得好脆，有蒜蓉包嘅感覺，好鬆軟，夾埋個蕃茄醬好好味👍🏻👓烤蘑菇&Halloumi芝士貝果三文治配沙律 $68Halloumi 係塊狀芝士，有4塊，由牛奶、綿羊奶和山羊奶混合而成。貝果質感好好煙靭，而且外皮香脆有麵包香，入面搽cream cheese不過唔夠香，內有滿滿嘅蘑菇同埋芝士條，整體幾好，芝士條味香濃。👓Cold Brew $50比想像中細杯，飲落有少少鹹味，有咖啡但唔算苦或酸
继续阅读
開咗好一段時間。－年？！門口唔起眼，凹咗落去，招牌又好細。但介紹給朋友去，個個都話正！個開心果修女泡芙仲係無得輸！唔係好甜，外脆，開心果cream 又香又滑！面包及手沖咖啡也是水準之作！
继续阅读
而家市面上好多Cafe都有製作巴斯克芝士蛋糕，而喺西營盤更加有一間出名食巴斯克芝士蛋糕嘅Cafe經常大排長龍，但係我個人就覺得呢間位於九龍城嘅Cafe所製作嘅黑芝麻白玉巴斯克芝士蛋糕更加出色。佢比其他地方所售賣嘅巴斯克芝士蛋糕突出嘅地方，就係加入咗一層麻糬白玉，令到巴斯克芝士蛋糕嘅口感更加豐富，除咗有幼滑嘅半熟芝士口感之外，亦有口感煙韌嘅白玉麻糬，兩者加埋亦相當配合，除此之外，佢嘅黑芝麻味亦都相當濃郁，令人一口接一口。
继续阅读