YOLO Cafe & Bar (已結業)

近排發現麥花臣附近開左一間好特別嘅餐廳，又係cafe又係bar，啱晒女仔打卡一大班frd又可以飲酒chill下😍裝修方面，睇得出有俾心機整，最鍾意有條霓虹燈嘅拱型走廊，同埋bar枱三粒波波燈，有feel👍🏻餐廳用QR code落單，我哋揀咗個diner set ($398)，包2個前菜+1個小食+2個主菜+2杯飲品，感覺抵過單點。落完單之後超快上菜，前菜係磨菇湯同沙律。磨菇湯超級濃！口感好smooth，係我飲過數一數二好味，飲完已經飽咗一半😂😂小食叫咗水牛城雞翼（6隻），唔係幾辣幾惹味，個人覺得小小鹹，但友人好鐘意，仲想encore。主菜揀咗香草蒜香沙樂美意粉+松露珍珠貝柱意大利飯。意粉略嫌蒜香味唔夠，沙樂美腸畀得算多，不過不失。相比之下，松露意大利飯好食好多，每啖都有好rich松露味，飯粒粒分明，不錯😋最後飲品我哋因為聽日要返工無飲酒，揀咗青檸梳打同鮮榨橙汁🫶🏻總結，野食比想像中好食，唔係平時心目中cafe水平，下次會試吓cocktail，因為好似幾平。

約左朋友食晚餐，睇左好耐，最後選左呢間，貪佢裝修特別，簡約文青得黎又有啲Cyber感覺，打卡一流！我地點左個二人套餐，感覺都幾抵食，前菜可以選擇沙律或者湯，個人比較推介忌廉雜菌湯，好香！小食點左我最愛既水牛城雞翼，有少少辣又少少酸酸地，特別醒胃，而且有6隻甘多！主菜就選左三文魚意大利飯同香辣大蝦意粉！其實番茄同辣都幾夾架，大蝦好大隻，一人份量剛好！至於個飯就好juicy, 唔會乾爭爭，面灑左小小芝士粉提味，yummy!

旺角一向出名多特色cafe,今次推紹下呢間yolo cafe, 裝修簡約之餘仲有光線配合既時尚感覺，而且仲要係地舖！餐廳提供西式食物，套餐一定點都係性價比最高，於是決定試下佢！我地2人各自點番茄大蝦意大利粉同三文魚意大利飯，個人偏愛意大利飯多啲，原因個汁煮得好出色，有好濃厚既忌廉味至於意粉都唔錯，煮到意大利粉掛到汁，大蝦都好爽口！小食推介水牛城雞翼，有6件，辣辣地都幾惹味！不過見格離台點薯條都好大份，仲要係黑松露

我哋今次嗌咗一個晚市2人套餐，入面包括咗餐湯/沙律 (2客)、小食、主菜(2份)同飲品 (2杯)㗎，價錢係$368🤓-​🔖香煎雞胸蕃茄意大利飯每一粒飯粒都充滿咗蕃茄嘅香味🍅食落去酸酸甜甜，都幾開胃😙雞胸方面唔會煎到好乾身🐥另外仲配咗一啲芝士碎、車厘茄同菇菌㗎！💫推薦指數: 7.5/10​​🔖香辣茄大蝦意粉呢個意粉食落去比想像中香辣，不過都好惹味🌶蝦肉夠彈牙🦐滿意😆至於意粉方面係扁意粉，質感彈牙，口感👍🏼💫推薦指數: 8.5/10​​🔖特色炸雞翼炸雞翼有三款口味，包括咗蜜糖芥末、美國水牛城汁同韓式辣醬~今次我哋就試咗蜜糖芥茉醬，味道甜甜哋🍯雞翼好香脆，好正！食落去好香口，而入面就好juicy🤭一共有6隻添㗎！💫推薦指數: 9/10​​🔖山楂蜂蜜梳打💰+$15 (餐飲升級價)第一次見到梳打有山楂味，都幾特別😆飲落去酸酸地，好解膩啊😌💫推薦指數: 8.5/10​​

係旺角行緊街, 見到呢間餐廳係牆貼晒某熱門藝人, 一於入黎試下！一入到餐廳, 見到好多A字頭藝人既CD碟+各式各樣既poster, 睇黎店員都好中意呢位藝人~~嗌左個2人餐$398, 想點評某幾樣菜式, 因為個人覺得想特別推介!精選餐湯 (今日係蘑菇忌廉湯), 本應想叫caesar salad, 可惜已經售罄~個湯飲落去好creamy, 唔會落太多水溝淡左/稀身, 仲輕輕飲到粒粒既蘑菇, 好有口感~香草蒜香莎樂美意粉: 一開始唔太清楚莎樂美係咩黎, 食落去原來係歐洲一種風乾豬肉/牛肉香腸, 姐係類似港式臘肉腸個種, 食落去唔會特別鹹, 第一次食覺得幾新奇。上面仲落左好多即磨芝士粉，同埋大量蒜蓉+洋蔥粒, 食落去成個口腔都充斥住蒜頭味, 好正呀!飲品方面, 嗌左熱柚子蜜糖飲, 柚子既香味+蜜糖既甜味, 尤其清新+解渴! 飲剩少少仲留返D柚子皮係杯底, 店員仲好貼心幫手加左D熱水refill添呀~So far, 呢間餐廳食物質素都頗高, 而且中意A字頭藝人既網友, 不妨選擇呢間打個卡! 有興趣既朋友記得黎試下啦~

嚟到旺角東地鐵站， 喺附近兩間休閒cafe 同 朋友坐下， 我會推介呢間Yolo Cafe.呢度地方整潔, 品格裝修. 店務員都係年輕仔女. 好有活力的感覺首先我哋就結咗一碟 醃三文魚意粉醃三文魚好新鮮, 配上秘製的意粉醬. 仲有豐富的芝士醬 非常之野味. 肥仔我哋結咗一 客 黑松露醬薯條, 薯條即叫即炸 打到外脆內軟. 黑松露醬好鬼嘢咩配上少少蛋白 愛好味. 最後我地就叫咗, 龍利柳意粉. 龍脷柳好 新鮮好味. 配上醬汁分外惹味. 又返一杯 梳打水 透心涼的感覺

適逢長假期前夕 想搵間餐廳chill🍹 見到旺角開左呢間YOLO café我又咁岩係朗豪坊行完街, 一於入黎試下！😍 入面既裝修亦都好文青 結合cafe & bar 於一身 仲可以happy hour & shisha ～ 仲要成間鋪都wrap左Anson Lo 神徒sss可以影相打卡添呀!今次同frd叫左個2人餐$398, 選擇亦都好多, 有幾款菜式想俾推介一下~招牌雞翼 (配蜜糖芥末醬): 有6隻, 而且每一隻都大隻啖啖肉, 師傅將雞翼炸過, 然後落左D蜜糖芥末醬去調味, 食落去香脆得黎, 仲有輕輕既蜜糖甜味, 食完一隻之後真係繼續食多幾隻呀! 因為真係好好味! 不過怕熱氣既朋友就可能要小心啦, 因為都係即叫即炸!松露珍珠貝意大利飯: 食落去唔會覺得太漏太飽, 而且黑松露既香味非常濃郁! 中意食黑松露既朋友絕對岩晒, 而且珍珠貝食落去好淋好新鮮, 唔會煮得太耐而覺得鞋口, 珍珠貝份量亦都算多, 呢碟主菜做得幾出色!橙汁, 唔好以為係平平無奇既普通橙汁, 原來係鮮榨橙汁! 因為飲落去係飲到粒粒橙, 絕對係真材實料呀!總括而言, 呢間餐廳性價比幾高, 食物質素高之餘, 又可以同朋友一齊

今日放工去了旺角嘅染布房街搵嘢食，選了這間cafe，本身以為是咖啡室，原來夜晚這條街也比較多酒吧，我覺得有點像Mini同埋local版既駱克道。點了一個意粉、小食拼盤和啤酒，和朋友分享。❤️香草蒜香莎樂美意粉 HKD 98 - 意粉很香，配上蒜茸和莎樂美腸作調味，味道很有層次好吃，咸香味夠！意粉質感是我最愛的，Al dente 有口感，不會過軟。❤️YOLO 經典小食拼盤 (雞翼 炸魷魚 蛇餅腸 薯條) HKD 158 - 被蛇餅腸吸引而點，味道也不錯，夠juicy。炸魷魚也很香，雞翼和薯條正常發揮。炸物配啤酒一流！❤️Asahi HKD 88 - 啤酒偏貴，餐廳也有其他有酒精和非酒精的飲料，價格四十多元也有一杯！餐廳裝修特別，打卡一流，服務也不錯，不過音樂音量較大，如果想和朋友輕鬆一下，也是不錯嘅選擇。

裝修走簡約清新路線，以湖水綠色半圓拱形外牆，配上落地玻璃，環境休閒舒適，採光及空間感都唔錯🥰 特別地引入朝啡夕酒概念，日頭同夜晚嚟都有唔同感覺呢✨❀ 法式龍蝦湯海鮮意大利飯 🦞Risotto蘸滿濃香既龍蝦湯汁，口感幾好～入面有大蝦、青口、帶子及雜菌，用料新鮮豐富，啖啖都充滿鮮味👍🏻❀ YOLO招牌雞翼(6隻) 🐥雞翼份量好多，雞皮炸得香脆，肉質亦好嫩滑🥰 今次揀咗法式蜜糖芥末汁，香甜惹味，調味唔錯呢❀ 焗芝士忌廉溫泉蛋大啡菇 🍄大啡菇味道濃郁又juicy，用芝士忌廉焗好香口，入面仲有菠菜及溫泉蛋☺️❀ 青提蜂蜜酒 🍾除咗咖啡，依度仲有香港製造既樽裝酒✨ 見到依款幾特別就叫嚟試下～由蜂蜜釀製既酒，加入青提汁，飲落白酒味突出，帶有少少清甜味，口感幾清爽

🍴Yolo dinner set for 2 1 精選餐湯餐湯係蔬菜湯 好多椰菜蘿蔔青瓜落足料 甜酸度適中 正👍🏻2 鮮炸魷魚圈🦑外層炸粉厚度適中 夠哂香脆 入面魷魚彈牙 沙律醬好夠味 👍🏻3 香草蒜香沙樂美意粉🍝蒜片香草夠香口 意粉粗身夠爽口 有菇 香咸 腸片 整體食落夠惹味🐷👍🏻4 松露珍珠貝柱意大利飯🍚 意大利飯夠彈牙 cream同黑松露汁適中 好多洋葱 貝柱同菇 食落夠層次感 5 青檸梳打 柚子蜜糖飲 🍋🍯#蔬菜湯 #意大利飯 #帶子 #黑松露 #意粉 #魷魚圈 Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#yolocafe&barYolo cafe & bar 旺角染布房街6至8 號華樂大廈地下6 號鋪~~~~~~~~~~~~

原來呢到新開左間café and bar ，入面環境好靚，好打卡able!! 見到menu，原來仲有shisha，以後同朋友又多一個地方Chill 啦! 我地叫左個2人餐，都幾抵食，包湯，side dish ，main course 同埋野飲。雜菌忌廉湯好creamy，感覺都好足料。黑松露薯條超級香，薯條係粗薯，上台仲係熱辣辣，黑松露醬好濃郁! 香辣茄大蝦意大利飯都真係幾辣下，個蝦都幾大隻又彈牙。磨菇黑松露長通粉不過不失，份量都幾多，如果可以再濃D黑松露味就更加好啦!!本身黎到想食tiramisu，但去到已經賣曬啦T_T，但好在仲有Tiramisu croffle ， 個croffle少少脆，係面既Tiramisu cream 好smooth! 好好食，配落croffle到食岩岩好，唔會太甜，順帶一提影相都好靚!青檸梳打出到黎都好靚! 欣賞既地方係唔會有好多糖漿的味道，令到杯野好甜，呢到岩岩好!!

今日做完野放工都已經八點諗住係旺角搵間舒服靜靜地的餐廳食下野見到有間Cafe & Bar 環境幾舒服 就試一試餐廳行灰木水牆再有霓虹的燈光 有點夢幻😂 每張枱都有放唔同顏色的月亮球 都幾有心思餐廳用QR code點餐同埋都有木牌menu俾人參考菜式見到Bar枱的是日精選可以包埋野飲幾抵食 就叫左佢做主食😆Egg Benedict 個蛋汁幾豐富 配埋三文魚和牛油果🥑幾夾 有點小清新 牛油果咬感適中 不過如果鐘意食好熟好淋的朋友仔 就可能食出有少少分別 建議最好等蛋汁滲埋落包底 等佢再淋化和有蛋汁先食 主食方面幾有驚喜 松葉蟹膏意大利飯 蟹膏🦀️味好濃 令成個飯的口感豐富左好多 飯粒的軟硬度適中 唔錯 蟹殼亦都拆開 輕鬆食到入面的蟹肉 一讚😝飲品跟餐試左杯山楂蜂蜜梳打🍹酸酸甜甜 清新解膩 可以一試

旺角最多係樓上cafe，今次係染布房街搵到一間係地舖嘅cafe, 我係夜晚食，環境比較有情調，啱晒情侶來食晚餐，座位亦都坐得比較舒服。餐廳係用QR code 自助落單，非常方便，食物種類都多，有all day breakfast，Egg Benedict，沙律，飯，意粉等，咁我叫咗個雞胸意大利蕃茄飯，同黑松露薯條。飲品選擇比較多，其實餐廳名係Yolo Cafe & Bar, 所以佢嘅drink list 係有Alcohol 同埋Cocktail & Mocktail ，咁我就叫咗杯季節限定嘅Violetabe。食物好快上枱，飯唔係加普通蕃茄醬落去煮，飯中有原粒蕃茄肉，再加上碎芝士，配上雞胸肉，個飯好快比我KO 咗。黑松露薯條唔使講，當然係必叫，粗身薯條配黑松露醬，抵讚吖Violetabe，係紫蘇葉加檸檬梳打，飲落甜甜地，但都好開胃。下次可以約埋班閏蜜一齊嚟chill 吓，飲番杯Alcohol drink ，諗起都開心吖🥳🥳🥳🥳

上星期同朋友行行下街，大家都好肚餓，咁岩經過見到呢間Café，係出面睇左Menu好似幾好食就入左去了。可能係咪當時未夠6點，成間餐廳得我地一枱，好耐未試過可以係Café慢慢享受個環境啦！我同朋友都好肚餓，就叫左個二人套餐~有晒前菜小食主菜同飲品我地分別揀左紅湯同白湯，紅湯勁多料，白湯超級濃同Creamy！小食我地揀左黑松露薯條，d薯條份量好多，仲要係即炸，個黑松露醬超香濃，好正～主食方面我地叫左個蘑菇黑松露長通粉同香辣大蝦意大利飯，份量又係好大碟，個長通粉相比起個薯條就比較淡，但都好好食，而個意大利飯夠晒酸同辣，仲有好多好大粒好爽口既蝦添！飲返杯青檸梳打中和下，唔怕食到膩～我地之後額外加左個tiramisu croffle．個croffle熱辣辣脆卜卜，同埋上面toppings一齊食，好香咖啡味同埋唔會好甜，唔洗五分鐘就食晒嚕！總括黎講食物不錯又夠大份，性價比高，又可以坐得好舒服，環境又有feel，同朋友吹水一流~!

今晚去左間好chill 嘅餐廳 起旺角嘅Yolo Cafe & Bar餐廳都係行cafe打卡路線 簡約 燈光偏暗 夜晚好有feel 餐牌就Web ordering 唔使揭黎揭去 不過都有紙本比大家睇 幾好 但就唔係全部都有圖 如果有埋簡介會更好 由其飲品佢有兩人set 不過我地冇叫 就咁叫咗兩個主食 自家製青醬大蝦意粉同香煎雞胸意大利蕃茄飯另外飲品就叫咗 青檸梳打同Orange kiss首先黎嘅咗飲品 青檸梳打好夠氣唔係七喜扮嘅 幾好喝另外orange kiss係焗茶 好香 不過喝唔太出係由咩組合而成 之後黎嘅係自家製青醬大蝦意粉 好香 好夠味 蝦都好鮮爽 值得推介最後係香煎雞胸意大利蕃茄飯食完個意粉咁濃味 有啲酸酸地嘅嘢中和下係幾好 好彩佢冇加茄汁 因會加茄汁去痕火果啲實好甜 佢就唔會 雞胸有啲overcooked就有少少失色 比下去 但係飯做得唔錯 整體都ok 價錢方面又唔係太貴 同一般文青cafe差不多 如果中意文青打卡同chill下佢係一個唔錯選擇