YuMo芝士蛋糕專門店

营业中

休息中

對開心果最為好奇所以買咗呢個味，🧀個巴斯克軟心做得唔錯幾滿意🥰，🧩味道都食得出開心果味🤔第一啖係幾出，後面就普通，不過如果下次買我都未必會揀開心果，食過一次就ok🤣推薦原味，見個個都讚，同性價比高其他仲有抹茶、泰式奶茶、同埋黑芝麻味，味道好新奇，又有現貨，仲唔駛排隊，不過早買多啲選擇，有錢嘅話我想試曬佢😂等我更新😂你哋下次黎到荃灣就記得佢啦！新店開張，所以即刻幫襯，係香車街街市地下（曹公坊）靠近沙咀道個邊，難得有甜品舖係呢頭，大家多多支持下佢，希望佢長有長做🙏🏻

我一向喜歡四圍去揾嘢食，甜品當然是我的最愛之一， 我試過好多店鋪的巴斯克，但款式選擇和口味都一般，沒有太大驚喜。但一次偶然機會下，在荃灣不起眼地點發現這間芝士蛋糕專門店有好多不同口味的巴斯克，令我很開心。我第一次到店鋪，一次買了三款口味的巴斯克，而令我食指大動的一款是《焦糖泰茶麻糬巴斯克》，第一口食到好滑好有茶香味道，而且混合了麻糬...一次食到3種口味，麻糬口感更軟軟棉棉，好食到停唔到，回味無窮。之後，再試過不同口味，其中店鋪最熱賣是《開心果巴斯克》，果然味道不錯，好cream好滑，不太甜，食完都感覺到好開心好幸福，果然，甜品是令人陶醉，價錢需然是貴了一點，但以這種質素和做出不同口味的巴斯克都沒有失準也是值得一讚和值得推介。

今日同太太一齊放假，一於去荃灣搵野食，食左間出名米線，之後老婆話要食甜品，米線鋪邊到有甜品，跟住上網搵google有幾間推介，咁見到呢間芝士餅🎂老婆又勁鍾意咪去試下去到鋪頭都易搵，門面裝修乾淨應該開左無耐，咁入到店內有個蛋糕櫃都幾多款式揀，咁老婆就揀左個$62開心果巴斯克，見落緊雨問一問店員可唔可以係到食，店員好禮貌話可以係到食比埋餐具，本身我唔好甜品食左一角仔，覺得佢好滑，口感軟身，入口即溶，開心果味幾出，芝士味又唔會蓋過開心果，做得幾平衡，係我意想不到😱，師傅有啲功夫係到👍🏻如果我諗起食蛋糕或者生日會去呢到買，因為我唔食甜品都覺得好食，老婆唔駛講啦甜品第二個胃👍🏻

士多啤梨70%朱古力巴斯克芝士蛋糕 $48Yumo之前係位於屯門嘅Gogomall即係雅都早幾個月前小公主已經去過一次屯門但係冇留意到佢哋嗰日休息所以最後係摸門釘而家搬左去荃灣曹公坊個邊雖然唔近地鐵站但係小公主成日入荃灣所以真係方便好多ପ(｡ᵔ ⩊ ᵔ｡)ଓ 而小店依家只係提供外賣咁熱嘅天氣梗係買幾件cake返屋企開冷氣慢慢嘆啦❤️‍🔥言歸正傳好似未有人介紹yumo呢隻口味咁就等小公主做開荒牛desu🤙🏻同原味/ Earl grey巴斯克唔同呢隻口味蛋糕體比較實心 ꜆. ̫.₎但無論係拮落去定係食落去口感都仍然係滑的*｡⋆♡⋆｡*Top layer係原味cheeseBottom layer係朱古力cheese原味芝士味濃下層朱古力cheese更加濃⸝⸝•｡•⸝⸝70%朱古力唔算苦everything is just perfect🫶🏻幾乎入口即溶嘅texture prove咗佢地個cream cheese 篩咗幾耐 ૮₍ e̷͈ 𐃷 e̷͈ ₎ა但略嫌士多啤梨存在感不足成件cake得兩粒candied strawberry ໒꒰˵･᷄-･᷅˵꒱১酸酸甜甜好正但太少🤥相信多多兩三粒可以更加好咁balan

一般般，不是話太好食，蛋糕不是太多款式，沒有太多選擇，服務員態度都一般般，有一次見到有人送淘寶貨，有一箱箱的不知是不是蛋糕材料，下次都是不敢再試，純粹自己感受.

呢間小店之前係位於屯門嘅Gogomall而家就搬左去荃灣不過只係提供外賣無得堂食聽聞佢地嘅流心巴斯克好出色今日經過開荃灣就試下先佢先見到蛋糕櫃有多款巴斯克蛋糕蛋糕有原味 咸蛋黃 榛子朱古力 開心果🤍開心果巴斯克$62開心果控見到開心果味緊係要試下蛋糕口感好流心好滑而且幾重芝士味但係開心果味唔算好濃呢度有少少失望添如果開心果味再濃啲就好喇不過下次都想試埋原味芝士蛋糕專門店 (荃灣)荃灣曹公坊15號德仁樓地舖