ZERO (已結業)

Friday night閨蜜想傾心事當然要穩個夠曬chill既地方一邊食好野一邊girls talk啦。吾講唔知原來朗豪坊頂層開左間新既西式餐廳，店內環境好似系蘇豪一帶餐廳，燈光昏暗，但感覺好舒適，適合放工飲反杯。主食方面點了一個煙肉忌廉飲管意粉和烤肉狂熱pizza。煙肉忌廉飲管意粉見到個名寫住飲管意粉，所以系好奇心既驅使下就叫左啦。整體雖然系類似卡邦尼，但係呢個意粉偏向忌廉味濃厚，特別之處果然在於意粉既形狀上，比一般意粉粗，形狀真係有點兒似飲管，質感粗粗地都好特別，而且好吸收到汁醬味；配合煙肉蘑菇芝士，整體十分滿意。烤肉狂熱pizza呢家餐廳其中一個特色系可以自己任意挑選食材，點一個專屬於自己既pizza,但由於我地懶既緣故，都可以叫餐廳set好既配搭。今次就點了一個烤肉狂熱薄餅，pizza系薄底，超級鬆脆，吾怕太heavy,topping就有豬肉，牛肉粒，辣肉腸，蘑菇，青椒等等，配合番茄醬，滋味至極，但係兩個人食就真係有點兒滯。Vanila Rose & 蔚藍飛雪呢家餐廳亦主打飲品，提供無酒精，酒精，紅酒，烈酒等飲品。今次友人就叫左杯vanila rose，其實就係vanila草莓

ZERO 餐廳位於朗豪坊，每次經過都見到好多人叫果個幸福摩天輪，好眼catching，所以都想試下。餐廳裝修方面都幾靚幾乾淨～環境暗暗地，裝修都幾Morden ，坐位都舒服嘅。今次我地叫左個ribs 配薯條，不過不失啦，普通料。個雞翼都一般...反而個pizza 有驚喜。佢地嘅pizza 餡料系自己選擇同配搭，我地揀左 mozzarella cheese 加mushroom再加鴨肉同Parma ham,襯出黎嘅味道好好食好match..大家有機會黎都可以試下自己mix and match

首先lee隻係cafe deco group開的餐廳。估唔到請來 Zero 的 Manager 可以連基本禮貌都唔識。唔好講服務。係零。用餐時間90分鐘。原來唔係計入座。係計訂位。即係如果你遲了10分鐘入座就sorry你只剩80分鐘。ZERO無講到。但都算了。叫餐飲miss左單。遲了15分鐘都無野飲。3催4請先有drinks. drinks 到都已被提醒就來要走- 即係趕走你。想拎menu 點食物。又係無人理。等了another 10 minutes先有 menu. 到叫到人落order. Staff 話你地差不多要走。不可以落 order 了。還有, 7個人迫落6人枱坐。咁點解要訂位? 跟Zero Manager 了解。被佢好無禮貌 (其實係超串, 經理大顧客, 第一次見) 的回答。還不認為餐廳有問題。係唔係 mongkok 就一定 MK d? 如果 Cafe Deco Group 可以令到 食客享受到90分鐘的食物。咁其實 okay 的。但佢地人手不足。態度奇差。又大意無落單。還可以大大聲催你還枱。咁 gee 食物咁gee 餐廳。咁gee cafe deco group. 非常失望

田園蕃茄水牛芝士沙律香香既水牛芝士，加上清甜新鮮既蕃茄👍🏻👍🏻岩哂我哩啲成早中食健康既人😏😏烤肉狂熱薄餅烤肉配上三色椒，再加上芝士，配搭很好...只係上面既腸🤦🏻‍♀️🤦🏻‍♀️可以可以減走佢就好了，很乾很硬

呢間今次第二次食啦最大驚喜係，佢既薯條先係主食薯條係幼身既配個七味粉，好開胃，好好食，食極都唔想停呀~咁啱撞著我呢位愛食薯類制品既人，讚最大失敗係，佢既豬肋骨唔好食個肋骨表面好似好入味，簡直係金玉其外，敗碎其中呀~裡邊好似拾熟咗既排骨咁。咩味都冇。。。意粉嘛。。。冇驚喜，好普通醫飽個肚可以食吓。最期待既小食藍，呃like真係一流架記住係呃Like,麵包係硬過石頭，冇咩味，用來磨牙啱晒雞翼辣到PK,可能我唔食得辣，我一啖都食唔到，食到辣既人，可能覺得好好食。炸物好普通。有牛肉球不過不失。Pizza好味架，有自選的，真係唔錯。可以回味既，只有薯條

開頭行過一望個招牌Logo，仲以為Doppio Zero開咗分店！仲話揾日要試吓。撞正呢日入場睇戲前仲大把時間，Yeah~~瀨Lailai瀨瀨！店舗座位非常擠迫，行出行入要搬開圍欄先行到。乳酪Smoothie—係都要你揀兩種味溝埋已經有趣，唔知大家對Smoothie理解係乜？我認知係冰沙！但呢杯嘢質感完全係淡味又稀嘅奶昔，仲要唔多凍先神奇。墨西哥辣椒蜜餞雞翼—面層外皮腍嘅，中間實嘅！仲要唔係辣係鹹L到要飲水溂口，五隻食剩三隻。烤肉狂熱Pizza—餅邊係硬晤係脆！餅身濕到軟晒攞唔起，食落仲要係韌先抵死。餡料辣肉腸、火腿.....我去BBQ唔會燒呢D嘢囉！什麼沖繩肉醬幼扭繩意粉—原來沖繩肉醬係乾身無汁，係一堆又乾又嚡羶味極重肉碎！意粉除咗無味之外食感係正常嘅。單就埋咗但食完好似無食咁，我係嚟食飯唔係嚟Hea,限時個半鐘交檯係合理嘅。但檯細無位擺上菜又一次過咁滯！要客人捧住碟意粉係咩玩法？

因有apps可以半價試新嘢，我們一行2人，才試這間無基本服務的餐廳。到了餐廳門口，等了一陣就有侍應帶位，不過，這間餐廳的安排有點問題，餐廳位置雖然不算太大，但當時有好多空位可以給客人選擇，但他們都要安排所有客人坐埋一齊，令客人覺得好迫和好嘈，完全不能舒服享受一餐飯😔，後來我們自行掉位，職員跟客人講不能擅自轉位置，但我們二人再次跟對方講，隔離座位嘅客人真係好嘈，他才好不願意地給我們掉位，服務態度真的有待改善。而食物方面：燒豬肋骨，值得推介👍🏻

其實每次經過呢間餐廳，都會俾入面既摩天輪吸引，雖然明知只係gimmick, 但都真係令人好想試！可惜之前剛開業太多人，終於等到今日試咗！可能熱潮已過，果日星期日晚目測都唔滿座，但佢仍然要限時90 分鐘，可能要就book咗枱的人。個摩天輪其實就係小食拼盤，有雞翼，炸海鮮，肉丸，芝士波等等，幾乎全部都係炸物，女士們要留意了。上菜整個摩天輪真係幾鬼靚同有特色，呢啲gimmick通常好睇唔好食，不過好彩呢盤都唔算太差，份量兩個人食有啲多，價錢偏貴，味道普普通通，食過一次應該唔會再食。跟住再試咗個芝士野菌pizza,同樣地都係普普通通，個底有啲厚，冇咩特別。雖然間餐廳啲野食冇乜特別，但啲staff 既服務真係唔錯，如果唔係有限時，我諗我都會約朋友唻吹水傾計玩吓摩天輪

星期日去邊都多人，有得訂枱唔洗排隊已經好好雜錦拼盤 ($178)有雞翼，土耳其包，炸薯丸，肉丸，魷魚成個拼盤味道就一般，勝在乜小食都有啲食下同埋賣相不錯，可以影下相意式辣肉腸薄餅 ($108) 係薄底，味道好好！又多辣肉腸！唔記得係乜鴨肉絲意粉，淨係記得有菇意粉口感適中，唔會太林，配料食落嘅味道都不錯，可以一試啊！自選配料- 海鮮醬- 帶子- 露筍- 蘑菇一上枱有陣臭味😅 但食入口都幾好食喎！可惜帶子係細到不得了，完全食唔到帶子嘅口感同味道不過露筍同菇都幾好味

九龍區一向都係朋友聚餐既中心之選，今次同友人兩人相聚星期五飯局，就簡左位於朗豪坊既zero，貪佢地點就腳，食完方便大家番屋企！餐廳既枱係用白色方格做底，拎黎影食物相打卡好易就有美食照個種感覺。同友人兩人胃口都比較細，叫唔到太多野食，所以試左個Parma ham蜜爪飯。味道好特別，我覺得呢個配搭係第二度未必食到！如果你鐘意蜜瓜奶既朋友必須一試！仲叫左個蒸松露蝦蓉粉包，由於自己本身好鐘意食蒸粉卷，所以對呢個好有期望。入口有好香松露味，而且好足料又好滑，無失望！最鐘意既係佢既八瓜魚沙律配柚子汁係必須要叫啊！柚子汁配合落去好清新，味道又夠濃，岩晒呢個天氣提一提精！飲品方面叫左個柯華田特飲，呢個味道就正正常常，如果你好鐘意柯華田都可以叫場內仲見到好多人食緊一個摩天輪🎡樣既東西，似係前菜或薯條類既拼盤！如果下次有多幾個人黎一定要試下，岩晒我地打卡會再黎！

之前經過見到呢間餐廳有個摩天輪既食物就好想試, 所以朋友話要約食飯就即刻諗起呢度試下先~雜錦拼盤見到好多檯都會食呢個, 咁梗係要試下啦, 順便呃下like ma! 呢個摩天輪有5樣唔同既野食, 有麵包串燒炸薯丸雞亦同魷魚, 其實樣樣都好味, 真係睇得又食得煙肉忌廉飲管意粉呢個意粉好creamy, 第一次食飲管粉, 個口感好彈牙, 配埋煙肉同溫泉蛋撈埋食簡直一流自選pizza 呢間餐廳可以俾人自由選擇個pizza要咩味道, 咁就可以滿足到每個人既口味! 我地揀左有煙三文魚同辣肉腸, 個pizza真係有驚喜, 估唔到係咁好味, pizza底唔會太厚, 食既時候都脆脆地架

上次食左個阿華田, 想再試下ZERO嘅其他菜色, 所以再次同兩位友人黎試下佢其他野, 同埋知道有個呃LIKE嘅東西嘛~ 一定要去影影佢XD我地三個人都叫左三個前菜, 一個主食! 想輕鬆食, 唔想食到好飽~首先登場係八爪魚沙律配柚子汁!佢個八爪魚真係無得彈, 一D都唔老, 但好嫩滑~ 一般其他餐廳拎出黎跟沙律都會係一D好老嘅八爪魚, 但呢到嘅八爪魚一D都無令我覺得似食橡根嘅感覺~ 而且仲好新鮮, 真係好難得~ 再加上個柚子汁, 酸酸地, 特別好胃口!!之後黎嘅係凍肉拼盤, 呢個就無太大變化, 也做唔到太大變化~味道不錯, 入面都有Pama ham, Iberico chorizo, Mortadella之類, 同埋仲有其他芝士配料醃料咁, 都唔錯~ 有酸有鹹有甜, 都幾開胃~呃LIKE之選, 睇相就知:入面有四款不同的小食, 四款都各有特色, 味道都比相像好食, 唔洗呃LIKE, 真係比LIKE都得XD有土耳其麵包, 肉丸, 炸秋葵魷魚, 雞翼, 配不同醬汁, 各有各特色!講到呢餐最愛都係呢個粉包:呢個係一個包住蝦粒蓉嘅類似雲吞的粉包~ 問過, 好似係用河粉皮包製~ 上面仲有D脆米同蔥度

依間餐廳係朗豪坊入面，但價錢唔貴，環境幾舒服。雲呢拿玫瑰草莓沙冰 $45(vanilla, rose, strawberries, milk, chia seed)奶味同雲尼拿味比較重，但沙冰打到好綿飲得舒服～天外飛氈 $48(passion fruit, lemon & ginger tea, gin)酒味唔重，好清新，適合女仔飲！煙肉忌廉飲管意粉 $98忌廉汁好creamy，第一次食飲管意粉好特別，中間通窿，所以每條意粉都比較粗，但係口感都係好彈牙，配埋新鮮嘅煙肉粒同溫泉蛋，好好味。但係一個人食野會太濟，最好同人分享～依度既pizza好特別，可以自選配料!!PIZZA BASE $88+ 番茄醬+ 煙芝士+ 西班牙辣肉腸 ($15)+ 煙三文魚 ($18)+ 蘑菇 ($9)pizza底唔算太厚，但係完全唔脆我地揀左煙芝士，真係食到少少煙燻既味道，好特別！自創甜品薄餅 $88- 抹茶雪糕- 海鹽焦糖醬- 香蕉- 朱古力粒- 棉花糖用上同鹹Pizza一樣嘅餅底，其實同啲配料格格不入😣

細個就算無飲過可樂, 無飲過芬達~ 都一定會飲過阿華田! 身邊都仲係有一個朋友好LIKE阿華田, 一有新野就要去試下, 可能係想搵返童年嘅味道~最近阿華田都同左好多唔同地方合作, 做唔同嘅Crossover 出黎, 搞搞新意思!今次係朗豪坊12樓嘅ZERO同埋APM 嘅Made In Hong Kong都同左佢地做左個合作~ 出左一共六款阿華田食物! 但最近去左太多次MIHK(之後仲有一篇食評會講~ 想睇跟住我D POST 呀! XD). 所以唔去試MIHK個邊住, 今次食ZERO!Ovo Fondue奇脆十色風火熔 $148Ovaltine Chocolate Fondue with -Dazs Ice Cream, AssortedFruits, Toast Cube, Marshmallow, Popcorn, Assorted Crumbs阿華田朱古力火鍋、-Dazs雪糕、鮮果、多士粒、棉花糖、爆谷、雜錦脆脆一黎就緊係試一試呢個阿華田朱古力火鍋先啦~  佢個火鍋底就係用朱古力同阿華田整成, 將其他配料放入呢個火鍋, 再拎出黎食~ 陣陣阿華田味傳入你的鼻~ 傳入你的肺部令你好滿足

朗豪坊食店經常會換畫。今次黎到新開的Zero, Zero是Cafe Deco集團，用AE白金卡會有半價~ 之前有間在ICC, 呢間就腳好多我地用openrice book位，所以派到一個比較入既位置，場入面好嘈，後面有一group 8人枱食客，講野好大聲叫左個雜錦拼盤，賣相好靚好好玩，枱枱都有order。又有3個醬去揀。不錯啊～呢間Pizza特色係可以自己拼pizza, 我叫左double芝士，辣肉腸，雞肉。Pizza size為10.5吋。我覺得好食喎~我地兩個人叫左兩樣野，都食唔哂，所以份量ok架。半價後每人150, 抵啦