新竹源越南餐廳

营业中

休息中

原本想食第二间越南野，但太多人所以同事带黎左试呢间。虽然出面都几多人等紧，但舖头大好多所以等左大概5分钟就入得。上菜都几快，5分钟左右就食得。①香茅牛肉丝捞檬🐮同事介绍话好香牛肉好入味，所以我又试下。檬粉份量都几大，有花生碎、生菜丝、萝卜丝等等，捞埋檬粉食好香有口感😋。牛柳丝腌过所以本身都好有味，同埋切得幼幼地都方便食，同埋都俾得多，基本上都铺到大半碟檬粉。佢个鱼露酸甜汁都唔错，少少酸带啲甜味，唔会太酸好开胃🖖🏻。②鸡丝捞檬🐓鸡丝就普通啲，唔算太鞋不过都系一般般，牛柳丝好食好多🧐。Lunch hour比较多人但staff都好nice，主动话唔够酸甜汁就揾佢地拎，叫完都好快拎黎👍🏻。价钱就唔算平，湾仔区黎讲越南野都差唔多咁上下，可以encore。