新竹源越南餐廳

營業中

休息中

8點晚餐時段叫左個香露煎封倉魚加個白飯$118，等左2x分鐘先上菜，以為真係香煎先等咁耐，點知成條魚都係炸既(最省時間既做法)，皮硬肉柴又無味。個汁仲要唔咸唔酸唔甜唔辣亂咁黎，完全唔知食緊咩。最後叫廚房整走啲汁再俾包鹽我，門市已經淨返幾枱客，唔明點解要包鹽都要等咁耐，食左一半就無食到。同職員反映返條魚啲味好奇怪，佢反問我“好奇怪咩？”，差在未補多句“係咁架喇，好出奇呀？”第一次食亦係最後一次食。服務質素亦非常一般，俾錢買難受

星期日落雨濕濕，唔想買餸煮晚飯，忽然間好想食越南嘢，睇咗Review之後決定去試試呢間越南餐廳。晚上7:20，餐廳只有一兩台客，非常冷清。睇過餐牌，每人點咗一份$98既晚市套餐。套餐包括自選沙律，自選前菜及自選主食（各類湯河，炒河或飯），另加熱飲。自選前菜及自選主食有極多選擇。其中前菜嘅香茅豬扒十分美味，但肉鬆蝦片唔夠脆，應該係用現成蝦片做，並非即炸。生熟牛肉湯河份量頗大，湯唔算太濃郁，但味道算唔錯。牛肉嘅份量亦唔少，肉質可接受，實屬超值！香濃奶茶稍為苦澀，有待改善。服務員態度殷勤有禮，絕對值得再幫襯。下次要試吓佢啲炒飯。

Happy Friday ! 星期五出去食是必須的今日同事帶路食新竹源 🎍lunch time好多人 㩒完飛等咗一陣先有位 🔹️雞絲拼扎肉湯粉大大碗 雞絲唔嚡口湯底清甜 🔹️越式三寶飯（雞翼 扎肉 豬扒）最鍾意撈蔥食飯 再撈埋啲豉油簡直畫龍點睛豬扒碎上 大部份有肥膏 但整體脆口嘅 🔹️蝦頭🦐膏海鮮炒飯好香蝦膏味 同事表示每次黎都必叫炒飯乾身 唔會痴住一舊舊 食炒飯大忌‼️呢個唔係lunch set 所以無嘢飲包 📍灣仔莊士敦道22號York Place 地下1號鋪📞25861828🕐1100-2230💲人均80

今日我揀咗法式牛油雞翼同埋柚子鮮蝦沙律首先係法式牛油雞翼，呢道菜嘅雞翼炸得酥脆，肉質鮮嫩，加埋濃郁嘅牛油香味，味道非常濃郁。跟住嚟就係柚子鮮蝦沙律，呢道菜嘅蝦肉新鮮，加埋柚子嘅酸甜味道，味道清新可口，好適合夏天食用。除咗揀咗呢兩道菜式，我都試咗新竹源嘅越南粉，味道鮮美，肉質鮮嫩，配菜豐富，非常好味。另外，佢地嘅越南春卷同埋生菜包都好好味，食落非常清爽。

今日晏咗食飯，已經到下午茶時間了。跟朋友求其搵嘢食，就黎咗新竹源🎋 餐廳座位尚算寬敞，唔會催你賣單。Order咗個「香燒豬頸肉飯」，上菜速度夠快，份量夠多（睇相就知有幾多豬頸肉！🍚白飯又夠大碗），味道都唔錯，侍應態度都🆗。留意返，我叫嘅係Tea set，但係份量係午餐嘅size，實在抵食👍🏻呢間絕對滿足到打工仔對平、快、好味嘅要求👍🏻整體而言，係中上之選。打破咗港島返工一定要捱貴飯嘅定律！

今日慶祝母親節我哋揀咗呢一間餐廳去慶祝, 一心諗住睇到啲食評唔錯同埋環境都ok, 諗住帶埋老人家來， 就最適合因為呢間餐廳都幾闊落。我激到唔推介呢間餐廳， 食物係一定唔到一般香港人嘅要求。今日點咗一個398蚊野餐， 兩碗湯河， 一碗係熟牛肉湯河, 另一碗係豬扒湯河， 其實真係整得非常之麻麻，啲牛肉太熟， 豬扒好鞋， 另外跟餐有一個炸軟殼蟹同埋一個炸雞翼。炸軟殼蟹同炸雞翼嘅炸粉係厚過軟殼蟹同埋雞翼的，如果你係特別鍾意食炸粉的，我諗會好啱你，但係我相信唔會有人鍾意食炸粉！！！！😭😭😭😭仲有散嗌咗一個蒜蓉包畀我仔仔，因為佢好鍾意食蒜蓉包， 但係個包硬度好似石頭咁一啲都唔脆， 成為港幣三十六蚊四塊。我爸爸一邊食飯一邊話啲嘢好難食， 淨係話好難食都已經講咗50次， 最後我哋淨低曬啲食物喺度只係食咗10個percent就走咗啦!真係過了一個極度唔快樂嘅母親節！

Dropped in with friends for a quick lunch. It's located in Wanchai near Lee Tung Street. For starters, we had Vietnamese rice paper rolls which were so flavourful some with fried garlic inside. We shared the red rice with diced beef and yellow curry chicken with garlic bread. The beef was exceptionally tender and the tomato fried rice provided a pleasant acidity that complemented the dish well. And the curry was flavorful, not too spicy but paired perfectly with garlic bread. The interior is si

年尾時間，天氣又凍，中午沒有帶飯，於是就跟同事走過來這間新竹源食午餐。可能臨近新年比較多人放假，門外不多人等候。聽同事說，平時都多人，今天按了飛，轉頭就有位入去。入內裝修乾淨衛生，卡位坐得舒服。餐牌選揀亦算多，今次沒有影餐牌，價錢大部份都六至七十幾蚊。灣仔地段這個價錢都差不多。叫了之後不久就送到來。今次叫了個牛坑腩河粉。上菜時都覺得隻碗大大隻，估唔到食落都多河粉，份量感覺比一般多。牛坑腩肥瘦參半，個人覺得幾好，有牛味。湯底帶點清甜，配菜的洋蔥及綠菜都爽口清香，感覺新鮮翠嫩，河粉少少偏幼身，不會太淋。同事叫的香茅豬扒河粉，豬扒另上，比想像大份，切好一塊塊鋪了2層。試了一塊，有少少韌但可接受，味道正常。這個價錢坐得舒適又大碟，性價比幾好，值得再回頭食。

講到灣仔嘅越南菜不得不提嘅就係莊士敦道既新竹園餐廳。由2017年開幕 ，呢間新竹園餐廳已經係灣仔開佐成五年。 差唔多每一個人都會去食，水準由2017年到而家都維持到今次第一次寫呢間餐廳既食評。除此之外，大家唔知會唔會留意到店員嘅服務， 佢哋全部都非常之有禮貌。我喺全港食過咁多間越南餐廳，呢一間嘅豬扒係最多㗎😆😆大家數下呢碟豬扒有幾多舊？一共有成十二嚿豬扒😋😋😋🤭🤭🤭 重點係呢間餐廳係由2017 連開幕到而家都係畀咁足料唔會偷工減料豬頸肉嘅份量亦都非常之多，非常飽。大概有七至八舊， 而每嚿都係非常厚。 味道亦都非常之香。平均每人都係五十幾蚊， 性價比非常之高。可以話係我食過全香港咁多間越南餐廳入面最抵食，比錦麗好味。

“蝦頭膏海鮮炒飯配沙嗲雞肉串”($98)“咖喱牛腩配法包”($82)“龍鳳冰”(+$8)“菠蘿蜜特飲冰”($28)禁堂食前嘅最後晚餐🥲嚟咗呢間喺灣仔食越南菜嘅新竹源餐廳大多數都係卡位,坐得夠哂舒服☺呢道嘢食種類超級多除咗常規menu,晚市仲有套餐見到新出仲有越式小火鍋😝Set dinner包咗柚子/木瓜沙律,主菜,小食,飲品價錢都係around $90好抵食🤑我地要咗個蝦頭膏海鮮炒飯🦐啲飯炒到金金黃黃,而且夠乾身粒粒分明食落帶點蝦膏嘅甘甜☺入面有啲蝦肉,魷魚,蠔仔等等好足料😙小食要咗沙嗲雞肉串,一份有2大串🐔雞肉唔會燒得太乾柴,配上沙嗲醬好惹味☺另外單點咗咖喱牛腩配法包🐮🥖煲仔入面超級多牛腩,每件都好腍好入味🥰法包一份有成5厚片,烘到外面脆卜卜點埋咖喱一齊食超級正😋飲品方面特飲跟餐只需要+$8所以要咗杯龍鳳冰,再單點咗杯菠蘿蜜特飲冰龍鳳冰即係菠蘿🍍+紅毛丹2杯入面都落咗好多果肉😍味道超有熱帶風情好正😝

每次經過灣仔《新竹源越南餐廳》都見到滿哂座，今日趁weekend唔趕時間就排隊試下啦！一行三人被安排坐卡位，地方闊落，仲要一讚嘅係卡位座位背後係加高咗嘅，唔會見到隔離枱嘅人，私隱度高👍🏻《法式肝醬札肉三文治》一上枱嚇一跳！分量大得驚人！大大件嘅法包烘得香脆，餡料亦好足，肝醬鹹香惹味，札肉係厚切嘅口感紮實，加埋新鮮嘅生菜同番茄，原來成件事係可以咁夾嘅👍🏻《越式拼盤A》有四款越式小食，分別係春卷、煎紮肉、粉卷同豬肉蝦片。春卷大大件炸得香脆又唔會太燶，粉卷餡料好足而且皮薄。豬肉蝦片就係豬扒粒粒加小小米粉鋪係蝦片上面，成個一啖咬落去又幾夾又幾好食喎，蝦片好脆卜卜！最後就係我至愛嘅煎紮肉，仲係黑椒紮肉哦！煎得非常香口又唔會太乾，紮肉裡面嘅黑椒簡直係畫龍點睛！正！《雞絲湯河》又係勁大碗！雞絲係真係原隻雞撕出黎嘅，分量都唔少，湯底清清地，配埋d辣椒同青檸汁成件事都好fresh總結今餐都好滿意！咁嘅價錢分量同味道，係解釋得到點解成日都爆場嘅👍🏻

今天晚上要在灣仔那邊通宵上班，為了方便一點，就直接來到灣仔找吃的，實行邊吃邊等開工！這次就選了一間在附近的一間越南餐廳，看完餐牌覺得選擇挺多的，又有性價比的樣子！生牛肉拼牛坑腩沙粉套餐（８８元）想不到這個份量真的挺足的，滿滿的一大碗！上面放了生牛肉和牛坑腩，慢慢被浸熟的生牛肉吃起來特別軟滑多汁，而牛坑腩也煮得非嫩入口帶點膠質！河粉非常嫩滑，無渣，帶點米香！而牛骨湯味道香甜，喝起來清爽，配上河粉真的吃不停口！套餐還包括了沙律和小吃，我就選了柚子沙律和越式香茅豬扒。柚子沙律雖然小小的一個，但也挺足料的，吃起來酸甜爽脆，很開胃！越式香茅豬扒雖然是套餐的，但也是挺大的一塊，煎得表面酥脆，內裡多汁，香茅味很濃！越式酸辣鳳爪（６２元）這個來到的時候真的是嚇一跳了，份量超大，滿滿的一大盤，有大量的無骨鳳爪，吃起來爽脆，味道酸甜中帶點辣味，非常惹味！而且配菜還有大量的青瓜和生菜，說是沙律也可以！法式牛油雞翼（４件）（４８元）這個用上了２隻雞全翼，包裹上脆漿再去油炸，再拌上牛油和炸蒜，所以吃起來味道非常香，既又牛油的香甜，又有濃濃的蒜味，十分惹味！

轉眼21年，就已經過完了，細數一下今年做過什麼特別有意義的事情，也許就是多發現了很多家餐廳，享受美食和生活。平淡且平靜，感覺很真實。 一人套餐：柚子沙律， 火車頭河粉，香茅雞翼，熱檸檬🍋水沙律新鮮又入味，絕對是合適的開胃前菜。味辣且甜美，很特別的組合 河粉份量超級大，一個盆裝著，味道鮮美入味之餘又有營養。 雞翼 外皮酥脆內心柔軟一口咬定，汁水就充滿了口腔。素菜米紙卷 必點菜式，最愛❤的是這樣的口感，新鮮蔬菜還有酸酸甜甜的泡菜蘿蔔開胃，沒有罪惡感。 马拉盞通菜 超級喜歡，蔬菜新鮮，马拉盞入味。新竹源越南餐廳灣仔莊士敦道22號York Place 地下1號舖5分 笑臉

平時銅鑼灣尖沙咀旺角就去得多 真係比較少介紹其他地方 今次我哋介紹係灣仔嘅越南野呢間餐廳有好多越南嘢食必叫嘅名物兩個人食到超級飽都係二百零蚊有時諗唔到食咩 都可以食下越南野轉下新口味唔使成日食來食去都係西餐同埋日本嘢😂呢間餐廳裝修走平民路線店員嘅服務態度唔錯 餐廳整齊企理卡位嘅位置都比較闊落 唔錯唔錯值得一提嘅係佢哋嘅菜式真係有好多唔同嘅選擇唔單止價錢好親民 佢哋嘅份量都非常之十足👧🏻 #feiching_foodie越南野👦🏻 🌟法式牛油雞翼八件 $86平時有睇開嘅都知道👧🏻絕對係一個雞翼控所以一場嚟到點會唔叫佢哋嘅法式牛油雞翼佢哋嘅牛油雞翼 非常之入味外面嗰一浸皮 炸到脆卜卜但係都唔會太肥膩 抵讚👍🌟河內軟殼蟹米紙卷 $58呢個軟殼蟹米紙卷 估唔到賣相咁得識落都唔錯 薄薄一層米紙卷 🥳包住軟殼蟹都幾夾 唔錯🌟新竹源一人套餐 $108柚子沙律+新竹源火車頭+香茅豬肉蝦片就咁睇佢哋一人套餐嘅價錢可能會俾佢嚇親😇但係望真啲一人套餐包左三樣嘢食 平時火車頭都80蚊起跳 所以其實價錢真係一啲都唔貴🤩火車頭其實係佢哋餐廳嘅招牌之一因為我哋叫緊呢一個係一人套餐所以佢哋淨係比一人份量🥳講咗佢哋嘅湯

今日去開灣仔趕時間，見這間餐廳入面坐得都算舒服，就入左去食，餐牌的選擇都多，店員都主動推介左幾種越式名菜，包括越式三撈檬、法式肝醬豬頸肉三文治，咁係店員推介下我同朋友叫左個相對冇咁乾的新竹源火車頭（二人份）、腍肉米紙卷同埋法式牛油雞翼，朋友仲叫左杯滴漏咖啡。我同朋友都覺得火車頭最值得叫，河粉多，雖然有啲碎，餸的份量好足料，重點係湯底食唔出好多味精，飲落係鮮甜的；個米紙卷就酸酸地，唔算好辣，絕對係開胃之選；而滴漏咖啡雖然唔係好有茶味，但唔會太甜，煉奶的份量啱啱好；不過個雞翼就比較失色，雖然唔會太肥膩，但食得出冇乜雞味，而且牛油味都唔重。