竺扶大班燒味

营业中

休息中

同事之前同我介绍过呢间烧味几好食，但行过次次都好多人所以无排到😂，呢次早啲出去排队。去到门口已经见到招牌劲sharp金黄色，仲摆左几个易拉架方便排队时已经可以睇定食咩👍🏻。入到去虽然舖头唔大，但装修得好光猛，又有好多烧鹅图介绍😂，唔系啲旧式烧味舖咁沉闷。🔅黯然销魂鸳鸯饭 ($68)同事叫左最出名之一既黯然销魂鸳鸯饭，见到menu写全港首创所以都试下。加左大将烧肉汁同凤凰辣汁，好惹味捞饭一流😍。见到写住叉烧用波兰黑毛猪梗系要试真啲，结果都无令我失望😎。叉烧肥瘦啱啱好，烧到边㶶㶶地好香，唔会干柴柴痴晒牙👍🏻，系近期试过最好食既叉烧。凤凰鸡就好大路，唔会好鞋，加埋条菜同2只蛋就掂晒😝。🔅叉烧烧腩仔双拼濑粉 ($52)好耐无食濑粉所以叫左，烧味同濑粉分开上有加分🖖🏻。濑粉好大碗，汤就正常。烧腩仔皮脆肉嫩，最欣赏佢唔肥，底仲有少少烧肉汁点甜甜地几夹。💬烧味的确几出色，但去𠮶日店员忙到一头烟，态度一般，下次可能会外卖食比较好。