叁嘗 (已結業)

屋企人喺附近返工，试过唔错所以带我黎食😍。舖头座位唔算多，不过都唔会坐得好逼。装修简单但都唔错，最钟意中间个位！唔止令到餐厅无咁暗，仲可以打个卡😌。🔅原条鳗鱼滑蛋 ($108)鳗鱼好大条，仲要无骨😝，烧得好香！饭系珍珠米👍🏻。捞埋汁同埋蛋已经可以食晒成大碗饭😂。$100松啲就有咁大条鳗鱼食，唔错😍！🔅美国牛板腱配薯条 ($138)因为唔系好食生牛又怕血水，所以叫左7成熟，出到黎觉得啱啱好，生生地但又无血水👍🏻。牛预先切好唔使自己慢慢切😎，薄薄地一块食得几方便。肉质都唔错，有牛味，加埋少少黑椒已经好够，觉得唔够既就可以点少少盐。薯条几有惊喜，份量多，新鲜炸起够晒香脆，薯条控表示好满足😍。🔅抹茶千层蛋糕配雪糕(豆腐味) ($68)千层蛋糕应该系自己整既，抹茶味都算浓，饼皮都唔会太厚，中间有层红豆食落就无咁腻。拣左豆腐味雪糕去配个蛋糕又唔错，加埋少少饼碎，虽然好简单但提升左个层次，脆脆地令口感丰富好多👍🏻，不过几粒蓝莓就酸左啲啲🤣。💬无去开附近，原本觉得人流应该比较少，但好快就爆晒场。不过staff依然会同每枱客人简单介绍番menu，好贴心又好有耐性，特别系长头发𠮶位staff好nice！