Labels Cafe + Bar (已結業)

是日来到南丰纱厂打卡，想不到人真多。游走一轮，最后选咗喺Labels Cafe食个lunch。  点解拣佢？因为佢嘅装修以云石纹为主，简单富时代感，而且露天位置有好多座位，可以比食客带埋佢哋嘅宠物一齐嚟。  餐汤是我爱的南瓜汤，入口幼滑而带南瓜甜香。    黑松露竹炭忌廉芝士汉堡虽然望上去乌卒卒，但系牛肉做得十分不错。牛肉多汁亦嫩滑，可能系因为牛肉饼混入了脂肪去打。所以加上忌廉芝士酱，两者是绝配！     意大利饭也creamy，颜色在日光下好靓，最欣赏系每啖都食到虾仁和鱿鱼，足料令这饭口感生色不少。    Ginger Punch 和Ocean Blue上枱同图片一样，用生果雪成的冰粒，五频六色，啱晒打卡，味道亦不俗。    甜品拣了最可爱的棉花糖云，上枱时大大一嚿，圆辘辘好有趣，淋上鲜奶，棉花糖便溶了露出入面的Brownie。有点似拨开云雾见青天的感觉。Brownie不太甜，不错。至于另外的柠檬挞酸酸甜甜好开胃。      这里很休闲，食物可口，卖相又精美。下午黎最合适不过，可以带埋宠物晒晒太阳，食下野，然后再行下周围的店。